ਸਪੋਰਟਸ ਡੈਸਕ : ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਵਿਸਫੋਟਕ ਬੱਲੇਬਾਜ਼ ਵਿਰਾਟ ਕੋਹਲੀ ਆਈਪੀਐੱਲ 'ਚ ਹੁਣ ਤੱਕ 500 ਦੌੜਾਂ ਬਣਾ ਚੁੱਕੇ ਹਨ ਅਤੇ ਓਰੇਂਜ ਕੈਪ ਆਪਣੇ ਕੋਲ ਰੱਖੇ ਹੋਏ ਹਨ। ਪਰ ਆਪਣੀ ਸਟ੍ਰਾਈਕ ਰੇਟ ਕਾਰਨ ਉਨ੍ਹਾਂ ਨੂੰ ਅਕਸਰ ਆਲੋਚਨਾਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਜਿਸ 'ਤੇ ਹੁਣ ਸਾਬਕਾ ਕ੍ਰਿਕਟਰ ਨਵਜੋਤ ਸਿੰਘ ਸਿੱਧੂ ਕੋਹਲੀ ਦੇ ਬਚਾਅ 'ਚ ਆਏ ਹਨ।
ਕੋਹਲੀ ਨੇ ਅਹਿਮਦਾਬਾਦ ਵਿੱਚ ਗੁਜਰਾਤ ਟਾਈਟਨਜ਼ ਖ਼ਿਲਾਫ਼ ਆਪਣੀ ਟੀਮ ਦੀ ਹਾਲੀਆ ਜਿੱਤ ਵਿੱਚ ਬਿਹਤਰੀਨ ਪ੍ਰਦਰਸ਼ਨ ਕੀਤਾ ਸੀ। 201 ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ, ਇਹ ਕੋਹਲੀ ਅਤੇ ਵਿਲ ਜੈਕਸ ਸਨ ਜਿਨ੍ਹਾਂ ਨੇ ਆਰਸੀਬੀ ਨੂੰ ਸੀਜ਼ਨ ਦੀ ਆਪਣੀ ਤੀਜੀ ਜਿੱਤ ਦਰਜ ਕਰਨ ਵਿੱਚ ਮਦਦ ਕੀਤੀ ਅਤੇ ਮੈਚ ਨੂੰ 9 ਵਿਕਟਾਂ ਅਤੇ ਚਾਰ ਓਵਰ ਬਾਕੀ ਰਹਿ ਕੇ ਖਤਮ ਕੀਤਾ। ਕੋਹਲੀ 44 ਗੇਂਦਾਂ ਵਿੱਚ 70 ਦੌੜਾਂ ਬਣਾ ਕੇ ਅਜੇਤੂ ਰਹੇ।
ਸਿੱਧੂ ਨੇ ਕਿਹਾ, 'ਲੋਕ ਸੋਚਦੇ ਹਨ ਕਿ ਕੋਹਲੀ ਭਗਵਾਨ ਹੈ। ਉਹ ਇਕ ਮਨੁੱਖ ਹੈ, ਇਸ ਲਈ ਇਕ ਮਨੁੱਖ ਵਾਂਗ ਖੇਡਣਗੇ। ਆਲੋਚਨਾ ਕਰਨ ਦੀ ਬਜਾਏ ਅਸੀਂ ਇਸ ਗੱਲ 'ਤੇ ਧਿਆਨ ਕਿਉਂ ਨਹੀਂ ਦਿੰਦੇ ਹਾਂ ਕਿ ਉਸ ਖਿਡਾਰੀ ਦੇ 80 ਸੈਂਕੜੇ ਹਨ। ਇਹ ਉਸਦੀ ਤਾਕਤ ਅਤੇ ਕਮਜ਼ੋਰੀ ਹੈ, ਉਸਦੇ ਕੋਲ ਇਕ ਵੀ ਨਹੀਂ ਹੈ। ਅਤੇ ਜੇਕਰ ਧਿਆਨ ਨਾਲ ਦੇਖਿਆ ਜਾਵੇ ਤਾਂ ਅੱਜ ਉਹ ਬੈਕਫੁੱਟ 'ਤੇ ਖੇਡਿਆ ਅਤੇ ਸਪਿਨਰਾਂ ਨੂੰ ਟੱਕਰ ਦਿੱਤੀ। ਮੈਨੂੰ ਦੱਸੋ ਕਿ ਕਿੰਨੇ ਲੋਕ ਅਜਿਹਾ ਕਰ ਸਕਦੇ ਹਨ? ਸਪਿਨ ਦੇ ਖਿਲਾਫ ਖੱਬੇ ਹੱਥ ਦੇ ਸਪਿਨਰ ਨੂੰ ਮਾਰਨਾ... ਇਸ ਲਈ, ਕੋਹਲੀ ਕੋਲ ਮੌਜੂਦਗੀ ਹੈ, ਜਿਸ ਦੀ ਉਹ ਕਦਰ ਕਰਦੇ ਹਨ ਅਤੇ ਆਪਣੀ ਵਿਕਟ ਵੀ ਬਚਾਉਂਦੇ ਹਨ। ਉਸ ਨੂੰ ਹੋਰ ਕੀ ਕਰਨਾ ਚਾਹੀਦੈ?'
ਮਯੰਕ ਯਾਦਵ ਦੀ ਮੁੜ ਉਭਰੀ ਸੱਟ ਬਾਰੇ ਲਖਨਊ ਸੁਪਰਜਾਇੰਟਸ ਦੇ ਮੁੱਖ ਕੋਚ ਨੇ ਦਿੱਤਾ ਅਹਿਮ ਅਪਡੇਟ
NEXT STORY 
