ਗਲਾਸਗੋ : ਗਲਾਸਗੋ ਵਿੱਚ ਚੱਲ ਰਹੀਆਂ ਕਾਮਨਵੈਲਥ ਗੇਮਜ਼ 2026 ਵਿੱਚ ਭਾਰਤੀ ਖਿਡਾਰੀਆਂ ਨੇ ਜੈਵਲਿਨ ਥਰੋਅ ਮੁਕਾਬਲੇ ਵਿੱਚ ਇਤਿਹਾਸ ਰਚ ਦਿੱਤਾ ਹੈ। ਭਾਰਤ ਦੇ ਸਟਾਰ ਅਥਲੀਟ ਨੀਰਜ ਚੋਪੜਾ ਨੇ ਚਾਂਦੀ ਦਾ ਤਗਮਾ (Silver Medal) ਜਿੱਤਿਆ ਹੈ, ਜਦਕਿ ਯਸ਼ਵੀਰ ਸਿੰਘ ਨੇ ਕਾਂਸੀ ਦਾ ਤਗਮਾ ਜਿੱਤ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਇਹ ਪਹਿਲੀ ਵਾਰ ਹੈ ਜਦੋਂ ਭਾਰਤ ਦੇ ਦੋ ਖਿਡਾਰੀਆਂ ਨੇ ਕਾਮਨਵੈਲਥ ਗੇਮਜ਼ ਦੇ ਇੱਕੋ ਮੁਕਾਬਲੇ ਵਿੱਚ ਜੈਵਲਿਨ ਥਰੋਅ ਦੇ ਤਗਮੇ ਜਿੱਤੇ ਹਨ।
ਸੋਨ ਤਗਮੇ ਦੇ ਮਜ਼ਬੂਤ ਦਾਅਵੇਦਾਰ ਵਜੋਂ ਉਤਰੇ ਨੀਰਜ ਚੋਪੜਾ ਨੇ ਆਪਣੇ ਦੂਜੇ ਥਰੋਅ ਵਿੱਚ 85.83 ਮੀਟਰ ਦੀ ਦੂਰੀ ਤੱਕ ਜੈਵਲਿਨ ਸੁੱਟ ਕੇ ਇਸ ਸੀਜ਼ਨ ਦਾ ਆਪਣਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕੀਤਾ ਅਤੇ ਕੁਝ ਦੇਰ ਲਈ ਨੰਬਰ-1 ਦੇ ਸਥਾਨ 'ਤੇ ਰਹੇ। ਹਾਲਾਂਕਿ, ਸੋਨ ਤਗਮਾ ਸ਼੍ਰੀਲੰਕਾ ਦੇ ਨੌਜਵਾਨ ਖਿਡਾਰੀ ਰੁਮੇਸ਼ ਥਰੰਗਾ ਪਥੀਰਾਗਾ ਦੇ ਨਾਮ ਰਿਹਾ, ਜਿਸ ਨੇ 89.73 ਮੀਟਰ ਦਾ ਸ਼ਾਨਦਾਰ ਥਰੋਅ ਕਰਕੇ ਪਹਿਲਾ ਸਥਾਨ ਹਾਸਲ ਕੀਤਾ। ਨੀਰਜ, ਜੋ ਕਿ 2018 ਵਿੱਚ ਗੋਲਡ ਜਿੱਤ ਚੁੱਕੇ ਹਨ, ਨੂੰ ਇਸ ਵਾਰ ਚਾਂਦੀ ਦੇ ਤਗਮੇ ਨਾਲ ਸੰਤੋਸ਼ ਕਰਨਾ ਪਿਆ।
ਭਾਰਤ ਲਈ ਇਸ ਮੁਕਾਬਲੇ ਦਾ ਸਭ ਤੋਂ ਵੱਡਾ ਸਰਪ੍ਰਾਈਜ਼ ਜੈਪੁਰ ਦੇ ਰਹਿਣ ਵਾਲੇ ਯਸ਼ਵੀਰ ਸਿੰਘ ਨੇ ਦਿੱਤਾ। ਪੰਜਵੇਂ ਰਾਊਂਡ ਤੱਕ ਛੇਵੇਂ ਸਥਾਨ 'ਤੇ ਚੱਲ ਰਹੇ ਯਸ਼ਵੀਰ ਨੇ ਆਪਣੇ ਆਖਰੀ ਯਤਨ ਵਿੱਚ 85.41 ਮੀਟਰ ਦਾ ਥਰੋਅ ਕਰਕੇ ਸਿੱਧਾ ਤੀਜਾ ਸਥਾਨ ਹਾਸਲ ਕਰ ਲਿਆ। ਇਹ ਉਨ੍ਹਾਂ ਦੇ ਕਰੀਅਰ ਦਾ ਸਰਵੋਤਮ ਪ੍ਰਦਰਸ਼ਨ ਸੀ। ਭਾਰਤ ਦੇ ਹੀ ਇਕ ਹੋਰ ਖਿਡਾਰੀ ਰੋਹਿਤ ਯਾਦਵ ਇਸ ਮੁਕਾਬਲੇ ਵਿੱਚ ਛੇਵੇਂ ਸਥਾਨ 'ਤੇ ਰਹੇ,।
ਪਾਕਿਸਤਾਨ ਦੇ ਅਰਸ਼ਦ ਨਦੀਮ, ਜੋ ਕਿ ਡਿਫੈਂਡਿੰਗ ਚੈਂਪੀਅਨ ਅਤੇ ਮੌਜੂਦਾ ਓਲੰਪਿਕ ਚੈਂਪੀਅਨ ਹਨ, ਇਸ ਵਾਰ ਬੁਰੀ ਤਰ੍ਹਾਂ ਨਾਕਾਮ ਰਹੇ। ਚੋਟ ਤੋਂ ਬਾਅਦ ਵਾਪਸੀ ਕਰ ਰਹੇ ਨਦੀਮ ਫਾਈਨਲ ਦੇ ਪਹਿਲੇ ਰਾਊਂਡ ਵਿੱਚ ਹੀ ਬਾਹਰ ਹੋ ਗਏ ਅਤੇ ਆਪਣੇ ਤਿੰਨ ਯਤਨਾਂ ਵਿੱਚ ਇੱਕ ਵਾਰ ਵੀ 80 ਮੀਟਰ ਦਾ ਅੰਕੜਾ ਪਾਰ ਨਹੀਂ ਕਰ ਸਕੇ। ਇਸ ਦੋਹਰੀ ਜਿੱਤ ਨਾਲ ਭਾਰਤੀ ਖੇਡ ਪ੍ਰੇਮੀਆਂ ਵਿੱਚ ਭਾਰੀ ਉਤਸ਼ਾਹ ਹੈ, ਕਿਉਂਕਿ ਨੀਰਜ ਅਤੇ ਯਸ਼ਵੀਰ ਦੋਵਾਂ ਨੇ ਮਿਲ ਕੇ ਭਾਰਤ ਦੀ ਤਗਮਾ ਸੂਚੀ ਵਿੱਚ ਵਾਧਾ ਕੀਤਾ ਹੈ।
CWG 2026 : ਅਸਮਿਤਾ ਨੇ ਜੂਡੋ 'ਚ ਭਾਰਤ ਨੂੰ ਦਿਵਾਇਆ Gold ਮੈਡਲ, ਦੇਸ਼ 'ਚ ਖੁਸ਼ੀ ਦੀ ਲਹਿਰ
NEXT STORY 
