ਪੈਰਿਸ : ਵਿਸ਼ਵ ਕੱਪ ਤੋਂ ਬਾਅਦ ਆਪਣਾ ਪਹਿਲਾ ਮੈਚ ਖੇਡ ਰਹੇ ਬ੍ਰਾਜ਼ੀਲ ਦੇ ਸਟਾਰ ਨੇਮਾਰ ਨੂੰ ਪੈਰਿਸ ਸੇਂਟ ਜਰਮੇਨ (ਪੀਐਸਜੀ) ਦੀ ਸਟ੍ਰਾਸਬਰਗ ਖ਼ਿਲਾਫ਼ 2-1 ਨਾਲ ਮਿਲੀ ਜਿੱਤ ਦੌਰਾਨ ਲਾਲ ਕਾਰਡ ਮਿਲਿਆ। ਨੇਮਾਰ ਨੂੰ ਆਪਣਾ ਪਹਿਲਾ ਪੀਲਾ ਕਾਰਡ 61ਵੇਂ ਮਿੰਟ ਵਿੱਚ ਸਟ੍ਰਾਸਬਰਗ ਦੇ ਮਿਡਫੀਲਡਰ ਐਡਰਿਅਨ ਥਾਮਸਨ ਨੂੰ ਫੜਨ 'ਤੇ ਮਿਲਿਆ।
ਇਸ ਦੇ ਇੱਕ ਮਿੰਟ ਬਾਅਦ, ਉਸਨੂੰ ਗਲਤ ਤਰੀਕੇ ਨਾਲ ਡਾਈਵ ਲਗਾਉਣ ਲਈ ਦੂਜਾ ਲਾਲ ਕਾਰਡ ਮਿਲਿਆ। ਇਸ ਫਾਰਵਰਡ ਨੇ ਰੈਫਰੀ ਕਲੇਮੈਂਟ ਟਰਪਿਨ ਨਾਲ ਵੀ ਬਹਿਸ ਕੀਤੀ ਪਰ ਕੋਈ ਫਾਇਦਾ ਨਹੀਂ ਹੋਇਆ। ਨੇਮਾਰ ਨੂੰ 2017 ਵਿੱਚ ਪੀਐਸਜੀ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਪੰਜਵੀਂ ਵਾਰ ਲਾਲ ਕਾਰਡ ਮਿਲਿਆ ਹੈ।
ਇਸ ਕਾਰਨ ਉਹ ਐਤਵਾਰ ਨੂੰ ਲੈਂਸ ਦੇ ਖਿਲਾਫ ਹੋਣ ਵਾਲੇ ਮੈਚ ਵਿੱਚ ਉੱਥੇ ਨਹੀਂ ਖੇਡ ਸਕਣਗੇ। 2017-2018 ਤੋਂ ਬਾਅਦ ਫਰੈਂਚ ਲੀਗ ਵਿੱਚ ਕਿਸੇ ਵੀ ਖਿਡਾਰੀ ਨੂੰ ਇੰਨੀ ਜ਼ਿਆਦਾ ਵਾਰ ਬਾਹਰ ਨਹੀਂ ਭੇਜਿਆ ਗਿਆ ਹੈ। ਕਤਰ 'ਚ ਵਿਸ਼ਵ ਕੱਪ ਦੇ ਕੁਆਰਟਰ ਫਾਈਨਲ 'ਚ ਬ੍ਰਾਜ਼ੀਲ ਕ੍ਰੋਏਸ਼ੀਆ ਤੋਂ ਹਾਰ ਗਿਆ, ਜਿਸ ਤੋਂ ਬਾਅਦ ਨੇਮਾਰ ਦੀਆਂ ਅੱਖਾਂ 'ਚ ਹੰਝੂ ਆ ਗਏ ਸਨ।
Year Ender 2022 : ਇਸ ਸਾਲ ਭਾਰਤ ਦੇ ਇਨ੍ਹਾਂ ਧਾਕੜ ਖਿਡਾਰੀਆਂ ਨੇ ਵਿਸ਼ਵ ਪੱਧਰ 'ਤੇ ਲਹਿਰਾਇਆ ਦੇਸ਼ ਦਾ ਪਰਚਮ
NEXT STORY