ਪੈਰਿਸ : ਪੈਰਿਸ 2024 ਓਲੰਪਿਕ ਟੈਨਿਸ ਚੈਂਪੀਅਨ ਨੋਵਾਕ ਜੋਕੋਵਿਚ ਨੇ ਆਪਣੇ ਪੁਰਾਣੇ ਸਾਥੀ ਵਿਕਟਰ ਟ੍ਰੋਇਕੀ ਨੂੰ ਆਪਣਾ ਨਵਾਂ ਮੁੱਖ ਕੋਚ ਨਿਯੁਕਤ ਕੀਤਾ ਹੈ। ਜੋਕੋਵਿਚ ਨੇ ਇਸ ਖ਼ਬਰ ਦੀ ਪੁਸ਼ਟੀ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਰਾਹੀਂ ਕੀਤੀ ਹੈ। ਇਹ ਘੋਸ਼ਣਾ ਰੋਲਾਂ-ਗੈਰੋ (ਫ੍ਰੈਂਚ ਓਪਨ) 2026 ਦੇ ਸ਼ੁਰੂ ਹੋਣ ਤੋਂ ਮਹਿਜ਼ ਕੁੱਝ ਦਿਨ ਪਹਿਲਾਂ ਕੀਤੀ ਗਈ ਹੈ, ਜੋ ਕਿ 24 ਮਈ ਤੋਂ 7 ਜੂਨ ਤੱਕ ਖੇਡਿਆ ਜਾਣਾ ਹੈ।
ਬੁੱਧਵਾਰ ਨੂੰ ਕੀਤੀ ਇੱਕ ਪੋਸਟ ਵਿੱਚ ਜੋਕੋਵਿਚ ਨੇ ਲਿਖਿਆ, "ਸੁਆਗਤ ਹੈ ਮੇਰੇ ਦੋਸਤ, ਟੀਮ ਦੇ ਸਾਥੀ ਅਤੇ ਹੁਣ ਕੋਚ... ਵਿਕਟਰ ਟ੍ਰੋਇਕੀ"।
ਇਤਿਹਾਸਕ 25ਵੇਂ ਖਿਤਾਬ ਦੀ ਭਾਲ
24 ਵਾਰ ਦੇ ਗ੍ਰੈਂਡ ਸਲੈਮ ਚੈਂਪੀਅਨ ਜੋਕੋਵਿਚ ਪੈਰਿਸ ਵਿੱਚ ਆਪਣੇ 25ਵੇਂ ਵੱਡੇ ਖਿਤਾਬ ਦੀ ਭਾਲ ਵਿੱਚ ਹੋਣਗੇ। ਜੇਕਰ ਉਹ ਇਹ ਖਿਤਾਬ ਜਿੱਤ ਲੈਂਦੇ ਹਨ, ਤਾਂ ਉਹ ਟੈਨਿਸ ਇਤਿਹਾਸ ਵਿੱਚ ਸਭ ਤੋਂ ਵੱਧ ਗ੍ਰੈਂਡ ਸਲੈਮ ਜਿੱਤਣ ਵਾਲੇ ਇਕਲੌਤੇ ਖਿਡਾਰੀ ਬਣ ਜਾਣਗੇ। ਫਿਲਹਾਲ, ਉਹ ਇਹ ਰਿਕਾਰਡ ਮਾਰਗਰੇਟ ਕੋਰਟ ਦੇ ਨਾਲ ਸਾਂਝਾ ਕਰਦੇ ਹਨ।
ਉਮਰ ਅਤੇ ਫਾਰਮ ਦੀ ਚੁਣੌਤੀ
ਦੁਨੀਆ ਦੇ ਨੰਬਰ 4 ਖਿਡਾਰੀ ਜੋਕੋਵਿਚ 22 ਮਈ ਨੂੰ 39 ਸਾਲ ਦੇ ਹੋ ਜਾਣਗੇ। ਇਸ ਸੀਜ਼ਨ ਵਿੱਚ ਉਹ ਮੈਦਾਨ 'ਤੇ ਬਹੁਤ ਘੱਟ ਖੇਡਦੇ ਹੋਏ ਦਿਖਾਈ ਦਿੱਤੇ ਹਨ, ਖਾਸ ਕਰਕੇ ਕਲੇਅ ਕੋਰਟ 'ਤੇ ਉਨ੍ਹਾਂ ਦਾ ਪ੍ਰਦਰਸ਼ਨ ਸੀਮਤ ਰਿਹਾ ਹੈ। ਹਾਲਾਂਕਿ, ਟੈਨਿਸ ਮਾਹਿਰਾਂ ਦਾ ਮੰਨਣਾ ਹੈ ਕਿ ਉਨ੍ਹਾਂ ਵਰਗੇ ਦਿੱਗਜ ਖਿਡਾਰੀ ਨੂੰ ਕਦੇ ਵੀ ਮੁਕਾਬਲੇ ਤੋਂ ਬਾਹਰ ਨਹੀਂ ਮੰਨਿਆ ਜਾ ਸਕਦਾ। ਜ਼ਿਕਰਯੋਗ ਹੈ ਕਿ ਉਨ੍ਹਾਂ ਨੇ ਆਸਟ੍ਰੇਲੀਅਨ ਓਪਨ 2026 ਦੇ ਫਾਈਨਲ ਵਿੱਚ ਜਗ੍ਹਾ ਬਣਾਈ ਸੀ, ਜਿੱਥੇ ਉਨ੍ਹਾਂ ਨੂੰ ਕਾਰਲੋਸ ਅਲਕਾਰਾਜ਼ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਫੀਫਾ ਵਿਸ਼ਵ ਕੱਪ ਤੋਂ ਪਹਿਲਾਂ ਬ੍ਰਾਜ਼ੀਲ ਨੂੰ ਵੱਡਾ ਝਟਕਾ: ਨੇਮਾਰ ਇੱਕ ਵਾਰ ਫਿਰ ਹੋਏ ਜ਼ਖ਼ਮੀ
NEXT STORY 
