ਸਪੋਰਟਸ ਡੈਸਕ: ਭਾਰਤੀ ਹਾਕੀ ਟੀਮ ਦੀ ਸਟਾਰ ਖਿਡਾਰੀ ਅਤੇ ਓਲੰਪੀਅਨ ਪੂਨਮ ਮਲਿਕ ਜਲਦ ਹੀ ਵਿਆਹ ਦੇ ਬੰਧਨ ’ਚ ਬੱਝਣ ਵਾਲੀ ਹੈ। ਪੂਨਮ ਮਲਿਕ ਸੁਨੀਲ ਖਿਆਲੀਆ ਨਾਲ ਵਿਆਹ ਕਰਨ ਜਾ ਰਹੀ ਹੈ। ਸੁਨੀਲ ਸੀ.ਆਈ.ਐੱਸ.ਐੱਫ. ’ਚ ਬਤੌਰ ਸਬ ਇੰਸਪੈਕਟਰ ਕੰਮ ਕਰ ਰਹੇ ਹਨ। ਉੱਧਰ ਪੂਨਮ ਵੀ ਆਮਦਨ ਵਿਭਾਗ ’ਚ ਇੰਸਪੈਕਟਰ ਦੇ ਤੌਰ ’ਤੇ ਕੰਮ ਕਰ ਰਹੀ ਹੈ। ਇਨ੍ਹਾਂ ਦੋਵਾਂ ਦਾ ਵਿਆਹ 9 ਮਾਰਚ ਨੂੰ ਪੂਨਮ ਮਲਿਕ ਦੇ ਜੱਦੀ ਪਿੰਡ ਉਮਰਾ ’ਚ ਪੂਰੇ ਰੀਤੀ ਰਿਵਾਜ਼ਾਂ ਨਾਲ ਹੋਵੇਗਾ। ਇਨ੍ਹਾਂ ਦੋਵਾਂ ਦੀ ਮੰਗਣੀ ਪਿਛਲੇ ਸਾਲ ਅਕਤੂਬਰ ਦੇ ਮਹੀਨੇ ਹੋਈ ਸੀ।
ਵਿਆਹ ਦਾ ਕਾਰਡ
ਜੇਕਰ ਵਿਆਹ ਦੇ ਕਾਰਡ ਦੀ ਗੱਲ ਕਰੀਏ ਤਾਂ ਪੂਨਮ ਦੇ ਵਿਆਹ ਦਾ ਕਾਰਡ ਬਹੁਤ ਹੀ ਖ਼ਾਸ ਹੈ। ਕਾਰਡ ’ਤੇ ਓਲੰਪਿਕ ਦਾ ਸਾਈਨ ਬਣਿਆ ਹੋਇਆ ਹੈ ਜੋ ਸਭ ਦਾ ਧਿਆਨ ਆਪਣੇ ਵੱਲ ਖਿੱਚ ਰਿਹਾ ਹੈ। ਸਾਈਨ ਦੇ ਹੇਠਾਂ ਪੂਨਮ ਵੈਡਜ਼ ਸੁਨੀਲ ਲਿਖਿਆ ਹੋਇਆ ਹੈ।
ਪੂਨਮ ਨੇ 190 ਮੈਚਾਂ ’ਚ ਦੇਸ਼ ਦੀ ਅਗਵਾਈ ਕੀਤੀ ਹੈ। ਇਸ ਦੇ ਨਾਲ ਹੀ ਉਸ ਨੇ ਸਾਲ 2016 ’ਚ ਹੋਏ ਰਿਓ ਓਲੰਪਿਕ ’ਚ ਦੇਸ਼ ਦਾ ਮਾਨ-ਸਨਮਾਨ ਵਧਾਇਆ ਸੀ। ਪੂਨਮ ਨੇ ਹੁਣ ਤੱਕ ਖੇਡੇ ਮੈਚਾਂ ’ਚ 45 ਗੋਲ ਕੀਤੇ ਹਨ। 2020 ’ਚ ਹੋਏ ਨੈਸ਼ਨਲ ਚੈਂਪੀਅਨਸ਼ਿਪ ’ਚ ਉਸ ਨੇ ਹਰਿਆਣਾ ਟੀਮ ਦੀ ਕਪਤਾਨੀ ਕੀਤੀ ਸੀ। ਉਨ੍ਹਾਂ ਦੀ ਕਪਤਾਨੀ ਦੇ ਅੰਦਰ ਹੀ ਹਰਿਆਣਾ ਟੀਮ ਨੇ 7 ਸਾਲ ਬਾਅਦ ਸੋਨੇ ਦਾ ਤਮਗਾ ਜਿੱਤਿਆ ਸੀ।
ਉਪਲੱਬਧੀਆਂ
ਪੂਨਮ ਦੇਸ਼ ਲਈ ਓਲੰਪਿਕ ’ਚ ਦੇਸ਼ ਦੀ ਅਗਵਾਈ ਕਰ ਚੁੱਕੀ ਹੈ।
ਓਲੰਪਿਕ ਖ਼ਿਡਾਰਣ ਪੂਨਮ ਤਿੰਨ ਵਾਰ ਕਾਮਨਵੈਲਥ ਗੇਮਸ ’ਚ ਹਿੱਸਾ ਲੈ ਚੁੱਕੀ ਹੈ।
ਪੂਨਮ ਮਲਿਕ ਨੇ ਦੋ ਵਾਰ ਹਾਕੀ ਕੱਪ ’ਚ ਹਿੱਸਾ ਲਿਆ ਹੈ।
ਪੂਨਮ ਦੋ ਵਾਰ ਏਸ਼ੀਅਨ ਕੱਪ ’ਚ ਵੀ ਹਿੱਸਾ ਲੈ ਚੁੱਕੀ ਹੈ।
ਓਲੰਪਿਕ ਖ਼ਿਡਾਰਣ ਪੂਨਮ ਮਲਿਕ ਹਰਿਆਣਾ ਦੇ ਹਿਸਾਰ ਜ਼ਿਲ੍ਹੇ ਦੇ ਇਕ ਛੋਟੇ ਜਿਹੇ ਪਿੰਡ ਉਮਰਾ ਦੀ ਰਹਿਣ ਵਾਲੀ ਹੈ। ਉਸ ਦੇ ਮਾਤਾ-ਪਿਤਾ ਕਿਸਾਨ ਹਨ ਅਤੇ ਪਿੰਡ ਦੀ ਮਿੱਟੀ ’ਚ ਅਭਿਆਸ ਕਰਕੇ ਉਸ ਨੇ ਓਲੰਪਿਕ ਤੱਕ ਦਾ ਸਫ਼ਰ ਤੈਅ ਕੀਤਾ ਹੈ। ਪੂਨਮ ਮਲਿਕ ਨੇ ਕਿਹਾ ਕਿ ਦੇਸ਼ ਲਈ ਓਲੰਪਿਕ ਗੋਲਡ ਮੈਡਲ ਜਿੱਤਣ ਦਾ ਸੁਫ਼ਨਾ ਬਾਕੀ ਹੈ ਅਤੇ ਉਹ ਇਸ ਨੂੰ ਪੂਰਾ ਕਰਨ ਲਈ ਸਖ਼ਤ ਮਿਹਨਤ ਕਰ ਰਹੀ ਹੈ।
ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਦਿਓ।
PCB ਚੇਅਰਮੈਨ ਨੇ ਦਿੱਤਾ ਵੱਡਾ ਬਿਆਨ, ਸਾਨੂੰ ਭਾਰਤ ’ਚ ਹੋਣ ਵਾਲੇ ਵਿਸ਼ਵ ਕੱਪ ’ਤੇ ਕੋਈ ਇਤਰਾਜ਼ ਨਹੀਂ
NEXT STORY 
