ਸਪੋਰਟਸ ਡੈਸਕ- ਪਾਕਿਸਤਾਨ ਦੇ ਤੇਜ਼ ਗੇਂਦਬਾਜ਼ ਹੈਰਿਸ ਰਾਊਫ 100 ਟੀ-20 ਵਿਕਟਾਂ ਲੈਣ ਵਾਲੇ ਤੇਜ਼ ਗੇਂਦਬਾਜ਼ ਦੇ ਤੌਰ 'ਤੇ ਓਵਰਆਲ ਤੀਜੇ ਅਤੇ ਪਹਿਲੇ ਕ੍ਰਿਕਟਰ ਬਣ ਗਏ ਹਨ। ਹੈਰਿਸ ਨੇ ਇਹ ਕਾਰਨਾਮਾ ਨਿਊਯਾਰਕ ਦੇ ਨਸਾਊ ਕਾਊਂਟੀ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ 'ਚ ਟੀ-20 ਵਿਸ਼ਵ ਕੱਪ 2024 'ਚ ਕੈਨੇਡਾ ਖਿਲਾਫ ਮੈਚ 'ਚ ਦਰਜ ਕੀਤਾ। ਹੈਰਿਸ ਰਾਊਫ ਨੂੰ ਆਪਣੀਆਂ ਘਾਤਕ ਗੇਂਦਾਂ ਨਾਲ ਇਸ ਮੁਕਾਮ ਤੱਕ ਪਹੁੰਚਣ ਲਈ 71 ਮੈਚ ਲੱਗੇ ਹਨ। ਇਸ ਸਮੇਂ ਹੈਰਿਸ ਲਈ ਟੀ-20 ਕ੍ਰਿਕਟ ਵਿਸ਼ਵ ਕੱਪ ਚੰਗਾ ਚੱਲ ਰਿਹਾ ਹੈ। ਉਨ੍ਹਾਂ ਨੇ ਆਪਣਾ ਪਹਿਲਾ ਮੈਚ ਅਮਰੀਕਾ ਦੇ ਖਿਲਾਫ ਖੇਡਿਆ ਜਿਸ ਵਿੱਚ ਉਨ੍ਹਾਂ ਨੇ 37 ਦੌੜਾਂ ਦੇ ਕੇ ਇਕ ਵਿਕਟ ਲਈ ਹੈ। ਇਸ ਤੋਂ ਬਾਅਦ ਉਸ ਨੇ ਭਾਰਤੀ ਟੀਮ ਖਿਲਾਫ ਲੈਅ ਨਾਲ ਗੇਂਦਬਾਜ਼ੀ ਕੀਤੀ ਅਤੇ 21 ਦੌੜਾਂ ਦੇ ਕੇ 3 ਵਿਕਟਾਂ ਲਈਆਂ। ਫਿਰ ਕੈਨੇਡਾ ਦੇ ਖਿਲਾਫ ਉਸ ਨੇ 26 ਦੌੜਾਂ ਦੇ ਕੇ 2 ਵਿਕਟਾਂ ਲਈਆਂ ਅਤੇ ਕੈਨੇਡਾ ਨੂੰ 106 ਦੌੜਾਂ 'ਤੇ ਹੀ ਰੋਕ ਦਿੱਤਾ।
ਸਭ ਤੋਂ ਤੇਜ਼ 100 ਟੀ-20 ਵਿਕਟਾਂ (ਤੇਜ਼ ਗੇਂਦਬਾਜ਼)
71- ਹੈਰਿਸ ਰਾਊਫ, ਪਾਕਿਸਤਾਨ
72- ਮਾਰਕ ਐਡਾਇਰ, ਆਇਰਲੈਂਡ
72- ਬਿਲਾਲ ਖਾਨ, ਓਮਾਨ
76- ਲਸਿਥ ਮਲਿੰਗਾ, ਸ਼੍ਰੀਲੰਕਾ
ਤੁਹਾਨੂੰ ਦੱਸ ਦੇਈਏ ਕਿ ਜੇਕਰ ਓਵਰਆਲ ਸੂਚੀ 'ਤੇ ਨਜ਼ਰ ਮਾਰੀਏ ਤਾਂ ਅਫਗਾਨਿਸਤਾਨ ਦੇ ਰਾਸ਼ਿਦ ਖਾਨ ਇਸ ਸੂਚੀ 'ਚ ਟਾਪ 'ਤੇ ਹਨ। ਉਨ੍ਹਾਂ ਨੇ ਸਿਰਫ 53 ਮੈਚਾਂ 'ਚ 100 ਵਿਕਟਾਂ ਪੂਰੀਆਂ ਕੀਤੀਆਂ ਸਨ। ਇਸ ਤੋਂ ਬਾਅਦ ਸ਼੍ਰੀਲੰਕਾ ਦੇ ਵਾਨਿੰਦੂ ਹਸਾਰੰਗਾ (63 ਮੈਚ) ਦਾ ਨਾਂ ਆਉਂਦਾ ਹੈ। ਹੈਰਿਸ ਹੁਣ ਇਸ ਸੂਚੀ 'ਚ ਕੁੱਲ ਮਿਲਾ ਕੇ ਤੀਜੇ ਸਥਾਨ 'ਤੇ ਆ ਗਏ ਹੈ।
ਅਜਿਹਾ ਰਿਹਾ ਮੁਕਾਬਲਾ
ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਪਹਿਲਾਂ ਖੇਡਦਿਆਂ ਕੈਨੇਡਾ ਨੇ ਆਰੋਨ ਜੌਹਨਸਨ ਦੀਆਂ 52 ਦੌੜਾਂ ਅਤੇ ਕਲੀਮ ਸਾਨਾ ਦੀਆਂ 13 ਦੌੜਾਂ ਦੀ ਬਦੌਲਤ 7 ਵਿਕਟਾਂ ਗੁਆ ਕੇ 106 ਦੌੜਾਂ ਬਣਾਈਆਂ। ਮੁਹੰਮਦ ਆਮੇਰ ਨੇ 4 ਓਵਰਾਂ 'ਚ 13 ਦੌੜਾਂ ਦੇ ਕੇ 2 ਵਿਕਟਾਂ, ਹੈਰਿਸ ਰਾਊਫ ਨੇ 26 ਦੌੜਾਂ ਦੇ ਕੇ 2 ਵਿਕਟਾਂ ਲਈਆਂ। ਸ਼ਾਹੀਨ ਅਫਰੀਦੀ ਅਤੇ ਨਸੀਮ ਸ਼ਾਹ ਨੂੰ 1-1 ਵਿਕਟ ਮਿਲੀ। ਜਵਾਬ 'ਚ ਖੇਡਣ ਉਤਰੀ ਪਾਕਿਸਤਾਨ ਨੂੰ ਮੁਹੰਮਦ ਰਿਜ਼ਵਾਨ ਅਤੇ ਬਾਬਰ ਆਜ਼ਮ ਨੇ ਸਹਾਰਾ ਦਿੱਤਾ। ਦੋਵਾਂ ਨੇ ਦੂਜੀ ਵਿਕਟ ਲਈ ਮਜ਼ਬੂਤ ਸਾਂਝੇਦਾਰੀ ਕੀਤੀ ਅਤੇ ਇਕ ਵਾਰ ਸੈਟਲ ਹੋ ਕੇ ਜ਼ਬਰਦਸਤ ਸ਼ਾਟ ਲਗਾਏ। ਬਾਬਰ 33 ਦੌੜਾਂ ਬਣਾ ਕੇ ਆਊਟ ਹੋਏ ਪਰ ਰਿਜ਼ਵਾਨ ਨੇ ਆਖਿਰਕਾਰ ਟੀਮ ਨੂੰ ਜਿੱਤ ਤੱਕ ਪਹੁੰਚਾ ਦਿੱਤਾ।
ਦੋਵਾਂ ਟੀਮਾਂ ਦੀ ਪਲੇਇੰਗ 11
ਪਾਕਿਸਤਾਨ: ਮੁਹੰਮਦ ਰਿਜ਼ਵਾਨ (ਵਿਕਟਕੀਪਰ), ਸੈਮ ਅਯੂਬ, ਬਾਬਰ ਆਜ਼ਮ (ਕਪਤਾਨ), ਫਖਰ ਜ਼ਮਾਨ, ਉਸਮਾਨ ਖਾਨ, ਸ਼ਾਦਾਬ ਖਾਨ, ਇਮਾਦ ਵਸੀਮ, ਸ਼ਾਹੀਨ ਅਫਰੀਦੀ, ਨਸੀਮ ਸ਼ਾਹ, ਹੈਰਿਸ ਰਾਊਫ, ਮੁਹੰਮਦ ਆਮਿਰ।
ਕੈਨੇਡਾ: ਐਰੋਨ ਜੌਹਨਸਨ, ਨਵਨੀਤ ਧਾਲੀਵਾਲ, ਪ੍ਰਗਟ ਸਿੰਘ, ਨਿਕੋਲਸ ਕਿਰਟਨ, ਸ਼੍ਰੇਅਸ ਮੋਵਾ (ਵਿਕਟਕੀਪਰ), ਰਵਿੰਦਰਪਾਲ ਸਿੰਘ, ਸਾਦ ਬਿਨ ਜ਼ਫਰ (ਕਪਤਾਨ), ਡਿਲਨ ਹੀਲੀਗਰ, ਕਲੀਮ ਸਨਾ, ਜੁਨੈਦ ਸਿੱਦੀਕੀ, ਜੇਰੇਮੀ ਗਾਰਡਨ।
ਭਾਰਤ ਤੇ ਇੰਗਲੈਂਡ ਦੀ ਡੈੱਫ ਟੀਮ ਵਿਚਾਲੇ ਪਹਿਲੀ ਵਾਰ ਹੋਵੇਗੀ ਦੋ-ਪੱਖੀ ਟੀ-20 ਲੜੀ
NEXT STORY 
