ਪੈਰਿਸ—ਭਾਰਤੀ ਜੂਡੋ ਖਿਡਾਰਨ ਤੁਲਿਕਾ ਮਾਨ ਸ਼ੁੱਕਰਵਾਰ ਨੂੰ ਇੱਥੇ ਪੈਰਿਸ ਓਲੰਪਿਕ ਦੇ ਮਹਿਲਾ 78 ਕਿਲੋਗ੍ਰਾਮ ਭਾਰ ਵਰਗ ਦੇ ਪਹਿਲੇ ਦੌਰ 'ਚ ਲੰਡਨ ਓਲੰਪਿਕ ਚੈਂਪੀਅਨ ਕਿਊਬਾ ਦੀ ਇਡੇਲਿਸ ਔਰਟੀਜ਼ ਤੋਂ ਹਾਰ ਕੇ ਬਾਹਰ ਹੋ ਗਈ। 2022 ਰਾਸ਼ਟਰਮੰਡਲ ਖੇਡਾਂ ਦੀ ਚਾਂਦੀ ਦਾ ਤਮਗਾ ਜੇਤੂ ਦਿੱਲੀ ਦੀ 22 ਸਾਲਾ ਤੁਲਿਕਾ ਨੂੰ ਕਿਊਬਾ ਦੀ ਖਿਡਾਰਨ ਤੋਂ 0-10 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਕਿਊਬਾ ਦੀ ਖਿਡਾਰਨ ਦੇ ਨਾਮ ਚਾਰ ਓਲੰਪਿਕ ਮੈਡਲ ਹਨ, ਜਿਸ ਵਿੱਚ ਇੱਕ ਸੋਨ, ਦੋ ਚਾਂਦੀ ਅਤੇ ਇੱਕ ਕਾਂਸੀ ਦਾ ਤਮਗਾ ਸ਼ਾਮਲ ਹੈ। ਤੁਲਿਕਾ ਓਰਟਿਜ਼ ਦੇ ਖਿਲਾਫ ਸਿਰਫ 28 ਸਕਿੰਟ ਤੱਕ ਚੱਲ ਸਕੀ।
ਤੁਲਿਕਾ ਦੀ ਹਾਰ ਨਾਲ ਜੂਡੋ ਵਿੱਚ ਭਾਰਤ ਦੀ ਮੁਹਿੰਮ ਖਤਮ ਹੋ ਗਈ ਕਿਉਂਕਿ ਉਹ ਪੈਰਿਸ ਖੇਡਾਂ ਵਿੱਚ ਭਾਰਤ ਦੀ ਪ੍ਰਤੀਨਿਧਤਾ ਕਰਨ ਵਾਲੀ ਇਕਲੌਤੀ ਖਿਡਾਰੀ ਸੀ। ਇਪੋਨ ਵਿੱਚ ਇੱਕ ਜੂਡੋ ਖਿਡਾਰੀ ਆਪਣੇ ਵਿਰੋਧੀ ਨੂੰ ਆਪਣੀ ਪਿੱਠ ਉੱਤੇ ਬਹੁਤ ਤਾਕਤ ਅਤੇ ਗਤੀ ਨਾਲ ਮੈਟ ਉੱਤੇ ਸੁੱਟਦਾ ਹੈ। ਇਪੋਨ ਉਦੋਂ ਦਿੱਤਾ ਜਾਂਦਾ ਹੈ ਜਦੋਂ ਕੋਈ ਖਿਡਾਰੀ 20 ਸਕਿੰਟਾਂ ਲਈ ਵਿਰੋਧੀ ਨੂੰ ਆਪਣੀ ਪਕੜ ਵਿੱਚ ਰੱਖਦਾ ਹੈ ਜਾਂ ਵਿਰੋਧੀ ਖਿਡਾਰੀ ਹਾਰ ਦਿੰਦਾ ਹੈ।
Paris Olympics : ਭਾਰਤੀ ਤੀਰਅੰਦਾਜ਼ੀ ਮਿਕਸਡ ਟੀਮ ਕੁਆਰਟਰ ਫਾਈਨਲ 'ਚ ਪਹੁੰਚੀ
NEXT STORY 
