ਗਰਮੀਆਂ 'ਚ AC ਚਲਾਉਣ ਤੋਂ ਪਹਿਲਾਂ ਇਨ੍ਹਾਂ ਗੱਲਾਂ ਦਾ ਰੱਖੋ ਖ਼ਾਸ ਧਿਆਨ, ਨਹੀਂ ਤਾਂ ਹੋ ਸਕਦੈ ਵੱਡਾ ਨੁਕਸਾਨ

ਜਲੰਧਰ/ਨਵੀਂ ਦਿੱਲੀ: ਹੌਲੀ-ਹੌਲੀ ਮੌਸਮ ਬਦਲ ਰਿਹਾ ਹੈ ਅਤੇ ਤਾਪਮਾਨ ਵਧਣ ਦੇ ਨਾਲ ਹੀ ਗਰਮੀ ਮਹਿਸੂਸ ਹੋਣ ਲੱਗੀ ਹੈ। ਅਗਲੇ ਕੁਝ ਦਿਨਾਂ ਵਿੱਚ ਲੋਕ ਆਪਣੇ ਘਰਾਂ ਦੇ ਏਅਰ ਕੰਡੀਸ਼ਨਰ (AC) ਚਲਾਉਣੇ ਸ਼ੁਰੂ ਕਰ ਦੇਣਗੇ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਲੰਬੇ ਸਮੇਂ ਤੋਂ ਬੰਦ ਪਏ AC ਨੂੰ ਬਿਨਾਂ ਜਾਂਚ ਕੀਤੇ ਚਲਾਉਣਾ ਤੁਹਾਡੇ ਬਿਜਲੀ ਦੇ ਬਿੱਲ ਨੂੰ 20-25% ਤੱਕ ਵਧਾ ਸਕਦਾ ਹੈ ਅਤੇ ਮਸ਼ੀਨ ਨੂੰ ਵੀ ਖਰਾਬ ਕਰ ਸਕਦਾ ਹੈ। ਗਰਮੀਆਂ ਦੇ ਸੀਜ਼ਨ ਵਿੱਚ ਪਹਿਲੀ ਵਾਰ AC ਚਲਾਉਣ ਤੋਂ ਪਹਿਲਾਂ ਕਿਹੜੀਆਂ ਖ਼ਾਸ ਗੱਲਾਂ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰ ਹੁੰਦਾ ਹੈ, ਦੇ ਬਾਰੇ ਆਓ ਜਾਣਦੇ ਹਾਂ...

ਇਹ ਵੀ ਪੜ੍ਹੋ - ਧੀਆਂ ਦੇ ਖਾਤੇ 'ਚ ਆਉਣਗੇ ਪੈਸੇ, ਵਿਆਹ ਲਈ ਮਿਲੇਗਾ 1 ਲੱਖ ਰੁਪਏ ਦਾ ਤੋਹਫ਼ਾ! ਸੂਬਾ ਸਰਕਾਰ ਦਾ ਵੱਡਾ ਐਲਾਨ

1. ਸਰਵਿਸ ਕਰਵਾਉਣਾ ਹੈ ਬੇਹੱਦ ਜ਼ਰੂਰੀ
ਮਹੀਨਿਆਂ ਤੋਂ ਬੰਦ ਰਹਿਣ ਕਾਰਨ AC ਦੇ ਫਿਲਟਰਾਂ, ਕੋਇਲ ਅਤੇ ਆਊਟਡੋਰ ਯੂਨਿਟ ਵਿੱਚ ਧੂੜ-ਮਿੱਟੀ ਜਮ ਜਾਂਦੀ ਹੈ। ਜੇਕਰ ਬਿਨਾਂ ਸਰਵਿਸ ਦੇ AC ਚਲਾਇਆ ਜਾਵੇ, ਤਾਂ ਮਸ਼ੀਨ 'ਤੇ ਦਬਾਅ ਵਧਦਾ ਹੈ ਅਤੇ ਕੂਲਿੰਗ ਘੱਟ ਜਾਂਦੀ ਹੈ। ਕਿਸੇ ਪੇਸ਼ੇਵਰ ਮਕੈਨਿਕ ਤੋਂ ਹਾਰਡ ਸਰਵਿਸ ਕਰਵਾਉਣਾ ਬਿਹਤਰ ਹੈ ਤਾਂ ਜੋ ਬਿਜਲੀ ਦੀ ਖਪਤ ਘੱਟ ਹੋਵੇ।

2. ਲੀਕੇਜ ਅਤੇ ਡਰੇਨ ਪਾਈਪ ਦੀ ਜਾਂਚ
ਗੰਦਗੀ ਜਮ ਹੋਣ ਕਾਰਨ AC ਵਿੱਚ ਲੀਕੇਜ ਦਾ ਖਤਰਾ ਵੱਧ ਜਾਂਦਾ ਹੈ। ਖਾਸ ਕਰਕੇ ਜੇਕਰ ਤੁਹਾਡੇ ਘਰ ਸਪਲਿਟ AC ਲੱਗਿਆ ਹੈ, ਤਾਂ ਉਸ ਦੀ ਡਰੇਨ ਪਾਈਪ ਨੂੰ ਜ਼ਰੂਰ ਚੈੱਕ ਕਰੋ ਤਾਂ ਜੋ ਪਾਣੀ ਦੀ ਨਿਕਾਸੀ ਵਿੱਚ ਕੋਈ ਰੁਕਾਵਟ ਨਾ ਆਵੇ।

ਇਹ ਵੀ ਪੜ੍ਹੋ - ChatGPT 'ਤੇ ਭੁੱਲ ਕੇ ਵੀ ਨਾ ਕਰੋ ਇਹ ਕੰਮ, ਖਾਲੀ ਹੋ ਸਕਦਾ ਹੈ ਤੁਹਾਡਾ ਬੈਂਕ ਅਕਾਊਂਟ

3. ਸਟੈਬਲਾਈਜ਼ਰ ਅਤੇ ਵਾਇਰਿੰਗ ਚੈੱਕ ਕਰੋ
AC ਆਨ ਕਰਨ ਤੋਂ ਪਹਿਲਾਂ ਸਟੈਬਲਾਈਜ਼ਰ ਦੀ ਜਾਂਚ ਜ਼ਰੂਰ ਕਰੋ। ਇਸ ਦੇ ਨਾਲ ਹੀ ਪਲੱਗ ਅਤੇ ਤਾਰਾਂ ਨੂੰ ਦੇਖੋ ਕਿ ਕਿਤੇ ਚੂਹਿਆਂ ਨੇ ਤਾਰ ਤਾਂ ਨਹੀਂ ਕੱਟੀ। ਕੱਟੀ ਹੋਈ ਤਾਰ ਕਾਰਨ ਸ਼ਾਰਟ ਸਰਕਟ ਹੋਣ ਦਾ ਡਰ ਰਹਿੰਦਾ ਹੈ, ਜੋ ਜਾਨਲੇਵਾ ਸਾਬਤ ਹੋ ਸਕਦਾ ਹੈ।

4. ਸਭ ਤੋਂ ਪਹਿਲਾਂ 'ਫੈਨ ਮੋਡ' 'ਤੇ ਚਲਾਓ
AC ਨੂੰ ਸਿੱਧਾ 'ਕੂਲ ਮੋਡ' (Cool Mode) 'ਤੇ ਚਲਾਉਣ ਦੀ ਬਜਾਏ ਪਹਿਲਾਂ ਕੁਝ ਦੇਰ 'ਫੈਨ ਮੋਡ' 'ਤੇ ਚਲਾਓ। ਇਸ ਨਾਲ AC ਦੇ ਅੰਦਰ ਜਮਾਂ ਹੋਈ ਨਮੀ ਅਤੇ ਧੂੜ-ਮਿੱਟੀ ਬਾਹਰ ਨਿਕਲ ਜਾਵੇਗੀ ਅਤੇ ਕਮਰੇ ਵਿੱਚੋਂ ਬਦਬੂ ਵੀ ਨਹੀਂ ਆਵੇਗੀ।

ਇਹ ਵੀ ਪੜ੍ਹੋ - ਜੰਗ ਵਿਚਾਲੇ ਦੁਬਈ 'ਚ ਭਾਰਤੀ ਡਰਾਈਵਰ ਦੀ ਪਲਟੀ ਕਿਸਮਤ, ਰਾਤੋ-ਰਾਤ ਬਣਿਆ ਕਰੋੜਪਤੀ!

5. ਸਿਹਤ ਅਤੇ ਜੇਬ 'ਤੇ ਅਸਰ
ਗਰਮੀਆਂ ਦੇ ਮੌਸਮ ਵਿਚ ਬਿਨਾਂ ਸਰਵਿਸਿੰਗ ਦੇ AC ਚਲਾਉਣ ਨਾਲ ਅੰਦਰ ਜਮਾਂ ਗੰਦਗੀ ਕਾਰਨ ਹਵਾ ਵਿੱਚ ਬਦਬੂ ਆਉਂਦੀ ਹੈ, ਜੋ ਸਾਹ ਦੀਆਂ ਬੀਮਾਰੀਆਂ ਅਤੇ ਐਲਰਜੀ ਦਾ ਕਾਰਨ ਬਣ ਸਕਦੀ ਹੈ। ਗੰਦੇ ਫਿਲਟਰਾਂ ਵਾਲਾ AC ਕੂਲਿੰਗ ਕਰਨ ਲਈ ਜ਼ਿਆਦਾ ਜ਼ੋਰ ਲਗਾਉਂਦਾ ਹੈ, ਜਿਸ ਨਾਲ ਬਿਜਲੀ ਦਾ ਬਿੱਲ ਕਾਫ਼ੀ ਵੱਧ ਜਾਂਦਾ ਹੈ। ਇਸੇ ਲਈ ਹਮੇਸ਼ਾ ਕਿਸੇ ਤਜਰਬੇਕਾਰ ਮਕੈਨਿਕ ਤੋਂ AC ਦੀ ਸਰਵਿਸ ਕਰਵਾਓ, ਕਿਉਂਕਿ ਅਣਜਾਣ ਵਿਅਕਤੀ ਵੱਲੋਂ ਕੀਤੀ ਗਈ ਛੇੜਛਾੜ ਭਵਿੱਖ ਵਿੱਚ ਮਹਿੰਗੀ ਮੁਰੰਮਤ ਦਾ ਕਾਰਨ ਬਣ ਸਕਦੀ ਹੈ।

ਇਹ ਵੀ ਪੜ੍ਹੋ - ਪਾਕਿਸਤਾਨ ’ਚ ਫਸੀ ਸਰਬਜੀਤ ਕੌਰ ਨੇ ਫਿਰ ਬਦਲਿਆ ਬਿਆਨ, ‘ਮੈਨੂੰ ਭਾਰਤ ਭੇਜੋ, ਸਾਰਾ ਸੱਚ ਦੱਸਾਂਗੀ’

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e