ਢਾਕਾ : ਬੰਗਲਾਦੇਸ਼ ਕ੍ਰਿਕਟ ਵਿੱਚ ਉਸ ਸਮੇਂ ਵੱਡਾ ਸੰਕਟ ਪੈਦਾ ਹੋ ਗਿਆ ਜਦੋਂ ਖਿਡਾਰੀਆਂ ਨੇ ਬੰਗਲਾਦੇਸ਼ ਕ੍ਰਿਕਟ ਬੋਰਡ (BCB) ਦੇ ਇੱਕ ਨਿਰਦੇਸ਼ਕ ਦੀਆਂ ਟਿੱਪਣੀਆਂ ਦੇ ਵਿਰੋਧ ਵਿੱਚ ਦੇਸ਼ ਵਿਆਪੀ ਬਾਈਕਾਟ ਦਾ ਐਲਾਨ ਕਰ ਦਿੱਤਾ। ਬੀ.ਸੀ.ਬੀ. ਨੇ ਆਪਣੇ ਡਾਇਰੈਕਟਰ ਐਮ. ਨਜ਼ਮੁਲ ਇਸਲਾਮ ਨੂੰ ਖਿਡਾਰੀਆਂ ਵਿਰੁੱਧ ਕੀਤੀਆਂ ਗਈਆਂ 'ਇਤਰਾਜ਼ਯੋਗ ਟਿੱਪਣੀਆਂ' ਲਈ 'ਕਾਰਨ ਦੱਸੋ' ਨੋਟਿਸ ਜਾਰੀ ਕੀਤਾ ਹੈ। ਇਹ ਨੋਟਿਸ ਬੰਗਲਾਦੇਸ਼ ਪ੍ਰੀਮੀਅਰ ਲੀਗ (BPL) ਦੇ ਮੈਚ ਸ਼ੁਰੂ ਹੋਣ ਤੋਂ ਕੁਝ ਘੰਟੇ ਪਹਿਲਾਂ ਜਾਰੀ ਕੀਤਾ ਗਿਆ ਕਿਉਂਕਿ ਖਿਡਾਰੀਆਂ ਦੀ ਸੰਸਥਾ CWAB ਨੇ ਚੇਤਾਵਨੀ ਦਿੱਤੀ ਸੀ ਕਿ ਜੇਕਰ ਇਸਲਾਮ ਅਸਤੀਫਾ ਨਹੀਂ ਦਿੰਦੇ ਤਾਂ ਉਹ ਹਰ ਤਰ੍ਹਾਂ ਦੀ ਕ੍ਰਿਕਟ ਦਾ ਬਾਈਕਾਟ ਕਰਨਗੇ।
ਇਸ ਵਿਵਾਦ ਕਾਰਨ ਵੀਰਵਾਰ ਸਵੇਰੇ ਢਾਕਾ ਕ੍ਰਿਕਟ ਲੀਗ ਦੇ ਚਾਰ ਨਿਰਧਾਰਿਤ ਫਸਟ-ਡਿਵੀਜ਼ਨ ਮੈਚ ਸ਼ੁਰੂ ਨਹੀਂ ਹੋ ਸਕੇ, ਜਿਸ ਨੇ ਬੋਰਡ ਦੀਆਂ ਚਿੰਤਾਵਾਂ ਵਧਾ ਦਿੱਤੀਆਂ ਹਨ। ਖ਼ਬਰਾਂ ਮੁਤਾਬਕ ਚਟਗਾਂਵ ਰਾਇਲਜ਼ ਅਤੇ ਨੋਖਲੀ ਐਕਸਪ੍ਰੈਸ ਦੇ ਖਿਡਾਰੀ ਵੀ ਇਸ ਬਾਈਕਾਟ ਦੇ ਪੱਖ ਵਿੱਚ ਹਨ। ਬੀ.ਸੀ.ਬੀ. ਨੇ ਆਪਣੇ ਬਿਆਨ ਵਿੱਚ ਕਿਹਾ ਹੈ ਕਿ ਉਨ੍ਹਾਂ ਨੇ ਅਨੁਸ਼ਾਸਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ਅਤੇ ਨਜ਼ਮੁਲ ਇਸਲਾਮ ਨੂੰ 48 ਘੰਟਿਆਂ ਦੇ ਅੰਦਰ ਲਿਖਤੀ ਜਵਾਬ ਦੇਣ ਲਈ ਕਿਹਾ ਗਿਆ ਹੈ।
ਹਾਲਾਂਕਿ ਕੁਝ ਬੋਰਡ ਡਾਇਰੈਕਟਰਾਂ ਨੇ CWAB ਦੇ ਪ੍ਰਧਾਨ ਮੁਹੰਮਦ ਮਿਥੁਨ ਨਾਲ ਸੰਪਰਕ ਕਰਕੇ ਪ੍ਰਸਤਾਵ ਦਿੱਤਾ ਸੀ ਕਿ ਨਜ਼ਮੁਲ ਵਿੱਤ ਕਮੇਟੀ ਦੇ ਚੇਅਰਮੈਨ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦੇਣਗੇ, ਪਰ ਮਿਥੁਨ ਨੇ ਸਪੱਸ਼ਟ ਕੀਤਾ ਹੈ ਕਿ ਖਿਡਾਰੀਆਂ ਦਾ ਬਾਈਕਾਟ ਜਾਰੀ ਰਹੇਗਾ। ਬੀ.ਪੀ.ਐੱਲ. ਦੇ ਪਹਿਲੇ ਮੈਚ ਲਈ ਟਾਸ ਦਾ ਸਮਾਂ ਦੁਪਹਿਰ 12:30 ਵਜੇ ਸੀ, ਪਰ ਟੀਮਾਂ ਮੈਦਾਨ 'ਤੇ ਨਹੀਂ ਪਹੁੰਚੀਆਂ। ਹੁਣ CWAB ਇੱਕ ਪ੍ਰੈਸ ਕਾਨਫਰੰਸ ਰਾਹੀਂ ਬੋਰਡ ਦੇ ਸਾਹਮਣੇ ਆਪਣੀਆਂ ਮੰਗਾਂ ਰੱਖ ਸਕਦਾ ਹੈ।
ਮਾਨਚੈਸਟਰ ਸਿਟੀ ਇੰਗਲਿਸ਼ ਲੀਗ ਕੱਪ ਦੇ ਫਾਈਨਲ ’ਚ ਜਗ੍ਹਾ ਬਣਾਉਣ ਦੇ ਨੇੜੇ
NEXT STORY 
