ਸਪੋਰਟਸ ਡੈਸਕ- ਰੋਹਿਤ ਸ਼ਰਮਾ ਦੀ ਕਪਤਾਨੀ ਵਾਲੀ ਭਾਰਤੀ ਟੀਮ ਫਿਲਹਾਲ ਨਿਊਜ਼ੀਲੈਂਡ ਦੇ ਖਿਲਾਫ ਬੈਂਗਲੁਰੂ 'ਚ 3 ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਪਹਿਲਾ ਮੈਚ ਖੇਡ ਰਹੀ ਹੈ। ਭਾਰਤੀ ਟੀਮ ਪਹਿਲੀ ਪਾਰੀ 'ਚ 46 ਦੌੜਾਂ 'ਤੇ ਆਲ ਆਊਟ ਹੋ ਗਈ। ਟੀਮ 92 ਸਾਲਾਂ ਦੇ ਟੈਸਟ ਇਤਿਹਾਸ 'ਚ ਪਹਿਲੀ ਵਾਰ ਘਰੇਲੂ ਮੈਦਾਨ 'ਤੇ ਸਭ ਤੋਂ ਘੱਟ ਸਕੋਰ 'ਤੇ ਆਲ ਆਊਟ ਹੋਈ।
ਰੋਹਿਤ ਸ਼ਰਮਾ ਨੇ ਮੈਚ 'ਚ ਅਜਿਹੀ ਵੱਡੀ ਗਲਤੀ ਕੀਤੀ ਸੀ, ਜਿਸ ਦੀ ਸਜ਼ਾ ਟੀਮ ਨੂੰ ਭੁਗਤਣੀ ਪਈ। ਦੂਜੇ ਦਿਨ ਦੀ ਖੇਡ ਖਤਮ ਹੋਣ ਤੋਂ ਬਾਅਦ ਕਪਤਾਨ ਨੇ ਇਸ ਗਲਤੀ ਲਈ ਪ੍ਰਸ਼ੰਸਕਾਂ ਤੋਂ ਮੁਆਫ਼ੀ ਵੀ ਮੰਗੀ। ਰੋਹਿਤ ਨੇ ਇਹ ਵੀ ਦੱਸਿਆ ਹੈ ਕਿ ਉਨ੍ਹਾਂ ਨੇ ਕਿੱਥੇ ਗਲਤੀਆਂ ਕੀਤੀਆਂ ਹਨ।
ਰੋਹਿਤ ਸ਼ਰਮਾ ਨੇ ਕਿਹਾ ਕਿ ਉਨ੍ਹਾਂ ਨੂੰ ਪਿੱਚ ਨੂੰ ਪੜ੍ਹਨ 'ਚ ਵੱਡੀ ਗਲਤੀ ਹੋ ਗਈ ਹੈ। ਉਹ ਪਿੱਚ ਨੂੰ ਚੰਗੀ ਤਰ੍ਹਾਂ ਨਹੀਂ ਪੜ੍ਹ ਸਕੇ। ਇਹੀ ਕਾਰਨ ਹੈ ਕਿ ਉਨ੍ਹਾਂ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਰੋਹਿਤ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਨੇ ਸੋਚਿਆ ਸੀ ਕਿ ਪਿਚ 'ਤੇ ਪਹਿਲਾ ਸੈਸ਼ਨ ਨਾਜ਼ੁਕ ਹੋਵੇਗਾ ਪਰ ਅਜਿਹਾ ਨਹੀਂ ਹੋਇਆ।
ਪਿੱਚ ਨੂੰ ਪੜ੍ਹਨ 'ਚ ਕਪਤਾ ਕੋਲੋਂ ਹੋਈ ਵੱਡੀ ਗਲਤੀ
ਰੋਹਿਤ ਨੇ ਕਿਹਾ, 'ਸਾਨੂੰ ਲੱਗਾ ਕਿ ਪਿੱਚ 'ਤੇ ਜ਼ਿਆਦਾ ਘਾਹ ਨਹੀਂ ਸੀ। ਅਸੀਂ ਸੋਚਿਆ ਸੀ ਕਿ ਇੱਥੇ ਮੈਚ ਦੇ ਪਹਿਲੇ ਸੈਸ਼ਨ ਵਿੱਚ ਜੋ ਵੀ ਹੋਣਾ ਹੈ, ਉਹ ਹੋਵੇਗਾ। ਇਸ ਤੋਂ ਬਾਅਦ, ਜਿਵੇਂ-ਜਿਵੇਂ ਖੇਡ ਅੱਗੇ ਵਧੇਗੀ ਹੈ, ਇਹ (ਪਿੱਚ) ਆਪਣੀ ਦਿਸ਼ਾ ਬਦਲੇਗੀ। ਜਦੋਂ ਵੀ ਅਸੀਂ ਭਾਰਤ ਵਿੱਚ ਖੇਡਦੇ ਹਾਂ ਤਾਂ ਪਹਿਲਾ ਸੈਸ਼ਨ ਹਮੇਸ਼ਾ ਨਾਜ਼ੁਕ ਹੁੰਦਾ ਹੈ। ਇਸ ਤੋਂ ਬਾਅਦ ਵਿਕਟ (ਪਿੱਚ) ਜੰਮਣ ਲੱਗਦੀ ਹੈ ਅਤੇ ਸਪਿਨਰਾਂ ਨੂੰ ਇੱਥੇ ਮਦਦ ਮਿਲਣੀ ਸ਼ੁਰੂ ਹੋ ਜਾਂਦੀ ਹੈ।'
ਜਿਵੇਂ ਕਿ ਮੈਂ ਕਿਹਾ, ਇੱਥੇ (ਪਿੱਚ) ਜ਼ਿਆਦਾ ਘਾਹ ਨਹੀਂ ਸੀ, ਇਸ ਲਈ ਅਸੀਂ ਸੋਚਿਆ ਕਿ ਕੁਲਦੀਪ (ਸਪਿਨਰ ਕੁਲਦੀਪ ਯਾਦਵ) ਨੂੰ ਮੈਚ ਵਿੱਚ ਸ਼ਾਮਲ ਕਰਨਾ ਚਾਹੀਦਾ ਹੈ। ਅਜਿਹਾ ਇਸ ਲਈ ਵੀ ਹੈ ਕਿਉਂਕਿ ਕੁਲਦੀਪ ਨੇ ਫਲੈਟ ਪਿੱਚਾਂ 'ਤੇ ਗੇਂਦਬਾਜ਼ੀ ਕੀਤੀ ਹੈ ਅਤੇ ਵਿਕਟਾਂ ਵੀ ਲੈ ਰਿਹਾ ਹੈ।
Women's T20 WC: 6 ਵਾਰ ਦੀ ਚੈਂਪੀਅਨ ਆਸਟਰੇਲੀਆ ਨੂੰ ਹਰਾ ਕੇ ਫਾਈਨਲ 'ਚ ਪੁੱਜੀ ਦੱ. ਅਫਰੀਕਾ
NEXT STORY 
