ਨਵੀਂ ਦਿੱਲੀ - ਇਟਲੀ ਦੇ ਕਲੱਬ ਜੁਵੈਂਟਸ ਨਾਲ ਖੇਡਣ ਵਾਲੇ ਪੁਰਤਗਾਲ ਦੇ ਸਟਾਰ ਫੁੱਟਬਾਲ ਖਿਡਾਰੀ ਕ੍ਰਿਸਟੀਆਨੋ ਰੋਨਾਲਡੋ ਤੇ ਉਸਦੀ ਪ੍ਰੇਮਿਕਾ ਜਾਰਜੀਨਾ ਰੋਡ੍ਰਿਗੇਜ ਦੇ ਵਿਆਹ ਦੀਆਂ ਕਿਆਸਾਂ ਕਾਫੀ ਦਿਨਾਂ ਤੋਂ ਲਾਈਆਂ ਜਾ ਰਹੀਆਂ ਹਨ। ਰੋਨਾਲਡੋ ਨੇ ਪਹਿਲੀ ਵਾਰ ਕਿਹਾ ਕਿ ਉਹ ਜਾਰਜੀਨਾ ਨਾਲ ਵਿਆਹ ਜ਼ਰੂਰ ਕਰੇਗਾ। ਰੋਨਾਲਡੋ ਨੇ ਆਈ. ਟੀ. ਵੀ. 'ਤੇ ਪਿਅਰਸ ਮੋਰਗਨ ਦੇ ਸ਼ੋਅ 'ਗੁੱਡ ਮਾਰਨਿੰਗ ਬ੍ਰਿਟੇਨ' ਉਤੇ ਦਿੱਤੀ ਇੰਟਰਵਿਊ ਵਿਚ ਦਿਲ ਦੀਆਂ ਗੱਲਾਂ ਸਾਂਝੀਆਂ ਕੀਤੀਆਂ। ਉਸ ਨੇ ਕਿਹਾ ਕਿ ਮੈਂ ਉਸ ਨਾਲ ਬਹੁਤ ਪਿਆਰ ਕਰਦਾ ਹਾਂ। ਅਸੀਂ ਇਕ ਦਿਨ ਜ਼ਰੂਰ ਵਿਆਹ ਕਰਾਂਗੇ। ਮੇਰੀ ਮਾਂ ਵੀ ਇਹ ਹੀ ਚਾਹੁੰਦੀ ਹੈ।
ਰੋਨਾਲਡੋ ਨੇ ਮੰਨਿਆ ਕਿ ਜਦੋਂ ਉਸ 'ਤੇ ਜਬਰ-ਜ਼ਨਾਹ ਦੇ ਦੋਸ਼ ਲੱਗੇ ਸਨ ਤਾਂ ਉਹ ਸ਼ਰਮ ਮਹਿਸੂਸ ਕਰ ਰਿਹਾ ਸੀ। ਅਮਰੀਕਾ ਦੀ ਸਾਬਕਾ ਮਾਡਲ ਕੈਥਰੀਨਾ ਮਾਯੋਰਗਾ ਨੇ ਬੀਤੇ ਸਾਲ ਰੋਨਾਲਡੋ 'ਤੇ ਜਬਰ-ਜ਼ਨਾਹ ਦੇ ਦੋਸ਼ ਲਾ ਕੇ ਸਨਸਨੀ ਫੈਲਾ ਦਿੱਤੀ ਸੀ। ਕਥਿਤ ਘਟਨਾ ਜੂਨ-2009 ਵਿਚ ਲਾਸ ਵੇਗਾਸ ਦੇ ਹੋਟਲ ਵਿਚ ਹੋਈ ਸੀ।
ਰੋਨਾਲਡੋ ਨੇ ਕਿਹਾ ਕਿ ਇਸ ਨਾਲ ਉਸਦੀ ਮਾਨਸਿਕਤਾ 'ਤੇ ਕਾਫੀ ਖਰਾਬ ਅਸਰ ਪਿਆ। ਉਸ ਨੇ ਕਿਹਾ, ''ਉਹ ਆਪਣੇ ਵੱਕਾਰ ਦੇ ਨਾਲ ਖੇਡਦਾ ਹੈ। ਇਹ ਕਾਫੀ ਮੁਸ਼ਕਿਲ ਹੈ। ਤੁਹਾਡੀ ਪ੍ਰੇਮਿਕਾ ਹੈ, ਪਰਿਵਾਰ ਹੈ ਤੇ ਬੱਚੇ ਹਨ।''
ਮਿਊਨਿਖ ਦਾ ਓਕਟੋਬਰਫੈਸਟ ਬੀਅਰ ਫੈਸਟੀਵਲ (ਦੇਖੋਂ ਤਸਵੀਰਾਂ)
NEXT STORY 
