ਜਕਾਰਤਾ : ਸਿੰਗਾਪੁਰ ਓਪਨ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਤੋਂ ਬਾਅਦ, ਭਾਰਤੀ ਬੈਡਮਿੰਟਨ ਦੇ ਸਟਾਰ ਖਿਡਾਰੀ ਸਾਤਵਿਕਸਾਈਰਾਜ ਰੰਕੀਰੇਡੀ-ਚਿਰਾਗ ਸ਼ੈੱਟੀ ਅਤੇ ਪੀਵੀ ਸਿੰਧੂ ਮੰਗਲਵਾਰ ਤੋਂ ਸ਼ੁਰੂ ਹੋਣ ਵਾਲੇ ਇੰਡੋਨੇਸ਼ੀਆ ਓਪਨ 2026 ਵਿੱਚ ਆਪਣੀ ਲੈਅ ਨੂੰ ਬਰਕਰਾਰ ਰੱਖਣ ਦੇ ਇਰਾਦੇ ਨਾਲ ਉਤਰਨਗੇ। ਇਹ ਟੂਰਨਾਮੈਂਟ ਬੀਡਬਲਯੂਐਫ (BWF) ਵਰਲਡ ਟੂਰ ਦਾ ਤੀਜਾ ਸੁਪਰ 1000 ਟੂਰਨਾਮੈਂਟ ਹੈ।
ਸਾਤਵਿਕ-ਚਿਰਾਗ ਦਾ ਖ਼ਿਤਾਬੀ ਸੋਕਾ ਖ਼ਤਮ
ਏਸ਼ੀਆਈ ਖੇਡਾਂ ਦੇ ਚੈਂਪੀਅਨ ਸਾਤਵਿਕ ਅਤੇ ਚਿਰਾਗ ਸਿੰਗਾਪੁਰ ਬੈਡਮਿੰਟਨ ਓਪਨ ਦਾ ਪੁਰਸ਼ ਡਬਲਜ਼ ਖ਼ਿਤਾਬ ਜਿੱਤ ਕੇ ਜਕਾਰਤਾ ਪਹੁੰਚ ਰਹੇ ਹਨ। ਇਸ ਜਿੱਤ ਨਾਲ ਉਨ੍ਹਾਂ ਨੇ ਬੀਡਬਲਯੂਐਫ ਵਰਲਡ ਟੂਰ ਖ਼ਿਤਾਬਾਂ ਲਈ ਚੱਲੇ ਆ ਰਹੇ ਆਪਣੇ ਦੋ ਸਾਲਾਂ ਦੇ ਸੋਕੇ ਨੂੰ ਖ਼ਤਮ ਕਰ ਦਿੱਤਾ ਹੈ। ਦੁਨੀਆ ਦੀ ਇਹ ਸਾਬਕਾ ਨੰਬਰ 1 ਜੋੜੀ ਹੁਣ ਇੰਡੋਨੇਸ਼ੀਆ ਵਿੱਚ ਵੀ ਇਸੇ ਸਫ਼ਲਤਾ ਨੂੰ ਦੁਹਰਾਉਣ ਦੀ ਕੋਸ਼ਿਸ਼ ਕਰੇਗੀ।
ਪੀਵੀ ਸਿੰਧੂ ਦੀ ਪੁਰਾਣੀ ਲੈਅ
ਦੋ ਵਾਰ ਦੀ ਓਲੰਪਿਕ ਤਗਮਾ ਜੇਤੂ ਪੀਵੀ ਸਿੰਧੂ ਨੇ ਵੀ ਸਿੰਗਾਪੁਰ ਵਿੱਚ ਆਪਣੀ ਪੁਰਾਣੀ ਲੈਅ ਵਿੱਚ ਪਰਤਣ ਦੇ ਸੰਕੇਤ ਦਿੱਤੇ ਹਨ। ਉਨ੍ਹਾਂ ਨੇ ਜਾਪਾਨ ਦੀ ਰਿਕੋ ਗੁੰਜੀ ਅਤੇ ਇੰਡੋਨੇਸ਼ੀਆ ਦੀ ਵਿਸ਼ਵ ਨੰਬਰ 6 ਖਿਡਾਰਨ ਪੁਤਰੀ ਕੁਸੁਮਾ ਵਰਦਾਨੀ 'ਤੇ ਸ਼ਾਨਦਾਰ ਜਿੱਤਾਂ ਦਰਜ ਕੀਤੀਆਂ ਸਨ। ਹਾਲਾਂਕਿ, ਜਕਾਰਤਾ ਵਿੱਚ ਸਿੰਧੂ ਨੂੰ ਦੂਜੇ ਦੌਰ ਵਿੱਚ ਹੀ ਫਿਰ ਤੋਂ ਵਿਸ਼ਵ ਦੀ ਨੰਬਰ 1 ਖਿਡਾਰਨ ਐਨ ਸੇ-ਯੰਗ ਦੀ ਚੁਣੌਤੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਭਾਰਤੀ ਟੀਮ ਦੀਆਂ ਹੋਰ ਚੁਣੌਤੀਆਂ
ਪੁਰਸ਼ ਸਿੰਗਲਜ਼ ਵਿਚ ਸਿੰਗਾਪੁਰ ਵਿੱਚ ਕੁਆਰਟਰ ਫਾਈਨਲ ਤੱਕ ਪਹੁੰਚਣ ਵਾਲੇ ਲਕਸ਼ਯ ਸੇਨ ਅਤੇ ਪਿਛਲੇ ਹਫ਼ਤੇ ਜੋਨਾਥਨ ਕ੍ਰਿਸਟੀ ਨੂੰ ਹਰਾਉਣ ਵਾਲੇ ਐਚਐਸ ਪ੍ਰਣੋਏ ਭਾਰਤੀ ਚੁਣੌਤੀ ਦੀ ਅਗਵਾਈ ਕਰਨਗੇ। ਮਹਿਲਾ ਸਿੰਗਲਜ਼ ਵਿਚ ਉੱਨਤੀ ਹੁੱਡਾ ਅਤੇ ਮਾਲਵਿਕਾ ਬੰਸੋੜ ਵੀ ਜਕਾਰਤਾ ਵਿੱਚ ਭਾਰਤੀ ਟੀਮ ਦਾ ਹਿੱਸਾ ਹਨ। ਮਿਸ਼ਰਤ ਡਬਲਜ਼ ਵਿਚ ਧਰੁਵ ਕਪਿਲਾ ਅਤੇ ਤਨੀਸ਼ਾ ਕਰਾਸਟੋ ਨੂੰ ਪਹਿਲੇ ਦੌਰ ਵਿੱਚ ਹੀ ਮਲੇਸ਼ੀਆ ਦੇ ਵਿਸ਼ਵ ਚੈਂਪੀਅਨ ਚੇਨ ਟੈਂਗ ਜੀ ਅਤੇ ਤੋਹ ਈ ਵੇਈ ਦੇ ਰੂਪ ਵਿੱਚ ਸਖ਼ਤ ਚੁਣੌਤੀ ਮਿਲੇਗੀ। ਮਹਿਲਾ ਡਬਲਜ਼ ਵਿਚ ਟ੍ਰੀਸਾ ਜੌਲੀ ਅਤੇ ਗਾਇਤਰੀ ਗੋਪੀਚੰਦ ਦੀ ਜੋੜੀ ਵਾਪਸੀ ਕਰ ਰਹੀ ਹੈ। ਟ੍ਰੀਸਾ ਦੇ ਸੱਟ ਤੋਂ ਉਭਰਨ ਤੋਂ ਬਾਅਦ ਮਾਰਚ ਵਿੱਚ ਹੋਏ ਸਵਿਸ ਓਪਨ ਤੋਂ ਬਾਅਦ ਇਹ ਉਨ੍ਹਾਂ ਦਾ ਪਹਿਲਾ ਟੂਰਨਾਮੈਂਟ ਹੋਵੇਗਾ।
ਸਾਤਵਿਕ-ਚਿਰਾਗ ਦੀ ਜੋੜੀ ਨਾਲ ਮੁੜ ਜੁੜੇ ਸਾਬਕਾ ਬੈਡਮਿੰਟਨ ਕੋਚ ਮਾਥੀਆਸ ਬੋ
NEXT STORY 
