ਸਪੋਰਟਸ ਡੈਸਕ : ਭਾਰਤ ਨੇ ਪਿਛਲੇ ਕੁਝ ਸਮੇਂ ਤੋਂ ਟੈਸਟ ’ਚ ਪਾਰੀ ਦੀ ਸ਼ੁਰੂਆਤ ਕਰਨ ਲਈ ਸ਼ੁਭਮਨ ਗਿੱਲ ਦਾ ਸਮਰਥਨ ਕੀਤਾ ਹੈ। ਉਨ੍ਹਾਂ ਨੇ ਪਿਛਲੇ ਸਾਲ ਮੈਲਬੋਰਨ ਵਿਚ ਆਸਟਰੇਲੀਆ ਖ਼ਿਲਾਫ਼ ਸ਼ੁਰੂਆਤ ਕੀਤੀ ਸੀ ਅਤੇ ਇਸ ਦੌਰਾਨ ਵਧੀਆ ਪ੍ਰਦਰਸ਼ਨ ਕੀਤਾ ਸੀ ਪਰ ਇੰਗਲੈਂਡ ਵਿਚ ਨਿਊਜ਼ੀਲੈਂਡ ਖਿਲਾਫ ਦੋਵਾਂ ਪਾਰੀਆਂ ਦੌਰਾਨ ਉਸ ਨੂੰ ਮੁਸ਼ਕਿਲ ਪਿੱਚ ’ਤੇ ਸੰਘਰਸ਼ ਕਰਨਾ ਪਿਆ। ਭਾਰਤ ਦੇ ਸਾਬਕਾ ਕ੍ਰਿਕਟਰ ਸੰਜੇ ਮਾਂਜਰੇਕਰ ਨੇ ਉਸ ਨੂੰ ਆਪਣੀ ਤਕਨੀਕ ’ਚ ਥੋੜ੍ਹੀ ਡੂੰਘਾਈ ਨਾਲ ਕੰਮ ਕਰਨ ਲਈ ਕਿਹਾ ਹੈ ਅਤੇ ਮੰਨਦੇ ਹਨ ਕਿ ਇੰਗਲੈਂਡ ਵਿਚ ਟੈਸਟ ਲੜੀ ਤੋਂ ਪਹਿਲਾਂ ਸਲਾਮੀ ਬੱਲੇਬਾਜ਼ ਨੂੰ ਉਸ ਦੇ ਪੈਰਾਂ ’ਤੇ ਕੰਮ ਕਰਨਾ ਪਵੇਗਾ।
ਮਾਂਜਰੇਕਰ ਨੇ ਇਕ ਸਪੋਰਟਸ ਵੈੱਬਸਾਈਟ ਨੂੰ ਦੱਸਿਆ, ਉਸ ਨੂੰ ਆਪਣੇ ਪੈਰਾਂ ’ਤੇ ਕੰਮ ਕਰਨਾ ਪਵੇਗਾ, ਜੋ ਸਾਰਿਆਂ ਲਈ ਸਪੱਸ਼ਟ ਹੈ। ਗੇਂਦ ਸੁੱਟਣਾ ਅਤੇ ਵਾਪਸ ਅੰਦਰ ਆਉਣਾ ਇੱਕ ਸਮੱਸਿਆ ਹੈ। ਇਹ ਹਮੇਸ਼ਾ ਫਰੰਟ ਫੁੱਟ ’ਤੇ ਹੁੰਦਾ ਹੈ। ਮੈਂ ਸ਼ੁਭਮਨ ਗਿੱਲ ਨੂੰ ਇਸ ਟੈਸਟ ਮੈਚ ਦੌਰਾਨ ਇਕ ਵਾਰ ਵੀ ਵਾਪਸ ਪਰਤਦਾ ਨਹੀਂ ਦੇਖਿਆ। ਉਹ ਸੱਚਮੁਚ ਇਹ ਯਕੀਨੀ ਬਣਾਉਣ ’ਤੇ ਕੇਂਦ੍ਰਿਤ ਹੈ ਕਿ ਉਹ ਬਾਹਰ ਨਾ ਨਿਕਲੇ। ਦੁਬਾਰਾ ਫਿਰ ਉਹ ਇਹ ਯਕੀਨੀ ਕਰਨ ’ਚ ਲੱਗ ਗਿਆ ਕਿ ਫਰੰਟ ਪੈਡ ਪਾਰ ਹੈ ਤੇ ਆਊਟਸਵਿੰਗਰ ਬਾਰੇ ਚਿੰਤਿਤ ਹੈ। ਮਾਂਜਰੇਕਰ ਦਾ ਮੰਨਣਾ ਹੈ ਕਿ ਗਿੱਲ ਦੀ ਤਕਨੀਕ ਮੌਜੂਦਾ ਆਸਟਰੇਲੀਆਈ ਹਾਲਤਾਂ ਲਈ ਵਧੇਰੇ ਢੁੱਕਵੀਂ ਹੈ। ਸਾਬਕਾ ਕ੍ਰਿਕਟਰ ਨੇ ਕਿਹਾ, ਇਹ ਉਸ ਤਰ੍ਹਾਂ ਦਾ ਫੁੱਟਵਰਕ ਹੈ, ਜਿਥੇ ਤੁਸੀਂ ਬੱਲੇਬਾਜ਼ਾਂ ਤੋਂ ਵੇਖਦੇ ਹੋ, ਜਦੋਂ ਤੁਸੀਂ ਆਸਟਰੇਲੀਆ ਦੇ ਐਡੀਲੇਡ ਵਰਗੇ ਮੈਦਾਨ ’ਚ ਖੇਡ ਰਹੇ ਹੁੰਦੇ ਹੋ, ਜਿੱਥੇ ਗੇਂਦ ਜ਼ਮੀਨ ਦੇ ਨਾਲ ਜਾਂਦੀ ਹੈ। ਅਜਿਹੀ ਸਥਿਤੀ ’ਚ ਜੋ ਵੀ ਹੁੰਦਾ ਹੈ, ਤੁਹਾਨੂੰ ਫਰੰਟ ਫੁੱਟ ’ਤੇ ਆਉਣਾ ਹੋਵੇਗਾ। ਮੈਂ ਥੋੜ੍ਹਾ ਖਦਸ਼ੇ ’ਚ ਹਾਂ ਕਿ ਕੀ ਹਰ ਸਮੇਂ (ਇੰਗਲੈਂਡ ਵਿਚ) ਅਗਲੇ ਪੈਰਾਂ ’ਤੇ ਚੱਲਣ ਦਾ ਇਹ ਸਹੀ ਤਰੀਕਾ ਹੈ।
ਭਾਰਤ ਖ਼ਿਲਾਫ਼ ਵਨ-ਡੇ ਸੀਰੀਜ਼ ਲਈ ਡੰਕਲੀ ਇੰਗਲੈਂਡ ਟੀਮ ’ਚ
NEXT STORY 
