ਵਾਸ਼ਿੰਗਟਨ/ਨਵੀਂ ਦਿੱਲੀ : ਭਾਰਤ ਦੀ ਉੱਭਰਦੀ ਸਕੁਐਸ਼ ਸਟਾਰ ਅਨਾਹਤ ਸਿੰਘ ਨੇ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਦਿਆਂ ਵਾਸ਼ਿੰਗਟਨ ਵਿੱਚ ਚੱਲ ਰਹੇ 'ਸਕੁਐਸ਼ ਆਨ ਫਾਇਰ ਓਪਨ' ਦੇ ਫਾਈਨਲ ਵਿੱਚ ਜਗ੍ਹਾ ਬਣਾ ਕੇ ਇਤਿਹਾਸ ਰਚ ਦਿੱਤਾ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਅਨਾਹਤ ਕਿਸੇ ਪੀਐਸਏ (PSA) ਕਾਂਸੀ (Bronze) ਪੱਧਰ ਦੀ ਪ੍ਰਤੀਯੋਗਤਾ ਦੇ ਫਾਈਨਲ ਵਿੱਚ ਪਹੁੰਚੀ ਹੈ।
ਸੈਮੀਫਾਈਨਲ ਵਿੱਚ ਅਮਰੀਕੀ ਖਿਡਾਰਨ ਨੂੰ ਦਿੱਤੀ ਮਾਤ
ਵਿਸ਼ਵ ਰੈਂਕਿੰਗ ਵਿੱਚ 31ਵੇਂ ਸਥਾਨ 'ਤੇ ਕਾਬਜ਼ ਅਤੇ ਇਸ ਟੂਰਨਾਮੈਂਟ ਵਿੱਚ ਸੱਤਵੀਂ ਸੀਡ ਪ੍ਰਾਪਤ ਅਨਾਹਤ ਨੇ ਸੈਮੀਫਾਈਨਲ ਵਿੱਚ ਮੇਜ਼ਬਾਨ ਅਮਰੀਕਾ ਦੀ ਸਬਰੀਨਾ ਸੋਭੀ ਨੂੰ 3-1 ਨਾਲ ਹਰਾਇਆ। ਸਬਰੀਨਾ ਵਿਸ਼ਵ ਰੈਂਕਿੰਗ ਵਿੱਚ 23ਵੇਂ ਨੰਬਰ 'ਤੇ ਹੈ, ਪਰ ਅਨਾਹਤ ਨੇ ਸ਼ਾਨਦਾਰ ਖੇਡ ਦਿਖਾਉਂਦਿਆਂ ਉਸ ਨੂੰ 11-9, 11-3, 9-11, 11-5 ਦੇ ਸਕੋਰ ਨਾਲ ਸ਼ਿਕਸਤ ਦਿੱਤੀ। ਜ਼ਿਕਰਯੋਗ ਹੈ ਕਿ ਅਨਾਹਤ ਨੇ ਕੁਆਰਟਰ ਫਾਈਨਲ ਵਿੱਚ ਵੀ ਮਿਸਰ ਦੀ ਦੂਜੀ ਸੀਡ ਸਨਾ ਇਬਰਾਹਿਮ ਨੂੰ ਹਰਾ ਕੇ ਵੱਡਾ ਉਲਟਫੇਰ ਕੀਤਾ ਸੀ।
ਫਾਈਨਲ ਵਿੱਚ ਇੰਗਲੈਂਡ ਦੀ ਚੋਟੀ ਦੀ ਸੀਡ ਨਾਲ ਹੋਵੇਗੀ ਟੱਕਰ
ਖਿਤਾਬੀ ਮੁਕਾਬਲੇ ਵਿੱਚ ਹੁਣ ਅਨਾਹਤ ਦਾ ਸਾਹਮਣਾ ਇੰਗਲੈਂਡ ਦੀ ਚੋਟੀ ਦੀ ਸੀਡ ਅਤੇ ਵਿਸ਼ਵ ਰੈਂਕਿੰਗ ਵਿੱਚ 10ਵੇਂ ਸਥਾਨ 'ਤੇ ਕਾਬਜ਼ ਜਾਰਜੀਨਾ ਕੈਨੇਡੀ ਨਾਲ ਹੋਵੇਗਾ।
ਅਰਸ਼ਦੀਪ ਸਿੰਘ ਨੇ 5 ਵਿਕਟ ਲੈ ਰਚਿਆ ਇਤਿਹਾਸ, ਪਰ ਨਾਲ ਜੁੜ ਗਿਆ T20I ਦਾ ਸਭ ਤੋਂ 'ਸ਼ਰਮਨਾਕ' ਰਿਕਾਰਡ!
NEXT STORY 
