ਬਾਸੇਲ : ਸਵਿਸ ਓਪਨ ਬੈਡਮਿੰਟਨ ਟੂਰਨਾਮੈਂਟ ਵਿੱਚ ਭਾਰਤ ਲਈ ਰਲਵਾਂ-ਮਿਲਵਾਂ ਦਿਨ ਰਿਹਾ। ਜਿੱਥੇ ਪੁਰਸ਼ ਸਿੰਗਲਜ਼ ਵਿੱਚ ਥਾਰੁਣ ਮੰਨੇਪੱਲੀ ਨੇ ਅਗਲੇ ਦੌਰ ਵਿੱਚ ਜਗ੍ਹਾ ਬਣਾਈ ਹੈ, ਉੱਥੇ ਹੀ ਮਹਿਲਾ ਸਿੰਗਲਜ਼ ਵਿੱਚ ਭਾਰਤ ਦੀ ਚੁਣੌਤੀ ਖ਼ਤਮ ਹੋ ਗਈ ਹੈ।
ਜਾਪਾਨੀ ਖਿਡਾਰੀ ਦੇ ਰਿਟਾਇਰ ਹਰਟ ਹੋਣ ਨਾਲ ਮਿਲੀ ਜਿੱਤ
ਭਾਰਤੀ ਸ਼ਟਲਰ ਥਾਰੁਣ ਮੰਨੇਪੱਲੀ ਨੇ ਪੁਰਸ਼ ਸਿੰਗਲਜ਼ ਦੇ ਪਹਿਲੇ ਦੌਰ ਦੇ ਮੁਕਾਬਲੇ ਵਿੱਚ ਜਾਪਾਨ ਦੇ ਕੈਂਟਾ ਨਿਸ਼ੀਮੋਟੋ ਨੂੰ ਹਰਾ ਕੇ ਦੂਜੇ ਦੌਰ ਵਿੱਚ ਪ੍ਰਵੇਸ਼ ਕੀਤਾ। ਵਿਸ਼ਵ ਰੈਂਕਿੰਗ ਵਿੱਚ 43ਵੇਂ ਸਥਾਨ 'ਤੇ ਕਾਬਜ਼ ਮੰਨੇਪੱਲੀ ਬੁੱਧਵਾਰ ਰਾਤ ਨੂੰ ਖੇਡੇ ਗਏ ਇਸ ਮੈਚ ਵਿੱਚ 16-21, 21-16, 7-2 ਨਾਲ ਅੱਗੇ ਚੱਲ ਰਹੇ ਸਨ, ਜਦੋਂ ਪੰਜਵਾਂ ਦਰਜਾ ਪ੍ਰਾਪਤ ਨਿਸ਼ੀਮੋਟੋ ਨੇ ਮੋਢੇ ਵਿੱਚ ਦਰਦ ਕਾਰਨ ਮੈਚ ਤੋਂ ਹਟਣ ਦਾ ਫੈਸਲਾ ਕੀਤਾ। ਪਿਛਲੇ ਸਾਲ ਮਕਾਊ ਓਪਨ ਦੇ ਸੈਮੀਫਾਈਨਲ ਵਿੱਚ ਪਹੁੰਚਣ ਵਾਲੇ 24 ਸਾਲਾ ਥਾਰੁਣ ਦਾ ਅਗਲਾ ਮੁਕਾਬਲਾ ਹੁਣ ਮਲੇਸ਼ੀਆ ਦੇ ਜਸਟਿਨ ਹੋਹ ਨਾਲ ਹੋਵੇਗਾ।
ਮਾਲਵਿਕਾ ਬੰਸੋੜ ਦੀ ਕਰਾਰੀ ਹਾਰ
ਦੂਜੇ ਪਾਸੇ, ਮਹਿਲਾ ਸਿੰਗਲਜ਼ ਵਿੱਚ ਭਾਰਤ ਨੂੰ ਨਿਰਾਸ਼ਾ ਹੱਥ ਲੱਗੀ ਹੈ। ਭਾਰਤ ਦੀ ਮਾਲਵਿਕਾ ਬੰਸੋੜ ਨੂੰ ਥਾਈਲੈਂਡ ਦੀ ਵਿਸ਼ਵ ਵਿੱਚ ਚੌਥੇ ਨੰਬਰ ਦੀ ਖਿਡਾਰਨ ਪੋਰਨਪਾਵੀ ਚੋਚੂਵੋਂਗ ਹੱਥੋਂ ਇੱਕਪਾਸੜ ਮੁਕਾਬਲੇ ਵਿੱਚ 11-21, 15-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਥਾਈਲੈਂਡ ਦੀ ਇਸ ਖਿਡਾਰਨ ਵਿਰੁੱਧ ਮਾਲਵਿਕਾ ਦੀ ਇਹ ਲਗਾਤਾਰ ਚੌਥੀ ਹਾਰ ਹੈ।
TEAM INDIA 'ਚੋਂ ਡਰਾਪ ਹੋਏ ਕ੍ਰਿਕਟਰ ਨੂੰ BCCI ਦੇਵੇਗਾ ਵੱਡਾ ਐਵਾਰਡ, ਇਹ ਦਿੱਗਜ ਵੀ ਹੋਵੇਗਾ ਸਨਮਾਨਿਤ
NEXT STORY 
