ਮੁੰਬਈ : ਆਸਟਰੇਲੀਆ ਖ਼ਿਲਾਫ਼ ਭਾਰਤ ਦੀ ਪੰਜ ਵਿਕਟਾਂ ਦੀ ਜਿੱਤ ਵਿੱਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਮੋਹਰੀ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ੰਮੀ ਨੇ ਗੇਂਦਬਾਜ਼ੀ ਤੋਂ ਬਾਅਦ ਦੀ ‘ਰਿਕਵਰੀ’ ਪ੍ਰਕਿਰਿਆ ਨੂੰ ਅਹਿਮ ਦੱਸਿਆ ਹੈ। ਸੱਜੇ ਹੱਥ ਦੇ ਤੇਜ਼ ਗੇਂਦਬਾਜ਼ ਨੇ ਸ਼ੁੱਕਰਵਾਰ ਨੂੰ ਪਹਿਲੇ ਵਨਡੇ ਵਿੱਚ ਛੇ ਓਵਰਾਂ ਵਿੱਚ ਦੋ ਮੇਡਨ ਨਾਲ 17 ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਲਈਆਂ, ਜਿਸ ਨਾਲ ਭਾਰਤ ਨੇ ਆਸਟਰੇਲੀਆ ਨੂੰ 35.4 ਓਵਰਾਂ ਵਿੱਚ 188 ਦੌੜਾਂ 'ਤੇ ਢੇਰ ਕਰ ਦਿੱਤਾ ਅਤੇ ਫਿਰ 39.5 ਓਵਰਾਂ ਵਿੱਚ ਟੀਚੇ ਦਾ ਪਿੱਛਾ ਕਰ ਲਿਆ।
ਇਹ ਵੀ ਪੜ੍ਹੋ : ਹੁਣ ਇੰਗਲੈਂਡ 'ਚ ਧਮਾਲ ਮਚਾਏਗਾ ਅਰਸ਼ਦੀਪ ਸਿੰਘ, ਇਸ ਕਾਊਂਟੀ ਟੀਮ ਨੇ ਕੀਤਾ ਸਾਈਨ
ਸ਼ੰਮੀ ਨੇ ਬੀ. ਸੀ. ਸੀ. ਆਈ. ਡਾਟ ਟੀਵੀ 'ਤੇ ਸਾਥੀ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਨਾਲ ਗੱਲਬਾਤ 'ਚ ਕਿਹਾ, 'ਯੋਜਨਾ ਬਹੁਤ ਸੌਖੀ ਸੀ। ਅਸੀਂ ਟੀਮ ਮੀਟਿੰਗਾਂ ਵਿਚ ਗੱਲ ਕੀਤੀ ਕਿ ਅਸੀਂ ਚੰਗੀ ਸ਼ੁਰੂਆਤ ਕਰਾਂਗੇ, ਸਹੀ ਖੇਤਰਾਂ ਵਿਚ ਗੇਂਦਬਾਜ਼ੀ ਕਰਾਂਗੇ, ਆਪਣੀ ਲਾਈਨ ਅਤੇ ਲੰਬਾਈ 'ਤੇ ਕਾਇਮ ਰਹਾਂਗੇ। ਉਸ ਨੇ ਕਿਹਾ, 'ਗਰਮੀ ਵੀ ਇੱਕ ਮੁੱਦਾ ਸੀ। ਜਦੋਂ ਅਸੀਂ ਪਹਿਲਾ ਸਪੈੱਲ ਕਰਾਇਆ ਤਾਂ ਬਹੁਤ ਗਰਮੀ ਸੀ ਪਰ ਬਾਅਦ ਵਿੱਚ ਜਦੋਂ ਹਵਾ ਚੱਲਣ ਲੱਗੀ ਤਾਂ ਇਸ ਵਿੱਚ ਥੋੜ੍ਹਾ ਸੁਧਾਰ ਹੋਇਆ।
ਉਹ ਅਹਿਮਦਾਬਾਦ ਵਿੱਚ ਆਸਟਰੇਲੀਆ ਵਿਰੁੱਧ ਚੌਥੇ ਅਤੇ ਆਖਰੀ ਟੈਸਟ ਵਿੱਚ ਗੇਂਦਬਾਜ਼ੀ ਤੋਂ ਉਭਰਨ ਲਈ ਪਹਿਲੇ ਵਨਡੇ ਲਈ ਸਿਖਲਾਈ ਸੈਸ਼ਨ ਤੋਂ ਖੁੰਝ ਗਿਆ ਅਤੇ ਸਿੱਧਾ ਮੈਚ ਵਿੱਚ ਚਲਾ ਗਿਆ। ਇਸ 'ਤੇ ਸ਼ਮੀ ਨੇ ਕਿਹਾ, 'ਅਹਿਮਦਾਬਾਦ 'ਚ 40 ਓਵਰਾਂ ਤੋਂ ਬਾਅਦ ਮੈਨੂੰ 'ਰਿਕਵਰੀ' (ਥਕਾਵਟ ਤੋਂ ਉਭਰਨ ਲਈ) ਇਕ ਤੋਂ ਦੋ ਦਿਨ ਚਾਹੀਦੇ ਸਨ। ਮੈਂ 'ਰਿਕਵਰੀ' ਕੀਤੀ ਅਤੇ ਮੈਚ ਖੇਡਣ ਲਈ ਉਤਰ ਗਿਆ।
ਇਹ ਵੀ ਪੜ੍ਹੋ : ਆਸਟ੍ਰੇਲੀਆ ਦੇ ਸਾਬਕਾ ਟੈਸਟ ਕਪਤਾਨ ਟਿਮ ਪੇਨ ਨੇ ਲਿਆ ਸੰਨਿਆਸ
ਉਸ ਨੇ ਕਿਹਾ, 'ਟੀਮ ਪ੍ਰਬੰਧਨ ਨੇ ਸਵੀਕਾਰ ਕੀਤਾ ਕਿ ਮੈਨੂੰ 'ਰਿਕਵਰੀ' ਦੀ ਜ਼ਰੂਰਤ ਹੈ। ਅਸੀਂ ਬਹੁਤ ਸਾਰੇ ਮੈਚ ਖੇਡੇ ਹਨ ਅਤੇ ਅਸੀਂ ਆਪਣੇ ਹੁਨਰ ਅਤੇ ਯੋਗਤਾਵਾਂ ਨੂੰ ਜਾਣਦੇ ਹਾਂ। ਇਸ ਲਈ ਇਹ ਜ਼ਰੂਰੀ ਸੀ ਕਿ ਅਸੀਂ ਚੰਗੀ ਤਰ੍ਹਾਂ 'ਰਿਕਵਰ' ਕਰੀਏ ਅਤੇ ਬਿਹਤਰ 'ਪ੍ਰਦਰਸ਼ਨ' ਕਰਨ ਦੇ ਯੋਗ ਹੋਈਏ।
ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈੰਟ ਕਰਕੇ ਦਿਓ ਜਵਾਬ।
ਇਗਾ ਸਵੀਆਤੇਕ ਅਤੇ ਰਾਇਬਕੀਨਾ ਇੰਡੀਅਨ ਵੇਲਜ਼ ਦੇ ਸੈਮੀਫਾਈਨਲ ਵਿੱਚ ਪੁੱਜੀਆਂ
NEXT STORY 
