ਵੈਲਿੰਗਟਨ : ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਜੋਫਰਾ ਆਰਚਰ 'ਤੇ ਇਕ ਟੈਸਟ ਦੌਰਾਨ ਨਸਲੀ ਟਿੱਪਣੀ ਕਰਨ ਵਾਲੇ ਵਿਅਕਤੀ 'ਤੇ ਨਿਊਜ਼ੀਲੈਂਡ ਵਿਚ ਘਰੇਲੂ ਅਤੇ ਕੌਮਾਂਤਰੀ ਮੈਚਾਂ ਲਈ 2 ਸਾਲ ਦੀ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਆਰਚਰ 'ਤੇ ਇੰਗਲੈਂਡ ਅਤੇ ਨਿਊਜ਼ੀਲੈਂਡ ਵਿਚਾਲੇ ਨਵੰਬਰ ਵਿਚ ਖੇਡੇ ਗਏ ਟੈਸਟ ਦੇ ਆਖਰੀ ਦਿਨ ਨਸਲੀ ਟਿੱਪਣੀ ਕੀਤੀ ਗਈ ਸੀ। ਪੁਲਸ ਨੇ ਆਕਲੈਂਡ ਦੇ ਰਹਿਣ ਵਾਲੇ ਉਸ 28 ਸਾਲਾ ਵਿਅਕਤੀ ਨੂੰ ਫੜ੍ਹ ਲਿਆ, ਜਿਸ ਨੇ ਇਹ ਟਿੱਪਣੀ ਕੀਤੀ ਸੀ। ਉਸ ਨੂੰ ਜ਼ੁਬਾਨੀ ਚਿਤਾਵਨੀ ਦਿੱਤੀ ਗਈ।
ਨਿਊਜ਼ੀਲੈਂਡ ਕ੍ਰਿਕਟ ਦੇ ਬੁਲਾਰੇ ਐਂਥੋਨੀ ਕ੍ਰਮੀ ਨੇ ਕਿਹਾ ਕਿ ਉਹ ਵਿਅਕਤੀ 2022 ਤਕ ਨਿਊਜ਼ੀਲੈਂਡ ਵਿਚ ਕੋਈ ਕੌਮਾਂਤਰੀ ਜਾਂ ਘਰੇਲੂ ਮੈਚ ਨਹੀਂ ਦੇਖ ਸਕੇਗਾ। ਇਸ ਦੀ ਉਲੰਘਣਾ ਕਰਨ 'ਤੇ ਉਸ ਨੂੰ ਪੁਲਸ ਕਾਰਵਾਈ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਅਸੀਂ ਜੋਫਰਾ ਆਰਚਰ ਅਤੇ ਇੰਗਲੈਂਡ ਟੀਮ ਮੈਨੇਜਮੈਂਟ ਤੋਂ ਉਸ ਘਟਨਾ ਲਈ ਫਿਰ ਮੁਆਫੀ ਮੰਗਦੇ ਹਾਂ। ਇਸ ਤਰ੍ਹਾਂ ਦਾ ਰਵੱਈਆ ਪੂਰੀ ਤਰ੍ਹਾਂ ਅਸਵੀਕਾਰਨਯੋਗ ਹੈ।''
ਏਸ਼ੀਆਈ ਕੁਸ਼ਤੀ ਚੈਂਪੀਅਨਸ਼ਿਪ : ਸਾਕਸ਼ੀ, ਰਾਹੁਲ ਅਵਾਰੇ ਭਾਰਤੀ ਟੀਮ 'ਚ ਸ਼ਾਮਲ
NEXT STORY 
