ਜਲੰਧਰ- ਆਡੀ ਭਾਰਤ 'ਚ 10 ਸਾਲ ਪੂਰੇ ਕਰਨ ਦਾ ਜਸ਼ਨ ਮਨਾ ਰਹੀ ਹੈ ਅਤੇ ਇਸ ਦੌਰ 'ਚ ਕੰਪਨੀ ਨੇ ਲਿਮਟਿਡ ਐਡੀਸ਼ਨ ਕਾਰਾਂ ਲਾਂਚ ਕੀਤੀਆਂ ਹਨ। ਆਡੀ ਨੇ ਭਾਰਤ 'ਚ ਡਿਜ਼ਾਇਨ ਐਡੀਸ਼ਨ ਨਾਲ Q7 ਐੱਸ. ਯੂ. ਵੀ. ਅਤੇ A6 ਸੇਡਾਨ ਲਾਂਚ ਕੀਤੀ ਹੈ। ਇਸ ਲਗਜ਼ਰੀ ਕਾਰਾਂ 'ਚ ਪਹਿਲਾਂ ਵਲੋਂ ਮੌਜੂਦ ਬਿਹਤਰੀਨ ਫੀਚਰਸ ਤੋਂ ਇਲਾਵਾ ਵੀ ਕੰਪਨੀ ਨੇ ਕੁਝ ਹੋਰ ਫੀਚਰਸ ਕਾਰ 'ਚ ਐਡ ਕੀਤੇ ਹਨ। ਭਾਰਤ 'ਚ ਡਿਜ਼ਾਇਨ ਐਡੀਸ਼ਨ ਆਡੀ Q7 ਐੱਸ. ਯੂ. ਵੀ. ਦੀ ਸ਼ੁਰੂਆਤੀ ਐਕਸ ਸ਼ੋਰੂਮ ਕੀਮਤ 81.99 ਲੱਖ ਰੁਪਏ ਹੈ। ਇਸ ਐਡੀਸ਼ਨ 'ਚ ਆਡੀ 16 ਸੇਡਾਨ ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ 56.78 ਲੱਖ ਰੁਪਏ ਰੱਖੀ ਗਈ ਹੈ। ਦੱਸ ਦਈਏ ਕਿ ਇਹ ਇਕ ਲਿਮਟਿਡ ਐਡੀਸ਼ਨ ਹੈ ਅਤੇ ਇਨ੍ਹਾਂ ਕਾਰਾਂ ਦੀ ਵਿਕਰੀ ਤਦ ਤੱਕ ਹੀ ਜਾਰੀ ਰਹੇਗੀ। ਜਦ ਤੱਕ ਇਹ ਸਟਾਕ 'ਚ ਰਹਿਣਗੀ।
ਆਡੀ ਨੇ Q7 ਦੇ ਡਿਜ਼ਾਇਨ ਐਡੀਸ਼ਨ 'ਚ ਕੁਝ ਲਗਜ਼ਰੀ ਫੀਚਰਸ ਅਤੇ ਐਡ ਕਰ ਦਿੱਤੇ ਹੈ ਜਿਸ ਦੇ ਨਾਲ ਇਹ ਕਾਰ ਹੋਰ ਵੀ ਸ਼ਾਨਦਾਰ ਹੋ ਗਈ ਹੈ। ਕੰਪਨੀ ਨੇ ਇਸ 'ਚ ਆਡੀ ਸਮਾਰਟਫੋਨ ਇੰਟਰਫੇਸ, 5- ਸਪੋਕ ਸਟਾਰ ਡਿਜ਼ਾਇਨ ਵਾਲੇ 20-ਇੰਚ ਐਲੂਮੀਨੀਅਮ ਅਲਾਏ ਵ੍ਹੀਲਸ, ਦਰਵਾਜਿਆਂ 'ਤੇ ਪ੍ਰੋਜੈਕਸ਼ਨ ਪੈਡਲ ਲੈਂਪਸ ਦੇ ਨਾਲ ਸਮੋਕਡ ਟੈੱਲ ਲੈਂਪਸ, ਗਲਾਸ ਬਲੈਕ ਰੰਗ ਦਾ ਰਨਿੰਗ ਬੋਰਡ ਅਤੇ ਐਗਜ਼ਹਾਸਟ ਟਿੱਪ ਦਿੱਤੀ ਗਈ ਹੈ। ਇਸ ਏ. ਯੂ. ਵੀ. ਦੇ ਇੰਜਣ ਦੀ ਗੱਲ ਕਰੀਏ ਤਾਂ ਆਡੀ Q7 'ਚ 3.0-ਲਿਟਰ ਦਾ ਡੀਜ਼ਲ ਇੰਜਣ ਲਗਾਇਆ ਹੈ ਜੋ 245 bhp ਪਾਵਰ ਅਤੇ 600 Nm ਟਾਰਕ ਜਨਰੇਟ ਕਰਦਾ ਹੈ। ਇਸ ਐੱਸ. ਯੂ. ਵੀ. ਦੀ ਟਾਪ ਸਪੀਡ 234 ਕਿ. ਮੀ/ਘੰਟਿਆ ਹੈ ਅਤੇ ਮਹਿਜ਼ 7.1 ਸੈਕਿੰਟ 'ਚ ਹੀ ਇਹ ਕਾਰ 0 ਤੋਂ 100 ਕਿ. ਮੀ./ ਘੰਟਿਆ ਦੀ ਰਫਤਾਰ ਫੜ ਲੈਂਦੀ ਹੈ।
ਆਡੀ ਨੇ ਆਪਣੀ ਨਵੀਂ ਸੇਡਾਨ A6 ਦੇ ਡਿਜ਼ਾਇਨ ਐਡੀਸ਼ਨ 'ਚ ਕੁਝ ਬਿਹਤਰੀਨ ਫੀਚਰਸ ਐਡ ਕੀਤੇ ਹਨ ਜੋ ਇਸ ਕਾਰ ਨੂੰ ਹੋਰ ਵੀ ਜ਼ਿਆਦਾ ਲਗਜ਼ਰੀ ਟੱਚ ਦਿੰਦੇ ਹਨ। ਕੰਪਨੀ ਨੇ ਕਾਰ 'ਚ ਸਮਾਰਟਫੋਨ ਇੰਟਰਫੇਸ, ਰਿਅਰ ਸੀਟ ਇੰਟਰਟੇਨਮੇਂਟ, ਪ੍ਰੋਜੈਕਸ਼ਨ ਪਡਲ ਲੈਂਪਸ , 5 - ਸੈਮੀ V- ਸਪੋਕ ਡਿਜ਼ਾਇਨ ਵਾਲੇ 19 - ਇੰਚ ਕਾਸਟ ਐਲੂਮੀਨੀਅਮ ਅਲੌਏ ਵ੍ਹੀਲਸ ਜਿਹੇ ਕਈ ਫੀਚਰਸ ਦਿੱਤੇ ਹਨ। ਆਡੀ 16 'ਚ 2.0-ਲਿਟਰ ਦਾ ਡੀਜ਼ਲ ਇੰਜਣ ਲਗਾਇਆ ਗਿਆ ਹੈ। ਇਹ ਇੰਜਣ 187 bhp ਪਾਵਰ ਅਤੇ 400 Nm ਟਾਰਕ ਜਨਰੇਟ ਕਰਦਾ ਹੈ। ਜੇਕਰ ਤੁਸੀਂ ਇਨ੍ਹਾਂ 'ਚੋਂ ਕੋਈ ਮਾਡਲ ਖਰੀਦਣਾ ਚਾਹੁੰਦੇ ਹਨ ਤਾਂ ਆਪਣੀ ਨਜ਼ਦੀਕੀ ਡੀਲਰਸ਼ਿਪ 'ਤੇ ਜਾ ਕੇ ਇਹ ਕਾਰਾਂ ਵੇਖ ਸਕਦੇ ਹੋ।
Tata ਨੇ ਲਾਂਚ ਕੀਤੀ ਨਵੀਂ ਆਟੋਮੈਟਿਕ ਟ੍ਰਾਂਸਮਿਸ਼ਨ ਵਾਲੀ ਹੈਚਬੈਕ Tiago, ਜਾਣੋ ਖਾਸੀਅਤਾਂ
NEXT STORY 
