ਸਪੋਰਟਸ ਡੈਸਕ- ਆਈਪੀਐਲ 2026 ਦੇ ਸੱਤਵੇਂ ਮੁਕਾਬਲੇ ਵਿੱਚ ਅੱਜ ਚੇਨਈ ਸੁਪਰ ਕਿੰਗਜ਼ (CSK) ਆਪਣੇ ਘਰੇਲੂ ਮੈਦਾਨ ਐਮ.ਏ. ਚਿਦੰਬਰਮ ਸਟੇਡੀਅਮ (ਚੇਪੌਕ) ਵਿੱਚ ਪੰਜਾਬ ਕਿੰਗਜ਼ (PBKS) ਦੇ ਵਿਰੁੱਧ ਮੈਦਾਨ 'ਤੇ ਉਤਰੀ ਹੈ। ਇਸ ਅਹਿਮ ਮੁਕਾਬਲੇ ਵਿੱਚ ਚੇਨਈ ਨੇ ਆਪਣੀ ਪਲੇਇੰਗ ਇਲੈਵਨ ਵਿੱਚ ਇੱਕ ਵੱਡਾ ਬਦਲਾਅ ਕਰਦਿਆਂ 20 ਸਾਲਾ ਨੌਜਵਾਨ ਆਲਰਾਊਂਡਰ ਪ੍ਰਸ਼ਾਂਤ ਵੀਰ ਨੂੰ ਆਈਪੀਐਲ ਵਿੱਚ ਡੈਬਿਊ ਕਰਨ ਦਾ ਮੌਕਾ ਦਿੱਤਾ ਹੈ। ਸੀਜ਼ਨ ਵਿੱਚ ਆਪਣੀ ਪਹਿਲੀ ਜਿੱਤ ਦੀ ਤਲਾਸ਼ ਕਰ ਰਹੀ ਚੇਨਈ ਟੀਮ ਦਾ ਇਹ ਫੈਸਲਾ ਕਾਫੀ ਚਰਚਾ ਵਿੱਚ ਹੈ।
ਕੌਣ ਹੈ ਪ੍ਰਸ਼ਾਂਤ ਵੀਰ?
ਉੱਤਰ ਪ੍ਰਦੇਸ਼ ਦੇ ਅਮੇਠੀ ਜ਼ਿਲ੍ਹੇ ਦੇ ਰਹਿਣ ਵਾਲੇ ਪ੍ਰਸ਼ਾਂਤ ਵੀਰ ਇੱਕ ਖੱਬੇ ਹੱਥ ਦੇ ਆਰਥੋਡਾਕਸ ਸਪਿਨਰ ਹਨ ਅਤੇ ਉਹ ਹੇਠਲੇ ਕ੍ਰਮ ਵਿੱਚ ਆਪਣੀ ਹਮਲਾਵਰ ਬੱਲੇਬਾਜ਼ੀ ਅਤੇ ਛੱਕੇ ਲਗਾਉਣ ਦੀ ਸਮਰੱਥਾ ਲਈ ਜਾਣੇ ਜਾਂਦੇ ਹਨ। ਆਈਪੀਐਲ 2026 ਦੀ ਨਿਲਾਮੀ ਵਿੱਚ ਚੇਨਈ ਸੁਪਰ ਕਿੰਗਜ਼ ਨੇ ਉਨ੍ਹਾਂ 'ਤੇ ਰਿਕਾਰਡਤੋੜ ਬੋਲੀ ਲਗਾਉਂਦਿਆਂ 14.2 ਕਰੋੜ ਰੁਪਏ ਵਿੱਚ ਖਰੀਦਿਆ ਸੀ। ਇਹ ਕੀਮਤ ਕਿਸੇ ਵੀ ਅਨਕੈਪਡ ਖਿਡਾਰੀ ਲਈ ਆਈਪੀਐਲ ਇਤਿਹਾਸ ਦੀ ਸਭ ਤੋਂ ਵੱਡੀ ਬੋਲੀ ਵਿੱਚੋਂ ਇੱਕ ਹੈ। ਟੀਮ ਪ੍ਰਬੰਧਨ ਉਨ੍ਹਾਂ ਨੂੰ ਦਿੱਗਜ ਖਿਡਾਰੀ ਰਵਿੰਦਰ ਜਡੇਜਾ ਦੇ ਲੰਬੇ ਸਮੇਂ ਦੇ ਵਿਕਲਪ ਵਜੋਂ ਦੇਖ ਰਿਹਾ ਹੈ।
ਪ੍ਰਸ਼ਾਂਤ ਵੀਰ ਨੇ ਘਰੇਲੂ ਕ੍ਰਿਕਟ ਵਿੱਚ ਲਗਾਤਾਰ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਹਾਲ ਹੀ ਵਿੱਚ ਸਈਅਦ ਮੁਸ਼ਤਾਕ ਅਲੀ ਟਰਾਫੀ ਵਿੱਚ ਉਨ੍ਹਾਂ ਨੇ ਯੂਪੀ (UP) ਲਈ ਖੇਡਦਿਆਂ 6 ਪਾਰੀਆਂ ਵਿੱਚ 37 ਤੋਂ ਵੱਧ ਦੀ ਔਸਤ ਅਤੇ 170 ਦੇ ਸਟ੍ਰਾਈਕ ਰੇਟ ਨਾਲ 112 ਦੌੜਾਂ ਬਣਾਈਆਂ ਸਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ 6.7 ਦੀ ਕਿਫਾਇਤੀ ਇਕਾਨਮੀ ਨਾਲ 9 ਵਿਕਟਾਂ ਵੀ ਝਟਕਾਈਆਂ ਸਨ। ਉਨ੍ਹਾਂ ਦੇ ਟੀ-20 ਕਰੀਅਰ ਵਿੱਚ ਹੁਣ ਤੱਕ 12 ਵਿਕਟਾਂ ਦਰਜ ਹਨ।
IPL 2026: ਪੰਜਾਬ ਕਿੰਗਜ਼ ਨੇ ਟਾਸ ਜਿੱਤ ਕੇ ਚੇਨਈ ਸੁਪਰ ਕਿੰਗਜ਼ ਨੂੰ ਦਿੱਤਾ ਬੱਲੇਬਾਜ਼ੀ ਦਾ ਸੱਦਾ
NEXT STORY 
