ਜਲੰਧਰ- ਸੁਜ਼ੂਕੀ ਮੋਟਰਸਾਈਕਲ ਇੰਡੀਆ ਨੇ ਆਪਣੀ ਪਾਪੂਲਰ 155cc ਕਰੂਜ਼ਰ ਮੋਟਰਸਾਈਕਲ ਸੁਜ਼ੂਕੀ ਇੰਟਰੂਡਰ ਦਾ ਨਵਾਂ ਸਪੈਸ਼ਲ ਐਡੀਸ਼ਨ ਮਾਡਲ ਲਾਂਚ ਕਰ ਦਿੱਤਾ ਹੈ। ਇਹ ਕਾਰਬਿਊਰੇਟਿਡ ਤੇ ਫਿਊਲ-ਇੰਜੈਕਟਿਡ ਦੋਵਾਂ ਹੀ ਵਰਜ਼ਨ 'ਚ ਉਪਲੱਬਧ ਹੈ, ਜਿਸ ਦੇ ਚੱਲਦੇ ਕੰਪਨੀ ਨੇ ਇਸ ਸਪੈਸ਼ਲ ਐਡੀਸ਼ਨ ਮਾਡਲਸ ਦੇ ਨਾਂ ਜਿਕਸਰ ਸੀਰੀਜ਼ ਦੀ ਤਰ੍ਹਾਂ ਸਮਾਨ ਸੁਜ਼ੂਕੀ ਇੰਟਰੂਡਰ SP ਤੇ ਇੰਟਰੂਡਰ FI SP ਰੱਖਿਆ ਹੈ। ਕੰਪਨੀ ਨੇ ਇਸ ਬਾਈਕ ਨੂੰ ਤਿਉਹਾਰੀ ਸੀਜ਼ਨ ਲਈ ਲਾਂਚ ਕੀਤਾ ਹੈ ਜਿਸ ਦੀ ਕੀਮਤ 1 ਲੱਖ ਰੁਪਏ ਤੇ 1.07 ਲੱਖ ਰੁਪਏ (ਐਕਸ ਸ਼ੋਰੂਮ ਦਿੱਲੀ) ਰੱਖੀ ਗਈ ਹੈ। ਨਵੇਂ ਸਪੈਸ਼ਲ ਐਡੀਸ਼ਨ ਸੁਜ਼ੂਕੀ ਇੰਟਰੂਡਰ 'ਚ ਨਵਾਂ ਮੈਟੇ ਬਲੈਕ ਕਲਰ ਆਪਸ਼ਨ ਦੇ ਨਾਲ 'ਚ ਕੈਂਡੀ ਸੈਨੋਮਾ ਰੈੱਡ ਐਕਸੈਂਟ ਦਿੱਤਾ ਗਿਆ ਹੈ। ਭਾਰਤੀ ਬਾਜ਼ਾਰ 'ਚ ਆਪਣੇ ਸੈਗਮੈਂਟ 'ਚ ਇਸ ਦਾ ਮੁਕਾਬਲਾ ਬਜਾਜ਼ ਅਵੈਂਜਰ ਨਾਲ ਹੈ।
ਕੰਪਨੀ ਨੇ ਕਿਹਾ ਹੈ ਕਿ ਇਸ ਨੂੰ ਫੇਸਟਿਵ ਸੀਜ਼ਨ ਤੋਂ ਪਹਿਲਾਂ ਲਾਂਚ ਕੀਤੀ ਜਾ ਰਹੀ ਹੈ ਤੇ ਇਹ ਕਰੂਜ਼ਰ ਕਸਟਮਰਸ ਨੂੰ ਲੁਭਾਏਗਾ। ਸਪੋਰਟੀ ਲੁੱਕ, ਸ਼ਾਨਦਾਰ ਡਿਜ਼ਾਈਨ ਤੇ ਬਿਹਤਰ ਅਪੀਲ ਵਾਲੀ ਇੰਟਰੂਡਰ ਤੇ ਇੰਟਰੂਡਰ 69 ਵੇਰੀਐਂਟ ਉਨ੍ਹਾਂ ਲੋਕਾਂ ਲਈ ਹੈ ਜੋ ਭੀੜ ਤੋਂ ਅਲਗ ਰਹਿਣਾ ਚਾਹੁੰਦੇ ਹਨ।
ਫੀਚਰਸ
ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ ਸਪੈਸ਼ਲ ਐਡੀਸ਼ਨ ਵਰਜ਼ਨ 'ਚ ਏ. ਬੀ. ਐੱਸ ਸਹਿਤ ਪੂਰੀ ਤਰ੍ਹਾਂ ਨਾਲ ਡਿਜੀਟਲ ਇੰਸਟਰੂਮੈਂਟ ਦਿੱਤਾ ਗਿਆ ਹੈ। ਇਸ 'ਚ ਲਾਂਗ ਵ੍ਹੀਲ ਬੇਸ ਦੇ ਨਾਲ ਲੋਅ ਸੀਟ ਦਿੱਤੀ ਗਈ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਸਪੈਸ਼ਲ ਐਡੀਸ਼ਨ 'ਚ ਕੋਈ ਟੈਕਨੀਕਲ ਬਦਲਾਅ ਨਹੀਂ ਕੀਤੇ ਗਏ ਹਨ ਤੇ ਉਹੀ 155cc ਦਾ ਏਅਰ ਕੂਲਡ ਇੰਜਣ ਹੈ ਜੋ ਸਟੈਂਡਰਡ ਮਾਡਲ 'ਚ ਦਿੱਤਾ ਗਿਆ ਹੈ। ਇੰਜਣ 'ਚ 5-ਸਪੀਡ ਟਰਾਂਸਮਿਸ਼ਨ ਦਿੱਤਾ ਗਿਆ ਹੈ। ਇੰਜਣ 8000 rpm 'ਤੇ 14bhp ਦੀ ਪਾਵਰ ਤੇ 6000 rpm 'ਤੇ 14Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ਬਾਈਕ ਦੇ ਫ੍ਰੰਟ ਤੇ ਰਿਅਰ 'ਚ ਡਿਸਕ ਬ੍ਰੇਕ ਦਿੱਤੀ ਗਈ ਹੈ ਤੇ ਇਸ 'ਚ ਟੈਲੀਸਕੋਪਿਕ ਫੋਰਕ ਦਿੱਤਾ ਗਿਆ ਹੈ, ਜਦੋਂ ਕਿ ਰੀਅਰ 'ਚ ਮੋਨੋਸ਼ਾਕ ਦਿੱਤਾ ਗਿਆ ਹੈ ਸਟੈਂਡਰਡ ਮਾਡਲ ਦੀ ਤਰ੍ਹਾਂ SP ਵੇਰੀਐਂਟਸ ਵੀ ਐਂਟੀ-ਲਾਕ ਬ੍ਰੇਕ ਸਿਸਟਮ (ABS) ਨਾਲ ਲੈਸ ਹੈ ਤੇ ਇਹ ਫਿਊਲ ਇੰਜੈਕਸ਼ਨ ਵਰਜ਼ਨ ਬਿਹਤਰ ਰਾਈਡਿੰਗ ਦਾ ਅਨੁਭਵ ਦਿੰਦਾ ਹੈ।
ਫੇਸਬੁੱਕ ਦੇ 5 ਕਰੋੜ ਯੂਜ਼ਰਾਂ 'ਤੇ ਹੈਕਰਾਂ ਦੇ ਹਮਲੇ ਦਾ ਖੁਲ੍ਹਾਸਾ
NEXT STORY 
