ਬੁਢਲਾਡਾ (ਬਾਂਸਲ) : ਸਥਾਨਕ ਮਨੂ ਵਾਟਿਕਾ ਸਕੂਲ ਵਿਚ ਬਟਾਲੀਅਨ 20 ਪੀਬੀ ਬੀਐਨ ਐਨਸੀਸੀ ਬਠਿੰਡਾ ਵੱਲੋਂ ਕਰਨਲ ਅਵਿਨਾਸ ਡੀ. ਪਿਤਰੇ ਕਮਾਡਿੰਗ ਅਫ਼ਸਰ, ਕਰਨਲ ਨਵਲ ਕਿਸ਼ੋਰ ਸ਼ਰਮਾ ਐਡਮਿਨ ਅਫ਼ਸਰ ਦੀ ਅਗਵਾਈ ਹੇਠ ਇਨਰੋਲਮੈਂਟ ਕਰਨ ਲਈ ਆਰਮੀ ਦੀ ਟੀਮ ਪਹੁੰਚੀ, ਜਿਸ ਵਿਚ ਵਿਸ਼ੇਸ਼ ਤੌਰ ਸੂਬੇਦਾਰ ਦੀਪਕ ਕੁਮਾਰ, ਸੂਬੇਦਾਰ ਜਗਦੀਸ਼ ਸਿੰਘ, ਸੀ. ਐੱਚ.ਐੱਮ. ਮਾਨ ਸਿੰਘ ਅਤੇ ਹੌਲਦਾਰ ਅਨੁਜ ਕੁਮਾਰ ਵਿਸ਼ੇਸ਼ ਤੌਰ ‘ਤੇ ਬਠਿੰਡਾ ਤੋਂ ਪਹੁੰਚੇ। ਉਨ੍ਹਾਂ ਵੱਲੋਂ ਵਿਦਿਆਰਥੀਆਂ ਦਾ ਲਿਖਤੀ ਅਤੇ ਫਿਜ਼ੀਕਲ ਟੈਸਟ ਲੈ ਕੇ ਇਨਰੋਲਮੈਂਟ ਪ੍ਰਕਿਰਿਆ ਪੂਰੀ ਕਰਵਾਈ ਗਈ ਅਤੇ ਐਨਸੀਸੀ ਕੈਡਿਟਸ ਨੂੰ ਐਨਸੀਸੀ ਦੇ ਮਹੱਤਵ ਅਤੇ ਭਾਰਤੀ ਸੈਨਾ ਦੇ ਅਫ਼ਸਰ ਬਣਨ ਲਈ ਦਿਸ਼ਾ ਨਿਰਦੇਸ ਦਿੱਤੇ ਗਏ।
ਸਕੂਲ ਦੇ ਮੈਨੇਜਿੰਗ ਡਾਇਰੈਕਟਰ ਮਨੂ ਗੁਪਤਾ ਨੇ ਦੱਸਿਆ ਕਿ ਮਨੂ ਵਾਟਿਕਾ ਸਕੂਲ ਇਲਾਕੇ ਦਾ ਇਕੱਲਾ ਸਕੂਲ ਹੈ ਜਿੱਥੇ ਐਨਸੀਸੀ ਦੇ ਤਿੰਨੇ ਵਿੰਗ ਏਅਰ ਫੋਰਸ, ਨੇਵੀ ਅਤੇ ਆਰਮੀ ਸਫਲਤਾਪੂਰਵਕ ਚੱਲ ਰਹੇ ਹਨ। ਇਹ ਇਲਾਕੇ ਲਈ ਬਹੁਤ ਖੁਸ਼ੀ ਦੀ ਗੱਲ ਹੈ ਕਿ ਮਨੂ ਵਾਟਿਕਾ ਸਕੂਲ ਦੇ ਵਿਦਿਆਰਥੀ ਭਾਰਤੀ ਸੈਨਾ ਵਿਚ ਅਫ਼ਸਰ ਬਣ ਸਕਦੇ ਹਨ। ਸਕੂਲ ਪਹੁੰਚਣ ‘ਤੇ ਪ੍ਰਿੰਸੀਪਲ ਉਮੇਸ਼ ਗਰਗ ਵੱਲੋਂ ਉਨ੍ਹਾਂ ਦਾ ਸਵਾਗਤ ਕੀਤਾ ਗਿਆ। ਇਸ ਦੌਰਾਨ ਆਰਮੀ ਅਧਿਕਾਰੀਆਂ ਦੁਆਰਾ ਕੁੱਲ 21 ਕੈਡੇਟਾਂ ਨੂੰ ਇਨਰੋਲ ਕੀਤਾ ਗਿਆ। ਸੰਸਥਾ ਦੇ ਚੇਅਰਮੈਨ ਭਾਰਤ ਭੂਸ਼ਣ ਗੁਪਤਾ ਨੇ ਉਨ੍ਹਾਂ ਦਾ ਸਕੂਲ ਪਹੁੰਚਣ ‘ਤੇ ਧੰਨਵਾਦ ਕੀਤਾ। ਇਸ ਸਮੇਂ ਆਰਮੀ ਵਿੰਗ ਦੇ ਏ. ਐੱਨ. ਓ. ਸੈਕੰਡ ਅਫਸਰ ਰਾਜੇਸ਼ ਮਿੱਤਲ, ਏਅਰ ਫੋਰਸ ਦੇ ਏ. ਐੱਨ. ਓ. ਸੈਕੰਡ ਅਫ਼ਸਰ ਗੁਰਪ੍ਰੀਤ ਸਿੰਘ ਅਤੇ ਨੇਵੀ ਦੇ ਕੇਅਰ ਟੇਕਰ ਪ੍ਰਦੀਪ ਕੁਮਾਰ ਵੀ ਮੌਜੂਦ ਸਨ।
ਰੇਲਵੇ ਲਾਈਨਾਂ ਦੇ ਨਜ਼ਦੀਕ ਅਣਪਛਾਤੇ ਵਿਅਕਤੀ ਦੀ ਲਾਸ਼ ਬਰਾਮਦ
NEXT STORY 
