ਰਾਹਿਲ ਨੋਰਾ ਚੋਪੜਾ
ਕਾਂਗਰਸ ਪਾਰਟੀ ਛੇਤੀ ਹੀ ਆਪਣੀ ਦਿੱਲੀ ਇਕਾਈ ਦੇ ਮੁਖੀ ਦਾ ਐਲਾਨ ਕਰ ਸਕਦੀ ਹੈ। ਇਸ ਸਾਲ 20 ਜੁਲਾਈ ਨੂੰ ਸ਼ੀਲਾ ਦੀਕਸ਼ਿਤ ਦੇ ਦਿਹਾਂਤ ਤੋਂ ਬਾਅਦ ਦਿੱਲੀ ਕਾਂਗਰਸ ਪ੍ਰਧਾਨ ਦਾ ਅਹੁਦਾ ਖਾਲੀ ਪਿਆ ਹੈ। ਇਸ ਦੀ ਗੈਰ-ਹਾਜ਼ਰੀ ਨੇ 2020 ਦੇ ਸ਼ੁਰੂ ’ਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਲਈ ਕਾਂਗਰਸ ਦੀਆਂ ਤਿਆਰੀਆਂ ’ਤੇ ਅਸਰ ਪਾਇਆ ਹੈ। ਪਾਰਟੀ ਦੀ ਦਿੱਲੀ ਇਕਾਈ ਦੇ ਮੁਖੀ ਲਈ ਕਾਂਗਰਸ ਵਿਚ 3 ਨਾਵਾਂ ਦੀ ਚਰਚਾ ਹੈ, ਉਹ ਹਨ ਸੁਭਾਸ਼ ਚੋਪੜਾ, ਜੇ. ਪੀ. ਅਗਰਵਾਲ ਅਤੇ ਸਾਬਕਾ ਭਾਜਪਾ ਨੇਤਾ ਕੀਰਤੀ ਆਜ਼ਾਦ। ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨੇ ਦਿੱਲੀ ਕਾਂਗਰਸ ਇੰਚਾਰਜ ਪੀ. ਸੀ. ਚਾਕੋ ਦੇ ਇਕ ਵਫ਼ਦ ਨਾਲ ਮੁਲਾਕਾਤ ਕੀਤੀ ਹੈ ਪਰ ਦਿੱਲੀ ਕਾਂਗਰਸ ਦੇ ਮੁਖੀ ਨੂੰ ਲੈ ਕੇ ਕਿਸੇ ਅੰਤਿਮ ਨਾਂ ਬਾਰੇ ਫੈਸਲਾ ਨਹੀਂ ਲਿਆ ਗਿਆ। ਕਾਂਗਰਸ ਦੀ ਦਿੱਲੀ ਇਕਾਈ ਧੜੇਬੰਦੀ ਦੀ ਸ਼ਿਕਾਰ ਹੈ, ਜਿਸ ਵਿਚ ਵੱਖ-ਵੱਖ ਧੜੇ ਆਪਸ ਵਿਚ ਹੀ ਮੁਕਾਬਲੇਬਾਜ਼ੀ ਕਰ ਰਹੇ ਹਨ, ਜਿਸ ਦੇ ਸਿੱਟੇ ਵਜੋਂ ਸੂਬਾਈ ਪ੍ਰਧਾਨ ਦੇ ਐਲਾਨ ’ਚ ਦੇਰ ਹੋ ਰਹੀ ਹੈ।
ਦਰਅਸਲ, ਧੜੇਬੰਦੀ ਕਾਰਣ ਪਾਰਟੀ ਹਾਈਕਮਾਨ ਵਲੋਂ ਦਿੱਲੀ ਕਾਂਗਰਸ ਮੁਖੀ ਦੇ ਤੌਰ ’ਤੇ ਕੀਰਤੀ ਆਜ਼ਾਦ ਦਾ ਨਾਂ ਐਲਾਨਣ ਦੇ ਮੌਕੇ ਵਧੇ ਹਨ। ਕੀਰਤੀ ਆਜ਼ਾਦ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਇਸ ਸਾਲ ਫਰਵਰੀ ’ਚ ਕਾਂਗਰਸ ਵਿਚ ਸ਼ਾਮਿਲ ਹੋਏ ਸਨ, ਜੋ ਉਨ੍ਹਾਂ ਨੇ ਧਨਬਾਦ ਤੋਂ ਲੜੀ ਸੀ ਅਤੇ ਭਾਜਪਾ ਉਮੀਦਵਾਰ ਪਸ਼ੂਪਤੀ ਨਾਥ ਸਿੰਘ ਤੋਂ ਕਰੀਬ 5 ਲੱਖ ਵੋਟਾਂ ਨਾਲ ਹਾਰ ਗਏ ਸਨ। ਇਸ ਅਹੁਦੇ ਲਈ ਸਾਬਕਾ ਸੰਸਦ ਮੈਂਬਰ ਅਤੇ ਪੂਰਬੀ ਦਿੱਲੀ ਕਾਂਗਰਸ ਪ੍ਰਧਾਨ ਜੇ. ਪੀ. ਅਗਰਵਾਲ ਵੀ ਦੌੜ ’ਚ ਹਨ। ਉਹ ਸੋਨੀਆ ਗਾਂਧੀ ਦੇ ਕਰੀਬੀ ਹਨ। ਉਹ ਕਾਂਗਰਸ ਦੇ ਪੁਰਾਣੇ ਨੇਤਾਵਾਂ ਦੇ ਵੀ ਪਸੰਦੀਦਾ ਹਨ। ਬਾਣੀਆ ਅਤੇ ਮੁਸਲਿਮ ਫਿਰਕੇ ’ਤੇ ਉਨ੍ਹਾਂ ਦੀ ਪਕੜ ਹੈ। ਇਸ ਅਹੁਦੇ ਲਈ ਸੁਭਾਸ਼ ਚੋਪੜਾ ਵੀ ਦੌੜ ’ਚ ਹਨ। ਉਹ ਪੰਜਾਬੀ ਫਿਰਕੇ ਦੇ ਹਨ ਅਤੇ 1998 ’ਚ ਪਹਿਲੀ ਵਾਰ ਵਿਧਾਨ ਸਭਾ ਚੋਣਾਂ ਜਿੱਤੀਆਂ ਸਨ ਅਤੇ 2003 ’ਚ ਆਪਣੀ ਜਿੱਤ ਨੂੰ ਦੁਹਰਾਇਆ ਸੀ। ਉਹ 2003 ’ਚ ਦਿੱਲੀ ਵਿਧਾਨ ਸਭਾ ਦੇ ਸਪੀਕਰ ਸਨ। ਪ੍ਰਧਾਨ ਸਮੇਤ ਉਹ ਦਿੱਲੀ ਪ੍ਰਦੇਸ਼ ਕਾਂਗਰਸ ਕਮੇਟੀ ’ਚ ਵੱਖ-ਵੱਖ ਅਹੁਦਿਆਂ ’ਤੇ ਰਹੇ ਹਨ। ਦਿੱਲੀ ’ਚ ਪਾਰਟੀ ਦੇ ਪੁਨਰਗਠਨ ਦੇ ਮੱਦੇਨਜ਼ਰ ਇਸ ਗੱਲ ਦੀ ਵੀ ਸੰਭਾਵਨਾ ਹੈ ਕਿ ਦਿੱਲੀ ਕਾਂਗਰਸ ਦੀ ਕਮਾਨ ਕਿਸੇ ਨੌਜਵਾਨ ਨੇਤਾ ਨੂੰ ਸੌਂਪੀ ਜਾ ਸਕਦੀ ਹੈ।
ਮਹਾਬਲੀਪੁਰਮ ਦਾ ਦੌਰਾ
ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਿਚਾਲੇ ਗੈਰ-ਰਸਮੀ ਸਿਖਰ ਬੈਠਕ ਲਈ ਜਗ੍ਹਾ ਦੀ 6 ਮਹੀਨਿਆਂ ਤਕ ਭਾਲ ਤੋਂ ਬਾਅਦ ਮਹਾਬਲੀਪੁਰਮ ਨੂੰ ਚੁਣਿਆ ਗਿਆ। ਸ਼ੁਰੂ ਵਿਚ ਸੁਝਾਅ ਦਿੱਤਾ ਗਿਆ ਸੀ ਕਿ ਮੋਦੀ ਦਾ ਚੋਣ ਖੇਤਰ ਵਾਰਾਣਸੀ ਸਰਵਸ੍ਰੇਸ਼ਠ ਸਥਾਨ ਹੋਵੇਗਾ ਕਿਉਂਕਿ ਬੀਤੇ ਸਾਲ ਚੀਨ ਦੇ ਵੁਹਾਨ ’ਚ ਸਿਖਰ ਬੈਠਕ ਹੋਈ ਸੀ ਪਰ ਚੀਨੀਆਂ ਨੇ ਵਾਰਾਣਸੀ ਨੂੰ ਇਸ ਆਧਾਰ ’ਤੇ ਨਕਾਰ ਦਿੱਤਾ ਸੀ ਕਿ ਸ਼ੀ ਜਿਨਪਿੰਗ ਅਤੇ ਉਨ੍ਹਾਂ ਦੇ ਕਾਫਿਲੇ ਨੂੰ ਲਿਜਾਣ ਵਾਲਾ ਜਹਾਜ਼ ਵਾਰਾਣਸੀ ਦੇ ਛੋਟੇ ਹਵਾਈ ਅੱਡੇ ਲਈ ਬਹੁਤ ਵੱਡਾ ਹੋਵੇਗਾ। ਇਹ ਤੱਥ ਕਿ ਜਾਪਾਨੀ ਪ੍ਰਧਾਨ ਮੰਤਰੀ ਸ਼ਿੰਜੋ ਐਬੇ ਪਹਿਲਾਂ ਹੀ ਵਾਰਾਣਸੀ ਜਾ ਚੁੱਕੇ ਹਨ, ਇਕ ਵਾਧੂ ਨਕਾਰਾਤਮਕ ਕਾਰਕ ਬਣਿਆ ਹੋਵੇਗਾ। ਦੂਜਾ, ਗੋਆ ਦਾ ਸੁਝਾਅ ਦਿੱਤਾ ਗਿਆ ਸੀ, ਜਿਸ ਨੂੰ ਠੁਕਰਾ ਦਿੱਤਾ ਗਿਆ ਕਿਉਂਕਿ ਸ਼ੀ ਜਿਨਪਿੰਗ ਪਹਿਲਾਂ ਹੀ 2016 ’ਚ ਬ੍ਰਿਕਸ ਸਮਿਟ ਲਈ ਕੰਢੇ ਦੇ ਰਿਜ਼ਾਰਟ ਜਾ ਚੁੱਕੇ ਸਨ। ਇਸ ਲਈ ਅਖੀਰ ਸਰਬਸੰਮਤੀ ਮਹਾਬਲੀਪੁਰਮ ’ਤੇ ਬਣੀ। ਇਕ ਹੋਰ ਤੱਥ ਸੀ ਕਿ ਇਹ ਇਕ ਖੁਸ਼ਹਾਲ ਪੁਰਾਤੱਤਵਿਕ ਵਿਰਾਸਤ ਹੈ ਅਤੇ ਚੀਨ ਨਾਲ ਇਕ ਪ੍ਰਾਚੀਨ ਵਪਾਰਕ ਕੜੀ ਰਿਹਾ ਹੈ। ਮਹਾਬਲੀਪੁਰਮ ਚੀਨੀ ਬੁੱਧ ਭਿਕਸ਼ੂ ਹਿਊਨ ਸਾਂਗ ਨਾਲ ਸਬੰਧਤ ਹੈ ਅਤੇ ਇਕ ਖੂਬਸੂਰਤ ਪ੍ਰਾਚੀਨ ਬੰਦਰਗਾਹ ਤੇ ਮੰਦਰਾਂ ਦਾ ਸ਼ਹਿਰ ਵੀ ਹੈ।
ਰਾਕਾਂਪਾ ਦਾ ਭਵਿੱਖ
ਮਹਾਰਾਸ਼ਟਰ ’ਚ ਵਿਧਾਨ ਸਭਾ ਚੋਣਾਂ ਰਾਕਾਂਪਾ ਦੀ ਕਿਸਮਤ ਦਾ ਫੈਸਲਾ ਕਰਨਗੀਆਂ ਕਿਉਂਕਿ ਸ਼ਰਦ ਪਵਾਰ ਬੁੱਢੇ ਹੋ ਚੁੱਕੇ ਹਨ ਅਤੇ ਪਾਰਟੀ ਨੌਜਵਾਨ ਪੀੜ੍ਹੀ ਦੇ ਹੱਥਾਂ ’ਚ ਸੌਂਪਣਾ ਚਾਹੁੰਦੇ ਹਨ। ਅਤੀਤ ਵਿਚ ਉਨ੍ਹਾਂ ਨੇ ਆਪਣੇ ਭਤੀਜੇ ਅਜੀਤ ਪਵਾਰ ਨੂੰ ਤਿਆਰ ਕੀਤਾ ਪਰ ਪਾਰਟੀ ਦੀ ਜ਼ਿੰਮੇਵਾਰੀ ਆਪਣੀ ਬੇਟੀ ਸੁਪ੍ਰਿਆ ਸੁਲੇ ਨੂੰ ਸੌਂਪ ਦਿੱਤੀ ਪਰ ਉਹ ਵੀ ਮਜ਼ਬੂਤੀ ਨਾਲ ਪਾਰਟੀ ਨੂੰ ਅੱਗੇ ਨਹੀਂ ਲਿਜਾ ਸਕੀ। ਹੁਣ ਉਹ ਪਾਰਟੀ ਨੂੰ ਨਵੀਂ ਤਾਕਤ ਨਾਲ ਅੱਗੇ ਲਿਜਾਣ ਲਈ ਆਪਣੇ ਭਰਾ ਦੇ ਪੋਤੇ ’ਤੇ ਨਿਰਭਰ ਹਨ। ਇਸ ਵਾਰ ਵੀ ਸਮੱਸਿਆ ਐਨਫੋਰਸਮੈਂਟ ਡਾਇਰੈਕਟੋਰੇਟ (ਈ. ਡੀ.) ਵਲੋਂ ਪੈਦਾ ਕੀਤੀ ਗਈ, ਜਿਸ ਨੇ ਮਹਾਰਾਸ਼ਟਰ ਸਟੇਟ ਕੋਆਪ੍ਰੇਟਿਵ ਬੈਂਕ (ਐੱਮ. ਐੱਸ. ਸੀ. ਬੀ.) ਵਿਚ ਮਨੀਲਾਂਡਰਿੰਗ ਦੇ ਇਕ ਘਪਲੇ ’ਚ ਸ਼ਰਦ ਪਵਾਰ ਦਾ ਨਾਂ ਲਿਆ ਸੀ ਪਰ ਉਨ੍ਹਾਂ ਨੇ ਤਿੱਖੀ ਪ੍ਰਤੀਕਿਰਿਆ ਦਿੰਦੇ ਹੋਏ ਐਲਾਨ ਕੀਤਾ ਕਿ ਉਹ ਖ਼ੁਦ ਈ. ਡੀ. ਦੇ ਮੁੰਬਈ ਦਫਤਰ ਜਾਣਗੇ ਅਤੇ ਭਾਜਪਾ ਸਰਕਾਰ ’ਤੇ ਦੋਸ਼ ਵੀ ਲਾਇਆ ਕਿ ਉਹ ਚੋਣਾਂ ਦੇ ਸਮੇਂ ਇਸ ਰਣਨੀਤੀ ਦੀ ਵਰਤੋਂ ਕਰ ਰਹੀ ਹੈ ਪਰ ਈ. ਡੀ. ਨੇ ਪੁਲਸ ਰਾਹੀਂ ਸੰਦੇਸ਼ ਭੇਜਿਆ ਕਿ ਮੌਜੂਦਾ ਸਮੇਂ ’ਚ ਉਸ ਨੇ ਸ਼ਰਦ ਪਵਾਰ ਨੂੰ ਨਹੀਂ ਬੁਲਾਇਆ ਹੈ ਅਤੇ ਜੇਕਰ ਲੋੜ ਪਈ ਤਾਂ ਭਵਿੱਖ ’ਚ ਬੁਲਾਏਗਾ।
ਇਸ ਸਮੇਂ ਦੌਰਾਨ ਕਾਂਗਰਸ ਨਾਲ ਰਲੇਵੇਂ ਦੀ ਕਹਾਣੀ ਫੈਲੀ ਪਰ ਤੁਰੰਤ ਹੀ ਸੁਪ੍ਰਿਆ ਸੁਲੇ ਵਲੋਂ ਇਸ ਦਾ ਖੰਡਨ ਕਰ ਦਿੱਤਾ ਗਿਆ। ਸ਼ਰਦ ਪਵਾਰ ਨੇ ਕਾਂਗਰਸ ਛੱਡ ਕੇ 1999 ’ਚ ਆਪਣੀ ਪਾਰਟੀ ਬਣਾਈ ਸੀ ਅਤੇ ਹੁਣ ਉਨ੍ਹਾਂ ਦੀ ਪਾਰਟੀ ਕਾਂਗਰਸ ਅਤੇ ਹੋਰ ਛੋਟੇ ਦਲਾਂ ਨਾਲ ਮਿਲ ਕੇ ਮਹਾਰਾਸ਼ਟਰ ’ਚ ਵਿਧਾਨ ਸਭਾ ਚੋਣਾਂ ਲੜੇਗੀ। ਸ਼ਰਦ ਪਵਾਰ ਨੇ ਰਾਜਨੀਤੀ ਤੋਂ ਆਪਣੀ ਰਿਟਾਇਰਮੈਂਟ ਦੀਆਂ ਅਫਵਾਹਾਂ ਤੋਂ ਵੀ ਇਨਕਾਰ ਕੀਤਾ ਅਤੇ ਦਾਅਵਾ ਕੀਤਾ ਕਿ ਭਾਜਪਾ ਵਲੋਂ ਉਨ੍ਹਾਂ ਨੂੰ ਅਤੇ ਵਿਰੋਧੀ ਨੇਤਾਵਾਂ ਨੂੰ ਬਦਨਾਮ ਕਰਨ ਲਈ ਈ. ਡੀ. ਅਤੇ ਹੋਰ ਏਜੰਸੀਆਂ ਦੀ ਵਰਤੋਂ ਦੇ ਬਾਵਜੂਦ ਉਨ੍ਹਾਂ ਦਾ ਗੱਠਜੋੜ ਬਹੁਮਤ ਨਾਲ ਜਿੱਤੇਗਾ।
ਪੱਛਮੀ ਬੰਗਾਲ ’ਚ ਭਾਜਪਾ ਬਨਾਮ ਤ੍ਰਿਣਮੂਲ
ਸੰਸਦੀ ਚੋਣਾਂ ਤੋਂ ਬਾਅਦ ਭਾਜਪਾ ਅਤੇ ਤ੍ਰਿਣਮੂਲ ਕਿਸੇ ਨਾ ਕਿਸੇ ਮੁੱਦੇ ਨੂੰ ਲੈ ਕੇ ਜੰਗ ਦੇ ਰਾਹ ’ਤੇ ਹਨ। ਦੋਹਾਂ ਪਾਰਟੀਆਂ ਦਾ ਟੀਚਾ ਆਉਣ ਵਾਲੀਆਂ ਲੋਕਲ ਬਾਡੀਜ਼ ਚੋਣਾਂ ਅਤੇ ਪੱਛਮੀ ਬੰਗਾਲ ਵਿਧਾਨ ਸਭਾ ਚੋਣਾਂ ਜਿੱਤਣਾ ਹੈ। ਅਜਿਹਾ ਪਹਿਲੀ ਵਾਰ ਹੈ ਕਿ ਦੋਹਾਂ ਪਾਰਟੀਆਂ ਨੇ ਦੁਰਗਾ ਪੂਜਾ ਉਤਸਵਾਂ ਨੂੰ ਟੀਚਾ ਬਣਾਇਆ ਹੈ ਅਤੇ ਹਾਲ ਹੀ ’ਚ ਭਾਜਪਾ ਪ੍ਰਧਾਨ ਅਤੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਕੋਲਕਾਤਾ ਦੇ ਉਪ-ਨਗਰ ਸਾਲਟ ਲੇਕ ’ਚ ਇਕ ਦੁਰਗਾ ਪੂਜਾ ਪੰਡਾਲ ਦਾ ਉਦਘਾਟਨ ਕੀਤਾ ਅਤੇ ਭਾਜਪਾ ਵਰਕਰਾਂ ਅਤੇ ਨੇਤਾਵਾਂ ਨੇ ਪਹਿਲੀ ਵਾਰ ਰਾਜ ਭਰ ’ਚ ਦੁਰਗਾ ਪੂਜਾ ਆਯੋਜਿਤ ਕੀਤੀ। ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਦੁਰਗਾ ਪੂਜਾ ਕਮੇਟੀਆਂ ਨੂੰ ਸਰਕਾਰੀ ਫੰਡ ਮਨਜ਼ੂਰ ਕੀਤੇ ਹਨ। ਪੂਜਾ ਤੋਂ ਬਾਅਦ ਦੋਵੇਂ ਪਾਰਟੀਆਂ ਹੁਣ ਇਕ-ਦੂਜੇ ’ਤੇ ਉਨ੍ਹਾਂ ਦੇ ਵਰਕਰਾਂ ਦੀਆਂ ਹੱਤਿਆਵਾਂ ਦੇ ਦੋਸ਼ ਲਾ ਰਹੀਆਂ ਹਨ।
8 ਅਕਤੂਬਰ ਨੂੰ ਪ੍ਰਾਇਮਰੀ ਸਕੂਲ ਟੀਚਰ ਪ੍ਰਕਾਸ਼ ਪਾਲ, ਉਨ੍ਹਾਂ ਦੀ ਗਰਭਵਤੀ ਪਤਨੀ ਬਿਊਟੀ ਪਾਲ, ਉਨ੍ਹਾਂ ਦੇ ਬੇਟੇ ਆਂਗਨ ਦੀ ਮੁਰਸ਼ਿਦਾਬਾਦ ਸਥਿਤ ਉਨ੍ਹਾਂ ਦੇ ਘਰ ’ਚ ਹੱਤਿਆ ਕਰ ਦਿੱਤੀ ਗਈ, ਜਿਸ ਬਾਰੇ ਭਾਜਪਾ ਸੂਬਾਈ ਪ੍ਰਧਾਨ ਦਿਲੀਪ ਘੋਸ਼ ਨੇ ਦਾਅਵਾ ਕੀਤਾ ਹੈ ਕਿ ਪਾਲ ਸੰਘ ਨਾਲ ਸਬੰਧਤ ਸਨ ਅਤੇ ਟ੍ਰਿਪਲ ਮਰਡਰ ਲਈ ਤ੍ਰਿਣਮੂਲ ਨੂੰ ਦੋਸ਼ ਦਿੱਤਾ। ਹੁਣ ਇਕ ਦੁਕਾਨਦਾਰ ਦੀ ਹੱਤਿਆ ਨੇ ਭਾਜਪਾ ਅਤੇ ਤ੍ਰਿਣਮੂਲ ਵਿਚਾਲੇ ਦੋਸ਼ ਲਾਉਣ ਦੀ ਖੇਡ ਸ਼ੁਰੂ ਕੀਤੀ ਹੈ। ਭਾਜਪਾ ਅਨੁਸਾਰ 52 ਸਾਲਾ ਹਰਾਲਾਲ ਦੇਬਨਾਥ ਬਾਬੂ ਭਾਜਪਾ ਵਰਕਰ ਸੀ ਅਤੇ ਉਸ ਦੀ ਹੱਤਿਆ ਨਾਦੀਆ ਜ਼ਿਲੇ ਦੇ ਰਾਣਾਘਾਟ ਖੇਤਰ ’ਚ ਕੀਤੀ ਗਈ। ਪੁਲਸ ਨੇ ਹਾਲਾਂਕਿ ਹੱਤਿਆ ’ਚ ਕਿਸੇ ਸਿਆਸੀ ਕੋਣ ਤੋਂ ਇਨਕਾਰ ਕੀਤਾ ਹੈ ਪਰ ਪੱਛਮੀ ਬੰਗਾਲ ਭਾਜਪਾ ਦੇ ਜਨਰਲ ਸਕੱਤਰ ਸੁਬਰਤ ਚੈਟਰਜੀ ਨੇ ਦਾਅਵਾ ਕੀਤਾ ਹੈ ਕਿ ਪੱਛਮੀ ਬੰਗਾਲ ’ਚ ਲੋਕਤੰਤਰ ਦੀ ਰੱਖਿਆ ਕਰਦੇ ਹੋਏ ਇਕ ਹੋਰ ਭਾਜਪਾ ਵਰਕਰ ਨੇ ਬਲੀਦਾਨ ਦਿੱਤਾ ਹੈ ਅਤੇ ਦੇਬਨਾਥ ਦੀ ਹੱਤਿਆ ਤ੍ਰਿਣਮੂਲ ਦੇ ਗੁੰਡਿਆਂ ਨੇ ਕੀਤੀ ਹੈ। ਤ੍ਰਿਣਮੂਲ ਨੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ ਅਤੇ ਪਾਰਟੀ ਨੇਤਾ ਤਪਸ ਘੋਸ਼ ਦਾ ਕਹਿਣਾ ਹੈ ਕਿ ਦੇਬਨਾਥ ਤ੍ਰਿਣਮੂਲ ਵਰਕਰ ਸੀ ਅਤੇ ਹੋਰਨਾਂ ਵਿਰੁੱਧ ਆਵਾਜ਼ ਉਠਾਉਂਦਾ ਸੀ, ਜਿਸ ਕਾਰਣ ਭਾਜਪਾ ਸਮਰਥਕਾਂ ਨੇ ਉਸ ਦੀ ਹੱਤਿਆ ਕਰ ਦਿੱਤੀ। ਦਿਲੀਪ ਘੋਸ਼ ਨੇ ਐਲਾਨ ਕੀਤਾ ਹੈ ਕਿ ਉਹ ਇਸ ਸਰਕਾਰ ਨੂੰ ਗੰਗਾ ’ਚ ਰੋੜ੍ਹੇ ਜਾਣ ਤਕ ਆਪਣੀ ਲੜਾਈ ਜਾਰੀ ਰੱਖਣਗੇ।
ਹਰਿਆਣਾ ਵਿਧਾਨ ਸਭਾ ਚੋਣਾਂ
ਹਰਿਆਣਾ ਵਿਧਾਨ ਸਭਾ ਚੋਣਾਂ ’ਚ ਇਹ ਗੱਲ ਮਜ਼ੇਦਾਰ ਹੈ ਕਿ ਦੇਵੀ ਲਾਲ, ਭਜਨ ਲਾਲ ਅਤੇ ਬੰਸੀ ਲਾਲ ਦੇ ਪਰਿਵਾਰਕ ਮੈਂਬਰ ਭਾਜਪਾ ਵਿਰੁੱਧ ਲੜ ਰਹੇ ਹਨ ਪਰ ਇਕਜੁੱਟ ਹੋ ਕੇ ਨਹੀਂ। ਤਿੰਨੋਂ ਲਾਲਾਂ ਨੇ ਹਰਿਆਣਾ ’ਤੇ ਲੱਗਭਗ 30 ਸਾਲਾਂ ਤਕ 1990 ਤਕ ਸ਼ਾਸਨ ਕੀਤਾ, ਜਦੋਂ ਭਾਜਪਾ ਦਾ ਰੁਝਾਨ ਵਧਣ ਲੱਗਾ। ਇਸ ਵਾਰ ਦੇਵੀ ਲਾਲ, ਭਜਨ ਲਾਲ ਅਤੇ ਬੰਸੀ ਲਾਲ ਦੇ 10 ਪਰਿਵਾਰਕ ਮੈਂਬਰ ਚੋਣ ਲੜ ਰਹੇ ਹਨ। ਤਿੰਨਾਂ ਲਾਲਾਂ ਦੀ ਹਰਿਆਣਾ ਦੇ ਵਿਕਾਸ ’ਚ ਹਿੱਸੇਦਾਰੀ ਹੈ, ਜਿਵੇਂ ਕਿ ਲੋਕ ਕਹਿੰਦੇ ਹਨ ਕਿ ਭਜਨ ਲਾਲ ਨੇ ਲੱਗਭਗ ਹਰੇਕ ਪਰਿਵਾਰ ਦੇ ਇਕ ਮੈਂਬਰ ਨੂੰ ਸਰਕਾਰੀ ਨੌਕਰੀ ਦਿੱਤੀ ਹੈ। ਇਸੇ ਤਰ੍ਹਾਂ ਲੋਕਾਂ ਦਾ ਕਹਿਣਾ ਹੈ ਕਿ ਬੰਸੀ ਲਾਲ ਵਲੋਂ 2 ਨਹਿਰਾਂ ਰਾਹੀਂ ਉਨ੍ਹਾਂ ਨੂੰ ਪਾਣੀ ਮੁਹੱਈਆ ਕਰਵਾਉਣ ਤੋਂ ਪਹਿਲਾਂ ਉਨ੍ਹਾਂ ਦੀ ਜ਼ਮੀਨ ਬੰਜਰ ਸੀ, ਜਿਸ ਨੇ ਉਨ੍ਹਾਂ ਨੂੰ ਖੇਤੀ ’ਚ ਪੰਜਾਬ ਨਾਲੋਂ ਬਿਹਤਰ ਬਣਾ ਦਿੱਤਾ। ਹਰਿਆਣਾ ਦੇ ਲੋਕ ਇਹ ਵੀ ਦਾਅਵਾ ਕਰਦੇ ਹਨ ਕਿ ਦੇਵੀ ਲਾਲ ਪਿਆਰ ਨਾਲ ਤਾਊ ਦੇ ਤੌਰ ’ਤੇ ਜਾਣੇ ਜਾਂਦੇ ਸਨ ਅਤੇ ਉਨ੍ਹਾਂ ਨੇ ਕਿਸਾਨ ਕਲਿਆਣ ਅਤੇ ਸਭ ਲਈ ਰੋਜ਼ਗਾਰ ਵਾਸਤੇ ਕੰਮ ਕੀਤਾ ਅਤੇ ਉਨ੍ਹਾਂ ਨੂੰ ਭੁਲਾਇਆ ਨਹੀਂ ਜਾ ਸਕਦਾ ਪਰ ਇਸ ਵਾਰ ਚੋਣ ਲੜ ਰਹੇ ਉਨ੍ਹਾਂ ਦੇ ਬੱਚੇ ਅਤੇ ਪੋਤਿਆਂ ਵਿਚ ਅਜਿਹੀ ਯੋਗਤਾ ਨਹੀਂ ਹੈ ਅਤੇ ਉਹ ਆਪਣੇ ਪਿਤਾ ਤੇ ਦਾਦੇ ਦੇ ਨਾਂ ’ਤੇ ਨਿਰਭਰ ਹਨ।
ਇਸ ਵਾਰ ਭਜਨ ਲਾਲ ਦਾ ਬੇਟਾ ਕੁਲਦੀਪ ਬਿਸ਼ਨੋਈ ਆਦਮਪੁਰ ਤੋਂ ਕਾਂਗਰਸ ਉਮੀਦਵਾਰ ਹੈ ਪਰ ਉਹ ਆਪਣੇ ਪਿਤਾ ਦੇ ਨਾਂ ’ਤੇ ਪ੍ਰਚਾਰ ਕਰ ਰਿਹਾ ਹੈ। ਇਸੇ ਤਰ੍ਹਾਂ ਰਣਬੀਰ ਸਿੰਘ ਮਹਿੰਦਰਾ ਬਾਧਰਾ ਤੋਂ ਕਾਂਗਰਸ ਦੀ ਟਿਕਟ ’ਤੇ ਚੋਣ ਲੜ ਰਿਹਾ ਹੈ ਅਤੇ ਆਪਣੇ ਪਿਤਾ ਬੰਸੀ ਲਾਲ ਦੇ ਕੰਮਾਂ ਦੇ ਨਾਂ ’ਤੇ ਪ੍ਰਚਾਰ ਕਰ ਰਿਹਾ ਹੈ। ਨੈਨਾ ਚੌਟਾਲਾ ਵੀ ਆਪਣੀ ਪਰਿਵਾਰਕ ਵਿਰਾਸਤ ਅਤੇ ਦੇਵੀ ਲਾਲ ਦੇ ਕੰਮਾਂ ’ਤੇ ਨਿਰਭਰ ਹੈ। ਇਸੇ ਦੌਰਾਨ ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟੜ ਆਪਣੇ ਉਮੀਦਵਾਰਾਂ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਆਰਟੀਕਲ-370 ਦੇ ਨਾਂ ’ਤੇ ਪ੍ਰਚਾਰ ਕਰ ਰਹੇ ਹਨ। ਮੋਦੀ 14 ਅਕਤੂਬਰ ਨੂੰ ਬੱਲਭਗੜ੍ਹ ’ਚ ਇਕ ਰੈਲੀ ਨੂੰ ਸੰਬੋਧਨ ਕਰਨਗੇ ਅਤੇ ਰਾਹੁਲ ਗਾਂਧੀ ਵੀ 14 ਅਕਤੂਬਰ ਨੂੰ ਹਰਿਆਣਾ ਆ ਰਹੇ ਹਨ ਅਤੇ ਮੇਵਾਤ ਦੇ ਨੂੰਹ ਜ਼ਿਲੇ ’ਚ ਇਕ ਜਨਸਭਾ ਨੂੰ ਸੰਬੋਧਨ ਕਰਨਗੇ।
nora_chopra@yahoo.com
ਕੁਪੋਸ਼ਣ ’ਚ ਅੱਵਲ ਯੂ. ਪੀ. ਅਤੇ ਬਿਹਾਰ
NEXT STORY 
