ਬਿਜਨੈੱਸ ਡੈਸਕ- ਹਰਿਆਣਾ 'ਚ 6.45 ਲੱਖ ਕਿਸਾਨਾਂ ਨੇ ਆਪਣੀ ਹਾੜ੍ਹੀ ਦੀਆਂ ਫਸਲਾਂ ਲਈ ਸੂਬਾ ਸਰਕਾਰ ਦੇ 'ਮੇਰੀ ਫਸਲ, ਮੇਰਾ ਬਿਊਰਾ' ਪੋਰਟਲ 'ਚ ਰਜਿਸਟ੍ਰੇਸ਼ਨ ਕੀਤਾ ਹੈ, ਜੋ ਫਸਲਾਂ ਦੀ ਖਰੀਦ ਲਈ ਇਕ ਜ਼ਰੂਰੀ ਕਦਮ ਹੈ। ਸਰਕਾਰੀ ਪੋਰਟਲ ਅਨੁਸਾਰ ਇਸ ਹਾੜੀ ਸੀਜ਼ਨ ਦੌਰਾਨ ਵੱਖ-ਵੱਖ ਫਸਲਾਂ ਦਾ 89 ਲੱਖ ਏਕੜ 'ਚੋਂ ਲਗਭਗ 43.33 ਲੱਖ ਏਕੜ ਨੂੰ ਪੋਰਟਲ ਰਜਿਸਟ੍ਰੇਸ਼ਨ ਕੀਤਾ ਗਿਆ ਹੈ ਜੋ ਟੀਚੇ ਦਾ 48.69 ਫੀਸਦੀ ਹੈ।
ਇਸ ਤੋਂ ਇਲਾਵਾ ਕੁੱਲ 4.83 ਲੱਖ ਕਿਸਾਨਾਂ ਨੇ 30.05 ਲੱਖ ਏਕੜ ਖੇਤਰ 'ਚ ਕਣਕ ਦੀ ਫਸਲ ਦਰਜ ਕੀਤੀ ਹੈ ਜਦਕਿ 3.18 ਲੱਖ ਕਿਸਾਨਾਂ ਨੇ 12 ਲੱਖ ਏਕੜ 'ਚ ਸਰ੍ਹੋਂ ਦੀ ਫਸਲ ਦਰਜ ਕੀਤੀ ਹੈ। ਬਾਕੀ ਕਿਸਾਨਾਂ ਨੇ ਜੌ, ਛੋਲੇ ਅਤੇ ਸਬਜ਼ੀਆਂ ਦਾ ਰਜਿਸਟ੍ਰੇਸ਼ਨ ਕਰਵਾਇਆ ਹੈ।
ਹਰਿਆਣਾ 'ਚ ਹੁਣ ਤੱਕ 184 ਪਿੰਡਾਂ ਦਾ ਰਜਿਸਟ੍ਰੇਸ਼ਨ ਜ਼ੀਰੋ ਹੈ। ਕਿਸਾਨ 31 ਜਨਵਰੀ ਤੱਕ ਪਿੰਡਾਂ 'ਚ ਸਥਿਤ ਅਟਲ ਸੇਵਾ ਕੇਂਦਰਾਂ 'ਚ ਜਾ ਕੇ ਆਪਣੀ ਫਸਲ ਦਾ ਪੰਜੀਕਰਣ ਕਰਵਾ ਸਕਦੇ ਹਨ।
ਖੇਤੀ ਦੇ ਤਹਿਤ 3.62 ਲੱਖ ਏਕੜ 'ਚੋਂ 2.40 ਲੱਖ ਏਕੜ ਵੱਖ-ਵੱਖ ਫਸਲਾਂ ਦੀ ਖੇਤੀ ਦੇ ਤਹਿਤ, ਜੋ ਕਿ ਕੁੱਲ ਸੰਚਿਤ ਖੇਤਰ ਦਾ 66.31 ਫੀਸਦੀ ਹੈ, ਮਹਿੰਦਰਗੜ੍ਹ 'ਚ ਪੰਜੀਕ੍ਰਿਤ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਯਮੁਨਾਨਗਰ ਨੇ 3 ਲੱਖ ਏਕੜ 'ਚ 2.09 ਲੱਖ ਏਕੜ ਰਕਬਾ ਦਰਜ ਕਰਕੇ 66.26 ਫੀਸਦੀ ਟੀਚਾ ਹਾਸਲ ਕੀਤਾ ਹੈ ਅਤੇ ਕਰਨਾਲ ਨੇ 64.69 ਫੀਸਦੀ ਦਾ ਟੀਚਾ ਹਾਸਲ ਕਰਕੇ ਤੀਜਾ ਸਥਾਨ ਹਾਸਲ ਕੀਤਾ।
ਹਿਸਾਰ ਆਪਣੇ ਟੀਚੇ ਦਾ ਸਿਰਫ 35.69 ਫੀਸਦੀ ਹਾਸਲ ਕਰਕੇ ਲੜੀ 'ਚ ਹੇਠਾਂ ਰਿਹਾ ਅਤੇ ਰੋਹਤਕ ਨੇ 3.33 ਲੱਖ ਦੇ ਕੁੱਲ ਟੀਚੇ ਦਾ 36.88 ਫੀਸਦੀ ਅਤੇ ਸੋਨੀਪਤ ਨੇ ਕੁੱਲ 4.14 ਲੱਖ ਏਕੜ 'ਚੋਂ 1.53 ਲੱਖ ਏਕੜ ਨੂੰ ਕਵਰ ਕੀਤਾ ਅਤੇ ਆਪਣੇ ਟੀਚੇ ਦਾ 36.98 ਫੀਸਦੀ ਹਾਸਲ ਕੀਤਾ।
ਹਰਿਆਣਾ ਦੇ ਖੇਤੀਬਾੜੀ ਮੰਤਰੀ ਜੇਪੀ ਦਲਾਲ ਨੇ ਗ੍ਰਹਿ ਜ਼ਿਲ੍ਹਾ ਭਿਵਾਨੀ ਨੇ ਕੁੱਲ 7.10 ਲੱਖ ਏਕੜ 'ਚੋਂ 2.94 ਲੱਖ ਏਕੜ ਜ਼ਮੀਨ ਦਰਜ ਕਰਕੇ 41 ਫੀਸਦੀ ਦਾ ਟੀਚਾ ਹਾਸਲ ਕੀਤਾ ਹੈ। ਰੋਹਤਕ ਦੇ ਉਪ ਨਿਰਦੇਸ਼ਕ ਵਜ਼ੀਰ ਸਿੰਘ ਜਿਨ੍ਹਾਂ ਦੇ ਕੋਲ ਮਹਿੰਦਰਗੜ੍ਹ ਜ਼ਿਲ੍ਹੇ ਦਾ ਵਾਧੂ ਚਾਰਜ ਵੀ ਹੈ ਉਨ੍ਹਾਂ ਨੇ ਹਰਿਆਣਾ 'ਚ ਹੁਣ ਤੱਕ ਦਾ ਸਭ ਤੋਂ ਜ਼ਿਆਦਾ ਟੀਚਾ ਹਾਸਲ ਕੀਤਾ ਹੈ।
ਹਵਾਈ ਸਫਰ ਹੋ ਸਕਦਾ ਹੈ ਮਹਿੰਗਾ, ਜੈੱਟ ਈਂਧਨ ਦੀਆਂ ਕੀਮਤਾਂ 'ਚ ਹੋਇਆ ਵਾਧਾ
NEXT STORY 
