ਨਵੀਂ ਦਿੱਲੀ : ਅਮਰੀਕਾ-ਇਜ਼ਰਾਈਲ ਅਤੇ ਈਰਾਨ ਵਿਚਾਲੇ ਚੱਲ ਰਹੀ ਜੰਗ ਦਾ ਅਸਰ ਭਾਰਤ 'ਤੇ ਬਹੁਤ ਬੁਰਾ ਪੈ ਰਿਹਾ ਹੈ। ਇਸ ਜੰਗ ਕਾਰਨ ਭਾਰਤ ਦੇ ਵੱਖ-ਵੱਖ ਸੂਬਿਆਂ ਵਿਚ ਗੈਸ ਸਿਲੰਡਰ ਦੀ ਸਮੱਸਿਆ ਪੈਦਾ ਹੋ ਗਈ ਹੈ। ਬੁਕਿੰਗ ਦੇ ਬਾਵਜੂਦ ਲੋਕਾਂ ਨੂੰ ਗੈਸ ਸਿਲੰਡਰ ਨਹੀਂ ਮਿਲ ਰਿਹਾ। ਇਸ ਦੌਰਾਨ ਦੇਸ਼ ਦੀ ਰਾਜਧਾਨੀ ਦੇ ਚਾਂਦਨੀ ਚੌਕ ਵਿੱਚ ਰਮਜ਼ਾਨ ਦੇ ਪਵਿੱਤਰ ਮਹੀਨੇ ਦੌਰਾਨ ਗੈਸ ਦੀ ਕਿੱਲਤ ਨੇ ਰੌਣਕਾਂ ਨੂੰ ਗ੍ਰਹਿਣ ਲਗਾ ਦਿੱਤਾ ਹੈ। ਜਾਮਾ ਮਸਜਿਦ ਦੇ ਗੇਟ ਨੰਬਰ-1 ਦੇ ਸਾਹਮਣੇ ਮਟਿਆ ਮਹਿਲ ਬਾਜ਼ਾਰ, ਜੋ ਆਪਣੀਆਂ ਲਜ਼ੀਜ਼ ਨਿਆਮਤਾਂ ਲਈ ਦੁਨੀਆ ਭਰ ਵਿੱਚ ਮਸ਼ਹੂਰ ਹੈ, ਅੱਜਕੱਲ੍ਹ ਗੈਸ ਸਿਲੰਡਰਾਂ ਦੀ ਕਮੀ ਕਾਰਨ ਬੇਹਾਲ ਹੈ।
ਇਹ ਵੀ ਪੜ੍ਹੋ - ਪੁਲਸ ਮੁਲਾਜ਼ਮਾਂ ਦੀਆਂ ਛੁੱਟੀਆਂ ਰੱਦ, LPG ਗੈਸ ਦੀ ਕਿੱਲਤ ਕਾਰਨ ਦਿੱਲੀ ਪੁਲਸ ਨੇ ਲਿਆ ਫ਼ੈਸਲਾ
ਹੋਟਲਾਂ ਨੇ ਮੀਨੂ 'ਚ ਕੀਤੀ 50% ਤੱਕ ਦੀ ਕਟੌਤੀ
ਜੰਗ ਕਾਰਨ ਗੈਸ ਸਿਲੰਡਰ ਨਾ ਮਿਲਣ ਕਾਰਨ ਹਾਲਾਤ ਇੰਨੇ ਖ਼ਰਾਬ ਹੋ ਚੁੱਕੇ ਹਨ ਕਿ ਹੋਟਲ ਮਾਲਕ ਹੁਣ ਲੱਕੜ ਅਤੇ ਕੋਲੇ ਦੀਆਂ ਭੱਠੀਆਂ ਬਾਲਣ ਲਈ ਮਜਬੂਰ ਹਨ। ਕਿਉਂਕਿ ਖਾਣਾ ਬਣਾਉਣ ਲਈ ਗੈਸ ਦੀ ਕਿੱਲਤ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਇਲਾਕੇ ਵਿੱਚ ਸਥਿਤ 65-70 ਛੋਟੇ-ਵੱਡੇ ਹੋਟਲਾਂ ਵਿੱਚ ਰੋਜ਼ਾਨਾ ਔਸਤਨ 2-3 ਕਮਰਸ਼ੀਅਲ ਸਿਲੰਡਰਾਂ ਦੀ ਖਪਤ ਹੁੰਦੀ ਹੈ ਪਰ ਪਿਛਲੇ 6 ਦਿਨਾਂ ਤੋਂ ਇੱਥੇ ਸਿਲੰਡਰਾਂ ਦੀ ਡਿਲੀਵਰੀ ਪੂਰੀ ਤਰ੍ਹਾਂ ਠੱਪ ਹੈ। ਸਪਲਾਈ ਨਾ ਹੋਣ ਕਾਰਨ ਹੋਟਲਾਂ-ਢਾਬੇ ਵਾਲਿਆਂ ਨੇ ਆਪਣੇ ਮੀਨੂ ਵਿੱਚ 50 ਫੀਸਦੀ ਤੱਕ ਦੀ ਕਟੌਤੀ ਕਰ ਦਿੱਤੀ ਹੈ, ਜਿਸ ਕਾਰਨ ਗਾਹਕਾਂ ਨੂੰ ਆਪਣੀ ਪਸੰਦ ਦੇ ਪਕਵਾਨ ਨਹੀਂ ਮਿਲ ਰਹੇ।
ਇਹ ਵੀ ਪੜ੍ਹੋ - Gold-Silver Price: ਧੜੰਮ ਹੇਠਾਂ ਡਿੱਗੀਆਂ ਸੋਨੇ-ਚਾਂਦੀ ਦੀਆਂ ਕੀਮਤਾਂ, ਜਾਣੋ ਅੱਜ ਦਾ ਰੇਟ
ਕਾਲਾਬਾਜ਼ਾਰੀ ਦਾ ਬੋਲਬਾਲਾ: 3000 ਰੁਪਏ ਤੱਕ ਵਿਕ ਰਿਹਾ ਸਿਲੰਡਰ
ਗੈਸ ਦੀ ਕਿੱਲਤ ਕਾਰਨ ਇਲਾਕੇ ਵਿੱਚ ਸਿਲੰਡਰਾਂ ਦੀ ਕਾਲਾਬਾਜ਼ਾਰੀ ਜ਼ੋਰਾਂ 'ਤੇ ਹੈ। ਖ਼ਬਰ ਮੁਤਾਬਕ, ਕੁਝ ਲੋਕ ਰਿਕਸ਼ਿਆਂ 'ਤੇ ਘਰੇਲੂ ਸਿਲੰਡਰ ਲੱਦ ਕੇ 2800 ਤੋਂ 3000 ਰੁਪਏ ਤੱਕ ਵੇਚ ਰਹੇ ਹਨ। ਗੈਸ ਨਾ ਹੋਣ ਕਾਰਨ ਹੋਟਲਾਂ ਵਾਲਿਆਂ ਨੇ 'ਗੈਸ-ਤੰਦੂਰ' ਬੰਦ ਕਰ ਦਿੱਤੇ ਹਨ ਅਤੇ ਹੁਣ ਚਿਕਨ ਤੇ ਪਨੀਰ ਟਿੱਕਾ ਬਣਾਉਣ ਲਈ ਕੋਲੇ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਇੱਕ ਪਾਸੇ ਜਿੱਥੇ ਦਿੱਲੀ ਦਾ AQI 350-400 ਦੇ ਵਿਚਕਾਰ ਚੱਲ ਰਿਹਾ ਹੈ, ਉੱਥੇ ਹੀ ਗੈਸ ਨਾ ਮਿਲਣ ਕਾਰਨ ਹੋਟਲ ਮਾਲਕਾਂ ਨੂੰ ਧੂੰਏਂ ਵਾਲੀਆਂ ਪੁਰਾਣੀਆਂ ਭੱਠੀਆਂ ਚਲਾਉਣੀਆਂ ਪੈ ਰਹੀਆਂ ਹਨ। ਛੋਟੇ ਦੁਕਾਨਦਾਰ ਅਤੇ ਰੇਹੜੀ-ਫੜ੍ਹੀ ਵਾਲੇ, ਜੋ 5 ਕਿਲੋ ਵਾਲੇ ਸਿਲੰਡਰਾਂ ਦੀ ਵਰਤੋਂ ਕਰਦੇ ਸਨ, ਉਹ ਵੀ ਕੰਮ ਛੱਡ ਕੇ ਬੈਠਣ ਲਈ ਮਜਬੂਰ ਹਨ, ਕਿਉਂਕਿ ਛੋਟੇ ਸਿਲੰਡਰ ਬਾਜ਼ਾਰ ਵਿੱਚੋਂ ਗਾਇਬ ਹਨ।
ਇਹ ਵੀ ਪੜ੍ਹੋ - ਧੀਆਂ ਦੇ ਖਾਤੇ 'ਚ ਆਉਣਗੇ ਪੈਸੇ, ਵਿਆਹ ਲਈ ਮਿਲੇਗਾ 1 ਲੱਖ ਰੁਪਏ ਦਾ ਤੋਹਫ਼ਾ! ਸੂਬਾ ਸਰਕਾਰ ਦਾ ਵੱਡਾ ਐਲਾਨ
ਈਦ ਦਾ ਸਵਾਦ ਫਿੱਕਾ ਪੈਣ ਦਾ ਡਰ
ਇਸ ਮਾਮਲੇ ਦੇ ਸਬੰਧ ਵਿਚ ਲਈ ਲੋਕਾਂ ਦੀ ਪ੍ਰਤੀਕਿਰਿਆ ਸਾਹਮਣੇ ਆਈ ਹੈ। ਲੋਕਾਂ ਮੁਤਾਬਕ ਜੇਕਰ ਅਗਲੇ 2-3 ਦਿਨਾਂ ਵਿੱਚ ਸਪਲਾਈ ਆਮ ਵਾਂਗ ਨਾ ਹੋਈ ਤਾਂ ਇਸ ਵਾਰ ਈਦ ਦੇ ਮੌਕੇ ਹਾਹਾਕਾਰ ਮਚ ਜਾਵੇਗੀ। ਕਈ ਹੋਟਲ ਮਾਲਕਾਂ ਨੇ ਸੇਵੀਆਂ ਦੀ ਖੀਰ ਬਣਾਉਣੀ ਵੀ ਬੰਦ ਕਰ ਦਿੱਤੀ ਹੈ, ਕਿਉਂਕਿ ਇਸ ਨੂੰ ਬਣਾਉਣ ਵਿੱਚ ਜ਼ਿਆਦਾ ਬਾਲਣ ਦੀ ਖਪਤ ਹੁੰਦੀ ਹੈ। ਲੋਕਾਂ ਨੂੰ ਡਰ ਹੈ ਕਿ ਇਸ ਵਾਰ ਗੈਸ ਦੀ ਕਿੱਲਤ ਈਦ ਦੀਆਂ ਖੁਸ਼ੀਆਂ ਅਤੇ ਸਵਾਦ ਨੂੰ ਫਿੱਕਾ ਕਰ ਦੇਵੇਗੀ।
ਇਹ ਵੀ ਪੜ੍ਹੋ - 69 ਲੱਖ ਔਰਤਾਂ ਦੇ ਖਾਤਿਆਂ 'ਚ ਆਏ 1000-1000 ਰੁਪਏ, ਇਸ ਸੂਬੇ ਦੇ CM ਦਾ ਵੱਡਾ ਐਲਾਨ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
CM ਨਿਤੀਸ਼ ਕੁਮਾਰ ਦੀ ਸੁਰੱਖਿਆ 'ਚ ਵੱਡੀ ਚੂਕ! ਰੈਲੀ ਵਾਲੀ ਥਾਂ ਆ ਵੜਿਆ ਸਾਨ੍ਹ, ਪੁਲਸ ਨੂੰ ਪੈ ਗਈਆਂ ਭਾਜੜਾਂ
NEXT STORY 
