ਨਵੀਂ ਦਿੱਲੀ — ਪਾਕਿਸਤਾਨ ਵਲੋਂ ਆਪਣੀ ਹਵਾਈ ਸਰਹੱਦ ਨੂੰ ਭਾਰਤੀ ਜਹਾਜ਼ਾਂ ਲਈ ਬੰਦ ਕਰ ਦੇਣ ਕਾਰਨ ਏਅਰ ਇੰਡੀਆ ਨੂੰ ਰੋਜ਼ਾਨਾ 13 ਲੱਖ ਰੁਪਏ ਦਾ ਨੁਕਸਾਨ ਹੋ ਰਿਹਾ ਹੈ। ਪਾਕਿਸਤਾਨ ਨੇ 26 ਫਰਵਰੀ ਨੂੰ ਬਾਲਾਕੋਟ 'ਚ ਭਾਰਤੀ ਹਵਾਈ ਫੌਜ ਵਲੋਂ ਹਵਾਈ ਹਮਲਾ ਕਰਨ ਦੇ ਬਾਅਦ ਆਪਣੀ ਹਵਾਈ ਸਰਹੱਦ ਨੂੰ ਬੰਦ ਕਰ ਦਿੱਤਾ ਸੀ।
ਏਅਰ ਇੰਡੀਆ ਐਕਸਪ੍ਰੈੱਸ ਵੀ ਘਾਟੇ 'ਚ
ਕੇਂਦਰੀ ਮੰਤਰੀ ਹਰਦੀਪ ਪੁਰੀ ਨੇ ਲੋਕ ਸਭਾ ਨੂੰ ਦੱਸਿਆ ਕਿ ਏਅਰ ਇੰਡੀਆ ਦੀ ਸਹਿਯੋਗੀ ਕੰਪਨੀ ਏਅਰ ਇੰਡੀਆ ਐਕਸਪ੍ਰੈੱਸ ਨੂੰ 22 ਲੱਖ ਰੁਪਏ ਦਾ ਨੁਕਸਾਨ ਹੋ ਰਿਹਾ ਹੈ। ਪੁਰੀ ਨੇ ਲੋਕ ਸਭਾ 'ਚ ਦੱਸਿਆ ਕਿ ਇਸ ਨਾਲ ਫਲਾਈਟ ਦੇ ਸਮੇਂ ਵਿਚ 15 ਮਿੰਟ ਵਾਧੂ ਲੱਗਦੇ ਹਨ। ਹਾਲਾਂਕਿ ਇਸ ਦੇ ਬਾਵਜੂਦ ਕੰਪਨੀ ਨੇ ਹਵਾਈ ਕਿਰਾਏ 'ਚ ਕਿਸੇ ਤਰ੍ਹਾਂ ਦਾ ਵਾਧਾ ਨਹੀਂ ਕੀਤਾ ਹੈ।
6 ਕਰੋੜ ਰੋਜ਼ਾਨਾ ਦੇ ਨੁਕਸਾਨ ਦਾ ਖਦਸ਼ਾ
ਇਸ ਤੋਂ ਪਹਿਲਾਂ ਏਅਰ ਇੰਡੀਆ ਨੇ ਰੋਜ਼ਾਨਾ 6 ਕਰੋੜ ਰੁਪਏ ਦੇ ਨੁਕਸਾਨ ਦਾ ਸ਼ੱਕ ਜ਼ਾਹਰ ਕੀਤਾ ਸੀ। ਪਾਕਿਸਤਾਨ ਵਲੋਂ ਆਪਣੇ ਹਵਾਈ ਖੇਤਰ ਨੂੰ ਭਾਰਤ ਲਈ ਬੰਦ ਕਰਨ ਕਾਰਨ ਭਾਰਤੀ ਹਵਾਈ ਕੰਪਨੀਆਂ ਨੂੰ 548 ਕਰੋੜ ਦਾ ਘਾਟਾ ਹੋਇਆ ਹੈ।
ਇਨ੍ਹਾਂ ਕੰਪਨੀਆਂ ਨੂੰ ਵੀ ਹੋ ਰਿਹਾ ਘਾਟਾ
ਇਸ ਕਾਰਨ ਖਾੜੀ ਦੇਸ਼ਾਂ, ਪੱਛਮੀ-ਮੱਧ ਏਸ਼ੀਆ ਸਮੇਤ ਕਈ ਦੇਸ਼ਾਂ ਨੂੰ ਜਾਣ ਵਾਲੀਆਂ ਭਾਰਤੀ ਏਅਰ ਲਾਈਂਸ ਦੀ ਫਲਾਈਟ ਨੂੰ ਅਰਬ ਸਾਗਰ ਦਾ ਚੱਕਰ ਲਗਾਉਂਦੇ ਹੋਏ ਜਾਣਾ ਪੈ ਰਿਹਾ ਹੈ। ਹੁਣੇ ਜਿਹੇ ਜੀ-20 'ਚ ਹਿੱਸਾ ਲੈਣ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀ ਪਾਕਿਸਤਾਨ ਹਵਾਈ ਸਰਹੱਦ ਵਲੋਂ ਨਾ ਹੋ ਕੇ ਅਰਬ ਸਾਗਰ ਅਤੇ ਓਮਾਨ ਹੁੰਦੇ ਹੋਏ ਕਿਰਿਗਤਾਨ ਦੀ ਰਾਜਧਾਨੀ ਬਿਸ਼ਕੇਕ ਪਹੁੰਚੇ ਸਨ। ਹਾਲਾਂਕਿ ਪਾਕਿਸਤਾਨ ਨੇ ਉਨ੍ਹਾਂ ਦੇ ਜਹਾਜ਼ ਨੂੰ ਦੇਸ਼ ਦੇ ਉੱਪਰੋਂ ਜਾਣ ਦਾ ਆਗਿਆ ਦੇ ਦਿੱਤੀ ਸੀ।
ਹਰਦੀਪ ਪੁਰੀ ਨੇ ਰਾਜ ਸਭਾ 'ਚ ਇਕ ਪ੍ਰਸ਼ਨ ਦੇ ਉੱਤਰ ਵਿਚ ਦੱਸਿਆ ਕਿ ਪਾਕਿਸਤਾਨ ਹਵਾਈ ਖੇਤਰ ਦੇ ਬੰਦ ਹੋਣ ਕਾਰਨ 2 ਜੁਲਾਈ ਤੱਕ ਭਾਰਤੀ ਹਵਾਈ ਕੰਪਨੀਆਂ ਨੂੰ 548 ਕਰੋੜ ਦਾ ਘਾਟਾ ਹੋਇਆ। ਜਿਸ ਵਿਚ 2 ਜੁਲਾਈ ਏਅਰ ਇੰਡੀਆ ਨੂੰ 491 ਕਰੋੜ, 31 ਮਈ ਤੱਕ ਇੰਡੀਗੋ ਨੂੰ 25.1 ਕਰੋੜ ਅਤੇ 20 ਜੂਨ ਤੱਕ ਸਪਾਈਸ ਜੈੱਟ ਨੂੰ 30.73 ਕਰੋੜ ਅਤੇ ਗੋਏਅਰ ਨੂੰ 2.1 ਕਰੋੜ ਦਾ ਘਾਟਾ ਹੋਇਆ ਹੈ।
ਇੰਡਸਇੰਡ ਬੈਂਕ ਦਾ ਮੁਨਾਫਾ 38.3 ਫੀਸਦੀ ਵਧਿਆ
NEXT STORY 
