ਅੰਮ੍ਰਿਤਸਰ (ਦਲਜੀਤ)- ‘ਵਰਲਡ ਅਸਥਮਾ ਡੇ’ ਦੇ ਮੌਕੇ ’ਤੇ ਸਾਹ ਨਾਲ ਜੁੜੀ ਗੰਭੀਰ ਬੀਮਾਰੀ ਅਸਥਮਾ (ਦਮਾ) ਨੂੰ ਲੈ ਕੇ ਚਿੰਤਾ ਹੋਰ ਵੀ ਗਹਿਰੀ ਹੋ ਗਈ ਹੈ। ਅਸਥਮਾ ਹੁਣ ਸਿਰਫ਼ ਇਕ ਆਮ ਬੀਮਾਰੀ ਨਹੀਂ ਰਹੀ, ਸਗੋਂ ਇਹ ਦੁਨੀਆ ਭਰ ਵਿਚ ਇਕ ਵੱਡੇ ਸਿਹਤ ਸੰਕਟ ਵਜੋਂ ਉਭਰ ਚੁੱਕੀ ਹੈ। ਸੰਸਾਰ ਭਰ ਵਿਚ ਲਗਭਗ 26 ਕਰੋੜ ਤੋਂ ਵੱਧ ਲੋਕ ਅਸਥਮਾ ਨਾਲ ਪੀੜਤ ਹਨ, ਜਦਕਿ ਹਰ ਸਾਲ ਕਰੀਬ 4.5 ਲੱਖ ਲੋਕ ਇਸ ਬੀਮਾਰੀ ਕਾਰਨ ਆਪਣੀ ਜਾਨ ਗੁਆ ਰਹੇ ਹਨ।
ਇਹ ਵੀ ਪੜ੍ਹੋ- ਪੰਜਾਬ ਦੇ ਅਧਿਆਪਕਾਂ ਲਈ ਵੱਡੀ ਚਿਤਾਵਨੀ! ਸਿੱਖਿਆ ਵਿਭਾਗ ਨੇ 14 ਮਈ ਦਿੱਤੀ ਆਖਰੀ ਤਾਰੀਖ
ਭਾਰਤ ਵਿਚ ਸਥਿਤੀ ਹੋਰ ਵੀ ਗੰਭੀਰ ਹੈ, ਜਿੱਥੇ ਲੱਗਭਗ 3.5 ਤੋਂ 4 ਕਰੋੜ ਲੋਕ ਇਸ ਨਾਲ ਜੂਝ ਰਹੇ ਹਨ। ਮਾਹਿਰਾਂ ਅਨੁਸਾਰ ਪ੍ਰਦੂਸ਼ਣ ਦਾ ਉੱਚਾ ਪੱਧਰ ਅਤੇ ਸ਼ਹਿਰੀਕਰਨ ਇਸ ਦੇ ਮੁੱਖ ਕਾਰਨ ਹਨ। ਜੇਕਰ ਪੰਜਾਬ ਦੀ ਗੱਲ ਕੀਤੀ ਜਾਵੇ ਤਾਂ ਅੰਦਾਜ਼ਿਆਂ ਮੁਤਾਬਕ ਰਾਜ ਵਿਚ 10 ਤੋਂ 12 ਲੱਖ ਦੇ ਕਰੀਬ ਅਸਥਮਾ ਮਰੀਜ਼ ਹਨ, ਜਿਨ੍ਹਾਂ ਵਿਚ ਬੱਚਿਆਂ ਅਤੇ ਬਜ਼ੁਰਗਾਂ ਦੀ ਗਿਣਤੀ ਲਗਾਤਾਰ ਵਧ ਰਹੀ ਹੈ। ਅੰਮ੍ਰਿਤਸਰ, ਲੁਧਿਆਣਾ ਅਤੇ ਜਲੰਧਰ ਵਰਗੇ ਉਦਯੋਗਿਕ ਸ਼ਹਿਰਾਂ ਵਿਚ ਇਹ ਸਮੱਸਿਆ ਹੋਰ ਵੀ ਗੰਭੀਰ ਹੈ।
ਇਹ ਵੀ ਪੜ੍ਹੋ-ਪੰਜਾਬ 'ਚ ਭਲਕੇ ਇਨ੍ਹਾਂ ਇਲਾਕਿਆਂ 'ਚ ਵੱਡੀ ਚਿਤਾਵਨੀ, ਮੌਸਮ ਵਿਭਾਗ ਨੇ ਦਿੱਤੀ ਜਾਣਕਾਰੀ
ਅਸਥਮਾ ਦੇ ਵਧਣ ਪਿੱਛੇ ਸਭ ਤੋਂ ਵੱਡਾ ਕਾਰਨ ਹਵਾ ਪ੍ਰਦੂਸ਼ਣ ਮੰਨਿਆ ਜਾ ਰਿਹਾ ਹੈ। ਵਾਹਨਾਂ ਦਾ ਧੂੰਆਂ, ਫੈਕਟਰੀਆਂ ਦੀਆਂ ਜ਼ਹਿਰੀਲੀਆਂ ਗੈਸਾਂ, ਪਰਾਲੀ ਸਾੜਨ ਨਾਲ ਬਣਦਾ ਧੂੰਆਂ ਅਤੇ ਘਰਾਂ ਵਿਚ ਮੌਜੂਦ ਧੂੜ-ਮਿੱਟੀ ਇਸ ਬੀਮਾਰੀ ਨੂੰ ਭੜਕਾਉਂਦੇ ਹਨ। ਮੈਡੀਕਲ ਮਾਹਿਰਾਂ ਮੁਤਾਬਕ ਅਸਥਮਾ ਦੌਰਾਨ ਮਰੀਜ਼ ਦੀਆਂ ਸਾਹ ਵਾਲੀਆਂ ਨਲੀਆਂ ਵਿਚ ਸੋਜ ਆ ਜਾਂਦੀ ਹੈ, ਜਿਸ ਨਾਲ ਸਾਹ ਲੈਣਾ ਮੁਸ਼ਕਿਲ ਹੋ ਜਾਂਦਾ ਹੈ। ਸਿਹਤ ਵਿਭਾਗ ਨੇ ਸਲਾਹ ਦਿੱਤੀ ਹੈ ਕਿ ਸਾਹ ਚੜ੍ਹਨਾ, ਸੀਟੀ ਵਰਗੀ ਆਵਾਜ਼ ਆਉਣਾ ਅਤੇ ਛਾਤੀ ਵਿਚ ਜਕੜਨ ਵਰਗੇ ਲੱਛਣਾਂ ਨੂੰ ਨਜ਼ਰਅੰਦਾਜ਼ ਨਾ ਕੀਤਾ ਜਾਵੇ।
ਇਹ ਵੀ ਪੜ੍ਹੋ-ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੇ ਚੀਫ ਖਾਲਸਾ ਦੀਵਾਨ ਦੀ ਕਮੇਟੀ ਨੂੰ ਕੀਤਾ ਤਲਬ, 8 ਮਈ ਨੂੰ ਹੋਵੇਗੀ ਪੇਸ਼ੀ
ਅਸਥਮਾ ਇਕ ਲੰਬੇ ਸਮੇਂ ਤੱਕ ਰਹਿਣ ਵਾਲੀ ਬੀਮਾਰੀ
ਸਰਕਾਰੀ ਡਾਕਟਰ ਵਿਸ਼ਾਲ ਵਰਮਾ ਨੇ ਦੱਸਿਆ ਕਿ ਅਸਥਮਾ ਇੱਕ ਲੰਬੇ ਸਮੇਂ ਤੱਕ ਰਹਿਣ ਵਾਲੀ ਬੀਮਾਰੀ ਹੈ, ਪਰ ਸਹੀ ਇਲਾਜ ਅਤੇ ਇਨਹੇਲਰ ਦੀ ਨਿਯਮਿਤ ਵਰਤੋਂ ਨਾਲ ਮਰੀਜ਼ ਆਮ ਜੀਵਨ ਜੀ ਸਕਦੇ ਹਨ। ਲੋਕਾਂ ਨੂੰ ਆਪਣੀ ਦਵਾਈ ਬਿਨਾਂ ਸਲਾਹ ਦੇ ਬੰਦ ਨਹੀਂ ਕਰਨੀ ਚਾਹੀਦੀ।
ਬੱਚਿਆਂ ਵਿਚ ਤੇਜ਼ੀ ਨਾਲ ਵੱਧ ਰਿਹਾ ਹੈ ਅਸਥਮਾ
ਸਰਕਾਰੀ ਮੈਡੀਕਲ ਕਾਲਜ ਦੇ ਚੈਸਟ ਐਂਡ ਟੀ. ਬੀ. ਵਿਭਾਗ ਦੇ ਸੀਨੀਅਰ ਡਾਕਟਰ ਸੰਦੀਪ ਮਹਾਜਨ ਅਨੁਸਾਰ ‘ਬੱਚਿਆਂ ਵਿਚ ਅਸਥਮਾ ਦੇ ਕੇਸ ਤੇਜ਼ੀ ਨਾਲ ਵਧ ਰਹੇ ਹਨ। ਮਾਪਿਆਂ ਨੂੰ ਚਾਹੀਦਾ ਹੈ ਕਿ ਬੱਚਿਆਂ ਨੂੰ ਧੂੜ, ਧੂੰਏਂ ਅਤੇ ਠੰਢੇ ਮੌਸਮ ਤੋਂ ਬਚਾ ਕੇ ਰੱਖਣ ਅਤੇ ਸਮੇਂ-ਸਿਰ ਜਾਂਚ ਕਰਵਾਉਣ।
ਹਵਾ ਪ੍ਰਦੂਸ਼ਣ ਅਤੇ ਪਰਾਲੀ ਸਾੜਨ ਨਾਲ ਸਮੱਸਿਆ ਹੋਰ ਵੀ ਬਣੇ ਗੰਭੀਰ
ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ ਦੇ ਮੁੱਖ ਬੁਲਾਰੇ ਅਤੇ ਸਿਹਤ ਵਿਭਾਗ ਦੇ ਜ਼ਿਲ੍ਹਾ ਟੀ. ਬੀ. ਅਧਿਕਾਰੀ ਰਹੇ। ਡਾ. ਨਰੇਸ਼ ਚਾਵਲਾ ਅਨੁਸਾਰ ਪੰਜਾਬ ਵਿੱਚ ਹਵਾ ਪ੍ਰਦੂਸ਼ਣ ਅਤੇ ਪਰਾਲੀ ਸਾੜਨ ਦੀ ਸਮੱਸਿਆ ਅਸਥਮਾ ਨੂੰ ਹੋਰ ਗੰਭੀਰ ਬਣਾ ਰਹੀ ਹੈ। ਸਰਕਾਰ ਅਤੇ ਲੋਕਾਂ ਨੂੰ ਮਿਲ ਕੇ ਇਸ ਸਮੱਸਿਆ ਦਾ ਹੱਲ ਲੱਭਣਾ ਪਵੇਗਾ।
ਬੀਮਾਰੀ ਵਿਚ ਲਾਪ੍ਰਵਾਹੀ ਅਤੇ ਦੇਰੀ ਮੌਤਾਂ ਨੂੰ ਦੇ ਰਹੇ ਹਨ ਸੱਦਾ
ਸਰਕਾਰੀ ਛਾਤੀ ਅਤੇ ਟੀ. ਬੀ ਵਿਭਾਗ ਦੇ ਡਾ. ਤੁਸ਼ਾਰ ਬਾਂਸਲ ਅਨੁਸਾਰ ‘ਅਸਥਮਾ ਨਾਲ ਹੋਣ ਵਾਲੀਆਂ ਮੌਤਾਂ ਜ਼ਿਆਦਾਤਰ ਲਾਪਰਵਾਹੀ ਅਤੇ ਦੇਰੀ ਨਾਲ ਇਲਾਜ ਕਾਰਨ ਹੁੰਦੀਆਂ ਹਨ। ਸਰਕਾਰੀ ਹਸਪਤਾਲਾਂ ਵਿੱਚ ਮੁਫ਼ਤ ਦਵਾਈਆਂ ਅਤੇ ਇਲਾਜ ਦੀ ਸਹੂਲਤ ਉਪਲਬਧ ਹੈ, ਜਿਸਦਾ ਲੋਕ ਲਾਭ ਲੈਣ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਜਲੰਧਰ ਦੇ ਇਸ ਸਕੂਲ 'ਚ ਤੁਰੰਤ ਕੀਤੀ ਗਈ ਛੁੱਟੀ, ਪੜ੍ਹੋ ਕਿਉਂ ਲਿਆ ਗਿਆ ਫ਼ੈਸਲਾ
NEXT STORY 
