ਨਵੀਂ ਦਿੱਲੀ - ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ, ਅਡਾਨੀ ਗ੍ਰੀਨ ਐਨਰਜੀ ਦੇ ਕਾਰਜਕਾਰੀ ਨਿਰਦੇਸ਼ਕ ਸਾਗਰ ਅਡਾਨੀ ਨੇ ਮੁੰਬਈ ਵਿੱਚ ਸਟੇਟ ਬੈਂਕ ਆਫ਼ ਇੰਡੀਆ ਦੇ ਇੱਕ ਸਮਾਗਮ ਵਿੱਚ ਗਰੁੱਪ ਦੇ ਊਰਜਾ ਕਾਰੋਬਾਰ ਦਾ ਇੱਕ ਅਭਿਲਾਸ਼ੀ ਦ੍ਰਿਸ਼ਟੀਕੋਣ ਪੇਸ਼ ਕੀਤਾ। ਰਾਜੇਸ਼ ਅਡਾਨੀ ਦੇ 30 ਸਾਲਾਂ ਪੁੱਤਰ ਨੇ ਘੋਸ਼ਣਾ ਕੀਤੀ ਕਿ ਸਮੂਹ ਅਗਲੇ ਪੰਜ ਸਾਲਾਂ ਵਿੱਚ ਵੱਡੇ ਪੱਧਰ 'ਤੇ ਸੋਲਰ, ਹਵਾ ਅਤੇ ਹਾਈਬ੍ਰਿਡ ਊਰਜਾ ਪ੍ਰੋਜੈਕਟਾਂ ਨੂੰ ਵਿਕਸਤ ਕਰਨ ਲਈ ਲਗਭਗ 35 ਬਿਲੀਅਨ ਡਾਲਰ ਦਾ ਨਿਵੇਸ਼ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਇਹ ਅਗਲੇ ਦਹਾਕੇ ਵਿੱਚ ਅਡਾਨੀ ਗਰੁੱਪ ਦੀ 100 ਬਿਲੀਅਨ ਡਾਲਰ ਦੀ ਵਿਆਪਕ ਨਿਵੇਸ਼ ਰਣਨੀਤੀ ਦਾ ਹਿੱਸਾ ਹੈ।
ਇਹ ਵੀ ਪੜ੍ਹੋ : ਗੌਤਮ ਅਡਾਨੀ ਸਮੇਤ 7 ਹੋਰ ਵਿਅਕਤੀਆਂ 'ਤੇ ਰਿਸ਼ਵਤਖੋਰੀ ਤੇ ਧੋਖਾਧੜੀ ਦਾ ਦੋਸ਼, ਗ੍ਰਿਫਤਾਰੀ ਵਾਰੰਟ ਜਾਰੀ
ਇਸ ਐਲਾਨ ਦੇ ਕੁਝ ਦਿਨਾਂ ਦੇ ਅੰਦਰ ਬ੍ਰਾਊਨ ਯੂਨੀਵਰਸਿਟੀ ਦਾ ਸਾਬਕਾ ਵਿਦਿਆਰਥੀ ਸਾਗਰ ਇੱਕ ਵਿਵਾਦ ਵਿੱਚ ਫੱਸ ਜਾਂਦਾ ਹੈ। ਅਮਰੀਕੀ ਵਕੀਲਾਂ ਨੇ ਭਾਰਤ ਸਰਕਾਰ ਦੇ ਅਧਿਕਾਰੀਆਂ ਨੂੰ ਕਥਿਤ ਤੌਰ 'ਤੇ ਰਿਸ਼ਵਤ ਦੇਣ ਦੇ ਦੋਸ਼ ਵਿੱਚ ਹੋਰਨਾਂ ਦੇ ਨਾਲ-ਨਾਲ ਉਸਦਾ ਨਾਮ ਵੀ ਲਿਆ ਹੈ। ਦੂਜੇ ਪਾਸੇ ਅਡਾਨੀ ਗਰੁੱਪ ਦੇ ਬੁਲਾਰੇ ਨੇ ਅਮਰੀਕੀ ਨਿਆਂ ਵਿਭਾਗ ਅਤੇ ਅਮਰੀਕੀ ਸਕਿਓਰਿਟੀਜ਼ ਐਂਡ ਐਕਸਚੇਂਜ ਕਮਿਸ਼ਨ ਵੱਲੋਂ ਅਡਾਨੀ ਗ੍ਰੀਨ ਦੇ ਡਾਇਰੈਕਟਰਾਂ ਵਿਰੁੱਧ ਲਾਏ ਗਏ ਦੋਸ਼ਾਂ ਨੂੰ ਬੇਬੁਨਿਆਦ ਕਰਾਰ ਦਿੰਦਿਆਂ ਕਿਹਾ ਕਿ ਇਨ੍ਹਾਂ ਨਾਵਾਂ ਨੂੰ ਹਟਾਉਣ ਲਈ ਹਰ ਸੰਭਵ ਕਾਨੂੰਨੀ ਕਦਮ ਚੁੱਕੇ ਜਾਣਗੇ।
ਇਹ ਵੀ ਪੜ੍ਹੋ : ਅਮਰੀਕਾ ਵਲੋਂ ਲਗਾਏ ਗਏ ਇਲਜ਼ਾਮਾਂ ਨੂੰ ਲੈ ਕੇ Adani Group ਦਾ ਬਿਆਨ ਆਇਆ ਸਾਹਮਣੇ
1988 ਵਿੱਚ, ਅਡਾਨੀ ਸਮੂਹ ਦੇ ਅਰਬਪਤੀ ਸੰਸਥਾਪਕ ਗੌਤਮ ਅਡਾਨੀ ਨੇ ਆਪਣੇ ਭਰਾਵਾਂ ਵਿਨੋਦ ਅਤੇ ਰਾਜੇਸ਼ ਨਾਲ ਇੱਕ ਵਸਤੂ ਵਪਾਰ ਕੰਪਨੀ ਸ਼ੁਰੂ ਕੀਤੀ। ਸਮੂਹ ਨੇ ਬੰਦਰਗਾਹਾਂ, ਹਵਾਈ ਅੱਡਿਆਂ, ਕੋਲਾ ਤੇ ਬਿਜਲੀ ਉਤਪਾਦਨ ਅਤੇ ਵੰਡ, ਸੀਮਿੰਟ ਅਤੇ ਮੀਡੀਆ ਵਿੱਚ ਆਪਣਾ ਕਾਰੋਬਾਰ ਫੈਲਾਇਆ ਅਤੇ 125 ਬਿਲੀਅਨ ਦੀ ਇੱਕ ਪਰਿਵਾਰਕ ਸੰਪਤੀ ਬਣਾਈ। ਇਸ ਸਾਲ ਅਗਸਤ ਵਿੱਚ ਬਲੂਮਬਰਗ ਦੀ ਇੱਕ ਰਿਪੋਰਟ ਅਨੁਸਾਰ ਗੌਤਮ ਅਡਾਨੀ ਦੇ ਪੁੱਤਰ ਕਰਨ ਅਤੇ ਜੀਤ, ਵਿਨੋਦ ਅਡਾਨੀ ਦੇ ਪੁੱਤਰ ਪ੍ਰਣਵ ਅਤੇ ਰਾਜੇਸ਼ ਅਡਾਨੀ (ਚੇਅਰਮੈਨ ਗੌਤਮ ਅਡਾਨੀ ਦੇ ਛੋਟੇ ਭਰਾ) ਪੁੱਤਰ ਸਾਗਰ ਸਮੇਤ ਪਰਿਵਾਰ ਦੀ ਅਗਲੀ ਪੀੜ੍ਹੀ ਨੂੰ ਕੰਮ ਸੰਭਾਲਦੇ ਹੋਏ ਹਰੇਕ ਦੀ ਭੂਮਿਕਾ ਸਪੱਸ਼ਟ ਕੀਤੀ ਗਈ ਹੈ।
ਇਹ ਵੀ ਪੜ੍ਹੋ : Aadhar Card 'ਤੇ ਤੁਰੰਤ ਮਿਲੇਗਾ Loan, ਇੰਝ ਕਰੋ ਅਪਲਾਈ
ਗ੍ਰੈਜੂਏਸ਼ਨ ਤੋਂ ਤੁਰੰਤ ਬਾਅਦ 2015 ਵਿੱਚ ਅਡਾਨੀ ਸਮੂਹ ਵਿੱਚ ਸ਼ਾਮਲ ਹੋਏ ਸਾਗਰ ਨੇ ਪ੍ਰੋਜੈਕਟਾਂ ਵਿੱਚ ਆਪਣਾ ਕਰੀਅਰ ਸ਼ੁਰੂ ਕੀਤਾ। ਹੁਣ ਗਰੁੱਪ ਦੇ ਗ੍ਰੀਨ ਐਨਰਜੀ ਬਿਜ਼ਨਸ ਦਾ ਚਿਹਰਾ ਬਣੇ ਸਾਗਰ ਨੂੰ ਅਡਾਨੀ ਗ੍ਰੀਨ ਐਨਰਜੀ ਦੇ ਪੂਰੇ ਸੋਲਰ ਅਤੇ ਵਿੰਡ ਪੋਰਟਫੋਲੀਓ ਬਣਾਉਣ ਦਾ ਸਿਹਰਾ ਜਾਂਦਾ ਹੈ। ਗਰੁੱਪ ਦੀ ਵੈੱਬਸਾਈਟ 'ਤੇ ਪੋਸਟ ਕੀਤੇ ਗਏ ਪ੍ਰੋਫਾਈਲ ਦੇ ਅਨੁਸਾਰ, ਸਾਗਰ ਵਰਤਮਾਨ ਵਿੱਚ ਸੰਗਠਨ ਨਿਰਮਾਣ ਦੇ ਨਾਲ-ਨਾਲ ਅਡਾਨੀ ਗ੍ਰੀਨ ਐਨਰਜੀ ਦੇ ਸਾਰੇ ਰਣਨੀਤਕ ਅਤੇ ਵਿੱਤੀ ਮਾਮਲਿਆਂ ਦੀ ਦੇਖਭਾਲ ਕਰਦੇ ਹਨ।
ਅਮਰੀਕੀ ਵਕੀਲਾਂ ਦੇ ਦੋਸ਼ਾਂ ਅਨੁਸਾਰ, ਸਾਗਰ ਅਕਤੂਬਰ 2018 ਤੋਂ ਹੁਣ ਤੱਕ ਇੰਡੀਆ ਐਨਰਜੀ ਕੰਪਨੀ ਦੇ ਨਿਰਦੇਸ਼ਕ ਮੰਡਲ ਵਿੱਚ ਕਾਰਜਕਾਰੀ ਨਿਰਦੇਸ਼ਕ ਸੀ। ਅਮਰੀਕੀ ਨਿਆਂ ਵਿਭਾਗ ਦੀ ਵੈਬਸਾਈਟ 'ਤੇ ਪੋਸਟ ਕੀਤੇ ਗਏ ਦੋਸ਼ਾਂ ਅਨੁਸਾਰ, ਸਾਗਰ ਅਡਾਨੀ ਨੂੰ 2021 ਵਿੱਚ ਇੰਡੀਆ ਐਨਰਜੀ ਕੰਪਨੀ ਦੇ ਯੂਐਸ ਬਾਂਡ ਇਸ਼ੂ ਦੇ ਸੰਯੁਕਤ ਬੁੱਕਰਨਰਜ਼ ਦੁਆਰਾ ਇੱਕ ਪ੍ਰਸ਼ਨਾਵਲੀ ਈਮੇਲ ਕੀਤੀ ਗਈ ਸੀ ਅਤੇ ਇੱਕ ਸੈਸ਼ਨ ਆਯੋਜਿਤ ਕੀਤਾ ਗਿਆ ਸੀ। ਇਸ ਵਿੱਚ ਵਿਦੇਸ਼ੀ ਭ੍ਰਿਸ਼ਟ ਪ੍ਰੈਕਟਿਸ ਐਕਟ ਦੀ ਪਾਲਣਾ ਬਾਰੇ ਸਵਾਲ ਸ਼ਾਮਲ ਸਨ। ਇਨ੍ਹਾਂ ਸਵਾਲਾਂ ਵਿਚ ਇਹ ਸਵਾਲ ਵੀ ਸ਼ਾਮਲ ਸੀ ਕਿ ਕੀ ਇੰਡੀਅਨ ਐਨਰਜੀ ਕੰਪਨੀ ਜਾਂ ਇਸਦੇ ਡਾਇਰੈਕਟਰਾਂ/ਅਧਿਕਾਰੀਆਂ ਸਮੇਤ ਹੋਰਾਂ ਨੇ ਸਰਕਾਰ ਨੂੰ ਕੋਈ ਗੈਰਕਾਨੂੰਨੀ ਅਦਾਇਗੀ ਕੀਤੀ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Adani Stocks: ਅਡਾਨੀ ਗਰੁੱਪ ਦੇ ਸ਼ੇਅਰਾਂ 'ਚ ਗਿਰਾਵਟ 'ਤੇ ਬ੍ਰੇਕ, 10 'ਚੋਂ 9 ਸ਼ੇਅਰ ਹਰੇ ਨਿਸ਼ਾਨ 'ਤੇ
NEXT STORY 
