ਨਵੀਂ ਦਿੱਲੀ- ਅਡਾਨੀ ਗਰੁੱਪ ਨੇ ਸ਼ਾਰਟ-ਸੇਲਰ ਹਿੰਡਨਬਰਗ ਰਿਸਰਚ ਦੇ ਦਾਵਿਆਂ ਨੂੰ ਰੱਦ ਕਰਨ ਲਈ ਆਪਣੀਆਂ ਕੁਝ ਕੰਪਨੀਆਂ ਦੇ ਸੁਤੰਤਰ ਆਡਿਟ ਲਈ ਅਕਾਊਂਟੈਂਸੀ ਗ੍ਰਾਂਟ ਥੋਰਨਟਨ ਨੂੰ ਨਿਯੁਕਤ ਕੀਤਾ ਹੈ ਜਿਨ੍ਹਾਂ ਨੇ ਆਪਣੇ ਸਟਾਕ ਅਤੇ ਬਾਂਡ ਨੂੰ ਨੁਕਸਾਨ ਪਹੁੰਚਾਇਆ ਹੈ। ਇਸ ਮਾਮਲੇ ਤੋਂ ਜਾਣੂ ਦੋ ਲੋਕਾਂ ਨੇ ਦੱਸਿਆ ਕਿ ਇਹ ਹਾਈਰਿੰਗ ਹਿੰਡਨਬਰਗ ਦੀ 24 ਜਨਵਰੀ ਦੀ ਰਿਪੋਰਟ ਤੋਂ ਬਾਅਦ ਅਡਾਨੀ ਗਰੁੱਪ ਵਲੋਂ ਆਪਣਾ ਬਚਾਅ ਕਰਨ ਦੀ ਪਹਿਲੀ ਕੋਸ਼ਿਸ਼ ਹੈ ਜਿਸ 'ਚ ਆਫਸ਼ੋਰ ਟੈਕਸ ਹੈਵਨ ਅਤੇ ਸਟਾਕ ਮੈਨੁਪੁਲੇਸ਼ਨ ਦੇ ਅਨੁਚਿਤ ਵਰਤੋਂ ਦਾ ਦੋਸ਼ ਲਗਾਇਆ ਗਿਆ ਸੀ।
ਇਹ ਵੀ ਪੜ੍ਹੋ-ਜਲੰਧਰ-ਦਿੱਲੀ ਹਾਈਵੇ ਬਣਿਆ EV ਫਾਸਟ ਚਾਰਜਿੰਗ ਹਾਈ ਕੋਰੀਡੋਰ
120 ਅਰਬ ਡਾਲਰ ਦਾ ਨੁਕਸਾਨ
ਅਰਬਪਤੀ ਗੌਤਮ ਅਡਾਨੀ ਦੀ ਅਗਵਾਈ ਵਾਲੇ ਗਰੁੱਪ ਨੇ ਦੋਸ਼ਾਂ ਦਾ ਜ਼ੋਰਦਾਰ ਖੰਡਨ ਕੀਤਾ ਹੈ ਪਰ ਨਿਵੇਸ਼ਕ ਚਿੰਤਿਤ ਹਨ। ਪਿਛਲੇ ਤਿੰਨ ਹਫ਼ਤਿਆਂ 'ਚ ਗਰੁੱਪ ਦੀਆਂ ਸੱਤ ਸੂਚੀਬੱਧ ਸਹਾਇਕ ਕੰਪਨੀਆਂ ਦੇ ਸ਼ੇਅਰਾਂ ਦੇ ਮਾਰਕੀਟ ਕੈਪ ਨੂੰ ਲਗਭਗ 120 ਬਿਲੀਅਨ ਡਾਲਰ ਦਾ ਨੁਕਸਾਨ ਹੋਇਆ ਹੈ। ਅਡਾਨੀ ਗਰੁੱਪ ਨੇ ਪਿਛਲੇ ਹਫ਼ਤੇ ਕਿਹਾ ਸੀ ਕਿ ਉਹ ਹਿੰਡਨਬਰਗ ਰਿਪੋਰਟ ਤੋਂ ਬਾਅਦ ਕਾਨੂੰਨੀ ਅਨੁਪਾਲਨ, ਸਬੰਧਿਤ ਪੱਖ ਲੈਣ-ਦੇਣ ਅਤੇ ਅੰਦਰੂਨੀ ਕੰਟਰੋਲ ਨਾਲ ਸਬੰਧਤ ਮੁੱਦਿਆਂ ਨੂੰ ਸੁਤੰਤਰ ਮੁਲਾਂਕਣ 'ਤੇ ਵਿਚਾਰ ਕਰ ਰਿਹਾ ਹੈ। ਉਸ ਤੋਂ ਬਾਅਦ ਗ੍ਰਾਂਟ ਥੋਰਨਟਨ ਦੀ ਨਿਯੁਕਤੀ ਦੀ ਖ਼ਬਰ ਪਹਿਲੀ ਵਾਰ ਆਈ ਹੈ।
ਇਹ ਵੀ ਪੜ੍ਹੋ-ਆਇਲ ਇੰਡੀਆ ਨੇ ਦਸੰਬਰ ਤਿਮਾਰੀ 'ਚ ਕਮਾਇਆ 1,746 ਕਰੋੜ ਰੁਪਏ ਦਾ ਸਭ ਤੋਂ ਵਧ ਲਾਭ
ਇਸ ਗੱਲ ਦੀ ਹੋਵੇਗੀ ਜਾਂਚ
ਸੂਤਰਾਂ ਨੇ ਕਿਹਾ ਕਿ ਗ੍ਰਾਂਟ ਥੋਰਨਟਨ ਨੂੰ ਅਡਾਨੀ ਗਰੁੱਪ ਦੀਆਂ ਕੁਝ ਕੰਪਨੀਆਂ ਦਾ ਸੁਤੰਤਰ ਆਡਿਟ ਕਰਨ ਲਈ ਕੰਮ 'ਤੇ ਰੱਖਿਆ ਗਿਆ ਹੈ। ਸੂਤਰਾਂ ਨੇ ਨਾਂ ਦੱਸਣ ਤੋਂ ਮਨ੍ਹਾ ਕੀਤਾ ਹੈ ਕਿਉਂਕਿ ਕੰਪਨੀ ਦੀ ਹਾਈਰਿੰਗ ਨੂੰ ਕਾਫ਼ੀ ਗੁਪਤ ਰੱਖਿਆ ਗਿਆ ਹੈ। ਸੂਤਰਾਂ ਦੇ ਅਨੁਸਾਰ ਗ੍ਰਾਂਟ ਥੋਰਨਟਨ ਇਹ ਦੇਖੇਗਾ ਕਿ ਅਡਾਨੀ ਗਰੁੱਪ 'ਚ ਰਿਲੇਟਿਡ ਪਾਰਟੀ ਟਰਾਂਸਜੈਕਸ਼ਨ ਕਾਰਪੋਰੇਟ ਗਵਰਨਰਸ ਸਟੈਂਡਰਡ ਦਾ ਅਨੁਪਾਲਨ ਕਰਦੇ ਹਨ ਜਾਂ ਨਹੀਂ। ਗ੍ਰਾਂਟ ਥੋਰਨਟਨ ਅਤੇ ਅਡਾਨੀ ਗਰੁੱਪ ਵਲੋਂ ਕੋਈ ਅਧਿਕਾਰਕ ਬਿਆਨ ਸਾਹਮਣੇ ਨਹੀਂ ਆਇਆ ਹੈ।
ਇਹ ਵੀ ਪੜ੍ਹੋ-FPI ਦੀ ਭਾਰਤੀ ਬਾਜ਼ਾਰ ਤੋਂ ਨਿਕਾਸੀ ਜਾਰੀ, ਫਰਵਰੀ 'ਚ ਹੁਣ ਤੱਕ 9,600 ਕਰੋੜ ਰੁਪਏ ਕੱਢੇ
ਲਗਾਤਾਰ ਵਧ ਰਿਹਾ ਹੈ ਰੈਗੂਲੇਟਰ 'ਤੇ ਦਬਾਅ
ਅਡਾਨੀ ਗਰੁੱਪ ਨੇ ਸੋਮਵਾਰ ਨੂੰ ਨਿਵੇਸ਼ਕਾਂ ਨੂੰ ਇਹ ਕਹਿੰਦੇ ਹੋਏ ਭਰੋਸਾ ਕਰਨ ਦੀ ਕੋਸ਼ਿਸ਼ ਕੀਤੀ ਕਿ ਉਸ ਦੇ ਕੋਲ ਮਜ਼ਬੂਤ ਕੈਸ਼ ਫਲੋਅ ਹੈ ਅਤੇ ਇਸ ਦੀਆਂ ਵਪਾਰਕ ਯੋਜਨਾਵਾਂ ਪੂਰੀ ਤਰ੍ਹਾਂ ਨਾਲ ਫੰਡਿੰਗ ਹਨ ਅਤੇ ਇਹ ਸ਼ੇਅਰਧਾਰਕਾਂ ਨੂੰ ਬਿਹਤਰ ਰਿਟਰਨ ਦੇਣ ਲਈ ਸਾਡੇ ਪੋਰਟਫੋਲੀਓ ਦੀ ਨਿਰੰਤਰ ਸਮਰੱਥਾ 'ਚ ਵਿਸ਼ਵਾਸ ਹੈ। ਪਰ ਰੈਗੂਲੇਟਰ ਦਾ ਦਬਾਅ ਵਧ ਰਿਹਾ ਹੈ। ਭਾਰਤ ਦੇ ਬਾਜ਼ਾਰ ਰੈਗੂਲੇਟਰ ਨੇ ਸੋਮਵਾਰ ਨੂੰ ਪੁਸ਼ਟੀ ਕੀਤੀ ਕਿ ਉਹ ਹਿੰਡਨਬਰਗ ਦੀ ਰਿਪੋਰਟ ਦੀ ਜਾਂਚ ਕਰ ਰਿਹਾ ਹੈ। ਨਾਲ ਹੀ ਰਿਪੋਰਟ ਪ੍ਰਕਾਸ਼ਿਤ ਹੋਣ ਤੋਂ ਪਹਿਲਾਂ ਅਤੇ ਬਾਅਦ 'ਚ ਬਾਜ਼ਾਰ ਗਤੀਵਿਧੀਆਂ ਦੀ ਜਾਂਚ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ-ਦੇਸੀ ਛੱਡ ਕੇ ਮਹਿੰਗੀ ਵਿਸਕੀ ਪੀਣ ਲੱਗੇ ਭਾਰਤੀ ! 60 ਫ਼ੀਸਦੀ ਉਛਲਿਆ ਸਕਾਟ ਦਾ ਇੰਪੋਰਟ
ਨੋਟ-ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਦਿਓ।
WPI Inflation: ਥੋਕ ਮਹਿੰਗਾਈ ਦਸੰਬਰ 2022 ਦੇ 4.95% ਤੋਂ ਘੱਟ ਕੇ 4.73% 'ਤੇ ਪਹੁੰਚੀ
NEXT STORY 
