ਮੁੰਬਈ (ਭਾਸ਼ਾ) – ਅਡਾਨੀ ਸਮੂਹ ਦੀਆਂ 2 ਕੰਪਨੀਆਂ ਅਡਾਨੀ ਐਂਟਰਪ੍ਰਾਈਜੇਜ਼ ਅਤੇ ਅਡਾਨੀ ਟ੍ਰਾਂਸਮਿਸ਼ਨ ਦੇ ਨਾਲ ਹੀ ਰਿਲਾਇੰਸ ਇੰਡਸਟ੍ਰੀਜ਼ ਲਿਮਟਿਡ (ਆਰ. ਆਈ. ਐੱਲ.) ਦੀ ਅਗਵਾਈ ’ਚ ਚੋਟੀ ਦੀਆਂ 100 ਕੰਪਨੀਆਂ ਨੇ ਸਾਲ 2016-17 ਤੋਂ 2021-22 ਦੌਰਾਨ ਕੁੱਲ 92.2 ਲੱਖ ਕਰੋੜ ਰੁਪਏ ਦੀ ਜਾਇਦਾਦ ਜੋੜੀ ਹੈ। ਬ੍ਰੋਕਰੇਜ ਫਰਮ ਮੋਤੀਲਾਲ ਓਸਵਾਲ ਦੀ 27ਵੀਂ ਸਾਲਾਨਾ ਰਿਪੋਰਟ ’ਚ ਕਿਹਾ ਗਿਆ ਕਿ 2022 ’ਚ ਹੁਣ ਤੱਕ ਅਡਾਨੀ ਸਮੂਹ ਦੀਆਂ ਉਕਤ 2 ਕੰਪਨੀਆਂ ਨੇ ਜਾਇਦਾਦ ਨਿਰਮਾਣ ’ਚ ਆਰ. ਆਈ. ਐੱਲ. ਨੂੰ ਪਿੱਛੇ ਛੱਡ ਦਿੱਤਾ ਹੈ।
ਇਹ ਵੀ ਪੜ੍ਹੋ : ਭਾਰਤ ਨੇ ਰੋਕਿਆ Vivo ਦੇ 27,000 ਮੋਬਾਈਲ ਫੋਨਾਂ ਦਾ ਨਿਰਯਾਤ, ਚੀਨੀ ਕੰਪਨੀ 'ਤੇ ਲੱਗਾ ਇਹ ਦੋਸ਼
ਹਾਲਾਂਕਿ ਰਿਲਾਇੰਸ ਇੰਡਸਟ੍ਰੀਜ਼ ਨੇ ਸਾਲ 2016-17 ਤੋਂ 2021-22 ਦੌਰਾਨ 5 ਸਾਲਾਂ ’ਚ ਜਾਇਦਾਦ ਨਿਰਮਾਣ ਦੇ ਸਾਰੇ ਰਿਕਾਰਡ ਤੋੜ ਦਿੱਤੇ। ਗੌਤਮ ਅਡਾਨੀ ਸਮੂਹ ਦੀਆਂ ਕੰਪਨੀਆਂ ਇਸ ਸਾਲ ਹੈਰਾਨੀਜਨਕ ਉਚਾਈਆਂ ’ਤੇ ਪਹੁੰਚ ਰਹੀਆਂ ਹਨ। ਇਸ ਦੌਰਾਨ ਸਮੂਹ ਨੇ ਕਈ ਜਾਇਦਾਦਾਂ ਖਰੀਦੀਆਂ ਅਤੇ ਨਵੇਂ ਖੇਤਰਾਂ ’ਚ ਐਂਟਰੀ ਕੀਤੀ। ਫੋਰਬਸ ਅਰਬਪਤੀਆਂ ਦੀ ਸੂਚੀ ਮੁਤਾਬਕ ਅਡਾਨੀ ਸਮੂਹ ’ਚ ਤੇਜ਼ੀ ਇੰਨੀ ਜ਼ਿਆਦਾ ਸੀ ਕਿ 16 ਸਤੰਬਰ ਨੂੰ ਅਡਾਨੀ 155.7 ਅਰਬ ਅਮਰੀਕੀ ਡਾਲਰ ਨਾਲ ਦੁਨੀਆ ਦੇ ਦੂਜੇ ਸਭ ਤੋਂ ਅਮੀਰ ਵਿਅਕਤੀ ਬਣ ਗਏ।
ਉਨ੍ਹਾਂ ਤੋਂ ਅੱਗੇ ਸਿਰਫ ਐਲਨ ਮਸਕ ਸਨ। ਇਸ ਦਿਨ ਅਡਾਨੀ ਐਂਟਰਪ੍ਰਾਈਜੇਜ਼, ਅਡਾਨੀ ਪੋਰਟ ਅਤੇ ਅਡਾਨੀ ਟ੍ਰਾਂਸਮਿਸ਼ਨ ਦੇ ਸ਼ੇਅਰ ਰਿਕਾਰਡ ਉਚਾਈ ’ਤੇ ਸਨ। ਰਿਪੋਰਟ ਮੁਤਾਬਕ ਤਕਨਾਲੋਜੀ ਖੇਤਰ 2017-2022 ਦਰਮਿਆਨ ਜਾਇਦਾਦ ਬਣਾਉਣ ਦੇ ਲਿਹਾਜ ਨਾਲ ਸਭ ਤੋਂ ਵੱਡਾ ਖੇਤਰ ਰਿਹਾ। ਇਸ ਤੋਂ ਬਾਅਦ ਵਿੱਤੀ ਖੇਤਰ ਦਾ ਸਥਾਨ ਰਿਹਾ ਸੀ। ਇਹ ਰਿਪੋਰਟ 2016-17 ਤੋਂ 2021-22 ਦੌਰਾਨ ਜਾਇਦਾਦ ਬਣਾਉਣ ਵਾਲੀਆਂ ਚੋਟੀ ਦੀਆਂ 100 ਕੰਪਨੀਆਂ ਦੇ ਅਧਿਐਨ ’ਤੇ ਆਧਾਰਿਤ ਹੈ। ਜਾਇਦਾਦ ਬਣਾਉਣ ਦਾ ਮੁਲਾਂਕਣ ਇਨ੍ਹਾਂ ਕੰਪਨੀਆਂ ਦੇ ਬਾਜ਼ਾਰ ਪੂੰਜੀਕਰਣ ’ਚ ਬਦਲਾਅ ਦੇ ਆਧਾਰ ’ਤੇ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ : ਜਾਂਚ ਦੇ ਘੇਰੇ 'ਚ ਆਏ 3,300 ਤੋਂ ਵੱਧ ਕ੍ਰਿਪਟੋ ਖ਼ਾਤੇ , ਗੈਰ-ਕਾਨੂੰਨੀ ਗਤੀਵਿਧੀਆਂ 'ਚ ਸ਼ਾਮਲ ਹੋਣ ਦਾ ਸ਼ੱਕ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਘਰੇਲੂ ਸ਼ੇਅਰ ਬਾਜ਼ਾਰ 'ਚ ਵਾਧਾ, ਸੈਂਸੈਕਸ 120 ਅੰਕ ਚੜ੍ਹਿਆ, ਨਿਫਟੀ 18650 ਦੇ ਉਪਰ
NEXT STORY 
