ਨੈਸ਼ਨਲ ਡੈਸਕ : ਰਿਜ਼ਰਵ ਬੈਂਕ ਆਫ ਇੰਡੀਆ (RBI) ਬੈਂਕਿੰਗ ਖੇਤਰ ਵਿੱਚ ਇੱਕ ਵੱਡਾ ਬਦਲਾਅ ਲਿਆਉਣ ਦੀ ਤਿਆਰੀ ਕਰ ਰਿਹਾ ਹੈ। ਹੁਣ ਤੁਸੀਂ ਆਪਣੇ ਬੈਂਕ ਖਾਤੇ ਨੂੰ ਮੋਬਾਈਲ ਸਿਮ ਵਾਂਗ ਇੱਕ ਬੈਂਕ ਤੋਂ ਦੂਜੇ ਬੈਂਕ 'ਚ ਪੋਰਟ ਕਰਵਾ ਸਕੋਗੇ। ਆਰ.ਬੀ.ਆਈ. ਆਪਣੇ 'ਪੇਮੈਂਟਸ ਵਿਜ਼ਨ 2028' ਰਾਹੀਂ ਇਸ ਵੱਡੇ ਬਦਲਾਅ ਨੂੰ ਅਮਲੀ ਰੂਪ ਦੇਣ ਜਾ ਰਿਹਾ ਹੈ।
ਅਕਸਰ ਗਾਹਕਾਂ ਨੂੰ ਇੱਕ ਬੈਂਕ ਤੋਂ ਦੂਜੇ ਬੈਂਕ ਵਿੱਚ ਖਾਤਾ ਸ਼ਿਫਟ ਕਰਨ ਵੇਲੇ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਦਾ ਮੁੱਖ ਕਾਰਨ ਖਾਤੇ ਨਾਲ ਜੁੜੇ ਕਈ ਤਰ੍ਹਾਂ ਦੇ ਸਟੈਂਡਿੰਗ ਇੰਸਟ੍ਰਕਸ਼ਨ (ਜਿਵੇਂ ਬਿਜਲੀ ਦੇ ਬਿੱਲ, EMI ਜਾਂ ਸੈਲਰੀ ਲਈ ਆਟੋ-ਪੇਮੈਂਟ) ਹੁੰਦੇ ਹਨ। ਇਸ ਦਿੱਕਤ ਨੂੰ ਦੂਰ ਕਰਨ ਲਈ ਆਰ.ਬੀ.ਆਈ. 'ਪੇਮੈਂਟਸ ਸਵਿਚਿੰਗ ਸਰਵਿਸ' 'ਤੇ ਕੰਮ ਕਰ ਰਿਹਾ ਹੈ, ਜਿਸ ਨਾਲ ਤੁਹਾਡੀਆਂ ਸਾਰੀਆਂ ਸੈਟਿੰਗਾਂ ਆਸਾਨੀ ਨਾਲ ਨਵੇਂ ਬੈਂਕ ਵਿੱਚ ਸ਼ਿਫਟ ਹੋ ਜਾਣਗੀਆਂ।
ਇੱਕੋ ਥਾਂ ਮਿਲੇਗੀ ਸਾਰੀ ਜਾਣਕਾਰੀ
ਆਰ.ਬੀ.ਆਈ. ਇੱਕ ਅਜਿਹਾ ਕੇਂਦਰੀ ਸਿਸਟਮ ਬਣਾ ਰਿਹਾ ਹੈ ਜਿੱਥੇ ਗਾਹਕਾਂ ਨੂੰ ਉਨ੍ਹਾਂ ਦੀਆਂ ਸਾਰੀਆਂ ਪੇਮੈਂਟ ਡਿਟੇਲਸ ਇੱਕ ਹੀ ਜਗ੍ਹਾ 'ਤੇ ਮਿਲਣਗੀਆਂ। ਇਸ ਪਲੇਟਫਾਰਮ ਰਾਹੀਂ ਗਾਹਕ ਆਪਣੇ ਸਾਰੇ ਆਉਣ-ਜਾਣ ਵਾਲੇ ਪੇਮੈਂਟਸ ਨੂੰ ਦੇਖ ਸਕਣਗੇ ਅਤੇ ਉਨ੍ਹਾਂ ਨੂੰ ਦੂਜੇ ਬੈਂਕ ਵਿੱਚ ਟ੍ਰਾਂਸਫਰ ਕਰ ਸਕਣਗੇ। ਇਸ ਨਾਲ ਗਾਹਕਾਂ ਦੀ ਕਿਸੇ ਇੱਕ ਬੈਂਕ 'ਤੇ ਨਿਰਭਰਤਾ ਘੱਟ ਜਾਵੇਗੀ।
ਵਿਦੇਸ਼ਾਂ ਵਿੱਚ ਪੈਸੇ ਭੇਜਣਾ ਹੋਵੇਗਾ ਸਸਤਾ
ਇਸ ਯੋਜਨਾ ਦਾ ਇੱਕ ਹੋਰ ਅਹਿਮ ਹਿੱਸਾ ਵਿਦੇਸ਼ੀ ਲੈਣ-ਦੇਣ ਨੂੰ ਤੇਜ਼ ਅਤੇ ਸਸਤਾ ਬਣਾਉਣਾ ਹੈ। ਸੈਂਟਰਲ ਬੈਂਕ ਪੂਰੇ ਸਿਸਟਮ ਨੂੰ G20 ਦੇ ਵਿਸ਼ਵ ਪੱਧਰੀ ਮਾਪਦੰਡਾਂ ਅਨੁਸਾਰ ਢਾਲਣ ਦੀ ਯੋਜਨਾ ਬਣਾ ਰਿਹਾ ਹੈ, ਤਾਂ ਜੋ ਨਿਯਮਾਂ ਜਾਂ ਤਕਨੀਕ ਕਾਰਨ ਆਉਣ ਵਾਲੀਆਂ ਅੜਚਨਾਂ ਨੂੰ ਦੂਰ ਕੀਤਾ ਜਾ ਸਕੇ। ਇਸ ਨਾਲ ਡਿਜੀਟਲ ਕਰੰਸੀ ਨੂੰ ਵੀ ਉਤਸ਼ਾਹ ਮਿਲੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਸੂਰਤ ਦੀ ਟੈਕਸਟਾਈਲ ਫੈਕਟਰੀ 'ਚ ਭਿਆਨਕ ਅੱਗ, ਪੁੱਜੀਆਂ ਫਾਇਰ ਬ੍ਰਿਗੇਡ ਦੀਆਂ 12 ਗੱਡੀਆਂ
NEXT STORY 
