ਨਵੀਂ ਦਿੱਲੀ - ਦੁਨੀਆ ਦਾ ਸਭ ਤੋਂ ਵੱਡਾ ਸਰਚ ਇੰਜਨ ਗੂਗਲ ਬਾਜ਼ਾਰ ਵਿੱਚ ਆਪਣੀ ਬਹੁਤ ਮਜ਼ਬੂਤ ਸਥਿਤੀ ਦਾ ਦੁਰਉਪਯੋਗ ਕਰ ਰਿਹਾ ਹੈ। ਇਹ ਗੱਲ ਭਾਰਤੀ ਮੁਕਾਬਲੇਬਾਜ਼ੀ ਕਮਿਸ਼ਨ (ਸੀਸੀਆਈ) ਦੀ ਜਾਂਚ ਵਿੱਚ ਸਾਹਮਣੇ ਆਈ ਹੈ। ਸੀਸੀਆਈ ਦੀ ਜਾਂਚ ਇਕਾਈ ਨੇ ਦੋ ਸਾਲਾਂ ਤੱਕ ਮਾਮਲੇ ਦੀ ਜਾਂਚ ਕਰਨ ਤੋਂ ਬਾਅਦ ਆਪਣੀ ਰਿਪੋਰਟ ਦਿੱਤੀ ਹੈ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਯੂਐਸ ਟੈਕਨਾਲੌਜੀ ਅਤੇ ਸਰਚ ਇੰਜਨ ਕੰਪਨੀ ਪ੍ਰਤੀਯੋਗੀ ਵਿਰੋਧੀ, ਅਨੁਚਿਤ ਅਤੇ ਪ੍ਰਤਿਬੰਧਿਤ ਵਪਾਰ ਪ੍ਰਥਾਵਾਂ ਅਪਣਾਉਣ ਦੀ ਦੋਸ਼ੀ ਹੈ।
ਇਹ ਵੀ ਪੜ੍ਹੋ : ਦੁਨੀਆ ਭਰ ’ਚ ਡਾਇਮੰਡ ਦੀ ਮੰਗ ਵਧੀ, ਫਿਰ ਵੀ ਉਦਯੋਗ ਨੂੰ ਕਰਨਾ ਪੈ ਰਿਹੈ ਸੰਕਟ ਦਾ ਸਾਹਮਣਾ
ਗੂਗਲ ਮੋਬਾਈਲ ਓਪਰੇਟਿੰਗ ਸਿਸਟਮ ਅਤੇ ਇਸਦੇ ਨਾਲ ਜੁੜੇ ਬਾਜ਼ਾਰ ਵਿੱਚ ਆਪਣੇ ਦਬਦਬੇ ਦਾ ਦੁਰਉਪਯੋਗ ਕਰ ਰਿਹਾ ਹੈ। ਸੀਸੀਆਈ ਨੇ ਅਪ੍ਰੈਲ 2019 ਵਿੱਚ ਗੂਗਲ ਦੇ ਖਿਲਾਫ ਜਾਂਚ ਦੇ ਆਦੇਸ਼ ਦਿੱਤੇ ਸਨ। ਮੋਬਾਈਲ ਫ਼ੋਨ ਆਪਰੇਟਿੰਗ ਸਿਸਟਮਾਂ ਦੀ ਮਾਰਕੀਟ 'ਤੇ ਗੂਗਲ ਦੇ ਐਂਡਰਾਇਡ ਦਾ ਦਬਦਬਾ ਹੈ। ਬਾ਼ਜਾਰ ਦੇ ਲਗਭਗ 98 ਪ੍ਰਤੀਸ਼ਤ ਹਿੱਸੇ ਉੱਤੇ ਇਸ ਦਾ ਕਬਜ਼ਾ ਹੈ। ਬਹੁਤ ਸਾਰੀਆਂ ਵਿਦੇਸ਼ੀ ਅਤੇ ਘਰੇਲੂ ਕੰਪਨੀਆਂ ਜਿਵੇਂ ਕਿ ਐਪਲ, ਮਾਈਕ੍ਰੋਸਾੱਫਟ, ਐਮਾਜ਼ੋਨ, ਪੇਟੀਐਮ, ਫੋਨਪੇ, ਮੋਜ਼ੀਲਾ, ਸੈਮਸੰਗ, ਸ਼ੀਓਮੀ, ਵੀਵੋ, ਓਪੋ ਅਤੇ ਕਾਰਬਨ ਗੂਗਲ ਦੇ ਉਤਪਾਦਾਂ ਦੀ ਵਰਤੋਂ ਕਰਦੇ ਹਨ।
ਸੀ.ਸੀ.ਆਈ. ਦੀ ਜਾਂਚ ਨੇ ਗੂਗਲ 'ਤੇ ਮੁਕਾਬਲੇ ਅਤੇ ਨਵੀਨਤਾ ਨੂੰ ਠੇਸ ਪਹੁੰਚਾਉਣ ਦਾ ਦੋਸ਼ ਲਗਾਇਆ ਹੈ। ਇਸ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਇਹ ਬਾਜ਼ਾਰ ਦੇ ਨਾਲ ਨਾਲ ਖਪਤਕਾਰਾਂ ਲਈ ਵੀ ਹਾਨੀਕਾਰਕ ਹੈ। ਗੂਗਲ ਇਹ ਖੋਜ, ਸੰਗੀਤ (ਯੂਟਿਬ), ਬ੍ਰਾਊਜ਼ਰ (ਕਰੋਮ), ਐਪ ਲਾਇਬ੍ਰੇਰੀ (ਗੂਗਲ ਪਲੇ ਸਟੋਰ) ਅਤੇ ਹੋਰ ਮੁੱਖ ਸੇਵਾਵਾਂ 'ਤੇ ਆਪਣੀ ਮਜ਼ਬੂਤ ਪਕੜ ਬਣਾਈ ਰੱਖਣ ਲਈ ਕਰਦਾ ਹੈ।
ਇਹ ਵੀ ਪੜ੍ਹੋ : Zee Entertainment 'ਚ ਵਿਵਾਦ ਵਿਚਾਲੇ ਰਾਕੇਸ਼ ਝੁਨਝੁਨਵਾਲਾ ਨੇ ਖ਼ਰੀਦੀ ਹਿੱਸੇਦਾਰੀ, ਕਮਾਏ 20 ਕਰੋੜ
ਸੀਸੀਆਈ ਦੀ ਜਾਂਚ ਇਕਾਈ ਨੇ ਇਸ ਮਾਮਲੇ ਵਿਚ ਕਰੀਬ 759 ਸਫ਼ਿਆਂ ਦੀ ਰਿਪੋਰਟ ਦਾਇਰ ਕੀਤੀ ਹੈ। ਇਸ ਜਾਂਚ ਵਿਚ ਗੂਗਲ 'ਤੇ ਮੋਬਾਈਲ ਫੋਨ ਬਣਾਉਣ ਵਾਲੀਆਂ ਕੰਪਨੀਆਂ ਦੇ ਨਾਲ ਐਪ ਤਿਆਰ ਕਰਨ ਵਾਲੀ ਕੰਪਨੀਆਂ ਨੂੰ ਇਕਪਾਸੜ ਕੰਟਰੈਕਟ ਲਈ ਮਜਬੂਰ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ।
ਇਸ ਰਿਪੋਰਟ ਵਿਚ ਗੂਗਲ ਨੂੰ ਸੈਕਸ਼ਨ 4(2)(ਏ)(ਆਈ) , ਸੈਕਸ਼ਨ 4(2)(ਸੀ), ਸੈਕਸ਼ਨ 4(2)(ਡੀ) ਅਤੇ ਸੈਕਸ਼ਨ 4(2)(ਈ) ਦੀਆਂ ਵਿਵਸਥਾਵਾਂ ਦੀ ਉਲੰਘਣਾ ਦਾ ਦੋਸ਼ੀ ਪਾਇਆ ਗਿਆ ਹੈ। ਇਹ ਰਿਪੋਰਟ ਵਿਚਾਰ ਲਈ ਸੀਸੀਆਈ ਨੂੰ ਭੇਜ ਦਿੱਤੀ ਗਈ ਹੈ। ਜੇਕਰ ਸੀਸੀਆਈ ਦੋਸ਼ੀ ਸਾਬਤ ਹੁੰਦੀ ਹੈ ਤਾਂ ਗੂਗਲ 'ਤੇ ਜੁਰਮਾਨਾ ਲਗਾਇਆ ਜਾ ਸਕਦਾ ਹੈ ਅਤੇ ਉਸਨੂੰ ਕੰਮਕਾਜ ਦਾ ਢੰਗ ਬਦਲਣ ਲਈ ਕਿਹਾ ਜਾ ਸਕਦਾ ਹੈ।
ਗੂਗਲ ਵਲੋਂ ਆਪਣੀ ਮਜ਼ਬੂਤ ਸਥਿਤੀ ਦਾ ਨਜਾਇਜ਼ ਫਾਇਦਾ ਚੁੱਕਣ ਦਾ ਇਹ ਪਹਿਲਾ ਮਾਮਲਾ ਨਹੀਂ ਹੈ। ਦੁਨੀਆ ਦੇ ਕਈ ਦੇਸ਼ਾਂ ਵਿਚ ਗੂਗਲ ਨੂੰ ਜਾਂਚ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਨ੍ਹਾਂ ਵਿਚ ਅਮਰੀਕਾ, ਯੂਰਪ, ਜਰਮਨੀ ਅਤੇ ਜਾਪਾਨ ਵਰਗੇ ਤਾਕਤਵਰ ਦੇਸ਼ ਸ਼ਾਮਲ ਹਨ। ਗੂਗਲ ਖ਼ੁਦ ਇਕ ਅਮਰੀਕੀ ਕੰਪਨੀ ਹੈ।
ਇਹ ਵੀ ਪੜ੍ਹੋ : ਦੁਨੀਆ ਦੀ ਸਭ ਤੋਂ ਵੱਡੀ ਕਰਜ਼ਦਾਰ ਰੀਅਲ ਅਸਟੇਟ ਕੰਪਨੀ ‘ਐਵਰਗ੍ਰਾਂਡੇ’ ਬਣੀ ਚੀਨੀ ਅਰਥਵਿਵਸਥਾ ਲਈ ਖਤਰਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਸਚਿਨ ਬਾਂਸਲ ਦੀ ਨਵੀ ਮਿਊਚੁਅਲ ਫੰਡ ਨੇ ਇਲੈਕਟ੍ਰਿਕ ਵਾਹਨ ਫੰਡ ਸ਼ੁਰੂ ਕਰਨ ਦੀ ਯੋਜਨਾ ਬਣਾਈ
NEXT STORY 
