ਗੈਜੇਟ ਡੈਸਕ- ਓਪਨ ਏ.ਆਈ. ਨੇ ਆਪਣੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਚੈਟਬਾਟ ਚੈਟਜੀਪੀਟੀ ਦੇ ਮੋਬਾਇਲ ਐਪ ਨੂੰ ਲਾਂਚ ਕਰ ਦਿੱਤਾ ਹੈ। ਕੰਪਨੀ ਨੇ ਪਹਿਲਾਂ ਅਧਿਕਾਰਤ ਐਪ ਨੂੰ ਆਈਫੋਨ ਯੂਜ਼ਰਜ਼ ਲਈ ਜਾਰੀ ਕੀਤਾ ਹੈ। ਕੰਪਨੀ ਜਲਦ ਹੀ ਐਂਡਰਾਇਡ ਯੂਜ਼ਰਜ਼ ਲਈ ਵੀ ਚੈਟਜੀਪੀਟੀ ਦਾ ਐਪ ਲਾਂਚ ਕਰਨ ਵਾਲੀ ਹੈ। ਕੰਪਨੀ ਨੇ ਕਿਹਾ ਕਿ ਐਪ ਨੂੰ ਐਪਲ ਦੇ ਅਧਿਕਾਰਤ ਐਪ ਸਟੋਰ ਤੋਂ ਡਾਊਨਲੋਡ ਕੀਤਾ ਜਾ ਸਕਦਾ ਹੈ ਅਤੇ ਯੂਜ਼ਰਜ਼ ਆਪਣੀ ਚੈਟ ਹਿਸਟਰੀ ਨੂੰ ਡਿਵਾਈਸ 'ਚ ਸਿੰਕ ਕਰ ਸਕਦੇ ਹਨ।
ਇਹ ਵੀ ਪੜ੍ਹੋ– ਗੂਗਲ ਦਾ ਵੱਡਾ ਫ਼ੈਸਲਾ: ਇਕੋ ਝਟਕੇ 'ਚ ਡਿਲੀਟ ਹੋਣਗੇ ਕਰੋੜਾਂ ਜੀਮੇਲ ਅਕਾਊਂਟ, ਜਾਣੋ ਵਜ੍ਹਾ
iOS ਡਿਵਾਈਸ ਲਈ ਜਾਰੀ ਹੋਇਆ ChatGPT ਐਪ
ਓਪਨ ਏ.ਆਈ. ਨੇ ਸਭ ਤੋਂ ਪਹਿਲਾਂ ਆਈਫੋਨ ਯੂਜ਼ਰਜ਼ ਲਈ ChatGPT ਐਪ ਨੂੰ ਜਾਰੀ ਕੀਤਾ ਹੈ। ਕੰਪਨੀ ਨੇ ਇਕ ਬਲਾਗ ਪੋਸਟ 'ਚ ਕਿਹਾ ਕਿ ਐਪ ਨੂੰ ਸਭ ਤੋਂ ਪਹਿਲਾਂ ਯੂ.ਐੱਸ. 'ਚ ਰੋਲਆਊਟ ਕੀਤਾ ਜਾਵੇਗਾ। ਆਉਣ ਵਾਲੇ ਹਫਤਿਆਂ 'ਚ ਇਸਨੂੰ ਹੋਰ ਦੇਸ਼ਾਂ 'ਚ ਪੇਸ਼ ਕੀਤਾ ਜਾਵੇਗਾ। ਕੰਪਨੀ ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ 'ਚ ਐਂਡਰਾਇਡ ਡਿਵਾਈਸ ਲਈ ਵੀ ਚੈਟਜੀਪੀਟੀ ਐਪ ਨੂੰ ਮੁਹੱਈਆ ਕੀਤਾ ਜਾਵੇਗਾ।
ਇਹ ਵੀ ਪੜ੍ਹੋ– YouTube ਨੇ ਕਰ ਦਿੱਤਾ ਵੱਡਾ ਬਦਲਾਅ, ਹੁਣ ਸਮਾਰਟ ਟੀਵੀ 'ਤੇ ਵੀਡੀਓ ਦੇਖਣ ਦਾ ਮਜ਼ਾ ਹੋਵੇਗਾ ਕਿਰਕਿਰਾ
ਇਹ ਯੂਜ਼ਰਜ਼ ਕਰ ਸਕਣਗੇ ਡਾਊਨਲੋਡ
ਐਪ ਨੂੰ ਫਿਲਹਾਲ ਅਮਰੀਕੀ ਯੂਜ਼ਰਜ਼ ਲਈ ਲਾਂਚ ਕੀਤਾ ਗਿਆ ਹੈ। ਐਪ ਨੂੰ ਐਪ ਸਟੋਰ 'ਤੇ ਵੀ ਲਿਸਟ ਕਰ ਦਿੱਤਾ ਗਿਆ ਹੈ। ਲਿਸਟਿੰਗ ਮੁਤਾਬਕ, ਚੈਟਜੀਪੀਟੀ ਐਪ ਨੂੰ ਡਾਊਨਲੋਡ ਕਰਨ ਲਈ ਆਈ.ਓ.ਐੱਸ. 16.1 ਜਾਂ ਉਸਤੋਂ ਬਾਅਦ ਦੇ ਵਰਜ਼ਨ ਦੀ ਲੋੜ ਹੋਵੇਗੀ।
ਉਥੇ ਹੀ ਯੂਜ਼ਰਜ਼ ਨੂੰ ਐਪ ਇਸਤੇਮਾਲ ਲਈ 19.99 ਡਾਲਰ (ਕਰੀਬ 1,700 ਰੁਪਏ) ਦੀ ਵਿਕਲਪਿਕ ਸਹੂਲਤ ਵੀ ਮਿਲ ਰਹੀ ਹੈ। ਹਾਲਾਂਕਿ, ਫਿਲਹਾਲ ਐਪ ਨੂੰ ਭਾਰਤ ਅਤੇ ਹੋਰ ਦੇਸ਼ਾਂ 'ਚ ਲਾਂਚ ਕਰਨ ਨੂੰ ਲੈ ਕੇ ਕੰਪਨੀ ਨੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਪਰ ਇਸਨੂੰ ਜਲਦ ਹੀ ਹੋਰ ਦੇਸ਼ਾਂ 'ਚ ਵੀ ਪੇਸ਼ ਕੀਤਾ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ– ਜ਼ੋਮਾਟੋ ਨੇ ਲਾਂਚ ਕੀਤੀ ਆਪਣੀ UPI ਸੇਵਾ, ਗਾਹਕਾਂ ਨੂੰ ਹੋਵੇਗਾ ਇਹ ਫਾਇਦਾ
ਅਜੇ ਇੰਝ ਕਰ ਸਕਦੇ ਹੋ ਇਸਤੇਮਾਲ
ਅਜੇ ਵੀ ਚੈਟਜੀਪੀਟੀ ਨੂੰ ਸਮਾਰਟਫੋਨ 'ਤੇ ਇਸਤੇਮਾਲ ਕੀਤਾ ਜਾ ਸਕਦਾ ਹੈ ਪਰ ਇਸ ਲਈ ਐਂਡਰਾਇਡ ਅਤੇ ਆਈ.ਓ.ਐੱਸ. ਯੂਜ਼ਰਜ਼ ਨੂੰ ਕਰੋਮ, ਮਾਈਕ੍ਰੋਸਾਫਟ ਐੱਜ ਜਾਂ ਸਫਾਰੀ ਵਰਗੇ ਬ੍ਰਾਊਜ਼ਰ ਦੀ ਮਦਦ ਲੈਣੀ ਹੋਵੇਗੀ। ਹੁਣ ਆਈਫੋਨ ਯੂਜ਼ਰਜ਼ ਲਈ ਸਮਰਪਿਤ ਐਪ ਲਾਂਚ ਕਰ ਦਿੱਤਾ ਗਿਆ ਹੈ। ਐਪ ਰੋਲਆਊਟ ਹੋਣ ਤੋਂ ਬਾਅਦ ਐਂਡਰਾਇਡ ਯੂਜ਼ਰਜ਼ ਗੂਗਲ ਪਲੇਅ ਸਟੋਰ ਰਾਹੀਂ ਡਾਊਨਲੋਡ ਕਰ ਸਕਣਗੇ।
ਇਹ ਵੀ ਪੜ੍ਹੋ– TikTok 'ਤੇ ਪੂਰੀ ਤਰ੍ਹਾਂ ਬੈਨ ਲਗਾਉਣ ਵਾਲਾ ਪਹਿਲਾ ਅਮਰੀਕੀ ਸੂਬਾ ਬਣਿਆ 'ਮੋਂਟਾਨਾ'
ਟਵਿਟਰ ਤੋਂ ਮੋਹ ਭੰਗ : ਪਿਛਲੇ 1 ਸਾਲ 'ਚ 60 ਫੀਸਦੀ ਅਮਰੀਕੀ ਯੂਜ਼ਰਜ਼ ਨੇ ਟਵਿਟਰ ਨੂੰ ਕਿਹਾ ਅਲਵਿਦਾ
NEXT STORY 
