ਮੁੰਬਈ - ਪਿਛਲੇ ਕੁਝ ਸਮੇਂ ਦਰਮਿਆਨ ਨਿਵੇਸ਼ਕਾਂ ਵਿਚ ਕ੍ਰਿਪਟੋ ਕਰੰਸੀਸ ਦਾ ਰੁਝਾਨ ਬਹੁਤ ਵਧਿਆ ਹੈ। ਨਿਵੇਸ਼ਕ ਇਸ ਵਿਚ ਭਾਰੀ ਨਿਵੇਸ਼ ਕਰ ਰਹੇ ਹਨ। ਇਹੀ ਕਾਰਨ ਹੈ ਕਿ ਸੋਮਵਾਰ ਨੂੰ ਕ੍ਰਿਪਟੋਕਰੰਸੀ ਵਿਚ ਜ਼ਬਰਦਸਤ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਦੀ ਮਾਰਕੀਟ ਕੈਪ 2 ਟ੍ਰਿਲੀਅਨ ਡਾਲਰ ਨੂੰ ਪਾਰ ਕਰ ਗਈ ਹੈ, ਇਹ ਹੁਣ ਤੱਕ ਆਪਣੇ ਸਭ ਤੋਂ ਉੱਚ ਪੱਧਰ ਉੱਤੇ ਹੈ। ਇਸਦੇ ਨਾਲ ਇਸ ਨੇ ਇੱਕ ਨਵਾਂ ਰਿਕਾਰਡ ਬਣਾਇਆ ਹੈ।
ਦੁਨੀਆ ਦੇ ਸਭ ਤੋਂ ਮਸ਼ਹੂਰ ਕ੍ਰਿਪਟੋਕੁਰੰਸੀ ਬਿਟਕੁਆਇਨ ਨੇ ਵੀ ਕ੍ਰਿਪਟੋਕੁਰੰਸੀ ਦੀ ਮਾਰਕੀਟ ਕੈਪ ਵਿਚ ਇਸ ਵਾਧੇ ਵਿੱਚ ਇੱਕ ਮਹੱਤਵਪੂਰਣ ਭੂਮਿਕਾ ਨਿਭਾਈ ਹੈ। ਬਿਟਕੁਆਇਨ 1.4% ਦੀ ਤੇਜ਼ੀ ਨਾਲ, 59,045 'ਤੇ ਕਾਰੋਬਾਰ ਕਰ ਰਿਹਾ ਸੀ। ਇਸ ਦਾ ਮਾਰਕੀਟ ਕੈਪ ਇਕ ਹਫਤੇ ਤੋਂ ਇਕ ਲੱਖ ਕਰੋੜ ਡਾਲਰ ਤੋਂ ਉਪਰ ਬਣਿਆ ਹੋਇਆ ਹੈ। ਮਾਰਚ ਵਿਚ ਇਸ ਦੀ ਕੀਮਤ 61,000 ਡਾਲਰ ਨੂੰ ਪਾਰ ਕਰ ਗਈ ਸੀ।
ਇਹ ਵੀ ਪੜ੍ਹੋ : ਦੁਨੀਆ ਦੀ ਮਸ਼ਹੂਰ ਕੰਪਨੀ ਦੇ ਰਹੀ ਪੜ੍ਹਾਈ ਦੇ ਨਾਲ ਨੌਕਰੀ ਕਰਨ ਦਾ ਮੌਕਾ, ਡਿਗਰੀ ਦੀ ਨਹੀਂ ਹੋਵੇਗੀ ਜ਼ਰੂਰਤ
ਬਿਟਕੁਆਇਨ ਵਿਚ ਵਾਧੇ ਦੇ ਸੰਕੇਤ
ਮਾਹਰਾਂ ਦੇ ਅਨੁਸਾਰ, ਬਿਟਕੁਆਇਨ ਦੀ ਕੀਮਤ ਵਿਚ ਹੋਰ ਵਾਧਾ ਹੋ ਸਕਦਾ ਹੈ। ਜੇ ਇਸਦੀ ਕੀਮਤ 53,000 ਡਾਲਰ ਤੋਂ ਉੱਪਰ ਬਣੀ ਰਹਿੰਦੀ ਹੈ, ਤਾਂ ਇਸਦਾ ਮਾਰਕੀਟ ਕੈਪ 1 ਲੱਖ ਕਰੋੜ ਤੋਂ ਉਪਰ ਬਣਿਆ ਰਹੇਗਾ। ਇਹ ਆਪਣੇ ਆਪ ਵਿਚ ਇਕ ਵੱਡਾ ਰਿਕਾਰਡ ਹੋਵੇਗਾ। ਬਿਟਕੁਆਇਨ ਕ੍ਰਿਪਟੋਕਰੰਸੀ ਪ੍ਰਤੀ ਲੋਕਾਂ ਦੀ ਵੱਧ ਰਹੀ ਦਿਲਚਸਪੀ ਇਸ ਵਿਚ ਹੋਰ ਵਾਧਾ ਨੂੰ ਦਰਸਾਉਂਦੀ ਹੈ।
ਇਹ ਵੀ ਪੜ੍ਹੋ : ਸੋਨਾ-ਚਾਂਦੀ ਦੀਆਂ ਕੀਮਤਾਂ 'ਚ ਮੁੜ ਉਛਾਲ, ਜਾਣੋ ਕਿੰਨੇ ਵਧੇ ਕੀਮਤੀ ਧਾਤੂਆਂ ਦੇ ਭਾਅ
ਕ੍ਰਿਪਟੋਕਰੰਸੀ ਕੀ ਹੈ
ਕ੍ਰਿਪਟੋਕਰੰਸੀ ਇਕ ਕਿਸਮ ਦੀ ਡਿਜੀਟਲ ਮੁਦਰਾ ਹੈ। ਇਸ ਦਾ ਇਸਤੇਮਾਲ ਚੀਜ਼ਾਂ ਜਾਂ ਕਿਸੇ ਵੀ ਕਿਸਮ ਦੀ ਸੇਵਾ ਖਰੀਦਣ ਲਈ ਕੀਤਾ ਜਾਂਦਾ ਹੈ। ਇਹ ਇਕ ਪੂਰੀ ਤਰ੍ਹਾਂ ਡਿਜੀਟਲ ਲੈਣ-ਦੇਣ ਹੈ। ਇਸ ਲਈ ਪੀਅਰ ਟੂ ਪੀਅਰ ਇਲੈਕਟ੍ਰਾਨਿਕ ਸਿਸਟਮ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ। ਇਸ ਵਿਚ ਡਿਜੀਟਲ ਦਸਤਖਤ ਜ਼ਰੂਰੀ ਹੁੰਦੇ ਹਨ।
ਇਹ ਵੀ ਪੜ੍ਹੋ : SBI ਦੀ ਬੰਪਰ ਛੋਟ, ਖ਼ਰੀਦਦਾਰੀ 'ਤੇ ਮਿਲੇਗਾ 50 ਫ਼ੀਸਦ ਡਿਸਕਾਊਂਟ ਅਤੇ ਕੈਸ਼ਬੈਕ ਆਫ਼ਰ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਵਿਸ਼ਵ ਦੇ 20ਵੇਂ ਅਮੀਰ ਸ਼ਖਸ ਬਣੇ ਅਡਾਨੀ, ਦੌਲਤ 'ਚ ਇੰਨਾ ਵੱਡਾ ਉਛਾਲ
NEXT STORY 
