ਨਵੀਂ ਦਿੱਲੀ - ਸੜਕ ਅਤੇ ਰੇਲ ਰਾਹੀਂ ਦਿੱਲੀ ਤੋਂ ਮੁੰਬਈ ਤੱਕ ਦਾ ਸਫਰ ਕਰੀਬ 12 ਘੰਟਿਆਂ 'ਚ ਪੂਰਾ ਕਰਨ ਦਾ ਸੁਫ਼ਨਾ ਜਲਦੀ ਹੀ ਪੂਰਾ ਹੋ ਸਕਦਾ ਹੈ। ਅੱਠ ਮਾਰਗੀ ਦਿੱਲੀ-ਮੁੰਬਈ ਐਕਸਪ੍ਰੈਸਵੇਅ ਅਤੇ ਦਿੱਲੀ-ਮੁੰਬਈ ਰੇਲਵੇ ਨੂੰ ਸੈਮੀ-ਹਾਈ ਸਪੀਡ ਵਿੱਚ ਬਦਲਣ ਦਾ ਕੰਮ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਐਕਸਪ੍ਰੈੱਸ ਵੇਅ ਦਾ ਕੰਮ ਦਸੰਬਰ 2024 ਤੱਕ ਪੂਰਾ ਕਰਨ ਦਾ ਟੀਚਾ ਹੈ, ਪਰ ਦੋ ਸੁਰੰਗਾਂ ਦਾ ਕੰਮ ਅਕਤੂਬਰ 2025 ਤੱਕ ਪੂਰਾ ਕਰ ਲਿਆ ਜਾਵੇਗਾ। ਲਗਭਗ 1386 ਕਿਲੋਮੀਟਰ ਐਕਸਪ੍ਰੈਸਵੇਅ ਦੇ 53 ਪੈਕੇਜਾਂ ਵਿੱਚੋਂ 26 'ਤੇ ਕੰਮ ਪੂਰਾ ਹੋਣ ਦੇ ਨਾਲ, 82% ਕੰਮ ਪੂਰਾ ਹੋ ਗਿਆ ਹੈ।
ਕਰੀਬ 1136 ਕਿਲੋਮੀਟਰ ਦਾ ਐਕਸਪ੍ਰੈੱਸ ਵੇਅ ਤਿਆਰ ਹੋ ਚੁੱਕਾ ਹੈ। ਐਕਸਪ੍ਰੈਸਵੇਅ 'ਤੇ ਯਾਤਰਾ ਦਾ ਸਮਾਂ 50% ਤੱਕ ਘੱਟ ਜਾਵੇਗਾ। ਇਸ 'ਤੇ ਵਾਹਨ 120 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਦੌੜ ਸਕਣਗੇ। ਦਿੱਲੀ ਤੋਂ ਜਵਾਹਰ ਲਾਲ ਨਹਿਰੂ ਬੰਦਰਗਾਹ ਦੀ ਦੂਰੀ 180 ਕਿਲੋਮੀਟਰ ਘੱਟ ਜਾਵੇਗੀ। ਹਾਲਾਂਕਿ ਇਹ ਕੰਮ ਮਾਰਚ 2023 ਤੱਕ ਪੂਰਾ ਹੋਣਾ ਸੀ ਪਰ ਦੇਰੀ ਕਾਰਨ ਪ੍ਰਾਜੈਕਟ ਦੀ ਲਾਗਤ ਵਧ ਗਈ। ਹੁਣ ਇਸ 'ਤੇ 98000 ਕਰੋੜ ਦੀ ਬਜਾਏ ਇਕ ਲੱਖ ਚਾਰ ਹਜ਼ਾਰ ਕਰੋੜ ਰੁਪਏ ਖ਼ਰਚ ਹੋਣਗੇ।
ਸੈਮੀ ਹਾਈ ਸਪੀਡ ਰੇਲਵੇ ਪ੍ਰੋਜੈਕਟ ਦੇ ਪੂਰਾ ਹੋਣ ਤੋਂ ਬਾਅਦ, ਦਿੱਲੀ ਅਤੇ ਮੁੰਬਈ ਵਿਚਕਾਰ 1384 ਕਿਲੋਮੀਟਰ ਰੇਲਵੇ ਲਾਈਨ 'ਤੇ ਰੇਲ ਗੱਡੀਆਂ 160 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਨਾਲ ਚੱਲਣਗੀਆਂ।
ਸੈਮੀ ਹਾਈ ਰੇਲਮਾਰਗ ਦਿੱਲੀ , ਉੱਤਰ ਪ੍ਰਦੇਸ਼ ,ਹਰਿਆਣਾ, ਰਾਜਸਥਾਨ, ਮੱਧ ਪ੍ਰਦੇਸ਼, ਗੁਜਰਾਤ ਅਤੇ ਮਹਾਰਾਸ਼ਟਰ ਨੂੰ ਫਾਇਦਾ ਹੋਵੇਗਾ। ਨਵੀਂ ਦਿੱਲੀ-ਮੁੰਬਈ ਵਿਚਾਲੇ ਸਫਰ ਦਾ ਸਮਾਂ ਸਾਢੇ ਤਿੰਨ ਤੋਂ ਚਾਰ ਘੰਟੇ ਤੱਕ ਘੱਟ ਜਾਵੇਗਾ। ਇਹ ਇਸ ਨੂੰ ਰਾਤ ਭਰ ਦਾ ਸਫ਼ਰ ਬਣਾ ਦੇਵੇਗਾ। ਮੌਜੂਦਾ ਸਮੇਂ ਰੇਲ ਰਾਂਹੀ ਸਫ਼ਰ ਕਰਨ ਕਾਰਨ 16 ਘੰਟੇ ਦਾ ਸਮਾਂ ਲਗਦਾ ਹੈ।
ਦਿੱਲੀ ਅਤੇ ਮੁੰਬਈ ਦਰਮਿਆਨ 1384 ਕਿਲੋਮੀਟਰ ਅਰਧ ਹਾਈ ਸਪੀਡ ਰੇਲਵੇ ਲਾਈਨ ਸੁਰੱਖਿਆ ਪ੍ਰਣਾਲੀ ਨਾਲ ਲੈਸ ਹੋਵੇਗੀ। ਸਿਵਲ, ਸਿਗਨਲ ਅਤੇ ਮਕੈਨੀਕਲ ਵਿਭਾਗ ਸੁਰੱਖਿਆ ਸਬੰਧੀ ਕੰਮ ਤੇਜ਼ੀ ਨਾਲ ਕਰ ਰਹੇ ਹਨ। 70% ਕੰਮ ਮੁਕੰਮਲ ਕਰ ਲਿਆ ਗਿਆ ਹੈ।- ਰਵਨੀਤ ਸਿੰਘ ਬਿੱਟੂ, ਰੇਲ ਰਾਜ ਮੰਤਰੀ
ਸਾਰੇ 6-ਜੀ ਪੇਟੈਂਟ ’ਚ 10 ਫ਼ੀਸਦੀ ਦੀ ਹਿੱਸੇਦਾਰੀ ਦਾ ਟੀਚਾ
NEXT STORY 
