ਨਵੀਂ ਦਿੱਲੀ — ਈਪੀਐਫਓ ਫਿਰ ਵਿਆਜ ਦਰਾਂ ਵਿਚ ਕਟੌਤੀ ਕਰ ਸਕਦਾ ਹੈ। ਕੁਝ ਮਹੀਨੇ ਪਹਿਲਾਂ ਹੀ ਇਸ ਦੀ ਵਿਆਜ ਦਰਾਂ 'ਚ ਕਟੌਤੀ ਕੀਤੀ ਗਈ ਸੀ। ਇਸ ਦਾ ਕਾਰਨ ਇਹ ਹੈ ਕਿ ਨਿਵੇਸ਼ 'ਤੇ ਰਿਟਰਨ ਲਗਾਤਾਰ ਘੱਟ ਰਿਹਾ ਹੈ, ਜਿਸ ਕਾਰਨ ਭਵਿੱਖ ਫੰਡ ਦੀ ਵਿਆਜ ਦਰ ਨੂੰ ਘਟਾਉਣ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਇਹ ਵਿਆਜ ਪਹਿਲਾਂ 8.65 ਫ਼ੀਸਦੀ ਸੀ ਜਿਸ ਨੂੰ ਮਾਰਚ ਦੇ ਮਹੀਨੇ ਵਿਚ ਘਟਾ ਕੇ 8.50 ਫ਼ੀਸਦੀ ਕਰ ਦਿੱਤਾ ਗਿਆ। ਹੁਣ ਇਸ ਨੂੰ ਦੁਬਾਰਾ ਘਟਾਉਣ ਬਾਰੇ ਵਿਚਾਰ ਕੀਤਾ ਜਾ ਰਿਹਾ ਹੈ।
ਇਹ ਵੀ ਦੇਖੋ : 12 ਅਗਸਤ ਤੱਕ ਸਾਰੀਆਂ ਆਮ ਰੇਲ ਸੇਵਾਵਾਂ ਬੰਦ, ਜਾਣੋ ਆਪਣੇ ਹਰ ਸਵਾਲ ਦਾ ਜਵਾਬ
ਜਲਦ ਹੋਣ ਵਾਲੀ ਹੈ ਇਕ ਮਹੱਤਵਪੂਰਨ ਬੈਠਕ
ਸੂਤਰਾਂ ਮੁਤਾਬਕ ਈਪੀਐਫਓ ਦੇ ਵਿੱਤ ਵਿਭਾਗ, ਨਿਵੇਸ਼ ਵਿਭਾਗ ਅਤੇ ਆਡਿਟ ਕਮੇਟੀ ਵਿਆਜ ਦਰਾਂ ਬਾਰੇ ਫੈਸਲਾ ਲੈਣ ਲਈ ਜਲਦੀ ਹੀ ਮੀਟਿੰਗ ਕਰਨ ਜਾ ਰਹੀ ਹੈ। ਇਸ ਵਿਚ ਇਹ ਤੈਅ ਕੀਤਾ ਜਾਵੇਗਾ ਕਿ ਈਪੀਐਫਓ ਕਿੰਨੀ ਵਿਆਜ ਦਰ ਅਦਾ ਕਰਨ ਦੀ ਸਮਰੱਥਾ 'ਚ ਹੈ। ਮਾਰਚ ਦੀ ਸ਼ੁਰੂਆਤ ਵਿਚ ਨਵੀਂ ਵਿਆਜ ਦਰ 8.5 ਪ੍ਰਤੀਸ਼ਤ ਦੀ ਘੋਸ਼ਣਾ ਕੀਤੀ ਗਈ ਸੀ, ਪਰ ਅਜੇ ਤੱਕ ਵਿੱਤ ਮੰਤਰਾਲੇ ਤੋਂ ਇਸ ਨੂੰ ਮਨਜ਼ੂਰੀ ਨਹੀਂ ਮਿਲੀ ਹੈ। ਕਿਰਤ ਮੰਤਰਾਲਾ ਇਸ ਨੂੰ ਉਦੋਂ ਹੀ ਨੋਟੀਫਾਈ ਕਰੇਗਾ ਜਦੋਂ ਵਿੱਤ ਮੰਤਰਾਲਾ ਇਸ ਦੀ ਮਨਜ਼ੂਰੀ ਦੇਵੇਗਾ।
ਕਈ ਥਾਵਾਂ 'ਤੇ ਫਸਿਆ ਹੋਇਆ ਹੈ ਈਪੀਐਫਓ ਦਾ ਪੈਸਾ
ਈਪੀਐਫਓ ਨੇ 18 ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਨਿਵੇਸ਼ ਕੀਤਾ ਹੈ। ਇਸ ਵਿਚੋਂ ਦੀਵਾਨ ਹਾਊਸਿੰਗ ਵਿੱਤ ਕਾਰਪੋਰੇਸ਼ਨ ਅਤੇ ਇਨਫਰਾਸਟਰੱਕਚਰ ਲੀਜਿੰਗ ਐਂਡ ਫਾਇਨਾਂਸ਼ਿਅਲ ਸਰਵਿਸਿਜ਼ ਵਿਚ ਲਗਭਗ 4500 ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ ਗਿਆ ਹੈ। ਦੋਵਾਂ ਨੂੰ ਹੀ ਭੁਗਤਾਨ ਕਰਨ ਵਿਚ ਮੁਸ਼ਕਲ ਆ ਰਹੀ ਹੈ। ਜਦੋਂ ਕਿ ਡੀਐਚਐਫਐਲ ਦੀਵਾਲੀਆਪਣ ਦੇ ਹੱਲ ਦੀ ਪ੍ਰਕਿਰਿਆ ਵਿਚੋਂ ਲੰਘ ਰਹੀ ਹੈ, ਆਈਐਲ ਐਂਡ ਐਫ ਐੱਸ ਨੂੰ ਬਚਾਉਣ ਲਈ ਸਰਕਾਰੀ ਨਿਗਰਾਨੀ ਜਾਰੀ ਹੈ।
ਇਹ ਵੀ ਦੇਖੋ : ਹੁਣ ਰੇਲਵੇ ਸਟੇਸ਼ਨਾਂ ਦੇ ਸਟਾਲਾਂ 'ਤੇ ਉਪਲਬਧ ਹੋਣਗੀਆਂ ਕੋਰੋਨਾ ਵਾਇਰਸ ਤੋਂ ਬਚਾਅ ਨਾਲ ਸੰਬੰਧਤ ਵਸਤੂਆਂ
12 ਅਗਸਤ ਤੱਕ ਸਾਰੀਆਂ ਆਮ ਰੇਲ ਸੇਵਾਵਾਂ ਬੰਦ, ਜਾਣੋ ਆਪਣੇ ਹਰ ਸਵਾਲ ਦਾ ਜਵਾਬ
NEXT STORY 
