ਨਵੀਂ ਦਿੱਲੀ — ਕੋਰੋਨਾ ਵਾਇਰਸ ਲਾਗ ਕਾਰਨ ਵਧੀ ਆਰਥਿਕ ਮੰਦੀ ਅਤੇ ਅਮਰੀਕੀ ਡਾਲਰ ’ਚ ਪਸਰੀ ਸੁਸਤੀ ਕਾਰਨ 2020 ’ਚ ਸੁਰੱਖਿਅਤ ਨਿਵੇਸ਼ ਦੇ ਤੌਰ ’ਤੇ ਗੋਲਡ ਬੇਸਡ ਐਕਸਚੇਂਜ ਟਰੇਡ ਫੰਡ (ਈ.ਟੀ.ਐੱਫ.) ਵਿਚ ਨਿਵੇਸ਼ਕਾਂ ਦੀ ਦਿਲਚਸਪੀ ਵਧਣ ਕਾਰਨ ਗੋਲਡ-ETF ’ਚ 6,657 ਕਰੋੜ ਰੁਪਏ ਦਾ ਵਿਸ਼ਾਲ ਨਿਵੇਸ਼ ਹੋਇਆ ਹੈ। ਇਸ ਤੋਂ ਪਹਿਲਾਂ 2019 ਵਿਚ ਸੋਨੇ ਦੇ ਈਟੀਐਫ ਵਿਚ ਸਿਰਫ 16 ਕਰੋੜ ਰੁਪਏ ਦਾ ਨਿਵੇਸ਼ ਹੋਇਆ ਸੀ। ਹਾਲਾਂਕਿ 2019 ਵਿਚ ਲਗਾਤਾਰ ਛੇ ਸਾਲਾਂ ਦੀ ਸ਼ੁੱਧ ਨਿਕਾਸੀ ਦੇ ਬਾਅਦ ਇਸ ’ਚ ਸ਼ੁੱਧ ਖਰੀਦਦਾਰੀ ਹੋਈ। ਇਸ ਤੋਂ ਪਹਿਲਾਂ ਨਿਵੇਸ਼ਕ ਇਕੁਇਟੀ ਅਤੇ ਕਰਜ਼ੇ ਦੀ ਮਾਰਕੀਟ ਵਿਚ ਆਲਮੀ ਮੰਦੀ ਅਤੇ ਗੜਬੜ ਕਾਰਨ ਲਗਾਤਾਰ ਨਿਕਾਸੀ ਕਰ ਰਹੇ ਸਨ।
ਇਹ ਵੀ ਪੜ੍ਹੋ : ਮੁਕੇਸ਼ ਅੰਬਾਨੀ ਦੀ Reliance industries ਦੀ ਮਾਰਕੀਟ ਕੈਪ ਘਟੀ, TCS ਆ ਸਕਦੀ ਹੈ ਅੱਗੇ
ਮਿੳੂਚੁਅਲ ਫੰਡ ਦੀ ਐਸੋਸੀਏਸ਼ਨ ਆਫ ਇੰਡੀਆ ਦੇ ਅੰਕੜਿਆਂ ਅਨੁਸਾਰ ਦਸੰਬਰ 2020 ਦੇ ਅੰਤ ਤਕ ਸੋਨੇ ਦੇ ਫੰਡਾਂ ਦੇ ਪ੍ਰਬੰਧਨ ਅਧੀਨ ਕੁੱਲ ਜਾਇਦਾਦ ਇਕ ਸਾਲ ਪਹਿਲਾਂ 5,768 ਕਰੋੜ ਰੁਪਏ ਨਾਲੋਂ ਦੋ ਗੁਣਾ ਵੱਧ ਕੇ 14,174 ਕਰੋੜ ਰੁਪਏ ਹੋ ਗਈ। ਪਿਛਲੇ ਸਾਲ ਯਾਨੀ 2020 ਦੇ ਦੌਰਾਨ ਸੋਨਾ ਨਿਵੇਸ਼ਕਾਂ ਲਈ ਸਭ ਤੋਂ ਸੁਰੱਖਿਅਤ ਨਿਵੇਸ਼ ਅਤੇ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਸਾਧਨਾਂ ਵਜੋਂ ਉੱਭਰਿਆ। ਇਹੀ ਕਾਰਨ ਹੈ ਕਿ ਨਿਵੇਸ਼ਕਾਂ ਨੇ 2020 ਵਿਚ 14 ਸੋਨੇ ਦੇ ਈਟੀਐਫ ਵਿਚ 6,657 ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ ਸੀ। ਪੂਰੇ 2020 ਦੇ ਦੌਰਾਨ ਦੇਖਿਆ ਜਾਏ ਤਾਂ ਮਾਰਚ ਅਤੇ ਨਵੰਬਰ ਨੂੰ ਛੱਡ ਕੇ ਸਾਰੇ ਮਹੀਨਿਆਂ ਦੌਰਾਨ ਸੋਨੇ ਦੀ ਈਟੀਐਫ ਵਿਚ ਕੁੱਲ ਨਿਵੇਸ਼ ਦੇਖਿਆ ਗਿਆ। ਸ਼ੁੱਧ ਨਿਵੇਸ਼ ਦਾ ਅਰਥ ਹੈ ਈਟੀਐਫ ਵੇਚਣ ਵਾਲਿਆਂ ਨਾਲੋਂ ਖਰੀਦਦਾਰ ਵਧੇਰੇ ਰਹੇ। ਮਾਰਨਿੰਗਸਟਾਰ ਇੰਡੀਆ ਦੇ ਰਿਸਰਚ ਮੈਨੇਜਰ ਅਤੇ ਸਹਾਇਕ ਨਿਰਦੇਸ਼ਕ ਹਿਮਾਂਸ਼ੂ ਸ੍ਰੀਵਾਸਤਵ ਨੇ ਕਿਹਾ ਕਿ ਕੋਰੋਨਾ ਵਾਇਰਸ ਮਹਾਂਮਾਰੀ ਕਾਰਨ ਆਰਥਿਕ ਮੰਦੀ, ਅਮਰੀਕੀ ਡਾਲਰ ਵਿਚ ਕਮੀ ਅਤੇ ਅਮਰੀਕਾ-ਚੀਨ ਦਰਮਿਆਨ ਤਣਾਅ ਵਰਗੇ ਕਈ ਕਾਰਨਾਂ ਕਰਕੇ ਨਿਵੇਸ਼ਕ ਸੋਨੇ ਦੀ ਈਟੀਐਫ ਵੱਲ ਆਕਰਸ਼ਿਤ ਹੋਏ।
ਇਹ ਵੀ ਪੜ੍ਹੋ : Facebook ਤੇ Whatsapp ਦੇ ਵਿਰੁੱਧ ਨਿਤਰੇ ਕਾਰੋਬਾਰੀ, ਜਾਣੋ ਕਿਉਂ ਕਰ ਰਹੇ ਬੈਨ ਕਰਨ ਦੀ ਮੰਗ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਮੁਕੇਸ਼ ਅੰਬਾਨੀ ਦੀ Reliance industries ਦੀ ਮਾਰਕੀਟ ਕੈਪ ਘਟੀ, TCS ਆ ਸਕਦੀ ਹੈ ਅੱਗੇ
NEXT STORY 
