ਬਿਜ਼ਨੈੱਸ ਡੈਸਕ : ਟਾਟਾ ਗਰੁੱਪ ਭਾਰਤ ਵਿੱਚ ਐਪਲ ਆਈਫੋਨ (iPhone) ਬਣਾਉਣ ਦੇ ਆਪਣੇ ਕਾਰੋਬਾਰ ਨੂੰ ਤੇਜ਼ੀ ਨਾਲ ਵਧਾਉਣ ਦੀ ਤਿਆਰੀ ਵਿੱਚ ਹੈ। ਇਸ ਵੱਡੇ ਮਕਸਦ ਲਈ ਗਰੁੱਪ ਨੇ ਆਪਣੀ ਪ੍ਰਮੁੱਖ ਇਕਾਈ, ਟਾਟਾ ਇਲੈਕਟ੍ਰੋਨਿਕਸ (Tata Electronics) ਵਿੱਚ 1,500 ਕਰੋੜ ਰੁਪਏ ਦੀ ਤਾਜ਼ਾ ਇਕੁਇਟੀ ਨਿਵੇਸ਼ ਕੀਤਾ ਹੈ।
ਇਹ ਵੀ ਪੜ੍ਹੋ : ਕਰਮਚਾਰੀਆਂ ਨੂੰ ਲੱਗੇਗਾ ਝਟਕਾ! ਅਪ੍ਰੈਲ ਮਹੀਨੇ ਤੋਂ ਘਟ ਕੇ ਆਵੇਗੀ ਤੁਹਾਡੀ ਸੈਲਰੀ, ਜਾਣੋ ਕਾਰਨ
ਆਈਫੋਨ ਮੈਨੂਫੈਕਚਰਿੰਗ 'ਚ ਵਧੇਗੀ ਤਾਕਤ
ਟਾਟਾ ਗਰੁੱਪ ਨੇ ਇਹ ਕਦਮ ਇਲੈਕਟ੍ਰੋਨਿਕਸ ਨਿਰਮਾਣ ਦੇ ਖੇਤਰ ਵਿੱਚ ਆਪਣੇ ਪੈਰ ਪਸਾਰਨ ਅਤੇ ਐਪਲ ਦੀ ਸਪਲਾਈ ਚੇਨ ਵਿੱਚ ਆਪਣੀ ਭੂਮਿਕਾ ਨੂੰ ਮਜ਼ਬੂਤ ਕਰਨ ਲਈ ਚੁੱਕਿਆ ਹੈ। ਜ਼ਿਕਰਯੋਗ ਹੈ ਕਿ ਵਿੱਤੀ ਸਾਲ 2026 ਵਿੱਚ ਟਾਟਾ ਗਰੁੱਪ ਵੱਲੋਂ ਟਾਟਾ ਇਲੈਕਟ੍ਰੋਨਿਕਸ ਵਿੱਚ ਹੁਣ ਤੱਕ ਕੁੱਲ 3,000 ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ ਜਾ ਚੁੱਕਾ ਹੈ।
ਇਹ ਵੀ ਪੜ੍ਹੋ : 13 ਸਾਲਾਂ ਦਾ ਰਿਕਾਰਡ ਟੁੱਟਿਆ: 2013 ਤੋਂ ਬਾਅਦ ਸੋਨੇ ਦੀਆਂ ਕੀਮਤਾਂ ਨੇ ਕੀਤਾ ਸਭ ਤੋਂ ਮਾੜਾ ਪ੍ਰਦਰਸ਼ਨ
ਪੈਗਾਟ੍ਰੋਨ ਇੰਡੀਆ 'ਚ ਵੀ ਵਧਾਈ ਹਿੱਸੇਦਾਰੀ
ਟਾਟਾ ਸੰਨਜ਼ ਨੇ ਟਾਟਾ ਇਲੈਕਟ੍ਰੋਨਿਕਸ ਪ੍ਰੋਡਕਟਸ ਐਂਡ ਸੋਲਿਊਸ਼ਨਜ਼ ਦੀ ਅਧਿਕਾਰਤ ਸ਼ੇਅਰ ਪੂੰਜੀ ਨੂੰ ਵੀ 3,500 ਕਰੋੜ ਰੁਪਏ ਵਧਾ ਕੇ 6,250 ਕਰੋੜ ਰੁਪਏ ਕਰ ਦਿੱਤਾ ਹੈ। ਇਹ ਕਦਮ ਪੈਗਾਟ੍ਰੋਨ ਇੰਡੀਆ (Pegatron India) ਯੂਨਿਟ ਵਿੱਚ ਹੋਰ ਪੂੰਜੀ ਲਗਾਉਣ ਦਾ ਸੰਕੇਤ ਹੈ, ਜਿਸ ਵਿੱਚ ਟਾਟਾ ਨੇ ਪਿਛਲੇ ਸਾਲ 60% ਕੰਟਰੋਲਿੰਗ ਹਿੱਸੇਦਾਰੀ ਹਾਸਲ ਕੀਤੀ ਸੀ।
ਇਹ ਵੀ ਪੜ੍ਹੋ : Gold ਦੀਆਂ ਕੀਮਤਾਂ ਨੂੰ ਲੈ ਕੇ ਵੱਡੀ ਭਵਿੱਖਬਾਣੀ: ਟੁੱਟ ਸਕਦਾ ਹੈ 46 ਸਾਲਾਂ ਦਾ ਰਿਕਾਰਡ, ਜਾਣੋ ਕੀ ਹੈ ਨਵਾਂ ਟਾਰਗੇਟ
ਫਾਕਸਕਾਨ ਨੂੰ ਮਿਲੇਗੀ ਟੱਕਰ
ਲਗਾਤਾਰ ਹੋ ਰਹੇ ਇਸ ਨਿਵੇਸ਼ ਨਾਲ ਟਾਟਾ ਇਲੈਕਟ੍ਰੋਨਿਕਸ ਭਾਰਤ ਵਿੱਚ ਤਾਈਵਾਨੀ ਕੰਪਨੀ ਫਾਕਸਕਾਨ (Foxconn) ਦੇ ਬਰਾਬਰ ਆਈਫੋਨ ਬਣਾਉਣ ਵਾਲੀ ਸਭ ਤੋਂ ਵੱਡੀ ਕੰਪਨੀ ਬਣ ਕੇ ਉੱਭਰ ਰਹੀ ਹੈ। ਕਾਊਂਟਰਪੁਆਇੰਟ ਰਿਸਰਚ ਮੁਤਾਬਕ, ਅਮਰੀਕਾ ਵਿੱਚ ਵਿਕਣ ਵਾਲੇ 70% ਤੋਂ ਵੱਧ ਆਈਫੋਨ ਹੁਣ ਭਾਰਤ ਵਿੱਚ ਬਣਦੇ ਹਨ, ਜੋ ਭਾਰਤ ਲਈ ਇੱਕ ਵੱਡੀ ਉਪਲਬਧੀ ਹੈ।
ਇਹ ਵੀ ਪੜ੍ਹੋ : ਬੱਚਿਆਂ ਨੂੰ ਨਕਦ ਦੇਣ ਤੋਂ ਮਿਲੇਗਾ ਛੁਟਕਾਰਾ, ਜੇਬਖ਼ਰਚ 'ਤੇ ਵੀ ਰਹੇਗੀ ਨਜ਼ਰ, ਲਾਂਚ ਹੋਇਆ ਨਵਾਂ ਫ਼ੀਚਰ
ਸੈਮੀਕੰਡਕਟਰ ਖੇਤਰ 'ਚ ਵੀ ਰੱਖਿਆ ਕਦਮ
ਸਿਰਫ਼ ਸਮਾਰਟਫੋਨ ਹੀ ਨਹੀਂ, ਟਾਟਾ ਇਲੈਕਟ੍ਰੋਨਿਕਸ ਹੁਣ ਸੈਮੀਕੰਡਕਟਰ (Chips) ਬਣਾਉਣ ਦੇ ਖੇਤਰ ਵਿੱਚ ਵੀ ਵੱਡਾ ਦਾਅ ਲਗਾ ਰਹੀ ਹੈ। ਕੰਪਨੀ ਗੁਜਰਾਤ ਵਿੱਚ ਇੱਕ ਫੈਬਰੀਕੇਸ਼ਨ ਫੈਸਿਲਿਟੀ ਅਤੇ ਅਸਾਮ ਵਿੱਚ ਇੱਕ ਚਿੱਪ ਅਸੈਂਬਲੀ ਅਤੇ ਟੈਸਟਿੰਗ ਯੂਨਿਟ ਲਗਾਉਣ ਲਈ ਲਗਭਗ 14 ਬਿਲੀਅਨ ਡਾਲਰ ਦਾ ਨਿਵੇਸ਼ ਕਰਨ ਦੀ ਯੋਜਨਾ ਬਣਾ ਰਹੀ ਹੈ।
ਇਹ ਵੀ ਪੜ੍ਹੋ : ਵਿਦੇਸ਼ਾਂ ਤੋਂ ਪੈਸਾ ਮੰਗਵਾਉਣ ਵਾਲਿਆਂ ਲਈ ਵੱਡੀ ਖੁਸ਼ਖਬਰੀ, RBI ਨੇ ਨਿਯਮਾਂ 'ਚ ਕੀਤਾ ਵੱਡਾ ਬਦਲਾਅ
ਕਮਾਈ 'ਚ ਵੀ ਜ਼ਬਰਦਸਤ ਉਛਾਲ
ਵਿੱਤੀ ਅੰਕੜਿਆਂ ਦੀ ਗੱਲ ਕਰੀਏ ਤਾਂ ਟਾਟਾ ਇਲੈਕਟ੍ਰੋਨਿਕਸ ਦੀ ਸੰਚਾਲਨ ਆਮਦਨ ਵਿੱਚ ਭਾਰੀ ਵਾਧਾ ਹੋਇਆ ਹੈ। ਵਿੱਤੀ ਸਾਲ 2024 ਵਿੱਚ ਇਹ 3,752 ਕਰੋੜ ਰੁਪਏ ਸੀ, ਜੋ ਵਿੱਤੀ ਸਾਲ 2025 ਵਿੱਚ ਵਧ ਕੇ 66,206 ਕਰੋੜ ਰੁਪਏ ਤੱਕ ਪਹੁੰਚ ਗਈ ਹੈ। ਕੰਪਨੀ ਦਾ ਘਾਟਾ ਵੀ 825 ਕਰੋੜ ਰੁਪਏ ਤੋਂ ਘਟ ਕੇ ਸਿਰਫ਼ 69 ਕਰੋੜ ਰੁਪਏ ਰਹਿ ਗਿਆ ਹੈ, ਜੋ ਇਸ ਦੇ ਸੁਧਰਦੇ ਵਿੱਤੀ ਹਾਲਾਤ ਦਾ ਸਬੂਤ ਹੈ।
ਇਹ ਵੀ ਪੜ੍ਹੋ : LPG ਸੰਕਟ ਦਰਮਿਆਨ ਸਰਕਾਰ ਦਾ ਵੱਡਾ ਐਲਾਨ; ਹੁਣ ਇਨ੍ਹਾਂ ਲੋਕਾਂ ਨੂੰ ਮਿਲਣਗੇ ਡਬਲ ਸਿਲੰਡਰ
ਇਹ ਵੀ ਪੜ੍ਹੋ : ਪੈਟਰੋਲ-ਡੀਜ਼ਲ ਤੋਂ ਲੈ ਕੇ LPG ਤੱਕ ਲਏ ਗਏ ਕਈ ਵੱਡੇ ਫੈਸਲੇ; ਜਾਣੋ ਹੁਣ ਕਿਵੇਂ ਮਿਲੇਗਾ ਸਸਤਾ ਤੇ ਸੌਖਾ ਗੈਸ ਸਿਲੰਡਰ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਮਹਿੰਗਾਈ ਦਾ ਝਟਕਾ: ਕੱਚੇ ਤੇਲ ਦੀਆਂ ਕੀਮਤਾਂ 'ਚ ਉਛਾਲ ਕਾਰਨ ਥੋਕ ਮਹਿੰਗਾਈ ਵਧੀ
NEXT STORY 
