ਨਵੀਂ ਦਿੱਲੀ- ਭਾਰਤੀ ਦੋ-ਪਹੀਆ ਵਾਹਨ ਨਿਰਮਾਤਾਵਾਂ ਨੇ ਸਤੰਬਰ ਮਹੀਨੇ ਦੌਰਾਨ ਆਪਣੇ ਡੀਲਰਸ਼ਿਪਾਂ ਨੂੰ 20 ਲੱਖ ਯੂਨਿਟਾਂ ਤੋਂ ਵੱਧ ਦੀ ਸਪਲਾਈ ਕੀਤੀ, ਜੋ ਕਿ ਪਿਛਲੇ ਸਾਲ ਦੇ ਮੁਕਾਬਲੇ 9 ਫ਼ੀਸਦੀ ਦਾ ਵਾਧਾ ਦਰਸਾਉਂਦੀ ਹੈ। ਇਸ ਵਿਕਰੀ ਵਾਧੇ ਦਾ ਮੁੱਖ ਕਾਰਨ ਵਸਤੂਆਂ ਅਤੇ ਸੇਵਾਵਾਂ ਟੈਕਸ (GST) ਦੀ ਦਰ ਨੂੰ ਘਟਾ ਕੇ 18 ਫ਼ੀਸਦੀ ਕਰਨਾ ਅਤੇ ਸ਼ੁਭ ਨਵਰਾਤਰੀ ਸੀਜ਼ਨ ਦੀ ਸ਼ੁਰੂਆਤ ਸੀ।
ਮਾਹਿਰਾਂ ਮੁਤਾਬਰ ਭਾਵੇਂ ਮਹੀਨਾ ਅਸ਼ੁਭ ਸ਼ਰਾਧ ਕਾਰਨ ਹੌਲੀ ਸ਼ੁਰੂ ਹੋਇਆ, ਪਰ ਆਖ਼ਰੀ ਹਫ਼ਤੇ ਵਿੱਚ ਮੰਗ ਨੇ ਤੇਜ਼ੀ ਫੜੀ, ਜਦੋਂ ਨਵੇਂ ਜੀ.ਐੱਸ.ਟੀ. ਲਾਗੂ ਹੋਏ ਅਤੇ ਨਵਰਾਤਰੇ ਸ਼ੁਰੂ ਹੋਏ। ਕੰਪਨੀਆਂ ਨੂੰ ਜੀ.ਐੱਸ.ਟੀ. ਕਟੌਤੀ ਤੋਂ ਬਾਅਦ ਮੰਗ ਵਿੱਚ ਹੋਰ ਤੇਜ਼ੀ ਆਉਣ ਦੀ ਉਮੀਦ ਹੈ। ਦੇਸ਼ ਦੀ ਸਭ ਤੋਂ ਵੱਡੀ ਦੋ-ਪਹੀਆ ਨਿਰਮਾਤਾ ਹੀਰੋ ਮੋਟੋਕਾਰਪ ਨੇ ਦੱਸਿਆ ਕਿ ਤਿਉਹਾਰੀ ਭਾਵਨਾ ਅਤੇ ਨਵੇਂ ਜੀ.ਐੱਸ.ਟੀ. ਲਾਭਾਂ ਦੇ ਸੁਮੇਲ ਨੇ ਬੁਕਿੰਗਾਂ ਅਤੇ ਕੁਏਰੀਆਂ ਵਿੱਚ ਕਾਫ਼ੀ ਵਾਧਾ ਕੀਤਾ ਹੈ ਅਤੇ ਸ਼ੋਅਰੂਮਾਂ ਵਿੱਚ ਫੁੱਟਫਾਲ ਪਿਛਲੇ ਸਾਲ ਦੇ ਤਿਉਹਾਰੀ ਸੀਜ਼ਨ ਦੇ ਮੁਕਾਬਲੇ ਦੁੱਗਣਾ ਤੋਂ ਵੱਧ ਹੋ ਗਿਆ ਹੈ।
ਵੱਖ-ਵੱਖ ਕੰਪਨੀਆਂ ਦੇ ਪ੍ਰਦਰਸ਼ਨ 'ਤੇ ਨਜ਼ਰ ਮਾਰੀਏ ਤਾਂ ਰਾਇਲ ਐਨਫੀਲਡ (Royal Enfield) ਨੇ 43 ਫ਼ੀਸਦੀ ਦੇ ਵੱਡੇ ਵਾਧੇ ਨਾਲ 113,000 ਯੂਨਿਟਾਂ ਦੀ ਸਪਲਾਈ ਕੀਤੀ। ਰਾਇਲ ਐਨਫੀਲਡ ਨੇ ਇਸ ਨੂੰ ਤਿਉਹਾਰੀ ਸੀਜ਼ਨ ਦੀ ਸ਼ਾਨਦਾਰ ਸ਼ੁਰੂਆਤ ਦੱਸਿਆ ਅਤੇ ਪਹਿਲੀ ਵਾਰ 100,000+ ਪ੍ਰਚੂਨ ਵਿਕਰੀ ਦਾ ਅੰਕੜਾ ਪਾਰ ਕੀਤਾ। ਇਸ ਦੇ ਮੁਕਾਬਲੇ, ਟੀ.ਵੀ.ਐੱਸ. ਮੋਟਰ ਕੰਪਨੀ ਨੇ ਆਪਣੀ ਸਕੂਟਰ ਰੇਂਜ ਦੀ ਮਜ਼ਬੂਤ ਮੰਗ ਕਾਰਨ 12 ਫ਼ੀਸਦੀ ਦਾ ਵਾਧਾ ਦਰਜ ਕਰਕੇ 413,000 ਯੂਨਿਟਾਂ ਦੀ ਵਿਕਰੀ ਕੀਤੀ।
ਇਹ ਵੀ ਪੜ੍ਹੋ- ''ਅਸੀਂ ਤੁਹਾਡੀਆਂ ਕੋਸ਼ਿਸ਼ਾਂ ਦੀ ਪ੍ਰਸ਼ੰਸਾ ਕਰਦੇ ਹਾਂ...'', PM ਮੋਦੀ ਨੇ ਰਾਸ਼ਟਰਪਤੀ ਟਰੰਪ ਦੀ ਕੀਤੀ ਤਾਰੀਫ਼
ਹੀਰੋ ਮੋਟੋਕਾਰਪ ਦੀ ਥੋਕ ਵਿਕਰੀ 5 ਫ਼ੀਸਦੀ ਵਧ ਕੇ 647,582 ਯੂਨਿਟ ਹੋਈ, ਜਦੋਂ ਕਿ ਬਜਾਜ ਆਟੋ ਨੇ ਵੀ 5 ਫ਼ੀਸਦੀ ਦਾ ਵਾਧਾ (273,000 ਯੂਨਿਟ) ਦਰਜ ਕੀਤਾ। ਇਸ ਸੈਗਮੈਂਟ ਵਿੱਚ, ਦੇਸ਼ ਦੀ ਦੂਜੀ ਸਭ ਤੋਂ ਵੱਡੀ ਦੋ-ਪਹੀਆ ਵਾਹਨ ਨਿਰਮਾਤਾ, ਹੌਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ (HMSI), ਨੇ ਆਪਣੇ ਮੁਕਾਬਲੇਬਾਜ਼ਾਂ ਵਿੱਚੋਂ ਸਭ ਤੋਂ ਘੱਟ, ਸਿਰਫ਼ 3 ਫ਼ੀਸਦੀ ਦਾ ਵਾਧਾ ਦਰਜ ਕੀਤਾ, ਜਿਸ ਨਾਲ ਉਸ ਦੀ ਵਿਕਰੀ 505,000 ਯੂਨਿਟ ਰਹੀ।
ਹਾਲਾਂਕਿ ਤਿਉਹਾਰੀ ਸੀਜ਼ਨ ਨੇ ਮੰਗ ਨੂੰ ਤੇਜ਼ ਕੀਤਾ, ਪਰ ਇੱਕ ਰਿਪੋਰਟ ਮੁਤਾਬਕ ਕੁਝ ਮੰਗ ਰੁਕੀ ਰਹੀ ਕਿਉਂਕਿ ਨਵਰਾਤਰੀ ਦੌਰਾਨ ਆਮ ਤੌਰ 'ਤੇ ਦਿੱਤੇ ਜਾਣ ਵਾਲੇ ਡਿਸਕਾਊਂਟ ਮੁਕਾਬਲਤਨ ਘੱਟ ਸਨ। ਆਮ ਤੌਰ 'ਤੇ ਨਿਰਮਾਤਾ ਪ੍ਰਤੀ ਵਾਹਨ 5,000 ਤੋਂ 10,000 ਰੁਪਏ ਤੱਕ ਦੀ ਛੋਟ ਦਿੰਦੇ ਹਨ, ਪਰ ਇਸ ਸਾਲ ਇਹ ਛੋਟ ਘੱਟ ਸੀ ਅਤੇ ਕੁਝ ਅਹਿਮ ਮਾਡਲਾਂ 'ਤੇ ਤਾਂ ਨਾਮਾਤਰ ਹੀ ਸੀ। ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਪ੍ਰਚੂਨ ਵਿਕਰੀ ਵਿੱਚ ਦੀਵਾਲੀ ਦੌਰਾਨ ਮਹੱਤਵਪੂਰਨ ਸੁਧਾਰ ਹੋਣਾ ਚਾਹੀਦਾ ਹੈ ਅਤੇ ਜੇਕਰ ਕੰਪਨੀਆਂ ਡਿਸਕਾਊਂਟ ਵਧਾਉਂਦੀਆਂ ਹਨ ਤਾਂ ਵਿਕਰੀ ਹੋਰ ਵੀ ਵਧੇਗੀ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਲੋਕਾਂ ਨੂੰ ਰਾਸ ਨਹੀਂ ਆ ਰਿਹਾ ਮਹਿੰਗਾ Gold, ਗਾਹਕਾਂ ਦਾ ਬਦਲਿਆ ਮਿਜ਼ਾਜ
NEXT STORY 
