ਨਵੀਂ ਦਿੱਲੀ (ਇੰਟ.) : ਮਹਿੰਗੇ ਜਹਾਜ਼ ਈਂਧਨ ਅਤੇ ਸੰਚਾਲਨ ਨਾਲ ਜੁੜੀਆਂ ਚੁਣੌਤੀਆਂ ਦਰਮਿਆਨ ਦੇਸ਼ ਦੇ ਘਰੇਲੂ ਹਵਾਬਾਜ਼ੀ ਖੇਤਰ ਦੀ ਸਮਰੱਥਾ ’ਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਹਵਾਬਾਜ਼ੀ ਵਿਸ਼ਲੇਸ਼ਣ ਕੰਪਨੀ ਓ. ਏ. ਜੀ. ਦੇ ਅੰਕੜਿਆਂ ਅਨੁਸਾਰ, ਅਕਤੂਬਰ ’ਚ ਘਰੇਲੂ ਏਅਰਲਾਈਨਜ਼ ਦੀਆਂ ਨਿਰਧਾਰਤ ਸੀਟਾਂ ਦੀ ਗਿਣਤੀ ਸਾਲਾਨਾ ਆਧਾਰ ’ਤੇ 2.3 ਫੀਸਦੀ ਘਟ ਕੇ 1.72 ਕਰੋੜ ਰਹਿ ਗਈ, ਜੋ ਅਕਤੂਬਰ 2025 ’ਚ 1.76 ਕਰੋੜ ਸੀ। ਇਸ ਦੌਰਾਨ ਏਅਰ ਇੰਡੀਆ ਅਤੇ ਸਪਾਈਸਜੈੱਟ ਨੇ ਆਪਣੀ ਸਮਰੱਥਾ ’ਚ ਵੱਡੀ ਕਟੌਤੀ ਕੀਤੀ, ਜਦਕਿ ਅਕਾਸਾ ਏਅਰ ਨੇ ਇਸ ’ਚ 35.6 ਫੀਸਦੀ ਦਾ ਵਾਧਾ ਕੀਤਾ।
ਏਅਰ ਇੰਡੀਆ ਦੀ ਸਮਰੱਥਾ 12.6 ਫੀਸਦੀ ਘਟੀ
ਏਅਰ ਇੰਡੀਆ ਨੇ ਅਕਤੂਬਰ ’ਚ ਆਪਣੇ ਨੈੱਟਵਰਕ ’ਤੇ 33.2 ਲੱਖ ਸੀਟਾਂ ਨਿਰਧਾਰਤ ਕੀਤੀਆਂ ਹਨ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਮੁਕਾਬਲੇ 12.6 ਫੀਸਦੀ ਘੱਟ ਹਨ। ਉੱਥੇ ਹੀ, ਏਅਰ ਇੰਡੀਆ ਐਕਸਪ੍ਰੈੱਸ ਦੀ ਸਮਰੱਥਾ ਮਾਮੂਲੀ 0.3 ਫੀਸਦੀ ਘਟ ਕੇ 26.7 ਲੱਖ ਸੀਟਾਂ ਰਹਿ ਗਈ। ਵਧਦੀ ਲਾਗਤ ਅਤੇ ਸੰਚਾਲਨ ਨਾਲ ਜੁੜੇ ਦਬਾਅ ਦਰਮਿਆਨ ਏਅਰ ਇੰਡੀਆ ਨੇ ਖਰਚਿਆਂ ’ਚ ਬੱਚਤ ਦੇ ਉਪਾਅ ਲੱਭਣ ਲਈ ਇਕ ਅੰਤਰ-ਵਿਭਾਗੀ ਟੀਮ ਵੀ ਗਠਿਤ ਕੀਤੀ ਹੈ।
ਇਹ ਵੀ ਪੜ੍ਹੋ : 'ਦੇਸ਼ ਦੇ ਦੁਸ਼ਮਣਾਂ ਨਾਲ ਮਿਲ ਕੇ ਲੜਨਾ ਹੋਵੇਗਾ', ਦਿੱਲੀ 'ਚ ਦੁਸਹਿਰਾ ਸਮਾਗਮ 'ਚ ਬੋਲੇ PM ਮੋਦੀ
ਸਪਾਈਸਜੈੱਟ ਦੀਆਂ ਸੀਟਾਂ ’ਚ ਸਭ ਤੋਂ ਵੱਡੀ ਗਿਰਾਵਟ
ਸਪਾਈਸਜੈੱਟ ਦੀਆਂ ਨਿਰਧਾਰਤ ਸੀਟਾਂ ਦੀ ਗਿਣਤੀ 38.8 ਫੀਸਦੀ ਡਿੱਗ ਕੇ 3,80,126 ਰਹਿ ਗਈ, ਜਦਕਿ ਪਿਛਲੇ ਸਾਲ ਅਕਤੂਬਰ ’ਚ ਇਹ 6,21,407 ਸੀ। ਇਹ ਪ੍ਰਮੁੱਖ ਏਅਰਲਾਈਨਜ਼ ’ਚ ਸਭ ਤੋਂ ਵੱਡੀ ਗਿਰਾਵਟ ਹੈ। ਕੰਪਨੀ ਨੇ ਸਰਦ ਰੁੱਤ ਉਡਾਣ ਪ੍ਰੋਗਰਾਮ ਤੋਂ ਪਹਿਲਾਂ 20 ਵਾਧੂ ਜਹਾਜ਼ ਸ਼ਾਮਲ ਕਰਨ ਲਈ ਲੀਜ਼ ਸਮਝੌਤੇ ਕੀਤੇ ਹਨ, ਪਰ ਜਹਾਜ਼ਾਂ ਦੀ ਉਪਲਬਧਤਾ ਦੇ ਬਾਵਜੂਦ ਚਾਲਕ ਦਲ ਦੀ ਕਮੀ ਅਤੇ ਸੰਚਾਲਨ ਨਾਲ ਜੁੜੀਆਂ ਚੁਣੌਤੀਆਂ ਸਮਰੱਥਾ ਵਧਾਉਣ ਦੀ ਰਫ਼ਤਾਰ ਨੂੰ ਪ੍ਰਭਾਵਿਤ ਕਰ ਸਕਦੀਆਂ ਹਨ।
ਅਕਾਸਾ ਦੀ ਉਡਾਣ, ਇੰਡੀਗੋ ਦਾ ਦਬਦਬਾ ਕਾਇਮ
ਇਸ ਦੇ ਉਲਟ, ਅਕਾਸਾ ਏਅਰ ਨੇ ਆਪਣੀ ਸਮਰੱਥਾ 35.6 ਫੀਸਦੀ ਵਧਾ ਕੇ ਲੱਗਭਗ 11.9 ਲੱਖ ਸੀਟ ਕਰ ਦਿੱਤੀ। ਪਿਛਲੇ ਸਾਲ ਅਕਤੂਬਰ ’ਚ ਇਹ ਅੰਕੜਾ 8.75 ਲੱਖ ਸੀ। ਦੇਸ਼ ਦੀ ਸਭ ਤੋਂ ਵੱਡੀ ਏਅਰਲਾਈਨ ਇੰਡੀਗੋ ਨੇ 1.307 ਕਰੋੜ ਸੀਟਾਂ ਨਿਰਧਾਰਤ ਕੀਤੀਆਂ, ਜੋ ਸਾਲਾਨਾ ਆਧਾਰ ’ਤੇ ਸਿਰਫ 0.2 ਫੀਸਦੀ ਘੱਟ ਹਨ। ਦੇਸ਼ ਦੀ ਕੁੱਲ ਨਿਰਧਾਰਤ ਹਵਾਬਾਜ਼ੀ ਸਮਰੱਥਾ ’ਚ ਇੰਡੀਗੋ ਦੀ ਹਿੱਸੇਦਾਰੀ ਲੱਗਭਗ 51 ਫੀਸਦੀ ਬਣੀ ਹੋਈ ਹੈ।
ਇਹ ਵੀ ਪੜ੍ਹੋ : ਮਾਰਕੋ ਰੂਬੀਓ ਨੇ ਡਾ. ਐੱਸ. ਜੈਸ਼ੰਕਰ ਨਾਲ ਕੀਤੀ ਮੁਲਾਕਾਤ ! ਰੱਖਿਆ ਸਹਿਯੋਗ ਸਣੇ ਅਹਿਮ ਮੁੱਦਿਆਂ 'ਤੇ ਕੀਤੀ ਗੱਲਬਾਤ
ਮਹਿੰਗੇ ਈਂਧਨ ਨਾਲ ਵਧਿਆ ਦਬਾਅ
ਦਿੱਲੀ ’ਚ 1 ਅਕਤੂਬਰ ਨੂੰ ਜਹਾਜ਼ੀ ਈਂਧਨ (ਏ. ਟੀ. ਐੱਫ.) ਦੀ ਕੀਮਤ 13.2 ਫੀਸਦੀ ਵਧ ਕੇ 137 ਰੁਪਏ ਪ੍ਰਤੀ ਲੀਟਰ ਹੋ ਗਈ। ਵਧਦੀ ਲਾਗਤ ਦੇ ਅਸਰ ਨੂੰ ਘੱਟ ਕਰਨ ਲਈ ਇੰਡੀਗੋ ਅਤੇ ਏਅਰ ਇੰਡੀਆ ਸਮੂਹ ਨੇ ਈਂਧਨ ਸਰਚਾਰਜ ’ਚ ਸੋਧ ਕੀਤੀ ਹੈ। ਘਰੇਲੂ ਅਤੇ ਅੰਤਰਰਾਸ਼ਟਰੀ ਉਡਾਣਾਂ ਨੂੰ ਮਿਲਾ ਕੇ ਕੁੱਲ ਨਿਰਧਾਰਤ ਸਮਰੱਥਾ 1.7 ਫੀਸਦੀ ਘਟ ਕੇ 2.54 ਕਰੋੜ ਸੀਟ ਰਹਿਣ ਦਾ ਅੰਦਾਜ਼ਾ ਹੈ। ਘੱਟ ਲਾਗਤ ਵਾਲੀਆਂ ਏਅਰਲਾਈਨਜ਼ ਦੀ ਹਿੱਸੇਦਾਰੀ 71 ਫੀਸਦੀ ਹੈ, ਜਦਕਿ ਪੂਰਨ ਸੇਵਾ ਦੇਣ ਵਾਲੀਆਂ ਏਅਰਲਾਈਨਜ਼ ਦੀ ਸਮਰੱਥਾ 6.3 ਫੀਸਦੀ ਘਟ ਕੇ 73 ਲੱਖ ਸੀਟ ਰਹਿ ਗਈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਸ਼ਰਧਾਲੂਆਂ ਲਈ ਅਹਿਮ ਖ਼ਬਰ: ਯਮੁਨੋਤਰੀ ਦੇ ਕਿਵਾੜ 11 ਅਤੇ ਬਦਰੀਨਾਥ ਦੇ 16 ਨਵੰਬਰ ਨੂੰ ਹੋਣਗੇ ਬੰਦ
NEXT STORY 
