ਬਿਜ਼ਨੈੱਸ ਡੈਸਕ : ਮਾਰਚ ਦਾ ਮਹੀਨਾ ਖਤਮ ਹੋਣ ਵਾਲਾ ਹੈ ਅਤੇ 1 ਅਪ੍ਰੈਲ 2026 ਤੋਂ ਦੇਸ਼ ਵਿੱਚ ਕਈ ਵੱਡੇ ਵਿੱਤੀ ਬਦਲਾਅ ਹੋਣ ਜਾ ਰਹੇ ਹਨ। ਇਹ ਬਦਲਾਅ ਰਸੋਈ ਗੈਸ ਦੀਆਂ ਕੀਮਤਾਂ ਤੋਂ ਲੈ ਕੇ ਬੈਂਕਿੰਗ ਅਤੇ ਇਨਕਮ ਟੈਕਸ ਤੱਕ ਨਾਲ ਜੁੜੇ ਹੋਏ ਹਨ, ਜਿਨ੍ਹਾਂ ਦਾ ਸਿੱਧਾ ਅਸਰ ਹਰ ਆਮ ਆਦਮੀ ਦੀ ਜੇਬ 'ਤੇ ਦੇਖਣ ਨੂੰ ਮਿਲੇਗਾ।
ਇਹ ਵੀ ਪੜ੍ਹੋ : ਹੁਣ 25 ਦਿਨਾਂ ਬਾਅਦ ਬੁਕਿੰਗ ਵਾਲਾ ਨਿਯਮ ਵੀ ਬਦਲਿਆ, ਜਾਣੋ ਕਿਸ ਨੂੰ ਕਿੰਨੇ ਦਿਨਾਂ ਬਾਅਦ ਮਿਲੇਗਾ ਸਿਲੰਡਰ
ਇੱਥੇ ਜਾਣੋ ਉਹ 5 ਵੱਡੇ ਬਦਲਾਅ ਜੋ 1 ਅਪ੍ਰੈਲ ਤੋਂ ਲਾਗੂ ਹੋਣਗੇ:
1. LPG, CNG ਅਤੇ PNG ਦੀਆਂ ਕੀਮਤਾਂ
ਹਰ ਮਹੀਨੇ ਦੀ ਪਹਿਲੀ ਤਾਰੀਖ ਵਾਂਗ ਇਸ ਵਾਰ 1 ਅਪ੍ਰੈਲ ਨੂੰ ਰਸੋਈ ਗੈਸ (LPG) ਦੀਆਂ ਕੀਮਤਾਂ ਵਿੱਚ ਬਦਲਾਅ ਹੋ ਸਕਦਾ ਹੈ। ਮਿਡਲ ਈਸਟ ਵਿੱਚ ਜਾਰੀ ਜੰਗ ਕਾਰਨ ਪੈਦਾ ਹੋਏ ਤੇਲ ਸੰਕਟ ਦੇ ਮੱਦੇਨਜ਼ਰ ਤੇਲ ਕੰਪਨੀਆਂ ਕੀਮਤਾਂ ਵਧਾ ਕੇ ਮਹਿੰਗਾਈ ਦਾ ਝਟਕਾ ਦੇ ਸਕਦੀਆਂ ਹਨ। ਇਸ ਤੋਂ ਇਲਾਵਾ ਹਵਾਈ ਈਂਧਨ (ATF) ਅਤੇ ਸੀ.ਐੱਨ.ਜੀ.-ਪੀ.ਐੱਨ.ਜੀ. ਦੇ ਰੇਟ ਵੀ ਬਦਲ ਸਕਦੇ ਹਨ।
ਇਹ ਵੀ ਪੜ੍ਹੋ : LPG ਸਿਲੰਡਰ ਬੁੱਕ ਕਰਨ ਦੇ ਨਿਯਮਾਂ 'ਚ ਫਿਰ ਹੋ ਗਿਆ ਵੱਡਾ ਬਦਲਾਅ, 24 ਘੰਟੇ ਸੇਵਾ ਹੋਈ ਬੰਦ
2. ਨਵਾਂ ਇਨਕਮ ਟੈਕਸ ਐਕਟ 2025
1 ਅਪ੍ਰੈਲ ਤੋਂ ਦੇਸ਼ ਵਿੱਚ ਸਭ ਤੋਂ ਵੱਡਾ ਬਦਲਾਅ ਟੈਕਸ ਨਾਲ ਜੁੜਿਆ ਹੋਵੇਗਾ। ਹੁਣ 1961 ਦੇ ਪੁਰਾਣੇ ਕਾਨੂੰਨ ਦੀ ਜਗ੍ਹਾ 'ਆਇਕਰ ਅਧਿਨਿਯਮ 2025' ਲਾਗੂ ਹੋ ਜਾਵੇਗਾ। ਟੈਕਸਪੇਅਰਸ ਨੂੰ ਹੁਣ ITR ਭਰਨ ਲਈ ਫਾਰਮ 16 ਦੀ ਬਜਾਏ ਇੱਕ ਨਵਾਂ ਫਾਰਮ ਦਿੱਤਾ ਜਾਵੇਗਾ। ਇਸੇ ਤਰ੍ਹਾਂ ਨਾਨ-ਸੈਲਰੀ ਇਨਕਮ ਲਈ ਫਾਰਮ 16A ਦਾ ਨਾਮ ਬਦਲ ਕੇ 'ਫਾਰਮ 131' ਕਰ ਦਿੱਤਾ ਜਾਵੇਗਾ।
ਇਹ ਵੀ ਪੜ੍ਹੋ : IOCL, BPCL ਤੇ HPCL ਨੇ ਲਿਆ ਅਹਿਮ ਫੈਸਲਾ, ਪੈਟਰੋਲ ਪੰਪਾਂ ਨੂੰ ਜਾਰੀ ਹੋ ਗਏ ਨਵੇਂ ਆਦੇਸ਼
3. ਬੈਂਕਿੰਗ ਅਤੇ ATM ਨਿਯਮਾਂ ਵਿੱਚ ਬਦਲਾਅ
ਜੇਕਰ ਤੁਹਾਡਾ ਖਾਤਾ HDFC, PNB ਜਾਂ ਬੰਧਨ ਬੈਂਕ ਵਿੱਚ ਹੈ, ਤਾਂ 1 ਅਪ੍ਰੈਲ ਤੋਂ ਨਿਯਮ ਬਦਲ ਰਹੇ ਹਨ:
- HDFC Bank: ਹੁਣ ਮੁਫ਼ਤ ATM ਟ੍ਰਾਂਜੈਕਸ਼ਨ ਦੀ ਲਿਮਿਟ ਵਿੱਚ UPI ਰਾਹੀਂ ਕਢਵਾਏ ਪੈਸੇ (UPI Withdrawal) ਵੀ ਗਿਣੇ ਜਾਣਗੇ। ਲਿਮਿਟ ਖਤਮ ਹੋਣ ਤੋਂ ਬਾਅਦ ਹਰ ਵਾਰ 23 ਰੁਪਏ ਚਾਰਜ ਲੱਗੇਗਾ।
- PNB: ਬੈਂਕ ਨੇ ਡੈਬਿਟ ਕਾਰਡ ਦੀ ਕੈਟੇਗਰੀ ਅਨੁਸਾਰ ਰੋਜ਼ਾਨਾ ਨਕਦੀ ਕਢਵਾਉਣ ਦੀ ਲਿਮਿਟ 50,000 ਤੋਂ 75,000 ਰੁਪਏ ਤੱਕ ਤੈਅ ਕਰ ਦਿੱਤੀ ਹੈ।
- Bandhan Bank: ਮਹਾਨਗਰਾਂ ਵਿੱਚ ਸਿਰਫ਼ 3 ਮੁਫ਼ਤ ਟ੍ਰਾਂਜੈਕਸ਼ਨ ਮਿਲਣਗੇ। ਖਾਸ ਗੱਲ ਇਹ ਹੈ ਕਿ ਜੇਕਰ ਖਾਤੇ ਵਿੱਚ ਪੈਸੇ ਘੱਟ ਹੋਣ ਕਾਰਨ ਟ੍ਰਾਂਜੈਕਸ਼ਨ ਫੇਲ ਹੁੰਦੀ ਹੈ, ਤਾਂ 25 ਰੁਪਏ ਜੁਰਮਾਨਾ ਲੱਗੇਗਾ।
ਇਹ ਵੀ ਪੜ੍ਹੋ : ਕੀਮਤਾਂ 'ਚ ਵਾਧੇ ਦਰਮਿਆਨ ਇਕ ਹੋਰ ਵੱਡਾ ਝਟਕਾ! ਬਦਲ ਗਏ LPG ਗੈਸ ਸਿਲੰਡਰ ਦੇ ਬੁਕਿੰਗ ਨਿਯਮ
4. PAN ਕਾਰਡ ਦੇ ਸਖ਼ਤ ਨਿਯਮ
ਪੈਨ ਕਾਰਡ ਬਣਵਾਉਣ ਜਾਂ ਅਪਡੇਟ ਕਰਵਾਉਣ ਦੇ ਨਿਯਮ ਹੁਣ ਹੋਰ ਸਖ਼ਤ ਹੋ ਜਾਣਗੇ। ਰਿਪੋਰਟਾਂ ਮੁਤਾਬਕ ਹੁਣ ਸਿਰਫ਼ ਆਧਾਰ ਕਾਰਡ ਹੀ ਕਾਫ਼ੀ ਨਹੀਂ ਹੋਵੇਗਾ, ਸਗੋਂ ਬਿਨੈਕਾਰਾਂ ਨੂੰ ਹੋਰ ਦਸਤਾਵੇਜ਼ ਵੀ ਜਮ੍ਹਾ ਕਰਨੇ ਪੈਣਗੇ।
ਇਹ ਵੀ ਪੜ੍ਹੋ : 22 ਰੁਪਏ ਮਹਿੰਗਾ ਹੋ ਗਿਆ Diesel, ਨਵੀਂਆਂ ਦਰਾਂ ਅੱਜ ਤੋਂ ਲਾਗੂ
5. ਰੇਲਵੇ ਟਿਕਟ ਕੈਂਸਲ ਕਰਨਾ ਹੋਵੇਗਾ ਮਹਿੰਗਾ
ਰੇਲਵੇ ਯਾਤਰੀਆਂ ਲਈ 1 ਅਪ੍ਰੈਲ ਤੋਂ ਟਿਕਟ ਕੈਂਸਲੇਸ਼ਨ ਦੇ ਨਿਯਮ ਬਦਲ ਜਾਣਗੇ। ਹੁਣ ਟ੍ਰੇਨ ਚੱਲਣ ਤੋਂ 8 ਘੰਟੇ ਪਹਿਲਾਂ ਟਿਕਟ ਰੱਦ ਕਰਨ 'ਤੇ ਕੋਈ ਰਿਫੰਡ ਨਹੀਂ ਮਿਲੇਗਾ, ਜਦਕਿ ਪਹਿਲਾਂ ਇਹ ਲਿਮਿਟ 4 ਘੰਟੇ ਸੀ। 8 ਤੋਂ 24 ਘੰਟੇ ਪਹਿਲਾਂ ਟਿਕਟ ਰੱਦ ਕਰਨ 'ਤੇ 50% ਅਤੇ 24 ਤੋਂ 72 ਘੰਟੇ ਪਹਿਲਾਂ ਰੱਦ ਕਰਨ 'ਤੇ 25% ਰਿਫੰਡ ਕੱਟਿਆ ਜਾਵੇਗਾ।
ਇਹ ਵੀ ਪੜ੍ਹੋ : ਭਾਰਤ 'ਚ ਮਹਿੰਗਾ ਹੋ ਗਿਆ ਪੈਟਰੋਲ, ਵੱਧ ਗਏ ਰੇਟ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਭਾਰਤੀ ਘਰਾਂ 'ਚ ਪਿਆ ਹੈ 5 ਟ੍ਰਿਲੀਅਨ ਡਾਲਰ ਦਾ ਸੋਨਾ, ਅਰਥਵਿਵਸਥਾ 'ਚ ਲਿਆਉਣ ਦੀ ਉੱਠੀ ਮੰਗ; ਜਾਣੋ ਕੀ ਹੈ ਪੂਰਾ ਮਾਮਲਾ
NEXT STORY 
