ਨਵੀਂ ਦਿੱਲੀ : ਭਾਰਤ ਹੁਣ ਦੁਨੀਆ ਦਾ ਸਭ ਤੋਂ ਵੱਡਾ ਆਈਫੋਨ ਨਿਰਮਾਤਾ ਬਣਨ ਦੀ ਰਾਹ 'ਤੇ ਹੈ। ਅਮਰੀਕੀ ਸਮਾਰਟਫੋਨ ਦਿੱਗਜ ਐਪਲ ਚੀਨ ਤੋਂ ਬਾਹਰ ਉਤਪਾਦਨ ਯੂਨਿਟਾਂ 'ਚ ਵਿਭਿੰਨਤਾ ਲਿਆਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਉਦਯੋਗ ਦੇ ਅੰਦਰੂਨੀ ਸੂਤਰਾਂ ਦੇ ਅਨੁਸਾਰ, ਸਥਾਨਕ ਤੌਰ 'ਤੇ ਆਈਫੋਨ ਨਿਰਮਾਣ ਵਿੱਚ ਭਾਰਤ ਦਾ ਸਭ ਤੋਂ ਵੱਡਾ ਯੋਗਦਾਨ ਹੋਣ ਦੀ ਸੰਭਾਵਨਾ ਹੈ। Foxconn, Pegatron ਅਤੇ Wistron ਨੂੰ 41,000 ਕਰੋੜ ਰੁਪਏ ਦੇ ਉਤਪਾਦਨ ਨਾਲ ਸਬੰਧਤ ਸਰਕਾਰ ਦੀ PLI ਯੋਜਨਾ ਦਾ ਲਾਭ ਮਿਲ ਰਿਹਾ ਹੈ ਜਿਸ ਕਾਰਨ ਭਾਰਤ ਵਿਚ ਆਈਫੋਨ ਦਾ ਉਤਪਾਦਨ ਤੇਜ਼ੀ ਨਾਲ ਵਧਣਾ ਤੈਅ ਹੈ।
ਇਹ ਵੀ ਪੜ੍ਹੋ : Tim Draper ਦੀ ਭਵਿੱਖਬਾਣੀ : FTX ਦੇ ਪਤਨ ਦੇ ਬਾਵਜੂਦ 250,000 ਡਾਲਰ ਤੱਕ ਪਹੁੰਚ ਜਾਵੇਗਾ Bitcoin
ਚੀਨ ਅਤੇ ਅਮਰੀਕਾ ਵਿਚਾਲੇ ਭੂ-ਰਾਜਨੀਤਿਕ ਤਣਾਅ ਦੇ ਵਿਚਕਾਰ ਐਪਲ ਹੌਲੀ-ਹੌਲੀ ਆਈਫੋਨ ਨਿਰਮਾਣ ਦਾ ਵੱਡਾ ਹਿੱਸਾ ਭਾਰਤ ਨੂੰ ਟ੍ਰਾਂਸਫਰ ਕਰ ਰਿਹਾ ਹੈ। ਮਾਹਰਾਂ ਅਨੁਸਾਰ ਚੀਨ ਵਿੱਚ ਕੋਵਿਡ ਲਾਕਡਾਊਨ ਕਾਰਨ ਉਤਪਾਦਨ ਵਿੱਚ ਬਹੁਤ ਸਾਰੀਆਂ ਮੁਸ਼ਕਲਾਂ ਆਈਆਂ ਹਨ, ਜਿਸ ਕਾਰਨ ਕੰਪਨੀ ਨੇ ਨਿਰਮਾਣ ਨੂੰ ਸ਼ਿਫਟ ਕਰਨ ਦੀ ਆਪਣੀ ਯੋਜਨਾ ਨੂੰ ਤੇਜ਼ ਕਰ ਦਿੱਤਾ ਹੈ।
150% ਦਾ ਵਾਧਾ ਹੋਵੇਗਾ
Zhengzhou, ਚੀਨ ਵਿੱਚ Foxconn ਦਾ ਪਲਾਂਟ, ਦੁਨੀਆ ਵਿੱਚ ਆਈਫੋਨ ਲਈ ਸਭ ਤੋਂ ਵੱਡੀ ਨਿਰਮਾਣ ਇਕਾਈ ਹੈ। ਪਿਛਲੇ ਮਹੀਨੇ ਮਸ਼ਹੂਰ ਐਪਲ ਵਿਸ਼ਲੇਸ਼ਕ ਮਿੰਗ-ਚੀ ਕੁਓ ਨੇ ਇੱਕ ਟਵੀਟ ਵਿੱਚ ਕਿਹਾ ਸੀ ਕਿ ਫੌਕਸਕਾਨ ਆਪਣੇ ਭਾਰਤ ਪਲਾਂਟ ਦੀ ਸਮਰੱਥਾ ਦਾ ਵਿਸਤਾਰ ਕਰੇਗੀ। ਜਿਸ ਕਾਰਨ ਭਾਰਤ ਵਿੱਚ Foxconn ਦੁਆਰਾ ਬਣਾਏ ਗਏ ਆਈਫੋਨ 2023 ਵਿੱਚ ਘੱਟੋ ਘੱਟ 150% ਵਧਣਗੇ ਅਤੇ ਕੁਝ ਸਾਲਾਂ ਵਿੱਚ (ਮੌਜੂਦਾ 2-4% ਦੇ ਮੁਕਾਬਲੇ) 40-45% ਆਈਫੋਨ ਭਾਰਤ ਤੋਂ ਭੇਜੇ ਜਾਣਗੇ ।
ਇਹ ਵੀ ਪੜ੍ਹੋ : ਇਸ ਮਹੀਨੇ 5,000 ਕਰੋੜ ਰੁਪਏ ਦੇ IPO ਦੀ ਸੰਭਾਵਨਾ, ਜਾਣੋ ਕੰਪਨੀਆਂ ਦੀ ਸੂਚੀ ਬਾਰੇ
ਲਗਾਤਾਰ ਘਟ ਰਿਹਾ ਹੈ ਚੀਨ ਵਿੱਚ ਉਤਪਾਦਨ
ਐਪਲ ਨੇ ਸਤੰਬਰ 2022 ਨੂੰ ਖਤਮ ਹੋਏ ਆਪਣੇ ਵਿੱਤੀ ਸਾਲ ਵਿੱਚ 205 ਬਿਲੀਅਨ ਡਾਲਰ ਦੇ ਸਮਾਰਟਫੋਨ ਦਾ ਉਤਪਾਦਨ ਕੀਤਾ। ਕਾਊਂਟਰਪੁਆਇੰਟ ਰਿਸਰਚ ਅਨੁਸਾਰ ਮੁੱਖ ਭੂਮੀ ਚੀਨ ਦਾ ਯੋਗਦਾਨ 2022 ਵਿੱਚ ਲਗਭਗ 91.2-93.5 ਪ੍ਰਤੀਸ਼ਤ, 2021 ਵਿੱਚ 95.8 ਪ੍ਰਤੀਸ਼ਤ ਅਤੇ 2020 ਵਿੱਚ 98.2 ਪ੍ਰਤੀਸ਼ਤ ਤੋਂ ਹੌਲੀ ਹੌਲੀ ਘਟਣ ਦੀ ਉਮੀਦ ਹੈ। ਆਈਫੋਨ ਲਈ ਅਮਰੀਕਾ ਤੋਂ ਬਾਅਦ ਚੀਨ ਦੂਜਾ ਸਭ ਤੋਂ ਵੱਡਾ ਬਾਜ਼ਾਰ ਬਣਿਆ ਹੋਇਆ ਹੈ।
ਇਹ ਵੀ ਪੜ੍ਹੋ : ਇਸ ਮਹੀਨੇ 5,000 ਕਰੋੜ ਰੁਪਏ ਦੇ IPO ਦੀ ਸੰਭਾਵਨਾ, ਜਾਣੋ ਕੰਪਨੀਆਂ ਦੀ ਸੂਚੀ ਬਾਰੇ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਅਮਰੀਕੀ ਡਾਲਰ ਮੁਕਾਬਲੇ ਭਾਰਤੀ ਰੁਪਿਆ 24 ਪੈਸੇ ਕਮਜ਼ੋਰ
NEXT STORY 
