ਨਵੀਂ ਦਿੱਲੀ : ਕਾਲਜ ਅਤੇ ਯੂਨੀਵਰਸਿਟੀ ਕੈਂਪਸ ਤੋਂ ਭਾਰਤੀ ਆਈਟੀ ਕੰਪਨੀਆਂ ਵਲੋਂ ਕੀਤੀ ਜਾਣ ਵਾਲੀ ਭਰਤੀ ਦੀ ਰਫ਼ਤਾਰ ਇਸ ਸਾਲ ਸੁਸਤ ਰਹਿ ਸਕਦੀ ਹੈ। ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ 2018-19 ਦੇ ਮੁਕਾਬਲੇ ਇਸ ਸਾਲ ਆਈਟੀ ਕੰਪਨੀਆਂ ਦੀ ਕੈਂਪਸ ਭਰਤੀ ਸਿਰਫ 70 ਫੀਸਦੀ ਰਹਿਣ ਦੀ ਉਮੀਦ ਹੈ। ਐਚਆਰ ਮਾਹਰਾਂ ਦੇ ਅਨੁਸਾਰ, ਤਿੰਨ ਸਾਲਾਂ ਦੀ ਉਤਰਾਅ-ਚੜ੍ਹਾਅ ਵਾਲੀ ਮੰਗ ਤੋਂ ਬਾਅਦ, ਕੰਪਨੀਆਂ ਦੇ ਭਰਤੀ ਟੀਚੇ ਹੁਣ ਕੋਵਿਡ ਤੋਂ ਪਹਿਲਾਂ ਦੇ ਪੱਧਰਾਂ 'ਤੇ ਆ ਜਾਣਗੇ।
ਇਹ ਵੀ ਪੜ੍ਹੋ : ਰਤਨ ਟਾਟਾ ਨੂੰ ਮਿਲਿਆ ਆਸਟ੍ਰੇਲੀਆ ਦਾ ਸਰਵਉੱਚ ਨਾਗਰਿਕ ਸਨਮਾਨ, 'ਆਰਡਰ ਆਫ ਆਸਟ੍ਰੇਲੀਆ' ਨਾਲ ਸਨਮਾਨਿਤ
ਦੇਸ਼ ਦੀਆਂ ਚੋਟੀ ਦੀਆਂ ਆਈਟੀ ਕੰਪਨੀਆਂ ਦੁਆਰਾ ਕੀਤੇ ਗਏ ਐਲਾਨਾਂ ਵਿੱਚ ਪਹਿਲਾਂ ਹੀ ਇਹ ਸੰਕੇਤ ਦਿੱਤਾ ਗਿਆ ਹੈ। ਭਾਰਤ ਦੀ ਦੂਜੀ ਸਭ ਤੋਂ ਵੱਡੀ ਆਈਟੀ ਸੇਵਾ ਕੰਪਨੀ ਇੰਫੋਸਿਸ ਨੇ ਮੌਜੂਦਾ ਵਿੱਤੀ ਸਾਲ ਲਈ ਆਪਣੇ ਭਰਤੀ ਟੀਚੇ ਦਾ ਐਲਾਨ ਅਜੇ ਕਰਨਾ ਹੈ।
ਟਾਟਾ ਕੰਸਲਟੈਂਸੀ ਸਰਵਿਸਿਜ਼ ਦੇ ਭਰਤੀ ਦੇ ਅੰਕੜੇ ਕੋਵਿਡ ਤੋਂ ਪਹਿਲਾਂ ਦੇ ਪੱਧਰਾਂ 'ਤੇ ਵਾਪਸ ਆ ਗਏ ਹਨ। ਕੰਪਨੀ ਲਗਭਗ 40,000 ਫਰੈਸ਼ਰਾਂ ਦੀ ਭਰਤੀ ਕਰੇਗੀ। FY2023 ਦੇ ਮੁਕਾਬਲੇ HCL Technologies ਇਸ ਸਾਲ ਸਿਰਫ਼ ਅੱਧੇ ਲੋਕਾਂ ਦੀ ਭਰਤੀ ਕਰੇਗੀ। ਕੰਪਨੀ ਨੇ ਪਿਛਲੇ ਸਾਲ ਦਸੰਬਰ 'ਚ ਕਿਹਾ ਸੀ ਕਿ ਉਹ ਲਗਭਗ 30,000 ਕਰਮਚਾਰੀਆਂ ਨੂੰ ਨੌਕਰੀ 'ਤੇ ਰੱਖ ਸਕਦੀ ਹੈ। ਪਰ ਵਿੱਤੀ ਸਾਲ 2023 ਦੀ ਚੌਥੀ ਤਿਮਾਹੀ 'ਚ ਉਸਨੇ ਕਿਹਾ ਸੀ ਕਿ 13,000 ਤੋਂ 15,000 ਦੀ ਹੀ ਭਰਤੀ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ : ਏਸ਼ੀਆ 'ਚ ਸਭ ਤੋਂ ਖ਼ਰਾਬ ਹਾਲਤ 'ਚ ਹਨ PAK ਦੀਆਂ ਸਰਕਾਰੀ ਕੰਪਨੀਆਂ : ਵਿਸ਼ਵ ਬੈਂਕ
ਇਹਨਾਂ ਆਂਕੜਿਆਂ ਦੀ ਤੁਲਨਾ FY2019 ਵਿੱਚ IT ਕੰਪਨੀਆਂ ਦੁਆਰਾ ਭਰਤੀ ਦੇ ਅੰਕੜਿਆਂ ਨਾਲ ਕਰੀਏ, ਤਾਂ TCS ਨੇ ਕਥਿਤ ਤੌਰ 'ਤੇ 30,000 ਫਰੈਸ਼ਰਾਂ ਨੂੰ ਨਿਯੁਕਤ ਕੀਤਾ ਸੀ ਅਤੇ Infosys ਨੇ 20,000 ਫਰੈਸ਼ਰਾਂ ਨੂੰ ਨਿਯੁਕਤ ਕੀਤਾ ਸੀ। ਉਸ ਸਮੇਂ ਦੌਰਾਨ ਐਚਸੀਐਲ ਟੈਕਨਾਲੋਜੀਜ਼ ਅਤੇ ਵਿਪਰੋ ਨੇ ਕੈਂਪਸ ਤੋਂ ਜ਼ਿਆਦਾ ਭਰਤੀ ਨਹੀਂ ਕੀਤੀ।
ਕੈਂਪਸ ਭਰਤੀ 'ਤੇ ਨਜ਼ਰ ਰੱਖਣ ਵਾਲੀ ਫਰਮ, HirePro ਦੇ ਮੁੱਖ ਸੰਚਾਲਨ ਅਧਿਕਾਰੀ ਪਸ਼ੂਪਤੀ ਐਸ, ਮੰਨਦੇ ਹਨ ਕਿ FY24 ਵਿੱਚ, ਕੰਪਨੀਆਂ ਕੋਲ ਕੋਵਿਡ ਤੋਂ ਪਹਿਲਾਂ ਜਿੰਨੀਆਂ ਭਰਤੀਆਂ ਹੋ ਸਕਦੀਆਂ ਹਨ। ਉਨ੍ਹਾਂ ਕਿਹਾ, 'ਸਾਲ 2019-20 ਵਿਚ ਉਦਯੋਗ ਆਮ ਤਰੀਕੇ ਨਾਲ ਵਧ ਰਿਹਾ ਸੀ ਅਤੇ ਉਸ ਤੋਂ ਬਾਅਦ ਕੁਝ ਸਮੇਂ ਲਈ ਭਰਤੀ ਵਧੀ। 2019-20 ਦੀ ਤੁਲਨਾ 'ਚ ਇਸ ਵਿੱਤੀ ਸਾਲ 'ਚ ਉਸ ਸਾਲ ਦੇ ਮੁਕਾਬਲੇ ਸਿਰਫ 70 ਫੀਸਦੀ ਭਰਤੀ ਹੋਣ ਦੀ ਉਮੀਦ ਹੈ। ਉਨ੍ਹਾਂ ਨੇ ਕਿਹਾ ਕਿ ਭਾਰਤੀ ਆਈ.ਟੀ. ਕੰਪਨੀਆਂ ਤਿੰਨ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੀਆਂ ਹਨ- ਜ਼ਰੂਰਤ ਤੋਂ ਜ਼ਿਆਦਾ ਭਰਤੀ, ਭਰਤੀ ਕੀਤੇ ਹੋਏ ਮੁਲਾਜ਼ਮਾਂ ਦਾ ਸਹੀ ਢੰਗ ਨਾਲ ਇਸਤੇਮਾਲ ਨਾ ਕਰ ਸਕਣਾ ਅਤੇ ਭਾਰੀ ਸੰਖਿਆ ਵਿਚ ਭਰਤੀ ਕਰਨ ਕਾਰਨ ਗੁਣਵੱਤਾ ਦੀ ਘਾਟ।
ਇਹ ਵੀ ਪੜ੍ਹੋ : ਰਤਨ ਟਾਟਾ ਨੂੰ ਮਿਲਿਆ ਆਸਟ੍ਰੇਲੀਆ ਦਾ ਸਰਵਉੱਚ ਨਾਗਰਿਕ ਸਨਮਾਨ, 'ਆਰਡਰ ਆਫ ਆਸਟ੍ਰੇਲੀਆ' ਨਾਲ ਸਨਮਾਨਿਤ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਸੋਨੇ ਦੀ ਚਮਕ ਵਧੀ, ਚਾਂਦੀ ਦੀਆਂ ਕੀਮਤਾਂ ਚ ਆਈ ਨਰਮੀ, ਜਾਣੋ 10 ਗ੍ਰਾਮ ਸੋਨੇ ਦਾ ਭਾਅ
NEXT STORY 
