ਨਵੀਂ ਦਿੱਲੀ - ਅਡਾਨੀ ਸਮੂਹ ਨੇ ਆਪਣੀਆਂ ਦੋ ਸਹਾਇਕ ਕੰਪਨੀਆਂ ਨੂੰ ਅਡਾਨੀ ਨਿਊ ਇੰਡਸਟਰੀਜ਼ ਲਿਮਟਿਡ (ANIL) ਨਾਲ ਮਿਲਾ ਦਿੱਤਾ ਹੈ, ਜੋ ਕਿ ਗ੍ਰੀਨ ਹਾਈਡ੍ਰੋਜਨ ਅਤੇ ਵਿੰਡ ਟਰਬਾਈਨਾਂ ਬਣਾਉਣ ਵਾਲੀ ਫਰਮ ਹੈ। ਗਰੁੱਪ ਦੀ ਪ੍ਰਮੁੱਖ ਕੰਪਨੀ ਅਡਾਨੀ ਇੰਟਰਪ੍ਰਾਈਜਿਜ਼ ਲਿਮਿਟੇਡ ਨੇ ਇਸ ਰਲੇਵੇਂ ਦੀ ਜਾਣਕਾਰੀ ਸ਼ੇਅਰ ਬਾਜ਼ਾਰ ਨੂੰ ਦਿੱਤੀ। ਅਡਾਨੀ ਐਂਟਰਪ੍ਰਾਈਜਿਜ਼ ਨੇ ਕਿਹਾ, "ਅਡਾਨੀ ਇਨਫ੍ਰਾਸਟ੍ਰੱਕਚਰ ਪ੍ਰਾਈਵੇਟ ਲਿਮਟਿਡ ਅਤੇ ਮੁੰਦਰਾ ਸੋਲਰ ਟੈਕਨਾਲੋਜੀ ਲਿਮਿਟੇਡ ਨੂੰ ਸਾਡੀ ਪੂਰੀ ਮਲਕੀਅਤ ਵਾਲੀ ਸਹਾਇਕ ਕੰਪਨੀ ਅਡਾਨੀ ਨਿਊ ਇੰਡਸਟਰੀਜ਼ ਲਿਮਿਟੇਡ ਨਾਲ ਮਿਲਾਇਆ ਗਿਆ ਹੈ।" ਰਲੇਵੇਂ ਵਾਲੀਆਂ ਸੰਸਥਾਵਾਂ ਅਡਾਨੀ ਇਨਫ੍ਰਾਸਟ੍ਰੱਕਚਰ ਪ੍ਰਾਈਵੇਟ ਲਿਮਟਿਡ ਅਤੇ ਮੁੰਦਰਾ ਸੋਲਰ ਟੈਕਨਾਲੋਜੀ ਲਿਮਿਟੇਡ ਹਨ।
ਇਹ ਵੀ ਪੜ੍ਹੋ - Gold ਖਰੀਦਣ ਦਾ ਸੁਨਹਿਰੀ ਮੌਕਾ, ਦੇਰ ਕੀਤੀ ਤਾਂ ਪਵੇਗਾ ਪਛਤਾਉਣਾ, Gold ਹੋਵੇਗਾ ਇੰਨਾ ਮਹਿੰਗਾ
ਅਡਾਨੀ ਇਨਫ੍ਰਾਸਟ੍ਰੱਕਚਰ ਐਂਡ ਡਿਵੈਲਪਰਸ ਇਕ ਰੀਅਲ ਅਸਟੇਟ ਕੰਪਨੀ ਵਜੋਂ ਕੰਮ ਕਰਦੀ ਹੈ। ਇਹ ਥਰਮਲ ਅਤੇ ਸੋਲਰ ਪਾਵਰ ਪ੍ਰੋਜੈਕਟਾਂ ਦੇ ਨਿਰਮਾਣ ਅਤੇ ਵਿਕਾਸ ਦੇ ਨਾਲ-ਨਾਲ ਇੰਜੀਨੀਅਰਿੰਗ, ਤਕਨਾਲੋਜੀ ਅਤੇ ਵਪਾਰਕ, ਪ੍ਰੋਜੈਕਟ ਪ੍ਰਬੰਧਨ ਸੇਵਾਵਾਂ ਵੀ ਪ੍ਰਦਾਨ ਕਰਦਾ ਹੈ। ਮੁੰਦਰਾ ਸੋਲਰ ਟੈਕਨਾਲੋਜੀ ਬਿਜਲੀ ਦੇ ਉਤਪਾਦਨ, ਸਟੋਰੇਜ ਅਤੇ ਵੰਡ ਦੇ ਕਾਰੋਬਾਰ ’ਚ ਸ਼ਾਮਲ ਹੈ। ਅਡਾਨੀ ਨਿਊ ਇੰਡਸਟਰੀਜ਼ ਲਿਮਿਟੇਡ (ANIL), ਅਡਾਨੀ ਇੰਟਰਪ੍ਰਾਈਜਿਜ਼ ਦੀ ਸਹਾਇਕ ਕੰਪਨੀ, ਘੱਟ ਕਾਰਬਨ ਨਿਕਾਸੀ ਪ੍ਰੋਜੈਕਟ ਚਲਾਉਂਦੀ ਹੈ। ਇਹ ਗ੍ਰੀਨ ਹਾਈਡ੍ਰੋਜਨ ਪ੍ਰੋਜੈਕਟ, ਵਿੰਡ ਮਿੱਲ ਅਤੇ ਸੋਲਰ ਮੋਡੀਊਲ ਬੈਟਰੀਆਂ ਬਣਾਉਂਦਾ ਹੈ। ਫਰਾਂਸੀਸੀ ਊਰਜਾ ਕੰਪਨੀ ਟੋਟਲ ਐਨਰਜੀਜ਼ ਦੀ ਏ.ਐੱਨ.ਆਈ.ਐੱਲ. ’ਚ 25 ਫੀਸਦੀ ਹਿੱਸੇਦਾਰੀ ਹੈ ਜਦੋਂ ਕਿ ਅਡਾਨੀ ਐਂਟਰਪ੍ਰਾਈਜ਼ਿਜ਼ ਦੀ ਬਾਕੀ ਹਿੱਸੇਦਾਰੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
6.5 ਫੀਸਦੀ ਵਧੀ ਜੀ. ਐੱਸ. ਟੀ. ਕੁਲੈਕਸ਼ਨ, ਸਰਕਾਰ ਦੀ ਝੋਲੀ ’ਚ ਆਏ 1.73 ਲੱਖ ਕਰੋੜ ਰੁਪਏ
NEXT STORY 
