ਬਿਜ਼ਨੈੱਸ ਡੈਸਕ - ਜੇਕਰ ਤੁਸੀਂ ਸੋਨਾ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਇਹ ਸਹੀ ਸਮਾਂ ਹੈ ਕਿਉਂਕਿ ਸੋਨੇ ਦੀਆਂ ਕੀਮਤਾਂ 'ਚ ਵਾਧਾ ਜਲਦੀ ਖਤਮ ਨਹੀਂ ਹੋਵੇਗਾ। ਕੀਮਤਾਂ ’ਚ ਇਸ ਦਾ ਰਿਕਾਰਡ ਤੋੜ ਵਾਧਾ ਆਉਣ ਵਾਲੇ ਸਮੇਂ ’ਚ ਵੀ ਜਾਰੀ ਰਹੇਗਾ। ਬੈਂਕ ਆਫ ਅਮਰੀਕਾ ਦੇ ਮਾਹਰ ਜੇਸਨ ਫਾਇਰ ਕਲੇ ਨੇ ਕਿਹਾ ਕਿ ਫੈਡਰਲ ਰਿਜ਼ਰਵ ਦੀ ਵਿਆਜ ਦਰ ’ਚ ਕਟੌਤੀ 2025 ਤੱਕ ਸੋਨੇ ਦੀ ਕੀਮਤ $ 3,000 ਤੱਕ ਪਹੁੰਚ ਸਕਦੀ ਹੈ। ਇਸ ਸਾਲ ਸੋਨੇ ਦੀ ਕੀਮਤ 'ਚ 25 ਫੀਸਦੀ ਦਾ ਵਾਧਾ ਹੋਇਆ ਹੈ। ਸੂਤਰਾਂ ਅਨੁਸਾਰ ਗੋਲਡਮੈਨ ਸਾਕਸ ਨੇ ਇਕ ਨੋਟ ’ਚ ਕਿਹਾ, "ਅਸੀਂ ਸੋਨੇ ਦੀ ਸਿਫ਼ਾਰਿਸ਼ ਨੂੰ ਦੁਹਰਾਉਂਦੇ ਹਾਂ ਕਿਉਂਕਿ ਵਿਸ਼ਵ ਵਿਆਜ ਦਰਾਂ ’ਚ ਹੌਲੀ ਹੌਲੀ ਗਿਰਾਵਟ, ਕੇਂਦਰੀ ਬੈਂਕਾਂ ਤੋਂ ਲਗਾਤਾਰ ਉੱਚ ਮੰਗ ਅਤੇ ਭੂ-ਸਿਆਸੀ, ਵਿੱਤੀ ਅਤੇ ਮੰਦੀ ਦੇ ਜੋਖਮਾਂ ਦੇ ਵਿਰੁੱਧ ਸੋਨੇ ਦੇ ਹੇਜਿੰਗ ਫਾਇਦੇ ਇਸਦੀ ਕੀਮਤ ਨੂੰ ਸਮਰਥਨ ਦਿੰਦੇ ਹਨ।"
ਇਹ ਵੀ ਪੜ੍ਹੋ - 187 ਰੁਪਏ ਦਾ ਵਿਆਜ ਨਾ ਦੇਣ 'ਤੇ ਬੈਂਕ ਦੇਵੇਗਾ 20,000 ਰੁਪਏ ਦਾ ਮੁਆਵਜ਼ਾ, RBI ਦਾ ਹੁਕਮ
ਭਾਰਤ ’ਚ ਸੋਨੇ ਦੀ ਕੀਮਤ
ਕੌਮਾਂਤਰੀ ਬਾਜ਼ਾਰ 'ਚ ਸੋਨੇ ਦੀ ਚਮਕ ਦਾ ਅਸਰ ਭਾਰਤ 'ਤੇ ਵੀ ਦੇਖਿਆ ਜਾ ਸਕਦਾ ਹੈ। ਜਦੋਂ ਵੀ ਕੌਮਾਂਤਰੀ ਸੋਨੇ ਦੀਆਂ ਕੀਮਤਾਂ ਵਧਦੀਆਂ ਹਨ, ਭਾਰਤ ’ਚ ਸੋਨੇ ਦੀਆਂ ਕੀਮਤਾਂ ਆਮ ਤੌਰ 'ਤੇ ਉਸੇ ਅਨੁਸਾਰ ਵਧਦੀਆਂ ਹਨ। ਹਾਲਾਂਕਿ ਮੰਗਲਵਾਰ ਨੂੰ ਭਾਰਤ 'ਚ ਸੋਨੇ ਦੀ ਕੀਮਤ 'ਚ ਮਾਮੂਲੀ ਗਿਰਾਵਟ ਦੇਖਣ ਨੂੰ ਮਿਲੀ। MCX 'ਤੇ ਸੋਨਾ 76,344 ਰੁਪਏ ਪ੍ਰਤੀ 10 ਦੇ ਕਰੀਬ ਹੈ ਜਦਕਿ ਚਾਂਦੀ 91,390 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ। ਰਾਸ਼ਟਰੀ ਰਾਜਧਾਨੀ ਦੇ ਸਰਾਫਾ ਬਾਜ਼ਾਰ 'ਚ ਸੋਨੇ ਦੀਆਂ ਕੀਮਤਾਂ 'ਚ 10 ਦਿਨਾਂ ਤੋਂ ਚੱਲੀ ਆ ਰਹੀ ਤੇਜ਼ੀ ਮੰਗਲਵਾਰ ਨੂੰ ਰੁਕ ਗਈ ਅਤੇ ਇਹ 200 ਰੁਪਏ ਡਿੱਗ ਕੇ 78,100 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਬੰਦ ਹੋਇਆ। ਸੋਮਵਾਰ ਨੂੰ ਸੋਨਾ 78,300 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਬੰਦ ਹੋਇਆ ਸੀ। ਮੰਗਲਵਾਰ ਨੂੰ ਸਥਾਨਕ ਬਾਜ਼ਾਰਾਂ 'ਚ ਚਾਂਦੀ 92,500 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਸਥਿਰ ਰਹੀ।
ਕੌਮਾਂਤਰੀ ਬਾਜ਼ਾਰ ’ਚ ਸੋਨਾ-ਚਾਂਦੀ
ਕੌਮਾਂਤਰੀ ਬਾਜ਼ਾਰ 'ਚ ਕਾਮੈਕਸ 'ਤੇ ਸੋਨਾ ਵਾਇਦਾ 2,669.65 ਡਾਲਰ ਪ੍ਰਤੀ ਔਂਸ 'ਤੇ ਹੈ, ਜਦਕਿ ਚਾਂਦੀ ਦਾ ਵਾਇਦਾ 31.37 ਡਾਲਰ ਪ੍ਰਤੀ ਔਂਸ 'ਤੇ ਹੈ।
ਇਹ ਵੀ ਪੜ੍ਹੋ - ਹਿਜ਼ਬੁੱਲਾ ਨੇਤਾ ਹਸਨ ਨਸਰੱਲਾ ਦੀ ਹੱਤਿਆ ਵਿਰੁੱਧ ਅਧਿਕਾਰੀਆਂ ਨੇ ਜੰਮੂ-ਕਸ਼ਮੀਰ ’ਚ ਕੀਤਾ ਪ੍ਰਦਰਸ਼ਨ
ਇਨ੍ਹਾਂ ਕਾਰਨਾਂ ਨਾਲ ਹੋਵੇਗਾ ਸੋਨੇ ’ਚ ਵਾਧਾ
ਵਿਆਜ ਦਰਾਂ ’ਚ ਕਮੀ : ਫੈਡਰਲ ਰਿਜ਼ਰਵ ਵੱਲੋਂ ਵਿਆਜ ਦਰਾਂ ’ਚ ਸੰਭਾਵਿਤ ਕਟੌਤੀ ਸੋਨੇ ਦੀ ਮੰਗ ਨੂੰ ਵਧਾ ਸਕਦੀ ਹੈ। ਜਦੋਂ ਵਿਆਜ ਦਰਾਂ ਘੱਟ ਹੁੰਦੀਆਂ ਹਨ ਤਾਂ ਸੋਨੇ ਵਰਗੀਆਂ ਗੈਰ-ਵਿਆਜ ਵਾਲੀਆਂ ਜਾਇਦਾਦਾਂ ’ਚ ਨਿਵੇਸ਼ ਕਰਨਾ ਵਧੇਰੇ ਆਕਰਸ਼ਕ ਬਣ ਜਾਂਦਾ ਹੈ।
ਨਵਾਂ ਸਰਵ-ਸਮੇਂ ਦਾ ਉੱਚਾ ਪੱਧਰ : ਸੋਨਾ ਹਾਲ ਹੀ ’ਚ $2,600 ਪ੍ਰਤੀ ਔਂਸ ਦੀ ਨਵੀਂ ਸਰਬ-ਕਾਲੀ ਉੱਚ (ATH) 'ਤੇ ਪਹੁੰਚ ਗਿਆ। ਪਿਛਲੇ ਸਾਲ ਦੇ ਮੁਕਾਬਲੇ 25% ਦਾ ਵਾਧਾ ਹੋਇਆ ਹੈ, ਜਿਸ ਕਾਰਨ ਨਿਵੇਸ਼ਕਾਂ ਦਾ ਧਿਆਨ ਸੋਨੇ ਵੱਲ ਵਧਿਆ ਹੈ।
ਆਰਥਿਕ ਬੇਯਕੀਨੀ : ਗਲੋਬਲ ਆਰਥਿਕ ਸਥਿਤੀਆਂ ’ਚ ਅਨਿਸ਼ਚਿਤਤਾ ਅਤੇ ਭੂ-ਸਿਆਸੀ ਤਣਾਅ ਸੋਨੇ ਦੀ ਮੰਗ ਨੂੰ ਵਧਾ ਸਕਦੇ ਹਨ। ਅਜਿਹੇ ਸਮੇਂ ’ਚ, ਨਿਵੇਸ਼ਕ ਇਕ ਸੁਰੱਖਿਅਤ ਵਿਕਲਪ ਵਜੋਂ ਸੋਨੇ ਵੱਲ ਮੁੜਦੇ ਹਨ।
ਕੇਂਦਰੀ ਬੈਂਕਾਂ ਵੱਲੋਂ ਖਰੀਦਦਾਰੀ : ਕੇਂਦਰੀ ਬੈਂਕਾਂ ਵੱਲੋਂ ਸੋਨੇ ਦੀ ਖਰੀਦ ’ਚ ਵਾਧਾ ਵੀ ਕੀਮਤਾਂ ਨੂੰ ਸਮਰਥਨ ਦੇ ਸਕਦਾ ਹੈ। ਕਈ ਕੇਂਦਰੀ ਬੈਂਕਾਂ ਨੇ ਪਿਛਲੇ ਕੁਝ ਸਾਲਾਂ ’ਚ ਆਪਣੇ ਸੋਨੇ ਦੇ ਭੰਡਾਰ ’ਚ ਵਾਧਾ ਕੀਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
187 ਰੁਪਏ ਦਾ ਵਿਆਜ ਨਾ ਦੇਣ 'ਤੇ ਬੈਂਕ ਦੇਵੇਗਾ 20,000 ਰੁਪਏ ਦਾ ਮੁਆਵਜ਼ਾ, RBI ਦਾ ਹੁਕਮ
NEXT STORY 
