ਮੁੰਬਈ - ਸ਼ੇਅਰ ਬਾਜ਼ਾਰ ਦੇ ਬਿਗ ਬੁਲ ਕਹੇ ਜਾਣ ਵਾਲੇ ਰਾਕੇਸ਼ ਝੁਨਝੁਨਵਾਲਾ ਦਾ ਅੱਜ ਯਾਨੀ ਐਤਵਾਰ ਨੂੰ ਦਿਹਾਂਤ ਹੋ ਗਿਆ। ਭਾਰਤ ਦੇ ਵਾਰਨ ਬਫੇ ਵਜੋਂ ਜਾਣੇ ਜਾਂਦੇ ਝੁਨਝੁਨਵਾਲਾ ਨੇ ਪਿਛਲੇ ਮਹੀਨੇ 5 ਜੁਲਾਈ ਨੂੰ ਆਪਣਾ 62ਵਾਂ ਜਨਮਦਿਨ ਮਨਾਇਆ ਸੀ। ਉਨ੍ਹਾਂ ਨੇ ਚਾਰਟਰਡ ਅਕਾਉਂਟੈਂਟ ਦੀ ਸਿੱਖਿਆ ਹਾਸਲ ਕੀਤੀ ਹੋਈ ਸੀ ਅਤੇ ਇਕ ਨਿਵੇਸ਼ਕ ਵਜੋਂ ਜਾਣੇ ਜਾਂਦੇ ਸਨ। ਇੱਕ ਮੱਧਵਰਗੀ ਪਰਿਵਾਰ ਵਿੱਚ ਜਨਮੇ, ਝੁਨਝੁਨਵਾਲਾ ਦਾ ਬਿਗ ਬੁੱਲ ਬਣਨ ਤੱਕ ਦਾ ਇੱਕ ਰੋਮਾਂਚਕ ਸਫ਼ਰ ਰਿਹਾ ਹੈ।
ਰਾਕੇਸ਼ ਝੁਨਝੁਨਵਾਲਾ ਦੇ ਪਰਿਵਾਰ ਵਿਚ ਉਨ੍ਹਾਂ ਦੀ ਪਤਨੀ ਰੇਖਾ ਝੁਨਝੁਨਵਾਲਾ , ਬੇਟੀ ਨਿਸ਼ਥਾ ਝੁਨਝੁਨਵਾਲਾ ਅਤੇ ਦੋ ਬੇਟੇ ਆਰਿਮਨ ਅਤੇ ਆਰਿਵੀਰ ਹਨ।
ਇਹ ਵੀ ਪੜ੍ਹੋ : ਵੱਡੇ ਰਕਬੇ ਅਤੇ ਉਪਜਾਊ ਧਰਤੀ ਦੇ ਬਾਵਜੂਦ ਮਹਿੰਗਾਈ ਦੀ ਮਾਰ ਝੱਲ ਰਿਹੈ ਪਾਕਿ ਪੰਜਾਬ, ਖੇਤੀ ਪੱਖੋਂ ਵੀ ਪਛੜਿਆ
ਰਾਕੇਸ਼ ਝੁਨਝੁਨਵਾਲਾ ਨੇ 1985 ਵਿੱਚ ਸਟਾਕ ਮਾਰਕੀਟ ਵਿੱਚ ਨਿਵੇਸ਼ ਕਰਨਾ ਸ਼ੁਰੂ ਕੀਤਾ ਜਦੋਂ ਉਹ ਅਜੇ ਕਾਲਜ ਵਿੱਚ ਹੀ ਸਨ। ਉਸ ਸਮੇਂ ਬੀਐਸਈ ਸੈਂਸੈਕਸ 150 ਅੰਕਾਂ ਦੇ ਆਸਪਾਸ ਸੀ ਅਤੇ ਝੁਨਝੁਨਵਾਲਾ ਨੇ ਸਿਰਫ਼ 5,000 ਰੁਪਏ ਨਾਲ ਨਿਵੇਸ਼ ਕਰਨਾ ਸ਼ੁਰੂ ਕੀਤਾ। ਹਾਲਾਂਕਿ, ਉਸ ਸਮੇਂ ਇਹ ਰਕਮ ਵੀ ਬਹੁਤ ਜ਼ਿਆਦਾ ਸੀ। ਰਾਕੇਸ਼ ਝੁਨਝੁਨਵਾਲਾ ਦੀ ਕੁੱਲ ਜਾਇਦਾਦ ਲਗਭਗ 39 ਕਰੋੜ ਰੁਪਏ ਸੀ। ਉਨ੍ਹਾਂ ਦੀ ਨੈੱਟਵਰਥ 46.18 ਹਜ਼ਾਰ ਕਰੋੜ ਰੁਪਏ ਹੈ। ਆਕਾਸਾ ਏਅਰਲਾਈਨ ਵਿਚ ਉਨ੍ਹਾਂ ਦੀ ਪਤਨੀ ਦੀ ਵੱਡੀ ਹਿੱਸੇਦਾਰੀ ਹੈ।
ਪਹਿਲੀ ਜਿੱਤ
ਰਾਕੇਸ਼ ਝੁਨਝੁਨਵਾਲਾ ਨੂੰ ਟਾਟਾ ਟੀ ਤੋਂ ਸਟਾਕ ਮਾਰਕੀਟ ਵਿੱਚ ਪਹਿਲੀ ਜਿੱਤ ਮਿਲੀ। ਸਾਲ 1986 ਵਿੱਚ ਝੁਨਝੁਨਵਾਲਾ ਨੇ 5 ਲੱਖ ਦਾ ਮੁਨਾਫਾ ਕਮਾਇਆ। ਉਸਨੇ ਟਾਟਾ ਟੀ ਦੇ 5000 ਸ਼ੇਅਰ ਖਰੀਦੇ। ਜਲਦੀ ਹੀ ਇਹ ਸਿਰਫ ਤਿੰਨ ਮਹੀਨਿਆਂ ਵਿੱਚ 143 ਦੇ ਪੱਧਰ 'ਤੇ ਪਹੁੰਚ ਗਿਆ। ਉਸ ਦੇ ਪੈਸੇ 3 ਗੁਣਾ ਤੋਂ ਵੱਧ ਵਧ ਗਏ।
ਸਟਾਕ ਮਾਰਕਿਟ 'ਚ ਬਿਗ ਬੁਲ ਦੇ ਨਾਂ ਨਾਲ ਮਸ਼ਹੂਰ ਝੁਨਝੁਨਵਾਲਾ ਹਰਸ਼ਦ ਮਹਿਤਾ ਦੇ ਦਿਨਾਂ 'ਚ ਬੀਅਰ ਹੁੰਦੇ ਸਨ। ਝੁਨਝੁਨਵਾਲਾ ਨੇ ਹਰਸ਼ਦ ਮਹਿਤਾ ਘੁਟਾਲੇ ਤੋਂ ਬਾਅਦ ਸ਼ੇਅਰ ਵੇਚ ਕੇ ਕਾਫੀ ਪੈਸਾ ਕਮਾਇਆ। ਇੱਕ ਇੰਟਰਵਿਊ ਵਿੱਚ ਝੁਨਝੁਨਵਾਲਾ ਨੇ ਖੁਦ ਦੱਸਿਆ ਸੀ ਕਿ ਉਸਨੇ ਸ਼ਾਰਟ ਸੇਲਿੰਗ ਭਾਵ ਸ਼ੇਅਰ ਵੇਚ ਕੇ ਬਹੁਤ ਪੈਸਾ ਕਮਾਇਆ, ਉਹ ਇੱਕ ਬੀਅਰ ਦਾ ਹਿੱਸਾ ਸੀ। ਅਜਿਹੇ ਹੀ ਇੱਕ ਬੇਅਰ ਕਾਰਟੇਲ(Bear Cartel ) ਦੀ ਅਗਵਾਈ ਮਨੂ ਮਾਨੇਕ, ਜਿਨ੍ਹਾਂ ਨੂੰ ਬਲੈਕ ਕੋਬਰਾ ਵਜੋਂ ਜਾਣਿਆ ਜਾਂਦਾ ਸੀ। ਇਸ ਵਿੱਚ ਰਾਧਾਕਿਸ਼ਨ ਦਮਾਨੀ ਅਤੇ ਰਾਕੇਸ਼ ਝੁਨਝੁਨਵਾਲਾ ਸਮੇਤ ਹੋਰ ਲੋਕ ਸ਼ਾਮਲ ਸਨ। ਹਰਸ਼ਦ ਮਹਿਤਾ 'ਤੇ ਬਣੀ ਵੈੱਬ ਸੀਰੀਜ਼ ਸਕੈਮ 1992 'ਚ ਵੀ ਇਸ ਸਭ ਦਾ ਜ਼ਿਕਰ ਹੈ। ਪੱਤਰਕਾਰ ਸੁਚੇਤਾ ਦਲਾਲ ਨੇ 1992 ਵਿੱਚ ਹਰਸ਼ਦ ਮਹਿਤਾ ਘੁਟਾਲੇ ਨੂੰ ਬ੍ਰੇਕ ਕੀਤਾ, ਜਿਸ ਤੋਂ ਬਾਅਦ ਸ਼ੇਅਰ ਬਾਜ਼ਾਰ ਕਰੈਸ਼ ਹੋ ਗਿਆ।
ਇਹ ਵੀ ਪੜ੍ਹੋ : ਵੰਦੇ ਭਾਰਤ ਨਵੀਂਆਂ ਸਹੂਲਤਾਂ ਨਾਲ ਯਾਤਰੀਆਂ ਦੀ ਸੇਵਾ ਲਈ ਤਿਆਰ, ਰੇਲ ਮੰਤਰੀ ਨੇ ਖ਼ੁਦ ਲਿਆ ਜਾਇਜ਼ਾ
2003 ਵਿੱਚ ਆਪਣੀ ਵਪਾਰਕ ਫਰਮ ਸ਼ੁਰੂ ਕੀਤੀ
ਰਾਕੇਸ਼ ਝੁਨਝੁਨਵਾਲਾ ਨੇ ਸਾਲ 1987 'ਚ ਰੇਖਾ ਝੁਨਝੁਨਵਾਲਾ ਨਾਲ ਵਿਆਹ ਕੀਤਾ ਸੀ। ਉਹ ਵੀ ਸਟਾਕ ਮਾਰਕੀਟ ਨਿਵੇਸ਼ਕ ਸੀ। ਸਾਲ 2003 ਵਿੱਚ, ਰਾਕੇਸ਼ ਝੁਨਝੁਨਵਾਲਾ ਨੇ ਆਪਣੀ ਸਟਾਕ ਟਰੇਡਿੰਗ ਫਰਮ Rare (RARE) ਇੰਟਰਪ੍ਰਾਈਜਿਜ਼ ਸ਼ੁਰੂ ਕੀਤੀ। ਆਪਣੇ ਅਤੇ ਆਪਣੀ ਪਤਨੀ ਦੇ ਨਾਵਾਂ ਨੂੰ ਮਿਲਾ ਕੇ ਇਹ ਨਾਮ ਰੱਖਿਆ ਗਿਆ ਸੀ।
ਪੋਰਟਫੋਲੀਓ ਵਿੱਚ 25,000 ਕਰੋੜ ਰੁਪਏ ਤੋਂ ਵੱਧ ਮੁੱਲ ਦੇ 33 ਸਟਾਕ
ਰਾਕੇਸ਼ ਝੁਨਝੁਨਵਾਲਾ ਐਂਡ ਐਸੋਸੀਏਟਸ ਕੋਲ ਜਨਤਕ ਡੋਮੇਨ ਵਿੱਚ 33 ਸਟਾਕ ਹਨ, ਜਿਨ੍ਹਾਂ ਦੀ ਕੀਮਤ 25,842.3 ਕਰੋੜ ਰੁਪਏ ਹੈ। ਟ੍ਰੈਂਡਲਾਈਨ ਦੇ ਅਨੁਸਾਰ, ਇਹਨਾਂ ਵਿੱਚ ਟਾਈਟਨ ਕੰਪਨੀ, ਟਾਟਾ ਮੋਟਰਜ਼, ਸਟਾਰ ਹੈਲਥ ਐਂਡ ਅਲਾਈਡ ਇੰਸ਼ੋਰੈਂਸ ਕੰਪਨੀ, ਮੈਟਰੋ ਬ੍ਰਾਂਡਸ, ਫੋਰਟਿਸ ਹੈਲਥਕੇਅਰ, ਨਜ਼ਰਾ ਟੈਕਨਾਲੋਜੀ, ਫੈਡਰਲ ਬੈਂਕ, ਡੈਲਟਾ ਕਾਰਪੋਰੇਸ਼ਨ, ਡੀਬੀ ਰਿਐਲਟੀ ਅਤੇ ਟਾਟਾ ਕਮਿਊਨੀਕੇਸ਼ਨਜ਼ ਵਰਗੇ ਸਟਾਕ ਸ਼ਾਮਲ ਹਨ। ਉਸਦੀ ਸਭ ਤੋਂ ਕੀਮਤੀ ਸੂਚੀਬੱਧ ਹੋਲਡਿੰਗ ਘੜੀ ਅਤੇ ਗਹਿਣੇ ਬਣਾਉਣ ਵਾਲੀ ਕੰਪਨੀ ਟਾਈਟਨ ਹੈ, ਜਿਸਦੀ ਕੀਮਤ 8,830.9 ਕਰੋੜ ਰੁਪਏ ਹੈ। ਇਸ ਤੋਂ ਬਾਅਦ ਸਟਾਰ ਹੈਲਥ ਐਂਡ ਅਲਾਈਡ ਇੰਸ਼ੋਰੈਂਸ ਕੰਪਨੀ 4,957.1 ਕਰੋੜ ਰੁਪਏ ਨਾਲ ਅਤੇ ਮੈਟਰੋ ਬ੍ਰਾਂਡਜ਼ 2,391.3 ਕਰੋੜ ਰੁਪਏ ਦੇ ਨਾਲ ਹਨ।
ਇਹ ਵੀ ਪੜ੍ਹੋ : ਪੰਜ ਸਾਲਾਂ ਵਿੱਚ ਬੰਗਾਲ ਤੋਂ 20,000 ਕਰੋੜ ਰੁਪਏ ਤੱਕ ਪਹੁੰਚ ਸਕਦੀ ਹੈ ਸਮੁੰਦਰੀ ਭੋਜਨ ਉਤਪਾਦਾਂ ਦੀ ਬਰਾਮਦ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਰਾਕੇਸ਼ ਝੁਨਝੁਨਵਾਲਾ ਦੇ ਦਿਹਾਂਤ ਮਗਰੋਂ ਪ੍ਰਧਾਨ ਮੰਤਰੀ ਮੋਦੀ ਸਮੇਤ ਕਈ ਵੱਡੇ ਅਧਿਕਾਰੀਆਂ ਨੇ ਦੁੱਖ ਪ੍ਰਗਟਾਇਆ
NEXT STORY 
