ਨੈਸ਼ਨਲ ਡੈਸਕ - Meta 'ਚ ਛਾਂਟੀ ਦਾ ਦੌਰ ਅਜੇ ਰੁੱਕਣ ਦਾ ਨਾਂ ਨਹੀਂ ਲੈ ਰਿਹਾ। ਇਸ ਸਾਲ ਮਾਰਚ ਦੇ ਮਹੀਨੇ, Meta ਨੇ 10,000 ਕਰਮਚਾਰੀਆਂ ਨੂੰ ਕੱਢਣ ਦੀ ਗੱਲ ਕਹੀ ਸੀ। ਛਾਂਟੀ ਦੇ ਦੋ ਦੌਰ ਤੋਂ ਬਾਅਦ ਹੁਣ ਕੰਪਨੀ ਇੱਕ ਵਾਰ ਫਿਰ ਛਾਂਟੀ ਦੀ ਪ੍ਰਕਿਰਿਆ ਸ਼ੁਰੂ ਕਰਨ ਵਾਲੀ ਹੈ। ਕਿਹਾ ਜਾ ਰਿਹਾ ਹੈ ਕਿ Meta 'ਚ ਛਾਂਟੀ ਦਾ ਇਹ ਆਖਰੀ ਦੌਰ ਹੈ। ਦੱਸ ਦੇਈਏ ਕਿ 10 ਹਜ਼ਾਰ ਲੋਕਾਂ ਨੂੰ ਇਕੱਠੇ ਨਹੀਂ ਕੱਢਿਆ ਗਿਆ ਸੀ। ਕੰਪਨੀ ਦੇ ਕਰਮਚਾਰੀਆਂ ਦੀ ਛਾਂਟੀ ਕਰਨ ਦਾ ਇਹ ਤੀਜਾ ਦੌਰ ਹੈ ਅਤੇ ਇਸ ਵਾਰ 6 ਹਜ਼ਾਰ ਲੋਕਾਂ ਨੂੰ ਨੌਕਰੀ ਤੋਂ ਬਾਹਰ ਕੱਢੇ ਜਾਣ ਦੀ ਖ਼ਬਰ ਸਾਹਮਣੇ ਆਈ ਹੈ।
Meta ਕੰਪਨੀ ਵਿੱਚ ਛਾਂਟੀ ਦੇ ਪਹਿਲੇ ਦੌਰ ਦੇ ਸਮੇਂ 11,000 ਕਰਮਚਾਰੀਆਂ ਨੂੰ ਕੰਪਨੀ ਵਿੱਚੋਂ ਬਾਹਰ ਦਾ ਰਸਤਾ ਦਿਖਾਇਆ ਸੀ। ਇਸ ਤੋਂ ਬਾਅਦ ਮਾਰਚ 'ਚ 10,000 ਲੋਕਾਂ ਨੂੰ ਬਾਹਰ ਕੱਢਣ ਦੇ ਐਲਾਨ ਨਾਲ Meta ਵੱਡੇ ਪੱਧਰ 'ਤੇ ਲੋਕਾਂ ਨੂੰ ਨੌਕਰੀ ਤੋਂ ਕੱਢਣ ਵਾਲੀ ਸਭ ਤੋਂ ਵੱਡੀ ਟੇਕ ਕੰਪਨੀ ਬਣ ਗਈ ਹੈ।
ਇਨ੍ਹਾਂ ਡਿਪਾਰਟਮੈਂਟ 'ਚ ਹੋ ਰਹੀ ਹੈ ਛਾਂਟੀ
ਟੇਕਕ੍ਰੰਚ ਦੀ ਰਿਪੋਰਟ ਅਨੁਸਾਰ, Meta 'ਤੇ ਛਾਂਟੀ ਦੇ ਤੀਜੇ ਦੌਰ ਦਾ ਪ੍ਰਭਾਵ ਕਾਰੋਬਾਰ ਵਿਭਾਗ 'ਤੇ ਵੀ ਪੈ ਸਕਦਾ ਹੈ। ਸਾਈਟ ਸੁਰੱਖਿਆ, ਮਾਰਕੀਟਿੰਗ, ਕੰਟੈਂਟ ਸਟ੍ਰਾਜੀ,, ਐਂਟਰਪ੍ਰਾਈਜ਼ ਇੰਜੀਨੀਅਰਿੰਗ, ਪ੍ਰੋਗਰਾਮ ਪ੍ਰਬੰਧਨ ਅਤੇ ਕਾਰਪੋਰੇਟ ਸੰਚਾਰ ਤੋਂ ਕੱਢੇ ਗਏ ਕਰਮਚਾਰੀਆਂ ਨੇ ਪੇਸ਼ੇਵਰ ਨੈੱਟਵਰਕ ਪਲੇਟਫਾਰਮ ਲਿੰਕਡਇਨ 'ਤੇ ਪੋਸਟ ਕਰਕੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ। ਆਇਰਲੈਂਡ ਵਿੱਚ Meta ਨੇ ਕਿਹਾ ਕਿ ਵਿਕਰੀ, ਮਾਰਕੀਟਿੰਗ, ਵਿੱਤ ਅਤੇ ਇੰਜੀਨੀਅਰਿੰਗ ਵਿਭਾਗਾਂ ਤੋਂ 490 ਕਰਮਚਾਰੀਆਂ ਨੂੰ ਹਟਾਇਆ ਜਾ ਸਕਦਾ ਹੈ।
Meta ਕਿਉਂ ਕਰ ਰਿਹੈ ਛਾਂਟੀ
ਫੇਸਬੁੱਕ, ਵਟਸਐਪ ਇੰਸਟਾਗ੍ਰਾਮ ਨੂੰ ਹੈਂਡਲ ਕਰਨ ਵਾਲੀ ਕੰਪਨੀ Meta ਨੇ ਦੱਸਿਆ ਕਿ ਕਾਰਜਸ਼ੀਲਤਾ ਨੂੰ ਵਧਾਉਣ ਲਈ ਛਾਂਟੀ ਕਰਨੀ ਜ਼ਰੂਰੀ ਹੈ। ਦੱਸੋ ਕਿ ਕੰਪਨੀ ਨੇ ਕੋਵਿਡ-19 ਦੇ ਦੌਰਾਨ ਓਵਰ ਹਾਇਰਿੰਗ ਕਰ ਕਈ ਕਰਮਚਾਰੀਆਂ ਨੂੰ ਨੌਕਰੀ 'ਤੇ ਰੱਖਿਆ ਸੀ।
ਬਿਜਲੀ ਪ੍ਰਾਜੈਕਟਾਂ 'ਚ ਦੇਰੀ ਕਰਨ ਵਾਲੇ ਡਿਵੈਲਪਰਾਂ ਖ਼ਿਲਾਫ਼ ਹੋਵੇਗੀ ਸਖ਼ਤ ਕਾਰਵਾਈ: ਆਰ.ਕੇ ਸਿੰਘ
NEXT STORY 
