ਕੋਲੰਬੋ (ਭਾਸ਼ਾ) - ਨਿਊਯਾਰਕ ਸਥਿਤ ਰੇਟਿੰਗ ਏਜੰਸੀ ਫਿਚ ਨੇ ਕਰਜ਼ੇ ਦੇ ਬੋਝ ਹੇਠ ਦੱਬੇ ਸ੍ਰੀਲੰਕਾ ਦੀ ਸਾਵਰੇਨ ਦਰਜਾਬੰਦੀ ਨੂੰ ਘਟਾ ਕੇ 'ਪ੍ਰਤੀਬੰਧਿਤ ਡਿਫਾਲਟ' ਸ਼੍ਰੇਣੀ 'ਚ ਕਰ ਦਿੱਤਾ ਹੈ, ਜਿਸ ਦਾ ਮਤਲਬ ਹੈ ਕਿ ਦੇਸ਼ ਡਿਫਾਲਟ ਹੋਣ ਦੀ ਕਗਾਰ 'ਤੇ ਹੈ। ਦਰਅਸਲ ਦੇਸ਼ 30 ਦਿਨਾਂ ਦੇ ਗ੍ਰੇਸ ਪੀਰੀਅਡ ਦੇ ਬਾਅਦ ਵੀ ਅੰਤਰਰਾਸ਼ਟਰੀ ਸਾਵਰੇਨ ਬਾਂਡ ਦਾ ਭੁਗਤਾਨ ਕਰਨ ਵਿੱਚ ਅਸਫਲ ਰਿਹਾ ਹੈ। ਇਸ ਤੋਂ ਪਹਿਲਾਂ, ਕੇਂਦਰੀ ਬੈਂਕ ਦੇ ਗਵਰਨਰ ਪੀ ਨੰਦਲਾਲ ਵੀਰਸਿੰਘੇ ਨੇ ਵੀਰਵਾਰ ਨੂੰ ਮੰਨਿਆ ਸੀ ਕਿ ਸ਼੍ਰੀਲੰਕਾ ਆਪਣੇ ਕਰਜ਼ੇ ਦਾ ਭੁਗਤਾਨ ਉਦੋਂ ਤੱਕ ਨਹੀਂ ਕਰ ਸਕੇਗਾ ਜਦੋਂ ਤੱਕ ਉਹ ਪੁਨਰਗਠਨ ਨਹੀਂ ਹੁੰਦੇ।
ਬਾਂਡ ਦਾ ਭੁਗਤਾਨ 18 ਅਪ੍ਰੈਲ ਤੱਕ ਦੇਣਯੋਗ ਸੀ ਅਤੇ ਇਹ 7.8 ਕਰੋੜ ਡਾਲਰ ਦੀ ਰਕਮ ਸੀ। ਇਸ ਦੇ ਭੁਗਤਾਨ ਲਈ 30 ਦਿਨਾਂ ਦੀ ਰਿਆਇਤ ਮਿਆਦ ਵੀ ਬੁੱਧਵਾਰ ਨੂੰ ਖਤਮ ਹੋ ਗਈ। ਇਸ ਤੋਂ ਪਹਿਲਾਂ 12 ਅਪ੍ਰੈਲ ਨੂੰ ਫਿਚ ਨੇ ਸ਼੍ਰੀਲੰਕਾ ਦੀ ਰੇਟਿੰਗ ਘਟਾ ਕੇ 'ਸੀ' ਕਰ ਦਿੱਤੀ ਸੀ। ਰੇਟਿੰਗ ਏਜੰਸੀ ਨੇ ਵੀਰਵਾਰ ਨੂੰ ਕਿਹਾ ਸੀ, ''ਸ਼੍ਰੀਲੰਕਾ ਦੀ ਵਿਦੇਸ਼ੀ ਮੁਦਰਾ ਇਸ਼ੂ ਰੇਟਿੰਗ ਨੂੰ 'ਸੀ' ਤੋਂ ਘਟਾ ਕੇ 'ਡੀ' ਕਰ ਦਿੱਤਾ ਗਿਆ ਹੈ। ਅਜਿਹਾ ਸੀਨੀਅਰ ਅਸੁਰੱਖਿਅਤ ਵਿਦੇਸ਼ੀ ਮੁਦਰਾ ਬਾਂਡ ਦੇ ਮਾਮਲੇ ਵਿੱਚ ਡਿਫਾਲਟਸ ਦੇ ਮੱਦੇਨਜ਼ਰ ਕੀਤਾ ਗਿਆ ਹੈ।
ਸ਼੍ਰੀਲੰਕਾ ਨੇ ਪਹਿਲਾਂ ਹੀ ਅੰਤਰਰਾਸ਼ਟਰੀ ਸਾਵਰੇਨ ਬਾਂਡ, ਵਪਾਰਕ ਬੈਂਕ ਲੋਨ, ਐਗਜ਼ਿਮ ਬੈਂਕ ਲੋਨ ਅਤੇ ਦੁਵੱਲੇ ਕਰਜ਼ੇ ਦੇ ਭੁਗਤਾਨ ਨੂੰ ਮੁਅੱਤਲ ਕਰ ਦਿੱਤਾ ਹੈ। ਦੇਸ਼ ਨੇ ਇਸ ਸਾਲ 10.634 ਕਰੋੜ ਡਾਲਰ ਦਾ ਭੁਗਤਾਨ ਕਰਨਾ ਹੈ ਪਰ ਅਪ੍ਰੈਲ ਤੱਕ ਇਹ ਸਿਰਫ 1.24 ਕਰੋੜ ਡਾਲਰ ਦਾ ਹੀ ਭੁਗਤਾਨ ਕਰ ਸਕਿਆ ਹੈ।
ਇਹ ਵੀ ਪੜ੍ਹੋ : ਮਹਿੰਗਾਈ ਦਾ ਤਕੜਾ ਝਟਕਾ, ਘਰੇਲੂ ਤੇ ਵਪਾਰਕ ਗੈਸ ਸਿਲੰਡਰ ਦੋਵੇਂ ਹੋਏ ਮਹਿੰਗੇ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
GST ਕੌਂਸਲ ਨੂੰ ਲੱਗਾ ਝਟਕਾ, ਸੁਪਰੀਮ ਕੋਰਟ ਨੇ ਕਿਹਾ-ਸਿਫਾਰਿਸ਼ਾਂ ਮੰਨਣ ਲਈ ਕੇਂਦਰ ਅਤੇ ਸੂਬਾ ਸਰਕਾਰਾਂ ਪਾਬੰਦ ਨਹੀਂ
NEXT STORY 
