ਮੁੰਬਈ - ਅੱਜ ਸੋਮਵਾਰ ਹਫ਼ਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਸ਼ੇਅਰ ਬਾਜ਼ਾਰ ਵਿੱਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਸੈਂਸੈਕਸ 452.43 ਅੰਕ ਭਾਵ 0.56% ਦੇ ਵਾਧੇ ਨਾਲ 80,954.42 ਦੇ ਪੱਧਰ 'ਤੇ ਕਾਰੋਬਾਰ ਕਰਦਾ ਦੇਖਿਆ ਜਾ ਰਿਹਾ ਹੈ। ਸੈਂਸੈਕਸ ਦੇ 30 ਵਿੱਚੋਂ 24 ਸਟਾਕ ਵਾਧੇ ਨਾਲ ਅਤੇ 6 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਜਾ ਰਹੇ ਹਨ। ਬਜਾਜ ਫਿਨਸਰਵ 2.67 ਫ਼ੀਸਦੀ, ਏਸ਼ੀਅਨ ਪੇਂਟਸ 2.51 ਫ਼ੀਸਦੀ, ਅਡਾਨੀ ਪੋਰਟਸ 4.61 ਫ਼ੀਸਦੀ ਅਤੇ ਟਾਟਾ ਮੋਟਰਜ਼ ਦੇ ਸ਼ੇਅਰ 1.29% ਦੇ ਵਾਧੇ ਨਾਲ ਕਾਰੋਬਰ ਕਰ ਰਹੇ ਹਨ। ਕੋਟਕ ਮਹਿੰਦਰਾ ਬੈਂਕ ਦੇ ਸ਼ੇਅਰ 5.47% ਡਿੱਗ ਗਏ ਹਨ।
ਇਹ ਵੀ ਪੜ੍ਹੋ : ਰਿਕਾਰਡ ਪੱਧਰ ਤੋਂ ਧੜੰਮ ਡਿੱਗਾ ਸੋਨਾ! 7,000 ਰੁਪਏ ਹੋ ਗਿਆ ਸਸਤਾ
ਇਹ ਵੀ ਪੜ੍ਹੋ : ਬੈਂਕ ਖਾਤੇ 'ਚ ਨਹੀਂ ਰੱਖੇ 500 ਰੁਪਏ ਤਾਂ ਹੋਵੇਗਾ 4 ਲੱਖ ਦਾ ਨੁਕਸਾਨ, 31 ਮਈ ਹੈ ਆਖਰੀ ਤਾਰੀਖ
ਦੂਜੇ ਪਾਸੇ ਨਿਫਟੀ ਵੀ 147.95 ਅੰਕ ਭਾਵ 0.61% ਦੇ ਵਾਧੇ ਨਾਲ 24,494.65 ਦੇ ਪੱਧਰ 'ਤੇ ਕਾਰੋਬਾਰ ਕਰਦਾ ਦੇਖਿਆ ਜਾ ਰਿਹਾ ਹੈ। NSE ਦੇ ਸੈਕਟਰਲ ਸੂਚਕਾਂਕਾਂ ਵਿੱਚੋਂ, ਆਟੋ, FMCG ਅਤੇ IT ਸੈਕਟਰ 1% ਵਧੇ ਹਨ। ਇਸ ਦੇ ਨਾਲ ਹੀ, ਮੀਡੀਆ ਅਤੇ ਬੈਂਕਿੰਗ ਖੇਤਰਾਂ ਵਿੱਚ ਮਾਮੂਲੀ ਗਿਰਾਵਟ ਆਈ ਹੈ। ਭਾਰਤੀ ਬਾਜ਼ਾਰ ਵਿੱਚ ਵਿਦੇਸ਼ੀ ਨਿਵੇਸ਼ਕਾਂ (FII) ਵੱਲੋਂ ਖਰੀਦਦਾਰੀ ਜਾਰੀ ਹੈ। ਅਪ੍ਰੈਲ ਮਹੀਨੇ ਵਿੱਚ ਉਨ੍ਹਾਂ ਦੀ ਸ਼ੁੱਧ ਖਰੀਦ 2,735.02 ਕਰੋੜ ਰੁਪਏ ਰਹੀ। ਘਰੇਲੂ ਨਿਵੇਸ਼ਕਾਂ ਨੇ ਵੀ ਮਹੀਨੇ ਦੌਰਾਨ 28,228.45 ਕਰੋੜ ਰੁਪਏ ਦੀ ਸ਼ੁੱਧ ਖਰੀਦਦਾਰੀ ਕੀਤੀ।
ਇਹ ਵੀ ਪੜ੍ਹੋ : RBI ਦੀ ICICI, BOB ਸਮੇਤ ਕਈ ਹੋਰਾਂ 'ਤੇ ਸਖ਼ਤ ਕਾਰਵਾਈ, ਲਗਾਇਆ ਭਾਰੀ ਜੁਰਮਾਨਾ
ਗਲੋਬਲ ਬਾਜ਼ਾਰ ਦਾ ਹਾਲ
ਅੱਜ ਏਸ਼ੀਆਈ ਬਾਜ਼ਾਰਾਂ ਵਿੱਚ ਕੋਈ ਕਾਰੋਬਾਰ ਨਹੀਂ ਹੈ, ਜਾਪਾਨ ਦਾ ਨਿੱਕੇਈ ਅੱਜ ਬੰਦ ਹੈ। 2 ਮਈ ਨੂੰ, ਇਹ 378 ਅੰਕ (1.04%) ਵਧ ਕੇ 36,830 'ਤੇ ਬੰਦ ਹੋਇਆ। ਕੋਰੀਆ ਦਾ ਕੋਸਪੀ ਵੀ 3 ਅੰਕ (0.12%) ਵਧ ਕੇ 2,560 'ਤੇ ਬੰਦ ਹੋਇਆ।
ਹਾਂਗ ਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 385 ਅੰਕ (1.74%) ਵਧ ਕੇ 22,505 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ, ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ ਲੇਬਰ ਡੇਅ ਦੇ ਕਾਰਨ 1 ਤੋਂ 5 ਮਈ ਤੱਕ ਬੰਦ ਹੈ।
2 ਮਈ ਨੂੰ, ਅਮਰੀਕਾ ਦਾ ਡਾਓ ਜੋਨਸ 564 ਅੰਕ (1.39%) ਵਧ ਕੇ 41,317 'ਤੇ ਬੰਦ ਹੋਇਆ। ਨੈਸਡੈਕ ਕੰਪੋਜ਼ਿਟ 267 ਅੰਕ (1.51%) ਵਧਿਆ ਜਦੋਂ ਕਿ S&P 500 ਇੰਡੈਕਸ 83 ਅੰਕ (1.47%) ਵਧ ਕੇ ਬੰਦ ਹੋਇਆ।
ਬੀਤੇ ਸ਼ੁੱਕਰਵਾਰ ਸ਼ੇਅਰ ਬਾਜ਼ਾਰ ਦਾ ਹਾਲ
ਸ਼ੁੱਕਰਵਾਰ, 2 ਮਈ ਨੂੰ ਸ਼ੇਅਰ ਬਾਜ਼ਾਰ ਵਿੱਚ ਤੇਜ਼ੀ ਦੇਖੀ ਗਈ। ਸੈਂਸੈਕਸ 260 ਅੰਕਾਂ ਦੇ ਵਾਧੇ ਨਾਲ 80,502 'ਤੇ ਬੰਦ ਹੋਇਆ। ਨਿਫਟੀ ਵੀ 12 ਅੰਕ ਵਧ ਕੇ 24,347 'ਤੇ ਬੰਦ ਹੋਇਆ। ਸੈਂਸੈਕਸ ਦੇ 30 ਸ਼ੇਅਰਾਂ ਵਿੱਚੋਂ 17 ਦੇ ਸ਼ੇਅਰ ਵਧ ਕੇ ਬੰਦ ਹੋਏ।
ਅਡਾਨੀ ਪੋਰਟਸ ਦੇ ਸ਼ੇਅਰ 4.11%, ਬਜਾਜ ਫਾਈਨੈਂਸ 2.70%, ਐਸਬੀਆਈ 1.51% ਵਧੇ। ਇੰਡਸਇੰਡ ਬੈਂਕ, ਟਾਟਾ ਮੋਟਰਜ਼, ਆਈਟੀਸੀ, ਟਾਟਾ ਸਟੀਲ ਅਤੇ ਮਾਰੂਤੀ ਸੁਜ਼ੂਕੀ 1% ਵਧ ਕੇ ਬੰਦ ਹੋਏ। ਨੈਸਲੇ ਇੰਡੀਆ, ਐਨਟੀਪੀਸੀ ਅਤੇ ਕੋਟਕ ਬੈਂਕ ਦੇ ਸ਼ੇਅਰ 1% ਤੋਂ ਵੱਧ ਡਿੱਗ ਗਏ।
50 ਨਿਫਟੀ ਸਟਾਕਾਂ ਵਿੱਚੋਂ, 32 ਵਿੱਚ ਗਿਰਾਵਟ ਆਈ। ਐਨਐਸਈ ਦੇ ਸੈਕਟਰਲ ਸੂਚਕਾਂਕਾਂ ਵਿੱਚੋਂ, ਧਾਤਾਂ, ਰੀਅਲਟੀ ਅਤੇ ਖਪਤਕਾਰ ਟਿਕਾਊ ਵਸਤੂਆਂ ਵਿੱਚ ਸਭ ਤੋਂ ਵੱਧ ਗਿਰਾਵਟ ਆਈ। ਜਦੋਂ ਕਿ, ਆਈਟੀ, ਮੀਡੀਆ ਅਤੇ ਬੈਂਕਿੰਗ ਸਟਾਕਾਂ ਵਿੱਚ ਮਾਮੂਲੀ ਵਾਧਾ ਦੇਖਣ ਨੂੰ ਮਿਲਿਆ।
ਇਹ ਵੀ ਪੜ੍ਹੋ : PNB-Bandhan Bank ਨੇ FD ਦੀਆਂ ਵਿਆਜ ਦਰਾਂ 'ਚ ਕੀਤਾ ਬਦਲਾਅ, ਜਾਣੋ ਨਵੀਆਂ ਦਰਾਂ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਰੇਲਗੱਡੀ ਦਾ ਸਫ਼ਰ ਹੋਵੇਗਾ ਹੋਰ ਵੀ ਸੁਰੱਖਿਅਤ, ਵ੍ਹਟਸਐਪ 'ਤੇ ਕਰੋ ਸ਼ਿਕਾਇਤ ਫਟਾਫਟ ਹੋਵੇਗਾ ਐਕਸ਼ਨ!
NEXT STORY 
