ਬਿਜ਼ਨੈੱਸ ਡੈਸਕ - ਟੈਕਨਾਲੋਜੀ ਜਗਤ ਵਿੱਚ ਇੱਕ ਵੱਡਾ ਬਦਲਾਅ ਆਇਆ ਹੈ ਕਿਉਂਕਿ ਗੂਗਲ ਨੇ AI ਚਿਪਸ ਦੇ ਖੇਤਰ ਵਿੱਚ NVIDIA ਦੇ ਦਬਦਬੇ ਨੂੰ ਚੁਣੌਤੀ ਦਿੱਤੀ ਹੈ। NVIDIA ਇਸ ਸਮੇਂ ਦੁਨੀਆ ਦੀ ਸਭ ਤੋਂ ਕੀਮਤੀ ਕੰਪਨੀ ਹੈ। ਪਿਛਲੇ ਤਿੰਨ ਸਾਲਾਂ ਵਿੱਚ, ਨਿਵੇਸ਼ਕਾਂ ਨੇ ਇਸ ਭਰੋਸੇ ਵਿੱਚ ਉਸਦੇ ਸ਼ੇਅਰਾਂ 'ਤੇ ਦਾਅ ਲਗਾਇਆ ਹੈ ਕਿ AI ਚਿਪਸ ਵਿੱਚ ਉਸਦਾ ਦਬਦਬਾ ਕਾਇਮ ਰਹੇਗਾ। ਹਾਲਾਂਕਿ, ਹੁਣ NVIDIA ਦੀ ਸਭ ਤੋਂ ਵੱਡੀ ਗਾਹਕ, ਗੂਗਲ, ਉਸ ਦੀ ਸਭ ਤੋਂ ਵੱਡੀ ਪ੍ਰਤੀਦਵੰਦੀ ਵਜੋਂ ਉੱਭਰੀ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਸਮੇਤ ਦੇਸ਼ ਭਰ 'ਚ ਡਿੱਗੇ ਸੋਨੇ-ਚਾਂਦੀ ਦੇ ਭਾਅ, ਜਾਣੋ 24K-23K-22K ਦੀ ਕੀਮਤ
Google ਦੀਆਂ TPU ਚਿਪਸ ਦੀ ਵਿਕਰੀ ਵਧੀ
ਗੂਗਲ ਦੀਆਂ ਚਿਪਸ ਦੀ ਵਿਕਰੀ ਵਧੀ ਹੈ ਕਿਉਂਕਿ ਇਹ 50% ਤੱਕ ਸਸਤੀਆਂ ਹਨ। ਗੂਗਲ ਨੇ ਆਪਣੀਆਂ ਟੈਨਸਰ ਪ੍ਰੋਸੈਸਿੰਗ ਚਿਪਸ (ਟੀਪੀਯੂਜ਼) ਨੂੰ NVIDIA ਦੀਆਂ ਗ੍ਰਾਫਿਕਸ ਪ੍ਰੋਸੈਸਿੰਗ ਯੂਨਿਟਸ (ਜੀਪੀਯੂਜ਼) ਦੇ ਸਸਤੇ ਬਦਲ ਵਜੋਂ ਪੇਸ਼ ਕੀਤਾ ਹੈ। ਇਨਵੈਸਟਮੈਂਟ ਰਿਸਰਚ ਫਰਮ ਬਰਨਸਟੀਨ ਦਾ ਅਨੁਮਾਨ ਹੈ ਕਿ ਇੱਕ ਆਮ AI ਸਰਵਰ ਰੈਕ ਦੀ ਲਾਗਤ ਵਿੱਚ NVIDIA ਦੇ ਜੀਪੀਯੂਜ਼ ਦਾ ਹਿੱਸਾ ਇੱਕ ਤਿਹਾਈ ਰਹਿੰਦਾ ਹੈ। ਗੂਗਲ ਦੀਆਂ ਟੀਪੀਯੂਜ਼ ਦਾ ਖਰਚਾ NVIDIA ਦੀ ਚਿੱਪ ਦੇ ਮੁਕਾਬਲੇ ਅੱਧੇ ਤੋਂ ਲੈ ਕੇ ਦਸਵੇਂ ਹਿੱਸੇ ਤੱਕ ਆਉਂਦਾ ਹੈ, ਜਿਸ ਨਾਲ ਵੱਡੀ ਬਚਤ ਹੁੰਦੀ ਹੈ।
ਇਹ ਵੀ ਪੜ੍ਹੋ : 1 ਦਸੰਬਰ ਤੋਂ ਬਦਲ ਜਾਣਗੇ ਇਹ ਨਿਯਮ। ਜਾਣੋ ਕੀ ਹੋਵੇਗਾ ਲਾਭ ਅਤੇ ਕਿੱਥੇ ਹੋਵੇਗਾ ਨੁਕਸਾਨ
ਗੂਗਲ ਨੇ ਇਸ ਮਹੀਨੇ ਆਪਣਾ ਜੇਮਿਨੀ 3, AI 'ਮਾਡਲ ਲਾਂਚ ਕੀਤਾ ਹੈ, ਜੋ ਕਿ ਜ਼ਿਆਦਾਤਰ ਮਾਪਦੰਡਾਂ 'ਤੇ ਓਪਨਏਆਈ ਸਮੇਤ ਆਪਣੇ ਵੱਡੇ ਪ੍ਰਤੀਯੋਗੀਆਂ ਨੂੰ ਪਛਾੜਦਾ ਹੈ। ਜੇਮਿਨੀ 3 ਦੀ ਟ੍ਰੇਨਿੰਗ ਪੂਰੀ ਤਰ੍ਹਾਂ ਗੂਗਲ ਦੀਆਂ ਟੀਪੀਯੂਜ਼ 'ਤੇ ਹੋਈ ਹੈ।
ਵੱਡੀਆਂ ਕੰਪਨੀਆਂ ਵੱਲੋਂ ਖਰੀਦ
ਕਈ ਕੰਪਨੀਆਂ ਗੂਗਲ ਦੀਆਂ ਚਿਪਸ ਖਰੀਦ ਰਹੀਆਂ ਹਨ। ਪਿਛਲੇ ਮਹੀਨੇ, ਮਾਡਲ ਮੇਕਰ ਐਂਥ੍ਰੋਪਿਕ ਨੇ ਗੂਗਲ ਦੀਆਂ ਦਸ ਲੱਖ ਟੀਪੀਯੂਜ਼ ਦੀ ਵਰਤੋਂ ਕਰਨ ਦਾ ਫੈਸਲਾ ਕੀਤਾ, ਜਿਸਨੂੰ ਕਰੋੜਾਂ ਰੁਪਏ ਦਾ ਸੌਦਾ ਦੱਸਿਆ ਜਾਂਦਾ ਹੈ। ਇੱਕ ਹੋਰ ਵੱਡੀ ਟੈਕਨਾਲੋਜੀ ਕੰਪਨੀ ਮੇਟਾ 2027 ਤੱਕ ਆਪਣੇ ਡਾਟਾ ਸੈਂਟਰਾਂ ਵਿੱਚ ਗੂਗਲ ਦੀਆਂ ਚਿਪਸ ਦੀ ਵਰਤੋਂ ਕਰਨ ਲਈ ਗੱਲਬਾਤ ਕਰ ਰਹੀ ਹੈ।
ਇਹ ਵੀ ਪੜ੍ਹੋ : 1 ਲੱਖ ਸੈਲਰੀ ਵਾਲਿਆਂ ਦਾ ਜੈਕਪਾਟ! ਰਿਟਾਇਰਮੈਂਟ 'ਤੇ 2.31 ਕਰੋੜ ਰੁਪਏ ਦਾ ਵਾਧੂ ਲਾਭ
ਮੇਟਾ ਵੱਲੋਂ ਗੂਗਲ ਦੀਆਂ ਚਿਪਸ ਵਰਤਣ ਦੀ ਗੱਲਬਾਤ ਕਾਰਨ 25 ਨਵੰਬਰ ਨੂੰ NVIDIA ਦੇ ਬਾਜ਼ਾਰ ਮੁੱਲ ਵਿੱਚ 100 ਅਰਬ ਡਾਲਰ ਦੀ ਗਿਰਾਵਟ ਆ ਗਈ ਸੀ, ਹਾਲਾਂਕਿ ਬਾਅਦ ਵਿੱਚ ਥੋੜ੍ਹੀ ਰਿਕਵਰੀ ਹੋਈ। ਨਿਵੇਸ਼ਕਾਂ ਨੇ ਘਰੇਲੂ ਚਿਪਸ ਕਾਰਨ ਗੂਗਲ ਦੀ ਲਾਗਤ ਵਿੱਚ ਹੋਈ ਭਾਰੀ ਕਮੀ 'ਤੇ ਗੌਰ ਕੀਤਾ ਹੈ, ਜਿਸ ਕਾਰਨ ਪਿਛਲੇ ਤਿੰਨ ਮਹੀਨਿਆਂ ਵਿੱਚ ਉਸਦੀ ਮੂਲ ਕੰਪਨੀ ਅਲਫਾਬੇਟ ਦੇ ਸ਼ੇਅਰਾਂ ਵਿੱਚ 50% (ਅੱਧੀ) ਵਾਧਾ ਹੋਇਆ ਹੈ।
ਇਹ ਵੀ ਪੜ੍ਹੋ : ਵੱਡਾ ਝਟਕਾ! ਪੁਰਾਣੇ ਵਾਹਨਾਂ ਲਈ ਲਾਗੂ ਹੋਏ ਨਵੇਂ ਨਿਯਮ, ਫੀਸਾਂ ਕਈ ਗੁਣਾ ਵਧੀਆਂ
ਗੂਗਲ ਦਾ ਉਤਪਾਦਨ ਅਤੇ ਭਵਿੱਖ ਦੀ ਯੋਜਨਾ
ਗੂਗਲ ਨੇ ਦਸ ਸਾਲ ਪਹਿਲਾਂ ਚਿਪਸ ਡਿਜ਼ਾਈਨ ਕਰਨੀਆਂ ਸ਼ੁਰੂ ਕੀਤੀਆਂ ਸਨ। ਕੰਪਨੀ ਹੁਣ ਸੱਤਵੀਂ ਪੀੜ੍ਹੀ ਦੇ ਟੀਪੀਯੂਜ਼ ਬਣਾ ਰਹੀ ਹੈ। ਇਨਵੈਸਟਮੈਂਟ ਬੈਂਕ ਜੇਫਰੀਜ਼ ਦਾ ਮੰਨਣਾ ਹੈ ਕਿ ਗੂਗਲ ਅਗਲੇ ਸਾਲ 30 ਲੱਖ ਚਿਪਸ ਬਣਾਏਗੀ, ਜੋ ਕਿ NVIDIA ਦੀਆਂ ਚਿਪਸ ਦਾ ਲਗਭਗ ਅੱਧਾ ਹੋਵੇਗਾ।
ਜ਼ਿਕਰਯੋਗ ਹੈ ਕਿ ਐਮਾਜ਼ੋਨ, ਮੈਟਾ ਅਤੇ ਮਾਈਕ੍ਰੋਸਾਫਟ ਸਮੇਤ ਹੋਰ ਟੈਕ ਕੰਪਨੀਆਂ ਵੀ ਕਸਟਮ ਪ੍ਰੋਸੈਸਰ ਬਣਾ ਰਹੀਆਂ ਹਨ ਅਤੇ ਪਿਛਲੇ ਮਹੀਨੇ ਓਪਨਏਆਈ ਨੇ ਆਪਣੀ ਚਿੱਪ ਬਣਾਉਣ ਲਈ ਚਿੱਪ ਡਿਜ਼ਾਈਨਰ ਬ੍ਰੌਡਕਾਮ ਨਾਲ ਕਰਾਰ ਕੀਤਾ ਹੈ। ਪਰ ਕੋਈ ਵੀ ਕੰਪਨੀ ਗੂਗਲ ਵਾਂਗ ਅੱਗੇ ਨਹੀਂ ਵਧ ਸਕੀ ਹੈ।
NVIDIA ਦਾ ਸਾਫਟਵੇਅਰ ਦਬਦਬਾ ਕਾਇਮ
ਹਾਲਾਂਕਿ ਗੂਗਲ ਸਸਤੇ ਚਿਪਸ ਨਾਲ ਬਜ਼ਾਰ ਵਿੱਚ ਪ੍ਰਵੇਸ਼ ਕਰ ਰਿਹਾ ਹੈ, NVIDIA ਦੀਆਂ ਚਿਪਸ ਦਾ ਉਪਯੋਗ ਜ਼ਿਆਦਾ ਆਸਾਨ ਹੈ। NVIDIA ਦੀ ਬੜ੍ਹਤ ਉਸਦੇ ਸਾਫਟਵੇਅਰ ਪਲੇਟਫਾਰਮ ਸੀਯੂਡੀਏ (CUDA) ਦੀ ਬਦੌਲਤ ਹੈ, ਜੋ ਪ੍ਰੋਗਰਾਮਰਾਂ ਨੂੰ ਉਸਦੇ ਜੀਪੀਯੂਜ਼ ਦੀ ਵਰਤੋਂ ਵਿੱਚ ਮਦਦ ਕਰਦਾ ਹੈ ਅਤੇ AI ਡਿਵੈਲਪਰ ਇਸ ਤੋਂ ਚੰਗੀ ਤਰ੍ਹਾਂ ਜਾਣੂ ਹੋ ਗਏ ਹਨ। ਇਸ ਲਈ, NVIDIA ਦੇ ਹੋਰ ਗਾਹਕਾਂ ਲਈ ਗੂਗਲ ਦੀਆਂ ਚਿਪਸ ਦੀ ਵਰਤੋਂ ਕਰਨਾ ਆਸਾਨ ਨਹੀਂ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਬਣਾ ਲਓ ਯੋਜਨਾ, December ਮਹੀਨੇ 'ਚ 18 ਦਿਨ ਬੰਦ ਰਹਿਣਗੇ Bank, ਜਾਣੋ ਛੁੱਟੀਆਂ ਦੀ ਸੂਚੀ
NEXT STORY 
