ਨਵੀਂ ਦਿੱਲੀ (ਭਾਸ਼ਾ) - ਦੁਨੀਆ ਭਰ ਦੀ ਖੁਰਾਕ ਸੁਰੱਖਿਆ ਦੇ ਲਿਹਾਜ ਤੋਂ ਭਾਰਤ ਨੇ ਸ਼ਨੀਵਾਰ ਨੂੰ ਵੱਡਾ ਫੈਸਲਾ ਲਿਆ। ਸਰਕਾਰ ਨੇ 15 ਮਹੀਨੇ ਬਾਅਦ ਗੈਰ-ਬਾਸਮਤੀ ਚੌਲਾਂ ਦੇ ਨਿਰਯਾਤ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਵਰਣਨਯੋਗ ਹੈ ਕਿ ਘਰੇਲੂ ਸਪਲਾਈ ਨੂੰ ਯਕੀਨੀ ਬਣਾਉਣ ਲਈ ਜੁਲਾਈ 2023 ਨੂੰ ਗੈਰ-ਬਾਸਮਤੀ ਸਫੈਦ ਚੌਲਾਂ ਦੇ ਨਿਰਯਾਤ ’ਤੇ ਪਾਬੰਦੀ ਲਗਾਈ ਸੀ।
ਇਹ ਵੀ ਪੜ੍ਹੋ : ਸਾਵਧਾਨ : 1 ਅਕਤੂਬਰ ਤੋਂ ਬਦਲਣ ਜਾ ਰਹੇ ਇਹ ਨਿਯਮ, ਇਨ੍ਹਾਂ ਬਦਲਾਅ ਬਾਰੇ ਸੁਚੇਤ ਰਹਿਣਾ ਹੈ ਜ਼ਰੂਰੀ
ਹਾਲਾਂਕਿ ਸਰਕਾਰ ਨੇ ਇਸਦੇ ਲਈ 490 ਡਾਲਰ ਪ੍ਰਤੀ ਨ ਦਾ ਮੀਨੀਮਮ ਐਕਸਪੋਰਟ ਪ੍ਰਾਈਸ (ਐੱਮ. ਪੀ. ਈ.) ਲਗਾਇਆ ਹੈ। ਇਸ ਨਾਲ ਕਿਸਾਨਾਂ ਦੀ ਚਾਂਦੀ ਹੋਵੇਗੀ ਅਤੇ ਉਨ੍ਹਾਂ ਨੂੰ ਆਪਣੀ ਫਸਲ ਦਾ ਸਹੀ ਮੁੱਲ ਮਿਲ ਸਕੇਗਾ। ਭਾਰਤ ਦੇ ਇਸ ਕਦਮ ਨਾਲ ਦੁਨੀਆ ਭਰ ਵਿਚ ਚੌਲਾਂ ਦੇ ਭਾਅ ਘੱਟ ਸਕਦੇ ਹਨ। ਭਾਰਤ ਦੇ ਇਸ ਕਦਮ ਦੇ ਬਾਅਦ ਥਾਈਲੈਂਡ, ਵੀਅਤਨਾਮ, ਪਾਕਿਸਤਾਨ, ਮਿਆਂਮਾਰ ਵਰਗੇ ਦੇਸ਼ਾਂ ਨੂੰ ਵੀ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਚੌਲਾਂ ਦੀਆਂ ਕੀਮਤਾਂ ਵਿਚ ਕਟੌਤੀਆਂ ਕਰਨੀਆਂ ਪਵੇਗੀ।
ਵਿਦੇਸ਼ ਵਪਾਰ ਮਹਾਨਿਰਦੇਸ਼ਾਲਾ (ਡੀ.ਜੀ.ਐੱਫ.ਟੀ.) ਨੇ ਇਕ ਨੋਟੀਫਿਕੇਸ਼ਨ ਵਿਚ ਕਿਹਾ, ‘‘ਗੈਰ-ਬਾਸਮਤੀ ਸਫੈਦ ਚੌਲਾਂ ਦੀ ਨਿਰਯਾਤ ਨੀਤੀ ਸੋਧੀ ਗਈ ਹੈ। ਇਸਦੇ ਤਹਿਤ ਇਸ ਨੂੰ ਮਨਾਹੀ ਤੋਂ ਮੁਕਤ ਸ਼੍ਰੇਣੀ ਵਿਚ ਕਰ ਦਿੱਤਾ ਗਿਆ ਹੈ। ਪਰ ਇਸ ਦੇ ਲਈ 490 ਡਾਲਰ ਪ੍ਰਤੀ ਟਨ ਘੱਟੋਘਟ ਨਿਰਯਾਤ ਮੁੱਲ ਲਗਾਇਆ ਗਿਆ ਹੈ।
ਇਹ ਵੀ ਪੜ੍ਹੋ : ਨਿਰਮਲਾ ਸੀਤਾਰਮਨ ਖ਼ਿਲਾਫ਼ ਕੋਰਟ ਦਾ ਵੱਡਾ ਫੈਸਲਾ, FIR ਦਰਜ ਕਰਨ ਦਾ ਆਦੇਸ਼
ਐਕਸਪੋਰਟਰਜ਼ ਨੇ ਗੈਰ-ਬਾਸਮਤੀ ਸਫੈਦ ਚੌਲਾਂ ਦੇ ਐਕਸਪੋਰਟ ਤੋਂ ਪਾਬੰਦੀ ਹਟਾਉਣ ਦੇ ਫੈਸਲੇ ਦੀ ਸ਼ਲਾਘਾ ਕੀਤੀ ਅਤੇ ਇਸ ਨੂੰ ਖੇਤਰ ਲਈ ਅਹਿਮ ਕਰਾਰ ਦਿੱਤਾ। ਰਾਈਸ ਵਿਲਾ ਦੇ ਸੀ.ਈ.ਓ ਸੂਰਜ ਅਗਰਵਾਲ ਨੇ ਕਿਹਾ, ‘‘ ਇਸ ਪਾਬੰਦੀ ਨੂੰ ਹਟਾਉਣ ਦਾ ਭਾਰਤ ਦਾ ਦਲੇਰਾਨਾ ਫੈਸਲਾ ਖੇਤੀਬਾੜੀ ਖੇਤਰ ਲਈ ਪਰਵਤਨਕਾਰੀ ਹੈ।’’
ਇਸ ਤੋਂ ਇਲਾਵਾ ਸਰਕਾਰ ਨੇ ਪਾਰਬਾਈਲਡ ਚੌਲਾਂ ’ਤੇ ਐਕਸਪੋਰਟ ਡਿਊਟੀ 20 ਫੀਸਦੀ ਤੋਂ ਘਟਾ ਕੇ 10 ਫੀਸਦੀ ਕਰ ਦਿੱਤੀ ਹੈ। ਅਜਿਹਾ ਇਸ ਲਈ ਕਿਉਂਕਿ ਦੇਸ਼ ਵਿਚ ਅਨਾਜ ਦਾ ਭੰਡਾਰ ਵਧ ਗਿਆ ਹੈ ਅਤੇ ਕਿਸਾਨ ਆਉਣ ਵਾਲੇ ਹਫ਼ਤਿਆਂ ਵਿਚ ਨਵੀਂ ਫ਼ਸਲ ਦੀ ਕਟਾਈ ਲਈ ਤਿਆਰ ਹਨ।
ਇਹ ਵੀ ਪੜ੍ਹੋ : ਅਮਰੀਕਾ ਜਾਣ ਵਾਲੇ ਭਾਰਤੀ ਯਾਤਰੀਆਂ ਦੀ ਗਿਣਤੀ ’ਚ ਭਾਰੀ ਵਾਧਾ
ਇਕ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਭਰਪੂਰ ਮਾਨਸੂਨੀ ਮੀਂਹ ਤੋਂ ਉਤਸ਼ਾਹਿਤ ਹੋ ਕੇ ਦੇਸ਼ ਵਿਚ ਕਿਸਾਨਾਂ ਨੇ 41.35 ਮਿਲੀਅਨ ਹੈਕਟੇਅਰ ਖੇਤਰ ਵਿਚ ਝੋਨੇ ਲਗਾਇਅਾ ਹੈ। ਇਹ ਰਕਬਾ ਪਿਛਲੇ ਸਾਲ ਦੇ 40.45 ਮਿਲੀਅਨ ਹੈਕਟੇਅਰ ਅਤੇ ਪਿਛਲੇ 5 ਸਾਲਾਂ ਦੇ ਔਸਤਨ 40.1 ਮਿਲੀਅਨ ਹੈਕਟੇਅਰ ਰਕਬੇ ਨਾਲੋਂ ਵੱਧ ਹੈ।
ਐਕਸਪੋਰਟ ਡਿਊਟੀ ਘਟਣ ਨਾਲ ਭਾਰਤ ਦੇ ਐਕਸਪੋਰਟ ਪ੍ਰਾਇਸ ਘੱਟ ਹੋਣਗੇ, ਸ਼ਿਪਮੈਂਟ ਵਿਚ ਵਾਧਾ ਹੋਵੇਗਾ। ਭਾਰਤ ਨੇ 2023 ਵਿਚ ਪਰਬਾਈਲ਼ਡ ਚੌਲਾਂ ਦੇ ਐਕਸਪੋਰਟ ’ਤੇ 20 ਫੀਸਦੀ ਡਿਊਟੀ ਲਗਾਈ ਸੀ ਕਿਉਂਕਿ ਇਸਦੀ ਫਸਲ ਆਮ ਨਾਲੋਂ ਘੱਟ ਮੀਂਹ ਕਾਰਨ ਪ੍ਰਭਾਵਿਤ ਹੋਈ ਸੀ।
ਇਹ ਵੀ ਪੜ੍ਹੋ : ਪੇਜਰ ਵਾਂਗ ਬਲਾਸਟ ਨਾ ਹੋ ਜਾਵੇ ਤੁਹਾਡੇ ਘਰ ਪਿਆ ਚੀਨੀ ਸਮਾਨ, ਅਲਰਟ ਮੋਡ 'ਤੇ ਭਾਰਤ ਸਰਕਾਰ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦੇਸ਼ ’ਚ ਇਸ ਸਾਲ ਜਨਵਰੀ ਤੋਂ ਜੂਨ ਦੇ ਦੌਰਾਨ 47.8 ਲੱਖ ਵਿਦੇਸ਼ੀ ਸੈਲਾਨੀ ਆਏ
NEXT STORY 
